Bakı şəhəri 57 nömrəli tam orta ümumtəhsil məktəbi

Bakı şəhəri 57 nömrəli tam orta ümumtəhsil məktəbi Contact information, map and directions, contact form, opening hours, services, ratings, photos, videos and announcements from Bakı şəhəri 57 nömrəli tam orta ümumtəhsil məktəbi, Middle School, Montin qəsəbəsi, Hidayətzadə küçəsi 2, küçəsi.

Bu gün məktəbimizin 11 ci sinif şagirdləri ilə maraqlı maarifləndirici görüş keçirildi. Bu sadəcə bir tədbir deyil, həm ...
30/04/2026

Bu gün məktəbimizin 11 ci sinif şagirdləri ilə maraqlı maarifləndirici görüş keçirildi. Bu sadəcə bir tədbir deyil, həm də bir millətin ortaq düşüncə sisteminin, əlifba və dil birliyinin təməlinin qoyulduğu günün - Birinci Türkoloji Qurultayın 100 illik yubileyi ilə bağlı görüş idi. Məktəbin tarix müəllimi Şəhla Səlimova öz çıxışında 1926-cı il fevralın 26-dan martın 6-na qədər Bakıda baş tutan həmin möhtəşəm hadisənin əhəmiyyətini vurğuladı: ​"Bakı o zaman təkcə neft mərkəzi deyil, həm də bütün türk dünyasının elmi və mədəni paytaxtına çevrildiyni, qurultayın latın qrafikalı əlifbaya keçid prosesindəki həlledici rolunu xüsusi qeyd etdi. Bakıda tarixi İsmailiyyə binasında keçirilmiş bu qurultay təkcə dilçilik məsələlərini deyil, həm də bir millətin özünüdərk və müasirləşmə yolundakı iradəsinin nümayişi idi. Bu gün qurultaydan 100 il keçməsinə baxmayaraq, orada qaldırılan məsələlər hələ də aktualdır. Birinci Türkoloji Qurultay Azərbaycanın türk dünyasındakı birləşdirici rolunun və elmi potensialının sönməz bir rəmzidir. Bu irs gələcək nəsillər üçün həm milli qürur mənbəyi, həm də elmi yol xəritəsidir.



🏙️ “Şəhərsalma və Memarlıq İli” çərçivəsində Kiçik Akademiyada yaradıcı layihələr!Şagirdlərimiz şəhərsalma və memarlıq s...
30/04/2026

🏙️ “Şəhərsalma və Memarlıq İli” çərçivəsində Kiçik Akademiyada yaradıcı layihələr!

Şagirdlərimiz şəhərsalma və memarlıq sahəsinə olan maraqlarını yaradıcı maketlər vasitəsilə nümayiş etdilər. Onlar öz baxışlarına uyğun müasir şəhərciklər, rahat yaşayış məkanları, yaşıllıq zonaları və funksional park layihələri hazırladılar. Bu işlər şagirdlərin yalnız yaradıcılıq qabiliyyətini deyil, həm də gələcəyin şəhərlərinə dair düşüncə tərzini, planlama bacarıqlarını və ekoloji yanaşmalarını əks etdirir. Gələcəyin memarları və şəhərsalma mütəxəssisləri bu gün yetişir!




Azərbaycanın və Türk dünyasının elmi-mədəni tarixində ən mühüm hadisələrdən biri olan Birinci Türkoloji Qurultayın (1926...
29/04/2026

Azərbaycanın və Türk dünyasının elmi-mədəni tarixində ən mühüm hadisələrdən biri olan Birinci Türkoloji Qurultayın (1926) 100 illiyi münasibətilə 9 a sinif şagirdlərinin iştirakı ilə maarifləndirici dəyirmi masa təşkil olunmuşdur. Tədbir həm tarixi faktların dərindən öyrənilməsinə, həm də gənclərdə milli-mənəvi şüurun möhkəmləndirilməsinə xidmət etmişdir. Müzakirələr zamanı şagirdlər tərəfindən vurğulandı ki, 1926-cı il fevralın 26-dan martın 6-na qədər Bakıda keçirilən bu möhtəşəm qurultay, sadəcə dilçilik konfransı deyil, Türk xalqlarının ortaq mədəniyyət və elm platforması idi. Bakının bu qurultaya ev sahibliyi etməsi, Azərbaycanın həmin dövrdə Türk dünyasının intellektual mərkəzi olduğunu sübut edirdi.​ 9 a sinif şagirdləri belə bir qənaətə gəldilər ki, Türkoloji Qurultayın 100 illik irsi, bu gün də bizim milli kimliyimizin və dilimizin qorunmasında mayak rolunu oynayır. Bu tarixi hadisəni öyrənmək, hər bir gəncin öz keçmişinə və gələcəyinə sahib çıxması deməkdir.



Bu gün məktəbimizin informatika müəllimi Qocayeva Ülviyyə tərəfindən 5 a sinif şagirdləri ilə "Dəyərlərimizi qoruyaq!" l...
29/04/2026

Bu gün məktəbimizin informatika müəllimi Qocayeva Ülviyyə tərəfindən 5 a sinif şagirdləri ilə "Dəyərlərimizi qoruyaq!" layihəsi çərçivəsində "Şəhərsalma və Memarlıq İli" mövzusunda təqdimat keçirildi. Təqdimat zamanı şagirdlərə şəhərsalma və memarlığın tarixi inkişafı, milli dəyərlərimizlə bağlı nümunələr, həmçinin müasir şəhər quruculuğunda ekoloji və estetik prinsiplərin əhəmiyyəti barədə maraqlı məlumatlar verildi. Ülviyyə müəllim interaktiv slaydlarla mövzunu zənginləşdirərək, şagirdlərin suallarını cavablandırdı və onları müzakirəyə cəlb etdi.



Görkəmli oftalmoloq-alim, akademik Zərifə xanım Əliyevanın anadan olmasının 103-cü ildönümünə həsr olunmuş təqdimat keçi...
28/04/2026

Görkəmli oftalmoloq-alim, akademik Zərifə xanım Əliyevanın anadan olmasının 103-cü ildönümünə həsr olunmuş təqdimat keçirildi

Zərifə Əliyeva Azərbaycan tarixində görkəmli alim və həkim kimi tanınır. O, xüsusilə göz xəstəlikləri sahəsində böyük nailiyyətlər əldə etmişdir. Zərifə xanım uzun illər elmi fəaliyyətlə məşğul olaraq oftalmologiyanın inkişafına mühüm töhfələr vermişdir. Onun apardığı tədqiqatlar nəticəsində bir çox göz xəstəliklərinin müalicə üsulları təkmilləşdirilmişdir. O, həm də qayğıkeş müəllim kimi gənc həkimlərin yetişməsində mühüm rol oynamışdır. Zərifə Əliyeva yüksək insani keyfiyyətləri və sadəliyi ilə insanların böyük hörmətini qazanmışdır. Onun həyat yolu zəhmət, bilik və insanlara xidmət nümunəsi kimi dəyərləndirilir. O, Azərbaycan elminin dünyada tanınmasına da öz töhfəsini vermişdir. Zərifə xanımın xatirəsi bu gün də ehtiramla yad edilir və onun adı müxtəlif müəssisələrə verilmişdir. Onun həyat və fəaliyyəti gənc nəsil üçün örnək olaraq qalır.



Məktəbimizin ibtidai sinif müəllimi Həsənova Aysel tərəfindən 2 a sinfində "Təklik, onluq, yüzlük" mövzusunda nümunəvi d...
27/04/2026

Məktəbimizin ibtidai sinif müəllimi Həsənova Aysel tərəfindən 2 a sinfində "Təklik, onluq, yüzlük" mövzusunda nümunəvi dərs keçirildi. Dərs zamanı "Makaronlarla loto" kimi interaktiv üsuldan istifadə olundu. Şagirdlər 30 saniyəyə makaronlardan hazırlanmış yüzlük, onluq və təklik modellərindən istifadə edərək ədədlər düzəldib onları oxudular. Şagirdlər sual-cavabda aktiv iştirak etdilər. Kiçik qruplarla iş aparıldı. Sonda isə təqdimat edildi. Dərsin sonunda refleksiya edildi.



Milli musiqimiz xalqımızın tarixini, adət-ənənələrini və mənəvi dünyasını əks etdirən ən qiymətli sərvətlərdən biridir. ...
27/04/2026

Milli musiqimiz xalqımızın tarixini, adət-ənənələrini və mənəvi dünyasını əks etdirən ən qiymətli sərvətlərdən biridir. Eyni zamanda gənc nəslin vətənpərvərlik ruhunda formalaşmasına və estetik zövqünün inkişafına mühüm təsir göstərir. Bu irsi qorumaq və gələcək nəsillərə ötürmək hər birimizin məsuliyyətidir. “Dəyərlərimizi qoruyaq” layihəsi çərçivəsində "Milli musiqimiz xalqımızın milli dəyəridir” mövzusunda 8 b sinif şagirdləri ilə təqdimat keçirildi. Təqdimatda Azərbaycan xalq rəqsi olan “Nəlbəki” rəqsi nümayiş etdirildi, həmçinin Polad Bülbüloğlu'nun “Şən Azərbaycan” mahnısı ifa olundu. Şagirdlər eyni zamanda Üzeyir Hacıbəyli-nin Arşın mal alan operettasından “Vəli və Tellinin dueti” səhnəsini canlandırdılar.



Məktəbimizin ibtidai sinif müəllimi Qurbanova Pərvanə tərəfindən 4 b sinfində "Uzaq planetin sirri" mövzusunda nümunəvi ...
24/04/2026

Məktəbimizin ibtidai sinif müəllimi Qurbanova Pərvanə tərəfindən 4 b sinfində "Uzaq planetin sirri" mövzusunda nümunəvi dərs keçirildi. Dərs zamanı "Klaster", "Məlumatların müzakirəsi" kimi interaktiv üsullardan istifadə olundu. Mətn rollu oyun vasitəsilə oxundu. Şagirdlər sual-cavabda aktiv iştirak etdilər, Wordwall proqramında test işlədilər. Kiçik qruplarla iş aparıldı, "Mənim planetim" adlı mətn yazmaq tapşırıldı. Sonda isə təqdimat edildi.



📚 23 Aprel – Ümumdünya Kitab və Müəllif Hüquqları Günüdür! Ümumdünya Kitab və Müəlliflik Hüququ Günü yalnız oxumağı təşv...
23/04/2026

📚 23 Aprel – Ümumdünya Kitab və Müəllif Hüquqları Günüdür!

Ümumdünya Kitab və Müəlliflik Hüququ Günü yalnız oxumağı təşviq etmir, həm də müəlliflərin hüquqlarını qorumağın, mədəni irsi yaşatmağın və gələcək nəsillərə bilik ötürməyin vacibliyini xatırladır. Oxuma vərdişlərinin təşviqi – uşaqlarda və böyüklərdə kitab sevgisini artırır, müəlliflik hüquqlarının qorunması – yazıçıların, alimlərin və yaradıcı şəxslərin əqli mülkiyyətini müdafiə etmək, mədəniyyətlərarası körpü – kitabların nəsillər və xalqlar arasında əlaqə yaratmaq gücünü vurğulamaqdır.
Kitablarla böyüyən nəsil – gələcəyin düşünən və yaradan insanlarıdır!



“Şagird Davranış Qaydaları”na uyğun olaraq, nümunəvi davranışı ilə fərqlənən 52 şagirdimizə yaşıl kartlar təqdim olundu....
22/04/2026

“Şagird Davranış Qaydaları”na uyğun olaraq, nümunəvi davranışı ilə fərqlənən 52 şagirdimizə yaşıl kartlar təqdim olundu. Nümunəvi davranışın qiymətləndirilməsi üç əsas meyara əsaslanıb: nizam-intizam, sosial məsuliyyətlilik, həm akademik, həm də sosial fəaliyyətlərdə fəallıq. Bu təşəbbüs şagirdlərdə məsuliyyət hissini artırmaq, dəsrlərə olan marağı va motivasiyanı gücləndirmək məqsədi daşıyır. Eyni zamanda, şagirdlərin müsbət davranışlarının davamlı olması üçün də təsiredici bir üsuldur📚💫
Şagirdlərimizi təbrik edir, gələcəkdə daha çox şagirdimizin müsbət davranışlarla nümunə olmasını arzulayırıq💚




"Oxu Sehrbazları" Oxu Klubunun üzvləri Firidun bəy Köçərli adına Respublika Uşaq Kitabxanasında ekskursiyada oldular. Ki...
22/04/2026

"Oxu Sehrbazları" Oxu Klubunun üzvləri Firidun bəy Köçərli adına Respublika Uşaq Kitabxanasında ekskursiyada oldular. Kitabxanada şagirdlərlə keçirilən “Oxu dəqiqələri” mütaliə vərdişlərinin inkişafına yönəlmiş maarifləndirici və mədəni tədbirlərdir. Hər kitab – bir dost, hər səhifə – bir yol göstəricidir. Firidun bəy Köçərli kimi böyük ziyalıların adı ilə bağlı olan bu məkan bizə oxumağın, öyrənməyin və düşünməyin dəyərini xatırladır. Şagirdlər kitabxanada kitab sərgiləri ilə tanış olur, müəlliflər haqqında məlumat alırlar, müzakirələrdə iştirak edərək fikirlərini bölüşürlər📚💫



Övladlarımızın sağlam və təhlükəsiz inkişafı hər birimizin diqqət və qayğısından asılıdır.
22/04/2026

Övladlarımızın sağlam və təhlükəsiz inkişafı hər birimizin diqqət və qayğısından asılıdır.

Address

Montin Qəsəbəsi, Hidayətzadə Küçəsi 2
Küçəsi

Website

Alerts

Be the first to know and let us send you an email when Bakı şəhəri 57 nömrəli tam orta ümumtəhsil məktəbi posts news and promotions. Your email address will not be used for any other purpose, and you can unsubscribe at any time.

Contact The School

Send a message to Bakı şəhəri 57 nömrəli tam orta ümumtəhsil məktəbi:

Shortcuts

Share

Category