64 nömrəli tam orta məktəb

PEDAQOJİ ŞURANIN YEKUN İCLASI KEÇİRİLDİ
Məktəbdə 2025–2026-cı tədris ilinin yekunlarına həsr olunmuş Pedaqoji Şuranın iclası keçirildi. İclasda məktəb rəhbərliyi, müəllim kollektivi və digər məsul şəxslər iştirak etdilər.
Tədbirdə ilk olaraq məktəbin direktoru çıxış edərək tədris ili ərzində görülən işlər, əldə olunan nailiyyətlər və qarşıda duran vəzifələr barədə məlumat verdi. Daha sonra rəhbər heyətin üzvlərinin hesabatları dinlənildi. Təlim-tərbiyə işləri üzrə direktor müavinləri, təşkilatçı və digər məsul şəxslər öz fəaliyyət istiqamətləri üzrə görülmüş işlər, əldə olunan nəticələr və mövcud problemlər barədə ətraflı məlumat təqdim etdilər.
Hesabatlarda şagird nailiyyətləri, olimpiada və müsabiqələrdə iştirak göstəriciləri, qiymətləndirmə nəticələri, məktəbdaxili tədbirlər, peşə təmayüllü siniflərin fəaliyyəti, valideynlərlə iş və digər istiqamətlər üzrə görülən işlər təhlil olundu.
İclas zamanı müəllimləri maraqlandıran məsələlər müzakirə edildi, təklif və tövsiyələr səsləndirildi. Tədris ilinin yekunları ümumilikdə qənaətbəxş qiymətləndirildi və növbəti tədris ili üçün prioritet istiqamətlər müəyyənləşdirildi.
Sonda məktəb rəhbərliyi tədris ilində səmərəli fəaliyyət göstərən pedaqoji kollektivə təşəkkürünü bildirdi və bütün əməkdaşlara gələcək fəaliyyətlərində uğurlar arzuladı.

MƏKTƏBDƏ "SON ZƏNG" TƏDBİRİ KEÇİRİLDİ
Məktəbdə məzunların həyatında əlamətdar hadisə olan “Son zəng” tədbiri böyük ruh yüksəkliyi ilə keçirildi. Tədbir Azərbaycan Respublikasının Dövlət Himninin səsləndirilməsi ilə başladı.
Tədbirdə məktəbin məzunu olmuş Vətən müharibəsi şəhidi Rəşad Niftəliyev Şakir oğlunun atası Şakir Niftəliyev, Xətai Rayon İcra Hakimiyyətinin şöbə müdirinin müavini – sektor müdiri, Vətən müharibəsi iştirakçısı, qazı kapitan Məmmədov Anar, Əhmədli bələdiyyəsinin sədri Allahverdi Həsənli, məktəbin kollektivi, valideynlər və şagirdlər iştirak etdilər.
Çıxış edənlər məzunları təbrik edərək onlara gələcək həyat yollarında uğurlar arzuladılar. Şəhid məzunun xatirəsi ehtiramla yad edildi, Vətənə sevgi və məsuliyyət hissinin vacibliyi vurğulandı.
Tədbirdə məktəbin direktoru tədris ili ərzində yüksək nəticələri, fəallığı və nümunəvi fəaliyyəti ilə fərqlənən müəllim və şagirdləri təltif etdi. Onlara təşəkkürnamələr və fəxri fərmanlar təqdim olundu.
Məzunlar üçün son dərs zəngi çalındı. “Son zəng” tədbiri məktəblilərin yaddaşında unudulmaz xatirə kimi qaldı.

65-Cİ SƏHİFƏ
Məktəbdə çalışmanın yaş həddinə çatan müəllimlər yola salındı
Məktəbimizdə uzun illər öz bilik və təcrübəsi ilə şagirdlərin təlim-tərbiyəsində böyük xidmət göstərmiş müəllimlərimizlə bağlı yolasalma tədbiri keçirildi.
Tədbirdə məktəb rəhbərliyi və müəllim kollektivi iştirak etdilər. Çıxış edənlər ömrünün böyük hissəsini müqəddəs müəllimlik peşəsinə həsr etmiş pedaqoqların zəhmətindən, fədakarlığından və gənc nəslin yetişməsindəki əvəzsiz rolundan danışdılar.
Qeyd olundu ki, illər ərzində bu müəllimlər öz peşəkarlıqları, zəngin təcrübələri və mənəvi dəyərləri ilə məktəb həyatına xüsusi töhfə veriblər. Onların yetişdirdiyi şagirdlər bu gün müxtəlif sahələrdə uğur qazanaraq müəllimlərinin əməyini layiqincə təmsil edirlər.
Sonda müəllimlərə təşəkkür və minnətdarlıq ifadə edildi, onlara möhkəm cansağlığı, uzun ömür və ailə səadəti arzulandı. Bu yolasalma sadəcə bir vida deyil, illərin zəhmətinə verilən dəyərin və hörmətin göstəricisi oldu.
Məktəb kollektivi hər zaman öz dəyərli müəllimlərini hörmət və ehtiramla xatırlayacaq.

UĞURLU ŞAGİRD DİREKTORLA GÖRÜŞDÜ
Məktəbimizin IV sinif şagirdi İbrahimli Tunar əldə etdiyi uğurlarla hər kəsin diqqətini cəlb edir. O, müxtəlif fənn müsabiqələri, intellektual yarışlar və olimpiadalarda iştirak edərək yüksək nəticələr qazanmış, bir sıra diplom və sertifikatlara layiq görülmüşdür.
Şagirdimizin qazandığı uğurlar münasibətilə məktəbin direktoru onunla görüş keçirmişdir. Görüş zamanı Tunarın təhsil sahəsində əldə etdiyi nailiyyətlər yüksək qiymətləndirilmiş, onun əzmkarlığı, biliklərə olan marağı və məqsədyönlülüyü xüsusi vurğulanmışdır.
Direktor şagirdi təbrik edərək ona gələcək fəaliyyətində daha böyük uğurlar arzulamış, əldə etdiyi nəticələrin digər şagirdlər üçün də nümunə olduğunu qeyd etmişdir. Həmçinin Tunarın bu nailiyyətlərində əməyi olan müəllimlərinə və valideynlərinə təşəkkürünü bildirmişdir.
Məktəb kollektivi adından İbrahimli Tunarı qazandığı uğurlar münasibətilə bir daha təbrik edir, ona gələcək təhsil həyatında yeni-yeni nailiyyətlər arzulayırıq.

🎓Əli Rəhimlini Bakı şəhər Xətai rayon Zakir Əhmədov adına 64 nömrəli tam orta məktəbin peşə təmayüllü sinfinin məzunudur.

💥Məktəbin əlaçısı olan Əli IX sinfi fərqlənmə ilə bitirib. IX sinif buraxılış imtahanında 288 bal, XI sinifdə isə 270 bal toplayıb.

🖥️ Məktəbdə “İKT-Help Desk” ixtisası üzrə təmayülləşən Əli gələcəyini də kompüterlə bağlayıb.

🌎 Dünya miqyasında nüfuzlu olan bir neçə universitetdə oxumaq şansı qazanıb, Harbin Texnologiya İnstitutunda oxumağa qərar verib. Amma bu da qəti qərarı deyil. Honkonq Universitetindən də cavab gözləyir, müsbət cavab alsa, qərarını dəyişərək həmin universiteti seçəcək.

Ətraflı: https://muallim.edu.az/mektebde-pese-tehsili-aldi-indi-dunya-universitetleri-arasinda-secim-edir

“İNSAN HÜQUQLARI AYLIĞI ÇƏRÇİVƏSİNDƏ" MAARİFLƏNDİRİCİ GÖRÜŞ KEÇİRİLDİ

Məktəbdə “İnsan Hüquqları Aylığı” çərçivəsində “Məişət və gender əsaslı zorakılıqla mübarizə” mövzusunda insan hüquqlarının qorunması, məişət zorakılığının qarşısının alınması və gənclərin hüquqi maarifləndirilməsi məqsədilə tədbir keçirildi.
Tədbirdə Xətai Rayon İcra Hakimiyyəti Başçısı Aparatının Ərazi-təşkilat və ictimai-siyasi məsələlər şöbəsinin İctimai-siyasi və humanitar məsələlər sektorunun müdiri, Rayon İcra Hakimiyyətində yaradılmış Məişət zorakılığının qarşısının alınması sahəsində Monitorinq və əlaqələndirmə qrupunun sədri Pənah İmanov, həmin sektorun baş məsləhətçisi, Monitorinq və əlaqələndirmə qrupunun katibi Turan Kərimzadə, Səfərbərlik və Hərbi Xidmətə Çağırış üzrə Dövlət Xidmətinin Xətai rayon İdarəsinin həqiqi hərbi xidmətə çağırış şöbəsinin baş zabiti mayor Emin Hacızadə, həmçinin idarənin maliyyə və maddi-texniki təminat şöbəsinin rəisi kapitan Rəşad Əliyev iştirak etdilər.
Çıxış edən qonaqlar insan hüquqlarının cəmiyyətdəki əhəmiyyətindən, vətəndaşların hüquq və vəzifələrindən, uşaqların hüquqlarının qorunmasından, məişət zorakılığının yaratdığı mənfi nəticələrdən və onun qarşısının alınması istiqamətində həyata keçirilən tədbirlərdən danışdılar. Şagirdlərə hüquqi biliklərin artırılmasının vacibliyi, qanunlara hörmət və vətənpərvərlik ruhunda yetişməyin önəmi barədə ətraflı məlumat verildi.
Tədbir zamanı iştirakçıları maraqlandıran suallar cavablandırıldı, insan hüquqlarının müdafiəsi, sağlam ailə dəyərlərinin formalaşdırılması və gənclərin cəmiyyətin fəal üzvləri kimi yetişdirilməsi istiqamətində fikir mübadiləsi aparıldı.
Sonda məktəb rəhbərliyi qonaqlara maarifləndirici görüşdə iştirak etdiklərinə görə təşəkkürünü bildirdi və bu cür tədbirlərin şagirdlərin hüquqi dünyagörüşünün formalaşmasında mühüm rol oynadığını vurğuladı.

IV SİNİFLƏR ÜZRƏ BSQ-2 İMTAHANI TƏŞKİL OLUNDU.
Bu gün IV sinif şagirdləri BSQ (Böyük Summativ Qiymətləndirmə) imtahanında iştirak etdilər. İmtahan zamanı şagirdlərin il ərzində qazandıqları bilik və bacarıqlar qiymətləndirildi. Şagirdlər verilən tapşırıqları məsuliyyətlə yerinə yetirərək əldə etdikləri nəticələri nümayiş etdirdilər. Onlara gələcək təhsillərində uğurlar arzulayırıq.Şagirdlər imtahan zamanı əldə etdikləri bilik və bacarıqları uğurla nümayiş etdirdilər.
İmtahanın gedişində şagirdlərin mövzuları mənimsəmə səviyyəsi müəyyən edildi.
Qiymətləndirmə prosesi şəff

PEŞƏ TƏMAYÜLLÜ SİNİFLƏRDƏ İMTAHAN KEÇİRİLDİ
Peşə təmayüllü siniflərdə “İKT-Help Desk” və “Dərzi köməkçisi” ixtisası üzrə təhsil alan şagirdlər üçün nəzəri imtahandan sonra yekun praktiki imtahan keçirildi. Şagirdlərin hər biri öz sınaq işlərini təqdim edərək komissiya tərəfindən qiymətləndirildi. Praktiki imtahan zamanı onlar təhsil müddətində qazandıqları bilik və bacarıqları tətbiq edərək verilən tapşırıqları yerinə yetirdilər. Şagirdlərin hazırladıqları işlər komissiya üzvləri tərəfindən diqqətlə nəzərdən keçirildi və peşə bacarıqları yüksək qiymətləndirildi. Bu imtahan onların peşə hazırlığı səviyyəsinin müəyyənləşdirilməsi baxımından mühüm əhəmiyyət daşıyırdı. Bütün şagirdlərə gələcək təhsil və peşə fəaliyyətlərində uğurlar arzulayır, əldə etdikləri bilik və təcrübələrin həyat yollarında onlara faydalı olacağına inanırıq.

VII-VIII SİNİFLƏR ÜZRƏ RƏQƏMSAL PLATFORMADA BSQ KEÇİRİLDİ
Məktəbdə növbəti mərhələ üzrə VII-VIII sinif şagirdləri üçün Böyük Summativ Qiymətləndirmə (BSQ) rəqəmsal platforma vasitəsilə təşkil olundu. Qiymətləndirmənin keçirilməsində əsas məqsəd şagirdlərin tədris ili ərzində əldə etdikləri bilik və bacarıqların obyektiv şəkildə ölçülməsi və təhlil edilməsindən ibarət idi.
BSQ müasir informasiya texnologiyalarının imkanlarından istifadə edilməklə rəqəmsal platformada həyata keçirildi. Şagirdlər onlar üçün ayrılmış vaxt ərzində tapşırıqları yerinə yetirərək nəticələrini elektron sistem vasitəsilə təqdim etdilər. İmtahan prosesinin şəffaf, operativ və səmərəli şəkildə təşkili üçün bütün texniki və təşkilati tədbirlər əvvəlcədən təmin edilmişdi.
Qiymətləndirmə zamanı şagirdlərin fənlər üzrə mənimsəmə səviyyələri, məntiqi təfəkkür, təhliletmə və tətbiqetmə bacarıqları yoxlanıldı. Rəqəmsal platformanın tətbiqi nəticələrin daha sürətli emal olunmasına və təhlil edilməsinə imkan yaratdı.

IX VƏ XI SİNİFLƏRDƏ BSQ KEÇİRİLDİ
2025–2026-cı tədris ilinin II yarımili üzrə IX və XI siniflərdə Böyük summativ qiymətləndirmələr (BSQ) planlaşdırılmış qrafikə uyğun olaraq mütəşəkkil şəkildə keçirildi.
Qiymətləndirmənin keçirilməsində əsas məqsəd şagirdlərin fənlər üzrə bilik, bacarıq və vərdişlərinin obyektiv qiymətləndirilməsi, eləcə də onların buraxılış imtahanlarına hazırlıq səviyyəsinin müəyyənləşdirilməsi olub. BSQ prosesi zamanı mövcud qaydalara ciddi əməl edilmiş, şəffaf və ədalətli qiymətləndirmə mühiti təmin olunmuşdur.
Qiymətləndirmələr zamanı şagirdlərə rahat və təhlükəsiz şərait yaradılmış, nəzarət müəllimlər tərəfindən diqqətlə həyata keçirilmişdir.