Goranboy şəhər Asif Məmmədov adına 3 nömrəli tam orta ümumtəhsil məktəbi

2025–2026-cı tədris ilinin yekunlarına həsr olunmuş V pedaqoji şura iclası keçirildi. İclasda tədris ilinin nəticələri, şagird nailiyyətləri, buraxılış imtahanlarının göstəriciləri, məktəbdə həyata keçirilən təlim-tərbiyə işləri və il ərzində görülmüş fəaliyyətlər müzakirə olundu. Müvafiq məsul şəxslər tərəfindən illik fəaliyyətə dair hesabatlar təqdim edildi, əldə olunmuş nəticələr təhlil edildi, mövcud çatışmazlıqlar və onların aradan qaldırılması yolları barədə fikir mübadiləsi aparıldı. Tədris ilinin yekunları qənaətbəxş hesab edilərək növbəti tədris ili üçün qarşıda duran vəzifələr müəyyənləşdirildi və müvafiq qərarlar qəbul olundu.

Tanınmış şair Bəxtiyar Vahabzadənin həyat və yaradıcılığına dair maarifləndirici tədbir keçirilib. Tədbirdə şairin zəngin ədəbi irsi, vətənpərvərlik ruhlu əsərləri və Azərbaycan ədəbiyyatına verdiyi töhfələr haqqında məlumat verilib.

Gəncə-Daşkəsən regionunda 2026–2027-ci tədris ili üzrə təmayül tədris modelinin tətbiq ediləcəyi ümumi təhsil müəssisələrinə şagird qəbulu elan olunur.

Layihəyə hazırda ümumtəhsil məktəblərinin IX və X siniflərində təhsil alan şagirdlər müraciət edə bilərlər.

ℹ️ Təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin məktəb daxilində daha səmərəli təşkilinə xidmət edir. Layihə çərçivəsində ali təhsil müəssisələrinə hazırlıq prosesi birbaşa məktəb mühitində həyata keçirilir. Qəbul proqramına uyğun planlaşdırılmış tədris prosesi, intensiv dərslər və məqsədyönlü akademik dəstək şagirdlərin zəruri bilik və bacarıqları məktəb daxilində əldə etməsinə imkan yaradır.

Gəncə-Daşkəsən Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu elan edilir.

Gəncə şəhər M.Ə.Sabir adına 5 nömrəli tam orta ümumtəhsil məktəbi
Gəncə şəhər N.Aydın 18 nömrəli tam orta ümumtəhsil məktəbi
Gəncə şəhər M.Füzuli adına 22 nömrəli tam orta ümumtəhsil məktəbi
Gəncə şəhər 9 nömrəli tam orta ümumtəhsil məktəbi
Goranboy şəhər 4 nömrəli tam orta ümumtəhsil məktəbi

Qeydiyyat üçün link

https://forms.gle/4BQ5D2tX5N4tBZMU6

Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.

Yeni təmayül tədris modelinin əsas üstünlükləri:
✅ Akademik nəticələrin yüksəldilməsinə yönəlmiş tədris mühiti;
✅ Abituriyent hazırlığının sistemli və ödənişsiz təşkili;
✅ Səriştəli müəllim kollektivi;
✅ Aylıq sınaq imtahanlarının təşkili;
✅ Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.

Qəbul ümumi orta təhsil səviyyəsi üzrə buraxılış imtahanlarının nəticələri əsasında həyata keçirilir.

🛜 Təmayül tədris modeli şagirdlərin yalnız imtahan nəticələrini deyil, onların akademik, sosial və şəxsi inkişafını da dəstəkləyir.

6A sinfində şagirdlərin mütaliə vərdişlərinin inkişaf etdirilməsi məqsədilə oxu dəqiqələri təşkil olundu. 📚.

Məktəbimizdə "Gender bərabərliyinin" təbliği məqsədilə maarifləndirici fəaliyyət təşkil olundu. Şagirdlər mövzu ilə bağlı öz fikir və düşüncələrini rəsm işləri vasitəsilə ifadə etdilər. Hazırlanan rəsmlərdə bərabərlik, qarşılıqlı hörmət, əməkdaşlıq və ədalət kimi dəyərlər əks olundu.
Fəaliyyət zamanı şagirdlərlə gender bərabərliyinin əhəmiyyəti barədə söhbətlər aparıldı.
Tədbir şagirdlərdə bərabərlik və tolerantlıq dəyərlərinin formalaşdırılmasına xidmət etdi.

İnsan və uşaq hüquqları mövzusunda maarifləndirici seminar keçirildi.