İsmayıllı Rayon Təhsil Sektoru

25/02/2025

14/02/2025

Təhsilin keyfiyyət göstəriciləri, təlim nəticələrinin artan istiqamətdə getməsi, şagirdin şəxsiyyət kimi yetişməsi birbaşa və dolayısı ilə ibtidai sinif müəllimlərindən asılıdır.

Dərs prosesi zamanı fərqlilik yaratmağı bacaran gənc müəllimlərimizdən biri C.Həsənov adına Kürdmaşı kənd tam orta məktəbin
ibtidai sinif müəllimi Nuranə Bağırovadır.

Digər müəllimlərimizi də tədris prosesində interaktiv təlim metodlarından aktiv istifadə etməyə, eyni zamanda tədris prosesini sosial mediada işıqlandırmağa dəvət edirik.

14/02/2025

14 fevral – Beynəlxalq Kitab Bağışlama Günüdür 📚

Bu gün münasibətilə Uşaq-Gənclər İnkişaf Mərkəzinin dərnək rəhbərləri E.Məmmədov adına 3 nömrəli məktəb-liseyin və E.Bayramov adına Talıstan kənd tam orta məktəbinin kitabxana zalına, Cülyan kənd kitabxanasına və Mərkəzi Uşaq kitabxanasına ekskursiya edərək
"Kitab bilik mənbəyidir" adlı maarifləndirici görüşlər keçirmişlər.
Məqsəd:dərnək üzvlərinin kitaba marağını artırmaq və oxu mədəniyyətini təşviq etməkdir
Dağlıq Şirvan Regional Təhsil İdarəsi

09/02/2025

İzləyin: F...

09/02/2025

📢Tədbirlərin keçirilməsində əsas məqsəd istedadlı müəllim və şagirdləri kəşf etməkdir!

07.02.2025-ci il tarixində Şəhər 5 nömrəli tam orta məktəbdə keçirilən tədbirdə həmin məktəbin musiqi müəllimi Adgözəlova Zərifə və XI sinif şagirdi Teymurova Mehriban Şəfiqə Axundovanın Həsrətindən mahnısını ifa edərək, öz istedadlarını mükəmməl şəkildə nümayiş etdirdilər.
İstedadlı müəllim və şagirdimizə uğurlar edirik!

Dağlıq Şirvan Regional Təhsil İdarəsi

07/02/2025

07 fevral 2025-ci il tarixində Dağlıq Şirvan Regional Təhsil İdarəsi İsmayıllı rayon Təhsil Sektoru və Dağlıq Şirvan Regional Gənclər və İdman İdarəsi birgə təşkilatçılığı ilə İsmayıllı şəhər E. Məmmədov adına 3 nömrəli məktəb-liseydə Milli Qəhrəman Mübariz İbrahimovun doğum gününə həsr olunmuş sənədli film nümayiş olundu.
Tədbirdə Milli Qəhrəman Mübariz İbrahimovun timsalında bütün şəhidlərimizin əziz xatirəsi bir dəqiqəlik sükutla yad edildi.
Dağlıq Şirvan Regional Təhsil İdarəsi

01/02/2025

İsmayıllı rayon ümumi təhsil müəssisələrinin müəllim-pedaqoji heyəti ilə görüşlər keçirildi.

Zonalar üzrə təşkil olunan görüşlərdə İsmayıllı Rayon Təhsil Sektorunun müdiri Rəşid Məmmədov, aparıcı məsləhətçi Mayıl Səftərov, aparıcı məsləhətçi Gülnarə Qurbanova, məktəb rəhbərləri və müəllimlər iştirak etdilər. Əmək intizamı, tədrisin keyfiyyətinin artırılması, məktəb-şagird-valideyn münasibətlərinin tənzimlənməsi, şagirdlərin dərsə davamiyyəti, şagird təhlükəsizliyi, müəllimlərin etik davranış qaydaları və.s məsələlərdən danışıb müzakirələr aparıldı.

Müəllimlərimiz əsasən texniki təchizat, yeni təlim texnologiyalarının öyrənilməsi üçün təlimlər, şagirdlər arasında bilik yarışlarının keçirilməsi, şagirdlərin bədii ədəbiyyata olan marağının artırılması istiqamətində təkliflərini verdilər, bəzi məsələlər barədə iradlarını bildirdilər.

Görüşlərin mütəmadi olaraq keçirilməsi nəzərdə tutulur

Dağlıq Şirvan Regional Təhsil İdarəsi

31/01/2025

31 yanvar 2025-ci il tarixində Dağlıq Şirvan Regional Gənclər və İdman İdarəsinin,Dağlıq Şirvan Regional Təhsil İdarəsi İsmayıllı Rayon Təhsil Sektoru, ATİAHİ İsmayıllı Rayon Komitəsi və İsmayıllı rayon Heydər Əliyev adına Mədəniyyət Mərkəzinin və birgə təşkilatçılığı ilə İsmayıllı rayon Heydər Əliyev adına Mədəniyyət Mərkəzində “2 Fevral-Azərbaycan Gəncləri Günü” münasibətilə gənclərlə görüş keçirildi.

Tədbir öncəsi İsmayıllı Rayon İcra Hakimiyyəti başçısı Nahid Bağırovun iştirakı ilə Ulu Öndər Heydər Əliyevin abidəsi ziyarət olunub, önünə gül dəstələri qoyulub.

Tədbirdə İsmayıllı Rayon İcra Hakimiyyətinin əməkdaşı Bəhruz Xələfov, Dağlıq Şirvan Regional Gənclər və İdman İdarəsinin rəisi Taleh Salehov və idarə əməkdaşları, İsmayıllı təhsil sektorunun müdiri Rəşid Məmmədov, aparıcı məsləhətçi Gülnarə Qurbanova, Azərbaycan Təhsil İşçiləri Azad Həmkarlar İttifaqı İsmayıllı rayon komitəsinin sədri Hafiz Kərimov,İsmayıllı rayon Heydər Əliyev adına Mədəniyyət Mərkəzinin nümayəndəsi Nilufər Mürsəliyeva, Mədəniyyət İşçiləri Həmkarlar İttifaqı İsmayıllı rayon komitəsinin sədri Gülər Abdullayeva və şəhid ailələrinin üzvləri, qazilər, təhsil və mədəniyyət sahəsində fərqlənən gənc müəllimlər və fəal gənclər iştirak etmişdir.

Tədbirdə həmçinin Diyallı kənd tam orta məktəbin direktor müavini, gənc müəllim Ülvi Osmanlı məruzə ilə çıxış edib.
Tədbirdə çıxışlarla yanaşı Sahibə Abdullayeva,Tərlan Əliyev,Qərib Qəlibzadə və Ceyhun Haşımovun ifalarında maraqlı mahnılar ifa olundu.
Təhsildə nailiyyətləri ilə fərqlənən müəllimlər Dağlıq Şirvan Regional Təhsil İdarəsinin fəxri fərmanları ilə təltif olunublar.

Dağlıq Şirvan Regional Təhsil İdarəsi

27/01/2025

📢 İsmayıllı şəhər N.Behdiyev adına 6 nömrəli tam orta məktəbdə Dağlıq Şirvan Regional Təhsil İdarəsinin İsmayıllı rayonu üzrə təhsil sektoru, Dağlıq Şirvan Regional Gənclər və İdman İdarəsinin birgə təşkilatçılığı və Azərbaycan Təhsil İşçiləri Azad Həmkarlar İttifaqı İsmayıllı rayon komitəsinin dəstəyi ilə rayonun ümumtəhsil məktəblərinin, İsmayıllı Dövlət Humanitar və Texnologiya Kollecinin, İsmayıllı Dövlət Peşə Təhsil Mərkəzinin müəllimlərindən ibarət komandalar arasında
"2 Fevral-Azərbaycan Gəncləri Günü"münasibətilə Nə? Harada?Nə zaman? intellektual müsabiqəsi keçirildi.

İlk öncə ulu öndər Heydər Əliyevin və şəhidlərimizin əziz xatirəsi bir dəqiqəlik sükutla yad edildi.

🔷Tədbirdə Dağlıq Şirvan Regional Gənclər və İdman İdarəsinin rəisi Taleh Salehov və idarənin əməkdaşları, Azərbaycan Təhsil İşçiləri Azad Həmkarlar İttifaqı İsmayıllı rayon komitəsinin sədri Hafiz Kərimov, İsmayıllı Rayon Təhsil Sektorunun aparıcı məsləhətçisi Gülnarə Qurbanova, rayonun ümumtəhsil məktəblərinin, İsmayıllı Dövlət Humanitar və Texnologiya Kollecinin, İsmayıllı Dövlət Peşə Təhsil Mərkəzinin müəllimləri iştirak edib.

🎯Tədbirin keçirilməsində məqsəd "2 Fevral -Azərbaycan Gəncləri Günü"nün qeyd olunması, müəllimlərin bilik və bacarıqlarının inkişaf etdirilməsi, intellektual səviyyələrinin artırılması olmuşdur.

🔵Gərgin və maraqlı davam eden intellektual yarışmada 🥇l yeri İsmayıllı şəhər E.Məmmədov adına 3 nömrəli məktəb-liseyin "Sən həmişə bizimləsən"komandası, 🥈ll yeri B.Qarayev adına Girk kənd ümumi orta məktəbin "Zəfər" komandası, 🥉lll yeri Lahıc qəsəbə tam orta məktəbin "Löyij"komandası qazandılar.

Sonda yarışmada qalib gələn komandalar Dağlıq Şirvan Regional Gənclər və İdman İdarəsinin müvafiq kubok və diplomları ilə və ATİAHİ İsmayıllı rayon komitəsinin qiymətli hədiyyələri ilə mükafatlandırıldılar.

Dağlıq Şirvan Regional Təhsil İdarəsi

25/01/2025

📢İsmayıllı Təhsilinin Örnək Müəllimləri

AzEdu.az Təhsil Portalı bir neçə ildir ki, ölkə üzrə aktiv və nümunəvi fəaliyyətləri ilə fərqlənən müəllimləri daha geniş ictimaiyyətə tanıtmaq məqsədilə xüsusi bir layihə həyata keçirir.

Bu layihə çərçivəsində, örnək müəllimlərin peşə davranışları və yenilikçi pedaqoji yanaşmaları haqqında informativ materiallar hazırlanaraq ictimaiyyətə, xüsusilə təhsil camiəsinə təqdim olunur.
İsmayıllı Rayon Təhsil Sektorunun tabeliyində olan ümumtəhsil məktəblərində çalışan müəllimlərimizin "Örnək Müəllim"lər siyahısında olmağı sevindirici haldır.

"Örnək Müəllim"lərimizin adlarını qeyd edirik:
1. Zamin Allahverdiyev - İsmayıllı rayon İstisu kənd tam orta məktəbində direktor və Kimya müəllimi
2. Şahin Gənciyev - İsmayıllı şəhər 1 nömrəli tam orta məktəbin coğrafiya müəllimi
3. Qumru Həmidova - İsmayıllı şəhər Ağahüseyn Aslanov adına 2 saylı tam orta məktəbin Biologiya müəllimi
4. Əhliman Tapdıqlı - Xəlilli kənd tam orta məktəbində Azərbaycan dili və ədəbiyyat müəllimi

Müəllimlərimizə uğurlar arzu edirik!

Burada, modern tədris metodları tətbiq edən, təhsilalanların intellektual inkişafına mühüm töhfələr verən və müəllimlərin işə qəbulu, sertifikasiya imtahanlarından yüksək nəticə əldə etmiş müəllimlər yer alıb.

Belə ki, xüsusi fəaliyyəti ilə seçilən paytaxt üzrə 30, regionlar üzrə 10, Naxçıvandan isə 20 təhsilverən 2024-cü ilin “Örnək müəllim”i adına layiq görülüb.


Dağlıq Şirvan Regional Təhsil İdarəsi

24/01/2025

24.01.2025-ci il tarixində İsmayıllı Rayon Təhsil Sektorunun tabeliyində olan ümumtəhsil məktəblərində çalışan kitabxana müdirləri və kitabxanaçılarla görüş keçirildi.

İclasda İsmayıllı Rayon Təhsil Sektorunun müdiri Rəşid Məmmədov, aparıcı məsləhətçi Gülnarə Qurbanova, 3 nömrəli məktəb-liseyin mühasibi Fariz Mamedov, kitabxana müdirləri və kitabxanaçılar iştirak etdilər. İclas iştirakçıları ilə kitabxana işinin təşkili, görüləcək işlər barədə müzakirələr aparıldı.

Dağlıq Şirvan Regional Təhsil İdarəsi