Avtomatika,Telekommunikasiya və İnformatika fakültəsi

31/05/2024

31/05/2024

Universitetin sənaye əlaqələri çərçivəsində tələbələrimize əlavə təqaüd verilmişdir.

31/05/2024

Gəncə şəhər və Göygöl rayonunda universitetimizin tanıtımı çərçivəsində abituriyentlərə görüş keçirilmişdir.

22/08/2023

Azərbaycan Texnologiya Universitetinin tələbələrinin nəzərinə

“AzerGold” Qapalı Səhmdar Cəmiyyəti ali məktəb tələbələri üçün təqaüd proqramı təqdim edir.

“AzerGold” Qapalı Səhmdar Cəmiyyətinin Təqaüdü ölkəmizdə fəaliyyət göstərən ali təhsil müəssisələrinin bakalavr və magistr səviyyələrində Cəmiyyətin fəaliyyət istiqamətlərinə uyğun ixtisaslarda təhsil alan Azərbaycan Respublikasının vətəndaşları olan tələbələrinə verilir.

Təqaüd proqramına ekologiya, ekologiya mühəndisliyi, metallurgiya mühəndisliyi, elektrik və elektronika mühəndisliyi, mühəndis fizikası, iqtisadiyyat, biznesin idarəedilməsi, proseslərin avtomatlaşdırılması, menecment ixtisaslarında təhsil alan tələbələrimiz müraciət edə bilərlər.

Təqaüd aşağıdakı məqsədlərlə verilir:

• Tələbələrin təhsilə və elmi araşdırmaya marağının daha da artırılması, habelə istedadlı tələbələrin potensial bilik və bacarıqlarının real iş yerlərində aşkar edilməsi və onların sosial müdafiəsinə dəstək olmaq;

• Cəmiyyətin strateji layihələrinin gələcəkdə lazımi kadrlar ilə təmin edilməsi məqsədilə tələbələrin müəyyən edilməsi;

• İstedadlı və təşəbbüskar tələbələrin qanunvericiliyin tələbləri nəzərə alınmaqla, Cəmiyyətin təcrübə proqramlarında iştirakı üçün şərait yaratmaq və nəzəri biliklərinin real təcrübəyə çevrilməsində yardımçı olmaq.

Təqaüd müsabiqə keçiriləcək akademik tədris ilinin 9 ayı üçün verilir.

Təqaüdün aylıq məbləği 200 manatdır.

Təqaüd müsabiqədə keçirilən imtahandan (1-ci tur) müvəffəqiyyət qazanıb Təqaüd komissiyasının müsahibəsindən (2-ci tur) uğurla keçən tələbələrə verilir.

Sənəd qəbulu elektron qaydada aparılır.

Qeydiyyat tarixləri: 21 avqust - 21 sentyabr 2023-cü il

Ətraflı məlumat: http://bitly.ws/SEeZ

“AzerGold” QSC ali məktəb tələbələri üçün növbəti “Təqaüd proqramı” müsabiqəsi elan edir 21.08.2023 13:05 “AzerGold” Qapalı Səhmdar Cəmiyyəti (QSC) ölkəmizin ali təhsil müəssisələrində təhsil alan tələbələr üçün üçüncü “Təqaüd proqramı” müs...

16/08/2023

Azərbaycan Texnologiya Universitetində “Abituriyentlərə Dəstək Mərkəzi” ixtisas seçimi günlərində ( şənbə, bazar günləri istisna olmaqla) saat 10:00-dan 17:00-dək fəaliyyət göstərəcək. Mərkəz tərəfindən abituriyentlərə tələbə qəbulu qaydaları, “Abituriyentin elektron ixtisas seçimi ərizəsi”nin doldurulma və təsdiq edilməsi qaydası, müsabiqə şərtləri, ixtisas seçimi zamanı diqqət yetirilməli olan vacib məsələlər və s. haqqında ödənişsiz kömək göstəriləcək.

“Abituriyentlərə Dəstək Mərkəzi”nin fəaliyyət göstərəcəyi ünvan və əlaqə nömrəsi:

Gəncə ş. AZ2011 Şah İsmayıl Xətai prospekti 103. +994 55 833-00-01

14/08/2023

Azərbaycan Texnologiya Universitetinin bir qrup əməkdaşı şəhid məzunu Həsənli Eldar Müşfiq oğlunun məzarını ziyarət ediblər.

Universitetin Sosial məsələlər və ictimaiyyətlə əlaqələr üzrə müşaviri Şahmar Həsənov, ATİ fakültəsinin dekanı Rövşən Hacıyev və digər əməkdaşları Azərbaycan Texnologiya Universitetinin məzunu olmuş şəhid Həsənli Eldarın ölümünün II ildönümü ilə bağlı onun məzarını ziyarət edərək şəhidin ailəsi ilə görüşüblər, onlara başsağlığı diləyərək şəhidlə bağlı xatirələrini bölüşüblər.

Qeyd edək ki, şəhid Həsənli Eldar Müşfiq oğlu 14.08.2021- ci il tarixində Kəlbəcər istiqamətində vəzifə borcunu yerinə yetirərkən şəhid olub.

09/08/2023

"Huawei" şirkətinin Azərbaycan Texnologiya Universiteti ilə əməkdaşlığı çərçivəsində adı çəkilən şirkət universitetin “Kompüter mühəndisliyi”, “İnformasiya texnologiyaları” və “Proseslərin avtomatlaşdırılması mühəndisliyi” ixtisaslarında təhsil alan tələbələr üçün “Huawei ICT Competition 2023 - 2024 Middle East & Central Asia (Huawei İKT Yarışması 2023 - 2024 Yaxın Şərq və Mərkəzi Asiya)” adlı müsabiqədə iştirak imkanı yaradır.

Bu gündən etibarən qeyd olunan ixtisasların tələbələri Huawei şirkətinin təqdim etdiyi linkə (https://e.huawei.com/en/talent/ #/ict-academy/ict-competition/regional-competition?zoneCode=026699&zoneId=98269587&compId=85131993&divisionName=Middle%20East%20%26%20Central%20Asia%C2%A0&type=C001&isCollectGender=N) daxil olaraq qeydiyyatdan keçə və müsabiqə haqqında daha ətraflı məlumat əldə edə bilərlər.

Son qeydiyyat tarixi 20.10.2023-cü ildir.

Müsabiqə haqqında ilkin məlumatlar aşağıda qeyd olunub:

-Müsabiqə İngilis dilində olacaq;
-Qeydiyyatdan keçmiş tələbələr elektron kurs materiallarına giriş əldə edəcək;
-Hər bir mərhələnin sonunda tələbələrə hazırlaşdıqları elektron kurs materialları əsasında tərtib edilmiş online test imtahanı təşkil olunacaq və ən sonda isə laboratoriya imtahanı keçiriləcəkdir;
-Ölkə üzrə qalib gələn komandalar növbəti mərhələdə region üzrə müsabiqələrdə iştirak etmək imkanını qazanacaq;
-Tutduğu yerdən asılı olaraq qalib gələn komandalara mükafatlar təqdim olunacaq (1-ci yer üçün Huawei MateBook, 2-ci yer üçün Huawei Phone, 3-cü yer üçün Huawei Matepad).

09/08/2023

Azərbaycan Texnologiya Universiteti ilə "Huawei Technologies” Azərbaycan şirkəti arasında əməkdaşlıq memorandumu imzalanıb.

Bu məqsədlə Azərbaycan Texnologiya Universiteti (ATU), İnnovasiya və Rəqəmsal İnkişaf Agentliyi və "Huawei Technologies” Azərbaycan şirkəti arasında üçtərəfli görüş keçirilib.

Azərbaycan Texnologiya Universitetində baş tutan görüşdə İnnovasiya və Rəqəmsal İnkişaf Agentliyini department rəhbərləri Fatimə Ələkbərova, Loukas Tzitzis, layihə rəhbəri Gülnar Mirhüseynova, kommunikasiya və tədbirlər üzrə meneceri Aygün Məmmədli, "Huawei Technologies” Azərbaycan şirkətini isə ictimaiyyətlə əlaqələr üzrə meneceri Kang Jia və insan resursları üzrə aparıcı mütəxəssisi Veronika İbrahimova təmsil edib.

Məhsuldar görüşdə birgə əməkdaşlıq məsələlərinin mövcud vəziyyəti və görüləcək işlər müzakirə edilib, ATU-da qurulacaq laboratoriya haqqında danışılıb.

İnnovasiya və Rəqəmsal İnkişaf Agentliyinin dəstəyi ilə baş tutan görüşün sonunda "Huawei” şirkəti ilə ATU arasında əməkdşalıq memorandumu imzalanıb.

Sənədi Azərbaycan Texnologiya Universitetinin (ATU) rektoru v.m.i.e. dos. Yaşar Ömərovla "Huawei Technologies” Azərbaycan şirkətinin ictimaiyyətlə əlaqələr üzrə meneceri Kang Jia imzalayıb.

Memorandumda Rəqəmsal Bilik və İKT Bacarıqları Proqramının hazırlanması istiqamətində birgə görüləcək işlər, ATU-nun "Huawei” İKT Akademiyasının üzvü olması, İKT sahəsində əmək bazarının tələblərinə uyğun kadrların yetişdirilməsi kimi məsəllər öz əksini tapır.

09/08/2023

Azərbaycan Texnologiya Universitetində almaq istəyən şəxslərin nəzərinə

Təkrar ali təhsil almaq istəyənlərin qəbul prosesi Elm və Təhsil Nazirliyinin xüsusi portalı portal.edu.az vasitəsilə həyata keçirilir.

Lazım olan sənədlərin siyahısı aşağıdakı kimidir:
1. Diplomun və əlavəsinin notarial qaydada təsdiqi
2. Şəxsiyyət vəsiqəsinin surəti
3. Hərbi biletin surəti (oğlanlar üçün)
4. Ərizə
5. 3x4 şəkil 4 ədəd
6. Əlaqə telefonu, email ünvanı

Sənədlərin qəbulu prosesi 31.08.2023-cü il tarixinədək davam edəcək.

09/08/2023

Azərbaycan Texnologiya Universiteti (ATU) Türkiyənin İqtisadi İnkişaf və Sosial Araşdırmalar İnstitutu (İKSAD) ilə birlikdə beynəlxalq elmi-praktik konfrans keçirəcəkdir.

Mühəndislik elmləri üzrə II Beynəlxalq Konfrans 21-22 sentyabr 2023-cü il tarixlərində Azərbaycan Texnologiya Universitetində hibrid formatda təşkil olunacaqdır.

Konfransın təqvimi aşağıdakı kimidir:

Tezisi təqdim etmək üçün son tarix - 03 sentyabr 2023-cü il
Qeydiyyat və ödəniş müddəti - 08 sentyabr 2023-cü il
Konfrans proqramının yayım tarixi - 12 sentyabr 2023-cü il
Məqaləni təqdim etmək üçün son tarix - 30 sentyabr 2023-cü il
Konfrans materiallarının nəşri - 20 oktyabr 2023-cü il

Konfransda təşkilati-hüquqi formasından asılı olmayaraq, istənilən ali təhsil və elmi tədqiqat müəssisələrində fəaliyyət göstərən tədqiqatçılar, sənaye müəssisələrinin nümayəndələri iştirak edə bilərlər.

Konfransın işçi dilləri: Azərbaycan, Türk, İngilis, Rus

Tezisin tərtib olunma qaydaları:

Konfransda iştirak etmək üçün əvvəlcə tezis təqdim olunur.

Tezislərin yekun qiymətləndirilməsi prosesi 5 gündən çox çəkmir.

Qiymətləndirmənin nəticəsi dərhal müəllifə bildirilir.

Tezislərin yazılma qaydaları aşağıdakı kimidir:

- Boş sahələrin ölçüləri: 2,5 sm
- Şrift: Times New Roman, 12 pt
- Sətir aralığı: 1.00 sm
- Adı: Bütün hərflər böyükdür
- Açar sözlər: ən azı 3
- Tezis 200 - 300 söz arasında olmalıdır.

Tezisdə bütün müəlliflərin adı, soyadı, iş yeri, ixtisası, e-poçt ünvanları, mobil telefon nömrələri və ORCID nömrələri olmalıdır.

Tezislər 3 sentyabr 2023-cü il tarixindən gec olmayaraq word/doc/docs formatında [email protected] ünvanına göndərilməlidir.

Tezisin Nümunə Formatını - https://www.iensci.org/ices?lang=tr linkini açdıqdan sonra, bu qeydiyyatdan (Öz Metin Örnek Format) götürmək lazımdır.

Məqalənin tərtib olunma qaydaları:

Tezis qəbul edildikdən sonra məqalə Konfrans Materiallarında dərc olunması üçün, 30 sentyabr 2023-cü il, saat 17:00-a qədər [email protected] ünvanına göndərilməlidir.

Oxşarlıq dərəcəsi 30%-dən yuxarı olan məqalələr qəbul edilmir.

Məqalənin yazılma qaydaları aşağıdakılardır:

- Boş sahələrin ölçüləri: 2,5 sm
- Şrift: Times New Roman, 12 pt
- Sətir aralığı: 1.00 sm
- Adı: Bütün hərflər böyükdür
- Altyazı: kiçik
- Səhifələrin sayı: 5 -25 səhifə həcmində olmalıdır.

Tam mətnlərdə XÜLASƏ, GİRİŞ, MÖVZU VƏ METODLAR, NƏTİCƏ və TƏTBİQ, NƏTİCƏ və TÖVSİYƏLƏR, ƏDƏBİYYAT ayrı başlıqlar altında yazılmalıdır.

Sitat formatı: APA 6 üslublu sitat formatından istifadə edilməlidir.

Məqalədəki bütün müəlliflərin adı, soyadı, iş yeri, ixtisası, şəhər və ölkəsi, e-poçt ünvanları, mobil telefon nömrələri və ORCID nömrələri olmalıdır.

Məqalənin Nümunə Formatını - https://www.iensci.org/ices?lang=tr linkini açdıqdan sonra, bu qeydiyyatdan (Tam Metin Örnek Format) götürmək lazımdır.

Konfransın ödənişləri:

Azərbaycan Texnologiya Universitetinin əməkdaşları üçün konfransda iştirak ödənişsizdir. Digər şəxslər üçün iştirak haqqı

- Konfransda Üz-üzə İştirak haqqı (Maksimum iki məruzə): Pulsuz
- Konfransda Onlayn Bir Məruzə ilə İştirak haqqı (Azərbaycan): 50 AZN
- Konfransda Onlayn Bir Məruzə ilə İştirak haqqı (Türkiyə): 500 TL
- Konfransda Onlayn İki Məruzə ilə İştirak haqqı (Azərbaycan): 75 AZN
- Konfransda Onlayn İki Məruzə ilə İştirak haqqı (Türkiyə): 750 TL

Türkiyə üzrə ödəniş

- 08 sentyabr 2023-cü il tarixinədək aşağıdakı linklərə klikləməklə kredit kartı ilə ödəniş olunmalıdır (Ödəniş qəbul məktubu göndərildikdən sonra edilməlidir)

- Kredit kartı ilə 500 TL ödəmək üçün linkə daxil olunmalıdır: https://iyzi.link/AIwWpg

- Kredit kartı ilə 750 TL ödəmək üçün linkə daxil olunmalıdır: https://iyzi.link/AItr5w

Azərbaycan üzrə ödəniş

Benefisiar bank: Kapital Bank ASC Şuşa filialı

Valyuta: AZN

Filial kodu: 200167

Nömrə: 9900003611

SWIFT kodu: AIIBAZ2###X

Çoxsaylı hesab: AZ37NABZ01350100000000001944

Benefisiarların adı: İKSAD AZƏRBAYCAN

Faydalar hesabı: AZ77AIIB400900D9447335204116

Faydaların VÖEN-i: 7501036281

Kapital Bank Adı: AZ 1130, Bakı şəhəri, 8-ci mikr-n, İbrahimpaşa Dadaşov kiçik.3158/3156-ci məhəllə

İKSAD Azərbaycan Adı və Telefon: Bakı ş., 8-ci mkr., Azadlıq m/s.

İbrahimpaşa Dadaşov balaca. 167a +994 77 331 98 24; +994 77 377 76 22

İştiraka nələr daxildir?

- Konfrans materiallarının ( tezis və məqalə) nəşri
- Əyani iştirak edən bütün müəlliflər üçün “iştirakçı sertifikatı”
- Onlayn iştirakçılar üçün “iştirakçı sertifikatı” (PDF formatında)

Konfransın keçiriləcəyi ünvan və əlaqə

Gəncə ş. AZ2011 Şah İsmayıl Xətai prospekti 103

Telefon: +90 551 621 70 76; +994 22 257-00-46

Faks: +90 216 606 32 75;

Konfrans haqqında daha ətraflı məlumat ATU – nun saytında (https://www.uteca.edu.az/post.php?post=780 ) verilib

07/07/2023

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi” tərəfindən reallaşdırılan “Gələcək üçün bacarıqlar” layihəsi çərçivəsində “100 illiyin gələcəyi” adlı tədbir keçirilib.

Ümumilli lider Heydər Əliyevin 100 illik yubileyinə həsr olunmuş tədbirdə mentorların ümumi inkubasiya proqramlarının yekunu olaraq formalaşdırdıqları 19 startap komandası layihələrini təqdim edib.

Müsabiqədə Azərbaycan Texnologiya Universitetinin 3 əməkdaşı mentor qismində çıxış edib. Onlardan İqtisadiyyat və idarəetmə fakültəsinin dekan müavini Tural Rüstəmov ikinci yeri tutaraq mükafata layiq görülüb.

​​“Gələcək üçün bacarıqlar” layihəsinin məqsədi innovasiya sahəsində kadr potensialının artırılması, təhsildə innovasiya fəaliyyətinin dəstəklənməsidir. Eyni zamanda innovativ ideyalarını inkişaf etdirmək üçün təhsil prosesində tələbələrə dəstək göstərilməsi və onların ölkəmizin texnoloji inkişafında önəmli rol oynayan kəşf, ixtira sahəsinə yönləndirilmələri əsas hədəflərdir.

​​Ümumilikdə layihəyə 2000-dən çox tələbənin 181 startap ideyası təqdim olunub. Bu çərçivədə universitetlərdə mentor kimi hazırlanmış 130-dan çox müəllimin dəstəyi ilə 98 startap komandası formalaşdırılıb.

Qeyd edək ki, layihə çərçivəsində Azərbaycan Texnologiya Universitetinin tələbələrindən ibarət startap komandalar da iştirak edib.

07/07/2023

Azərbaycan Texnologiya Universitetində Elmi Şuranın 2022/2023-cü tədris ilinin yekun iclası keçirilib

Elmi şuranın sədri, Azərbaycan Texnologiya Universitetinin rektoru v.m.i.e. dos. Yaşar Ömərov Elmi Şuranın 11 saylı iclasını açıq elan edib, gündəlikdə duran məsələləri diqqətə çatdırıb.

Daha sonra 2022/2023-cü tədris ilində ATU-nun fəaliyyəti və perspektiv inkişafı haqqında universitetin rektoru v.m.i.e. dos. Y.Ömərovun hesabatı dinlənilib.

Sonra elmi katib Sevda Qurbanova 2023/2024-cü tədris ilinin birinci yarımili üçün universitet Elmi Şurasının iş planını müzakirəyə təqdim edib, müzakirələrdən sonra plan təsdiq olunub.

Avtomatika, telekommunikasiya və informatika fakültəsinin dekanı Rövşən Hacıyevin hesabatı dinlənilib.

İmtahan komissiyasının rəhbəri İlhamə Rəhimova yaz imtahan sessiyasının vəziyyəti, Eldəniz Bayramov Apellyasiya komissiyasında işin gedişatı ilə bağlı məruzələrlə çıxış ediblər.

Elm və innovasiyalar üzrə prorektor əvəzi i.e.d. Mayıs Gülalıyev universitetin strukturunun optimallaşdırılması və yeni struktur bölmələrin yaradılmasına dair müvafiq komissiyanın hesabatını səsləndirib.

İclas çərçivəsində tədris metodiki vəsaitlər təsdiq olunub, İctimai elmlər və multikulturalizm kafedrasının dos. Hüseyn Budaqov 75 illiyi münasibətilə, İqtisadiyyat və idarəetmə fakültəsinin dekan müavini Tural Rüstəmov isə "Gələcək üçün Bacarıqlar" layihəsində II yer tutduğuna görə fəxri fərmanla təltif ediliblər.