Cəbrayıl rayon 12 nömrəli tam orta məktəb

Böyük sevinc hissiylə bildirmək istəyirik ki, məktəbimizin təsviri incəsənət müəllimi Hətəmova Könül sertifikasiya imtahanında yüksək nəticə göstərərək 52 bal toplamışdır.

Əzmkarlığı, peşəkarlığı və bilikləri sayəsində qazandığı bu uğur münasibətilə müəllimimizi ürəkdən təbrik edir, gələcək fəaliyyətində daha böyük nailiyyətlər arzulayırıq.

Uğurlarınız daim bol olsun!

Məktəbimizdə 15 İyun – Milli Qurtuluş Günü münasibətilə maarifləndirici tədbir keçirilmişdir.

Tədbir tərbiyə işləri üzrə təşkilatçı Gülbəniz Səfərova tərəfindən təşkil olunub. Gülbəniz Səfərova bildirib ki, bu tarix təkcə siyasi sabitliyin bərpası deyil, eyni zamanda Azərbaycanın gələcək suverenliyinin əsasının qoyulduğu dönüş nöqtəsidir. Məhz Heydər Əliyev-in xalqın tələbi ilə hakimiyyətə qayıdışı ölkədə dövlətçilik ənənələrini möhkəmləndirmiş, milli birliyi təmin etmiş və müstəqil Azərbaycanın parçalanmaq təhlükəsinin qarşısını almışdır.
Sonda qeyd olunmuşdur ki, Milli Qurtuluş Günü yalnız tarixi hadisə deyil, həm də Azərbaycanın müstəqilliyinin möhkəmləndirilməsi və suverenliyinin təmin olunması yolunda atılmış ən mühüm addımların başlanğıcıdır.

“Son Zəng” tədbiri keçirildi
Məktəbimizdə 2025–2026-cı tədris ilinin başa çatması münasibətilə “Son Zəng” tədbiri keçirildi.
Tədbir Azərbaycan Respublikasının Dövlət Himninin səsləndirilməsi və müstəqilliyimiz, ərazi bütövlüyümüz uğrunda canlarından keçmiş qəhrəman şəhidlərimizin əziz xatirəsinin bir dəqiqəlik sükutla yad edilməsi ilə başladı.
Daha sonra məktəbin direktoru Arif İsmayılov çıxış edərək məzunları təbrik etdi, onlara gələcək həyat yollarında uğurlar arzulayıb. Sonra tədbirin qonağı İcra nümayəndəsi Ayaz Mehralıyev çıxış edib, məzunları təbrik edib.
Tədbirdə valideylər , şəhid bacısı Sevil Əsgərova və qazi atası Ağa Qasımov da iştirak edib, məzun və valideynləri təbrik ediblər.
Tədbir “Son Zəng”in səsləndirilməsi ilə yekunlaşdı.
Məzunlarımızı ürəkdən təbrik edir, onlara gələcək həyatlarında uğurlar, yeni nailiyyətlər və işıqlı bir gələcək arzulayırıq!

8 iyun 2026-cı il tarixində Cəbrayıl rayon 12 nömrəli tam orta məktəbində MÜTDA-nın milli mənəvi dəyərlər, azərbaycançılıq və vətənpərvərlik ruhunda tədbirlər təlimatı çərçivəsində, oxu dəqiqələri mütaliə saatlarında 3-cü sinif şagirdləri ilə sinif rəhbəri Elnarə Şamıyevanın təşkilatçılığı ilə Azərbaycan yazıçısı Zahid Xəlilin “ Üçbucaq ölkənin adamları” əsəri oxunub, müzakirə olunub.

Sağlam qidalanma – sağlam gələcək! 🍎🥦
Məktəbimizdə "Həyat bilgisi" dərsləri çərçivəsində praktik məşğələlər davam edir. Məktəbin ibtidai sinif müəllimi Elnarə Şamıyeca 3-cü sinif həyat bilgisi dərsində "Sağlam qidalanma vərdişləru mövzusunda maraqlı dərs keçib.
Balacalar faydalı qidaları, meyvə və tərəvəzlərin əhəmiyyətini videodərs və tapşırıqlar vasitəsilə öyrəniblər. Məqsədimiz şagirdlərimizə kiçik yaşlarından düzgün həyat tərzi vərdişlərini aşılamaqdır.




̆lamlıq

Ümumtəhsil müəssisələrində həyat bilgisi fənni çərçivəsində sağlam həyat tərzinin təbliği, təhlükəsiz davranış qaydalarının öyrədilməsi və zərərli vərdişlərdən qorunma bacarıqlarının formalaşdırılması məqsədilə Cəbrayıl rayonu 12 nömrəli tam orta ümumtəhsil məktəbində, 3 iyun 2026-cı il tarixində VIIl sinif həyat bilgisi dərsində “Sağlam həyat tərzi və reproduktiv sağlamlıq ” adlı praktik məşğələlər həyata keçirilib. Məktəbin biologiya müəllimi Qənbər Vəliyev dərsin təşkilində vacib məlumatlardan və mühazirələrdən istifadə edib

Həyat bilgisi fənni üzrə praktiki məşğələlərin həyata keçirilməsi məqsədilə 26 may 2026- cı il tarixində məktəbin ibtidai sinif müəllimi Gülbəniz Səfərova IV sinifdə "Məişətdə və gündəlik fəaliyyətdə təhlükəsizlik qaydaları" mövzusunda maarifləndirici söhbət aparıb.




̈kəsizlik

IX sinif Buraxılış imtahanından 200 dən artıq bal toplamış şagirdlər.
Ağayeva Nuray 229 bal
Səfərli Aysel 229 bal
Təbrik edirik.

Məktəbimizdə iyun ayı ərzində sağlam həyat tərzinin təbliği, şagirdlərin fiziki hazırlığının artırılması və idmana marağın gücləndirilməsi məqsədilə fiziki tərbiyə fənni üzrə monitorinq keçirilib.
Monitorinq zamanı şagirdlər yüksək fəallıq nümayiş etdirərək öz çeviklik, dözümlülük və sürət bacarıqlarını sərgiləmişlər. Tədbirin keçirilməsində əsas məqsəd şagirdlər arasında sağlam rəqabət mühitinin formalaşdırılması, asudə vaxtın səmərəli təşkili və idmanın gündəlik həyatın ayrılmaz hissəsinə çevrilməsinə dəstək olmaq olmuşdur.

8 iyun 2026-cı il tarixində Məktəbin təşkilatçı müavini Gülbəniz Səfərovanın təşkilatçılığl ilə 4-cü sinif şagirdləri ilə oxu dəqiqələri saatı keçirilib.