53 nömrəli tam orta məktəb

13/08/2026

13/08/2026

MÜTDA: Elektron attestatlar hüquqi qüvvəyə malik rəsmi sənəddir

Ətraflı: https://muallim.edu.az/mutda-elektron-attestatlar-huquqi-quvveye-malik-resmi-seneddir

11/08/2026

📢 Təhsil sənədləri artıq myGov-da!

💻 Təhsil haqqında dövlət nümunəli sənədlər artıq mygov platformasında əlçatandır.

🎓 2026-cı il məzunları təhsil müəssisələri tərəfindən imzalanmış elektron təhsil sənədlərini mygov (web) → “Təhsil məlumatlarım” → “Elektron təhsil sənədlərim” bölməsindən əldə edə bilərlər.

📌 Elektron sənədin üzərindəki QR kodu oxudaraq və ya edu.gov.az saytının “Sənəd yoxlama” bölməsində sənədin nömrəsi və doğum tarixini daxil etməklə sənədin həqiqiliyini yoxlamaq mümkündür.

📱 Yaxın günlərdə elektron təhsil sənədləri mygov mobil tətbiqində də əlçatan olacaq.

🎯Təhsil sənədləri artıq rəqəmsal formatda — daha rahat və əlçatan.

03/08/2026

https://www.instagram.com/reel/DbYwzf5Cfpj/?igsh=bGM4ejdqMm40cnBm

28/07/2026

MAKSİMUM NƏTİCƏ
Məktəbin 2026 cı il məzunu Qönçə Qismətli ali təhsil müəssisələrinə qəbul imtahanının IV qrup üzrə blok fənnlər mərhələsində maksimum 400 bal toplayaraq böyük uğura imza atıb.
Qönçə məktəbdə təhsil aldığı illər ərzində çalışqanlığı, məsuliyyətli münasibəti, yüksək intizamı və məqsədyönlülüyü ilə seçilən şagirdlərimizdən biri olub. Əldə etdiyi bu yüksək nəticə onun illər boyu göstərdiyi əzmkarlığın, zəhmətinin ən gözəl göstəricisidir.
Məzunumuzu ,müəllimlərini və valideynlərini
bu yüksək nailiyyət münasibətilə ürəkdən təbrik edir, Qönçəyə gələcək təhsil və həyat yolunda daha böyük uğurlar arzulayırıq. İnanırıq ki, Qönçə bundan sonra da yeni zirvələr fəth edərək hədəfinə doğru inamla irəliləyəcək.

25/07/2026

"Təhsil Saatı" verilişində yeni mövzu ilə canlı yayımda olacağıq
Mövzu: YENİ TƏMAYÜL TƏDRİS MODELİ
Qonaq: Turanə Məcidli (Bakı Şəhəri üzrə Təhsil İdarəsinin müdir müavini)
Tarix: 27 iyul 2026-cı il, 15:00
Mövzu ilə bağlı suallarınızı şərh bölməsinə yaza bilərsiniz

ℹ️ "Təhsil Saatı" verilişində yeni mövzu ilə canlı yayımda olacağıq

📍 Mövzu: Yeni təmayül tədris modeli

✅ Qonaq: Turanə Məcidli (Bakı Şəhəri üzrə Təhsil İdarəsinin müdir müavini)

🗓️ Tarix: 27 iyul 2026-cı il, 15:00

👇 Mövzu ilə bağlı suallarınızı şərh bölməsinə yaza bilərsiniz 🗨️

21/07/2026

Cavidanın uğuru
Məktəbin 5a sinif şagirdi Cavidan Əhmədli ölkəmizdə keçirilən beynəlxalq riyaziyyat müsabiqələrində qazandığı yüksək nəticələr sayəsində Sinqapur Beynəlxalq Riyaziyyat Olimpiadası Müsabiqəsində (Singapore International Math Olympiad Challenge – SIMOC 2026) iştirak edib.
Qeyd edək ki, Cavidan beynəlxalq səviyyədə əldə etdiyi uğurlu nəticələrə əsasən SIMOC 2026-da Azərbaycanı dövlət hesabına, tam ödənişsiz şəkildə təmsil etmək hüququ qazanıb.
Hazırda Sinqapurda keçirilən olimpiadada isə Cavidan öz bilik və bacarığını uğurla nümayiş etdirərək Gümüş mükafata (Silver Award) layiq görülüb.
Şagirdimizi bu möhtəşəm uğur münasibətilə ürəkdən təbrik edir, ona gələcək təhsil və elm yolunda yeni qələbələr, daha böyük beynəlxalq nailiyyətlər arzulayırıq.

21/07/2026

Rus bölməsi üzrə I siniflərə sənəd qəbulu
İyulun 21-də 2026–2027-ci tədris ili üzrə məktəbin rus bölməsinin I siniflərinə şagird qəbulu çərçivəsində sənədlərin qəbulu prosesinə başlanılıb.
Sənəd qəbulu zamanı valideynlərin müraciətləri qəbul olunub, təqdim edilən sənədlər mövcud qaydalara uyğun olaraq yoxlanılaraq qeydiyyata alınıb. Valideynlərə qəbul prosesi, tələb olunan sənədlər və növbəti mərhələlərlə bağlı ətraflı məlumat verilib, onları maraqlandıran suallar cavablandırılıb.
Rus bölməsi üzrə I siniflərə sənəd qəbulu müəyyən olunmuş qrafikə uyğun olaraq sentyabr ayınadək davam edəcək.

30/06/2026

"Müəllimlərdə emosional yanma sindromu"
İyunun 30-u məktəbdə "Müəllimlərdə emosional yanma sindromu" mövzusunda təlim keçirilib.
Təlimin məqsədi müəllimlərin emosional rifahını dəstəkləmək, özünüdərki artırmaq və gündəlik iş həyatında daxili resurslarını gücləndirməyə töhfə verməkdən ibarət olub.
İlk olaraq hər bir müəllimə adına xüsusi hazırlanmış motivasiyaedici mesaj təqdim olunub. Bu kiçik, lakin mənalı jest iştirakçılarda xoş duyğular yaradıb və təlimin yaddaqalan anlarından birinə çevrilib.
İnteraktiv mühitdə keçirilən təlim zamanı iştirakçılar müxtəlif refleksiya və özünüqiymətləndirmə texnikaları ilə tanış olub. "Çamadan, səbət, hava şarı" metodu vasitəsilə təlimdən qazandıqları, geridə qoymaq istədikləri və gələcəyə aparacaqları düşüncələri paylaşıblar. "Balans çarxı" məşqi həyatın müxtəlif sahələrində tarazlığı dəyərləndirməyə imkan yaradıb, "Kəpənək effekti" isə kiçik dəyişikliklərin böyük nəticələrə səbəb ola biləcəyini bir daha xatırladıb.
Təlimin ən təsirli anlarından biri "Güvənli yer" meditasiyası olub. Bu məşq iştirakçılara daxili rahatlıq hissini yaşamaq, emosional gərginliyi azaltmaq və öz resurslarına yenidən bağlanmaq imkanı yaradıb.
Təlimi səmimi çay süfrəsi ətrafında yekunlaşdıraraq iştirakçılar öz təəssüratlarını, hisslərini və qazandıqları təcrübələri bölüşüblər.
Sonda qeyd edək ki, müəllimin emosional sağlamlığı onun peşəkar fəaliyyətinin və şagirdlərin uğurunun əsas dayaqlarından biridir. Arzu edirik ki, hər bir müəllim peşə fəaliyyətini sevgi, yüksək motivasiya və emosional tarazlıq içində davam etdirərək gələcək nəsillərin yetişməsinə dəyərli töhfələr versin.

23/06/2026

Məktəbdə vətəndaşların qəbul günləri
Bakı Şəhəri üzrə Təhsil İdarəsinin 16.06.2026-cı il tarixli əmrinə əsasən, məktəbdə vətəndaşların müraciətlərinə operativ baxılması və məmnunluğun artırılması məqsədilə qəbul saatları təşkil olunub.
Qəbul günü hər həftənin çərşənbə axşamı saat 14:30-16:30-da müəyyənləşdirilib.
Qəbul təsdiq edilmiş qrafikə uyğun aparılacaq, həssas qrupa aid vətəndaşların müraciətlərinə təxirəsalınmadan baxılacaq, şəffaflığın təmin edilməsi məqsədilə qəbul prosesinin videoqeydiyyatı aparılacaq.