Azərbaycan Dövlət İqtisad Universiteti UNEC

SABAH qruplarına müəllim seçimi müsabiqəsi elan edilir!

Seçimdə iştirak etmək üçün müraciətlərinin qəbulu 08.06.2026-14.06.2026-cı il tarixlərində aparılacaqdır.

Müsabiqə 2 mərhələdə təşkil ediləcəkdir:

1. CV dəyərləndirilməsi mərhələsi (15.06.2026 - 19.06.2026)
2. Müsahibə mərhələsi (22.06.2026 – 26.06.2026)

✅Seçim müsabiqəsində iştirak etmək istəyən namizədlər təqdim olunan keçidə (https://forms.office.com/r/w0ZuhFkrEn) daxil olaraq qeydiyyatdan keçməli və tədris edəcəyi fənləri seçməlidirlər. Namizədlər elektron qaydada sistemdə qeyd olunan xanaları doldurmalı və müvafiq sənədləri sistemə və təqdim olunan e-mail adresinə yükləməlidirlər. (e-mail: [email protected]).

QEYD: Hər bir namizəd bir neçə fənn seçə bilər, lakin komissiyanın qiymətləndirməsinə əsasən yalnız bir fənn üzrə tədris fəaliyyətinə cəlb olunacaqdır.

UNEC təkrar ali təhsilə sənəd qəbulu elan edir!

Təkrar ali təhsilə sənəd qəbulu üçün qeydiyyat:
1️⃣ https://portal.edu.az/
2️⃣ http://www.kabinet.unec.edu.az vasitəsilə həyata keçirilir.

✅ Sənədlərin qəbulu 2026-ci il iyunun 3-dən avqustun 31-dək aparılacaq.

Ətraflı: https://news.unec.edu.az/elan/138-gebul/15207-azerbaycan-respublikasi-elm-ve-tehsil-nazirliyi-azerbaycan-dovlet-i-gtisad-universiteti-unec-sened-gebulu-elan-edir

Azərbaycan Respublikasının Prezidenti İlham Əliyevin Sərəncamı ilə "Dostluq" ordeni ilə təltif olunmuş UNEC-in Dərbənd filialının direktoru Qurban Qurbanov AZƏRTAC-a müsahibə verib.

Müsahibədə filialın direktoru Qurban Qurbanov “Dostluq” ordeni ilə təltif olunması, Ulu Öndər Heydər Əliyevin təşəbbüsü ilə yaradılan filialın tarixi əhəmiyyəti, Azərbaycan–Dağıstan təhsil və humanitar əlaqələrinin inkişafı, eləcə də filialın iki xalq arasında mühüm körpü rolunu oynaması barədə danışıb.

Azərbaycan təhsilinin ixrac modeli - UNEC-in Dərbənd filialı Azərbaycan Respublikasının Prezidenti İlham Əliyevin Sərəncamı ilə Azərbaycan Dövlət İqtisad Universitetinin (UNEC) Dərbənd filialının direktoru Qurban Qurbanov Azərbaycan Respublikası ilə Rusiya Federasiyasının Dağıstan Respublikası arasında humanitar, o cümlədən təhsi...

APTİS imtahanı verəcək tələbələrin nəzərinə!

İmtahanın gedişatı aşağıdakı kimi olacaq:

✅ Saat 09:00-da (ikinci növbə üçün saat 14:00-da) cədvələ uyğun olaraq imtahanda iştirak edəcək tələbələr ilk öncə Danışıq və Dinləmə bölmələri üzrə imtahan verəcək, bu imtahan tamamladıqdan sonra zalı müvəqqəti tərk edəcəklər.

✅ Saat 10:00-da (ikinci növbə üçün saat 15:00-da) cədvələ uyğun olaraq imtahanda iştirak edəcək növbəti qrup tələbələr də ilk öncə Danışıq və Dinləmə bölmələri üzrə imtahan verəcəklər.

✅ Saat 11:00-da (ikinci növbə üçün saat 16:00-da) əvvəlcə zalı tərk etmiş tələbələr yenidən imtahan zalına qayıdacaqlar və bütün tələbələr birlikdə Qrammatika və lüğət tərkibi, Yazı və Oxu bölmələri üzrə imtahanlarını davam etdirəcəklər.

Hər birinizə uğurlar arzulayırıq!

UNEC-də Ümumdünya Qida Təhlükəsizliyi Gününə həsr olunmuş beynəlxalq seminar keçirilib

UNEC-in Mühəndislik fakültəsinin, Azərbaycan Respublikasının Qida Təhlükəsizliyi Agentliyinin (AQTA) təşkilatçılığı və BMT-nin Ərzaq və Kənd Təsərrüfatı Təşkilatının (FAO) Azərbaycan nümayəndəliyinin dəstəyi ilə 7 İyun - Ümumdünya Qida Təhlükəsizliyi Gününə həsr olunmuş “Qida təhlükəsizliyi: gözlənilməz hallara hazırlıq” mövzusunda beynəlxalq seminar keçirilib.

Ətraflı: https://news.unec.edu.az/xeber/100-elm/15221-unec-de-umumdunya-gida-tehlukesizliyi-gunune-hesr-olunmush-beynelxalg-seminar-kechirilib

UNEC-də İş Adamları Cəmiyyətinin Milli Assosiasiyasının (İCMA) üzvü olan sahibkarlarla universitet-biznes əməkdaşlığına həsr olunmuş görüş keçirilib.

Tədbirdən öncə İCMA-nın İdarə Heyətinin sədri, Marsol Groupun təsisçisi Tural Mustafayev və İCMA-nın üzvü olan sahibkarlar üçün UNEC-də infotur təşkil olunub. Onlar UNEC-in infrastrukturu, texniki və texnoloji laboratoriyalar, auditoriyalar, Dizayn Məktəbinin tələbələrinin əl işləri ilə yaxından tanış olublar.

Görüşdə tələbələrin peşəkar inkişafı, əmək bazarına inteqrasiyası və universitet-iş dünyası tərəfdaşlığının genişləndirilməsi istiqamətində fikir mübadiləsi aparılıb.

Sonda UNEC rektoru, professor Ədalət Muradov və İCMA-nın İdarə Heyətinin sədri Tural Mustafayevarasında əməkdaşlıq memorandumu da imzalanıb.

Ətraflı: https://news.unec.edu.az/xeber/125-universitet/15206-unec-ile-i-cma-arasinda-emekdashlig-memorandumu-imzalanib

UNEC Məzun Günü 30 iyun saat 18:00-da Baku Crystal Hall’da keçiriləcək!