Gəncə şəhəri 1 nömrəli Uşaq-Gənclər İdman-Şahmat məktəbi

🌿“Özünü inkişaf proqramı” çərçivəsində gənclərlə Sərbəst Güləş və peşəkar boks üzrə nümunəvi idmançılar arasında motivasiya görüşü keçirilib.

🤼‍♂️ Görüşdə sərbəst güləş üzrə beynəlxalq yarışların mükafatçısı Turan Bayramov və 🥊 peşəkar boksçu Şahlar Nağıyev gənclərlə öz təcrübələrini bölüşüb.

Təhsil RİM Gəncə şəhər 1 nömrəli UGİŞM-in tədris işləri üzrə müdir müavini Tariyel Hüseynovda tədbir iştirakçıları arasında yer alıb.

Çıxışlar zamanı idmanda intizam, məqsədyönlülük, əzm və daim inkişaf etməyin vacibliyi vurğulanıb.

Gənclər idmançılara suallar ünvanlayıb, onların uğur hekayələri böyük maraqla qarşılanıb🎯

Sonda gənclərlə birgə xatirə şəkli çəkdirilib.

💬 Xatırladaq ki, belə görüşlər gənclərin motivasiyasının artırılmasında və sağlam həyat tərzinin formalaşmasında mühüm rol oynayır.

🥋 Türkiyənin İstanbul şəhərində cüdo üzrə gənclər arasında Avropa Kuboku start götürüb.

🇦🇿 Yarışın ilk günündə milli komandamızın heyətində yer alan Təhsil RİM PHŞ Gəncə şəhər 1 nömrəli UGİŞM-in cüdo bölməsinin yetirməsi Sadiq İsgəndərli (şəxsi məşqçisi-Hüseyn Allahverdiyev) -66 kq çəki dərəcəsində beynəlxalq turnirin bürünc medalına yiyələnib.

📊 Azərbaycan 1 qızıl və 2 bürünc mükafatla 27 ölkə arasında ümumi komanda hesabında üçüncü, oğlanların mübarizəsində isə ikinci pillədə qərarlaşıb.

İdmançımızı və şəxsi məşqçisini təbrik edir, gələcək yarışlarda daha böyük uğurlar arzu edirik!

28–30 aprel tarixlərində taekvondo idman növü üzrə yeniyetmələr arasında ölkə birinciliyi keçirilib.

Fövqəladə Hallar Nazirliyi İdman-sağlamlıq klubunda (FHN İSK) keçirilən birincilikdə 70 klub və idman cəmiyyətini təmsil edən ümumilikdə 554 idmançı çempionluq uğrunda mübarizə aparıb.

Təhsil RİM Gəncə şəhər 1 nömrəli Uşaq-Gənclər İdman-Şahmat Məktəbinində taekvandoçuları bu yarışda iştirak edib və müxtəlif əyarlı medallara sahib çıxıblar.

Allahverdiyev Kamal (45 kq) I yer🥇
(şəxsi məşqçisi-Yusibov Pərvin)

Nəsibov Raul (49 kq) I yer🥇
(şəxsi məşqçisi-Nağıyev Şahmar)

Əliyev Ümid (61 kq) I yer🥇
(şəxsi məşqçisi-Zalov İmran)

Nağızadə Yusif (65 kq) I yer🥇
(şəxsi məşqçisi-Nağıyev Şahmar)

Babayev Samuray (37 kq) III yer🥉
(şəxsi məşqçisi-Zalov İmran)

Qafarov Qafar (61 kq) III yer🥉
(şəxsi məşqçisi-Nağıyev Şahmar)

Aslanov Sahib (65 kq) III yer🥉
(şəxsi məşqçisi-Zalov İmran)

Xatırladaq ki, taekvondo üzrə yeniyetmələr arası ölkə birinciliyində iştirak edən komandaların arasında məktəbimizin yetirmələrindən ibarət komandası qazandıqları medalların sayı və əyarına görə birinci pillədə qərarlaşaraq yarışın kubokuna yiyələnib💪

1. Gəncə şəhər 1 nömrəli UGİŞM🏆
2. Rizvan TK
3. Neftçi İK
4. Abşeron TK
5. Azəri TK

İdmançılarımızı və məşqçilərini təbrik edir, gələcək yarışlardada uğurlar arzu edirik!

Gəncə Şəhər İcra Hakimiyyətinin başçısı Niyazi Bayramov müxtəlif ölkələrdə keçirilən Avropa və Dünya çempionatlarında yüksək nailiyyətlər əldə etmiş Gəncəli idmançılarla görüşüb.

Gəncə Şəhər İcra Hakimiyyətinin inzibati binasında keçirilən görüşdə "Əməkdar bədən tərbiyəsi və idman xadimi", “Şöhrət” ordenli Elçin Zeynalov, “Təhsil” RİM PHŞ Gəncə şəhər 1 nömrəli Uşaq-Gənclər İdman-Şahmat Məktəbinin direktoru, Olimpiya çempionu, “Şöhrət” ordenli Ramil Qasımov, “Təhsil” RİM Gəncə şəhər 2 nömrəli Uşaq-Gənclər İdman-Şahmat Məktəbinin direktoru, “Əməkdar Bədən Tərbiyəsi və İdman Xadimi” Asif Həsənov, “Təhsil” RİM Gəncə şəhər 1 nömrəli Uşaq-Gənclər İdman-Şahmat Məktəbinin baş təlimatçısı, “Şöhrət” ordenli Əli Hacıyev, eləcə də idmançılar və məşqçilər iştirak ediblər.

Niyazi Bayramov tədbir iştirakçılarını salamlayaraq bildirib ki, Prezident İlham Əliyevin və Birinci vitse-prezident Mehriban xanım Əliyevanın rəhbərliyi ilə həyata keçirilən dövlət siyasəti nəticəsində Azərbaycan idmanı sürətlə inkişaf edir və beynəlxalq arenada böyük uğurlar qazanır. Ötən gün möhtərəm Prezident cənab İlham Əliyev tərəfindən Avropa çempionatında komanda hesabında çempion olan güləşçilərin qəbul edilməsi ölkəmizdə idmana göstərilən yüksək diqqət və qayğının növbəti nümunəsidir. Bu cür diqqət və dəstək idmançıların yeni nailiyyətlər qazanmasına güclü stimul verir.

Şəhər rəhbəri onu da bildirib ki, ölkənin bütün bölgələrində olduğu kimi, Gəncə şəhərində də idmana xüsusi önəm verilir. Qeyd edib ki, Prezident İlham Əliyevin göstərişi ilə şəhərdə Gəncə İdman Sarayı və Gəncə Şəhər Stadionu yenidən inşa olunub, digər idman obyektlərində isə mütəmadi olaraq təmir işləri aparılır. Bu da idmançıların yerli və beynəlxalq yarışlarda uğur qazanmasına müsbət təsir göstərir.

Daha sonra şəhər rəhbəri dünyanın müxtəlif ölkələrində keçirilən Avropa və Dünya çempionatlarında yüksək nəticələr əldə edən idmançıları təbrik edib, onlara gələcək fəaliyyətlərində uğurlar arzulayıb.

İdmançılar isə çıxış edərək bildiriblər ki, onlara göstərilən diqqət və qayğı, yaradılan şərait yeni uğurlar qazanmağa əlavə motivasiya verir. Qeyd olunub ki, Azərbaycan idmanının inkişafı üçün həyata keçirilən dövlət siyasəti idmançıların beynəlxalq arenalarda ölkəmizi layiqincə təmsil etməsinə geniş imkanlar yaradır. Onlar əldə etdikləri nailiyyətlərin davamlı olması üçün bundan sonra da səylə çalışacaqlarını vurğulayıblar.

Sonda bir qrup idmançı Niyazi Bayramov tərəfindən “Təşəkkürnamə” ilə təltif olunub və xatirə şəkli çəkdirilib.

Məktəbimizin rəhbərliyi başda olmaqla bütün idarə və məşqçi-müəllim heyəti adından idmana və idmançılara göstərilən diqqət və qayğıya görə Gəncə şəhər icra hakimiyyəti başçısı hörmətli Niyazi Bayramova təşəkkür edirik!

Oğlan boksçular (U-15) arasında növbəti zona birinciliyinə yekun vurulub🥊

Lənkərandakı yarışın ardınca komandalar Şəkidə mübarizəyə başlayıblar.

Boks idman növünün şəhər, rayon, qəsəbə və kəndlərdə təbliği və inkişafı, perspektivli idmançıların müəyyənləşdirilməsi üçün təşkil olunan ilin ikinci birinciliyi Şəki Olimpiya İdman Kompleksində keçirilib.22 Aprel tarixində start götürən və 4 gün davam edən yarışda 37 komandanın 185 boksçusu gücünü yoxlayıb.18 çəki dərəcəsində fərqlənən idmançılar U-15-lər arasında Şamaxıda keçiriləcək final mərhələsinə vəsiqə qazanıb.

Baş tutan zona birinciliyində 38 komandanın 200 boksçusu mübarizə aparıb və məşqçilər korpusu final mərhələsinə vəsiqə qazanan idmançıları müəyyənləşdirib.

Məktəbimizin boks bölməsinin 11 yetirməsidə turnirdə iştirak edərək yarışın final mərhələsinə vəsiqəni əldə ediblər:

1.Cabbarov Abdullah (38 kq)
(şəxsi məşqçisi-Qəribov Albert)

2.Qarazadə Səid (42 kq)
(şəxsi məşqçisi-Qəribov Albert)

3.Məmmədov Muraz (44 kq)
(şəxsi məşqçisi-Namazov Səbuhi)

4.Rəcəbli Rəvan (52 kq)
(şəxsi məşqçisi-Qəribov Albert)

5.Tağızadə Anar (54 kq)
(şəxsi məşqçisi-Namazov Samir)

6.Əli Yusif (57 kq)
(şəxsi məşqçisi-Əliyev Məhəmməd)

7.Xanbabayev Nihat (60 kq)
(şəxsi məşqçisi-Namazov Samir)

8.Abbasov Rafael (66 kq)
(şəxsi məşqçisi-Əliyev Məhəmməd)

9.Haxverdiyev Sərxan (70 kq)
(şəxsi məşqçisi-İbrahimov Bəhruz)

10.Bəyqulubəyov İbrahim (75 kq)
(şəxsi məşqçisi-Əliyev Məhəmməd)

11.Məmmədov Amin (90 kq)
(şəxsi məşqçisi-Qəribov Albert)

İdmançılarımızı və məşqçilərini təbrik edir,gələcək yarışlardada uğurlar arzu edirik!

24-26 Aprel tarixlərində Almaniyanın paytaxtı Berlində cüdo üzrə yeniyetmələr arasında U-18 Avropa Kuboku keçirilib.

Turnirdə 3️⃣6️⃣ ölkədən 7️⃣7️⃣4️⃣ idmançı (472 oğlan, 302 qız) mübarizə aparıb. Avropa Cüdo Birliyinin təşkilatçılığı ilə reallaşan yarışda ölkəmiz 16 çəki dərəcəsində 39 cüdoçu (20 oğlan, 19 qız) ilə təmsil olunub.

Millimizin heyətində məktəbimizin cüdo bölməsinin yetirmələridə iştirak edərək aşağdakı nəticələrə imza atıblar.

1.Qarayev İlkin (66 kq) III yer🥉
(şəxsi məşqçisi-Allahverdiyev Hüseyn)

2.Məmmədov Sadiq (73 kq) II yer🥈
(şəxsi məşqçisi-İsmayılov Samir)

3.Kazımov Ruslan (+90 kq) III yer🥉
(şəxsi məşqçisi-Bayramov Ceyhun)

Aktivinə 2 qızıl🥇, 5 gümüş🥈 və 6 bürünc🥉 medal yazdıran Azərbaycan millisi turniri 35 ölkə arasında ümumi komanda hesabında üçüncü pillədə başa vurub. Oğlanların mübarizəsində isə yığmamız birinci yeri tutub🏆

İdmançılarımızı və məşqçilərini təbrik edir,gələcək yarışlardada uğurlar arzu edirik!

Turan Bayramovdan növbəti medal🥈

Aprelin 20-dən 26-dək Albaniyanın Tirana şəhərində güləş üzrə Avropa çempionatı keçirilib.Millimizin heyətində məktəbimizin sərbəst güləş bölməsinin yetirməsi Turan Bayramov(şəxsi məşqçisi-Abil İbrahimov) 74 kq çəki dərəcəsində yalnız final görüşündə məğlub olaraq gümüş medalla kifayətlənməli olub.

Xatırladaqki, Albaniyanın paytaxtı Tiranada keçirilən Avropa çempionatında millimiz 3 qızıl🥇2 gümüş🥈1 bürünc🥉medal qazanıb. Bu nəticələrdən sonra sərbəst güləş üzrə millimiz 152 xal toplayaraq 6-cı dəfə Avropa çempionu olub🏆
Komandamız 2-ci yeri tutan Gürcüstanı 58 xal qabaqlayıb. Ermənistan isə 73 xalla üçüncü olub.

Millimiz Albaniyada medalların əyarına görə, son 17 ilin ən yaxşı nəticəsinə imza atıb. Bu, komandamızın 2009-cu ildən bu yana Avropa çempionatında ən yaxşı göstəricisidir.

İdmançımızı və məşqçisini təbrik edir,gələcək yarışlardada uğurlar arzu edirik!

🥋18-19 Aprel tarixlərində Abşeron Olimpiya İdman Kompleksində cüdo üzrə U-14 yeniyetmələr arasında Liqa yarışının II turu reallaşıb.Keçirilən turnirdə 89 klub və idman cəmiyyətindən 529 idmançı (437 oğlan, 92 qız) mübarizə aparıb.

Təhsil RİM PHŞ Gəncə şəhər 1 nömrəli UGİŞM-nin cüdo bölməsinin yetirmələridə bu yarışda iştirak edib və müxtəlif əyarlı medallar qazanıblar.

1.Məmmədov Süleyman (60 kq) I yer🥇
(şəxsi məşqçisi-Rzazadə Xanəhməd)

2.Əlişov Mehdi (38 kq) II yer🥈
(şəxsi məşqçisi-Abbasov Tural)

Xatırladaqki, cari ildə U-14 Liqa yarışının 3-cü turunun keçirilməsi planlaşdırılır. Bu yarışlar idmançıların reytinq cədvəlinin formalaşmasında önəmli rol oynayacaq.

İdmançılarımızı və məşqçilərini təbrik edir,gələcək yarışlardada uğurlar arzu edirik!

🥋15-17 Aprel tarixlərində Abşeron Olimpiya İdman Kompleksində cüdo üzrə U-17 yeniyetmə qız və oğlanlar arasında Liqa yarışının I turu reallaşıb.

“Təhsil” RİM PHŞ Gəncə şəhər 1 nömrəli UGİŞM-nin cüdo bölməsinin yetirmələridə bu yarışda iştirak edib və uğurlu nəticələrə imza atıblar.

Oğlanlarda:

1.Nurəli İsmayılov (73 kq) III yer🥉
(şəxsi məşqçisi- Allahverdiyev Hüseyn)

2.Ruslan Kazımov (+90 kq) II yer🥈
(şəxsi məşqçisi-Bayramov Ceyhun)

Qızlarda:

3.Məmmədova Nəzrin (63 kq) I yer🥇
(şəxsi məşqçisi-Abbasov Tural)

4.Həbibli Dəniz (+70 kq) I yer🥇
(şəxsi məşqçisi-Bayramov Ceyhun)

Xatırladaqki, cari ildə U-17 Liqa yarışının 2-ci turunun keçirilməsi planlaşdırılır. Bu yarışlar idmançıların reytinq cədvəlinin formalaşmasında önəmli rol oynayacaq.

İdmançılarımızı və məşqçilərini təbrik edir, gələcək yarışlardada uğurlar arzu edirik!

Məktəb rəhbərliyinin göstərişinə əsasən dərs hissə müdiri və təlimatçılar tərəfindən keçirilən monitorinqlər davam edir.Aparılan monitorinqlər və məşqlərin davamiyyətinin izlənməsi prosessinin məqsədi məşqlərin keyfiyyətini artırmaq və idmançıların inkişafını təmin etməkdir.

🥋 Bu gün Gürcüstanın paytaxtı Tbilisidə cüdo üzrə böyüklər arasında Avropa çempionatı start götürüb.🥋

"Təhsil" RİM PHŞ Gəncə şəhər 1 nömrəli UGİŞM-nin cüdo bölməsinin yetirməsi Turan Bayramov (şəxsi məşqçisi-Xanəhməd Rzayev) 66 kq çəki dərəcəsində bürünc medal qazanıb.O, üçüncü yer uğrunda görüşdə Rusiya idmançısı Abdullax Parçiyevi ipponla məğlub edərək bürünc medalın sahibi olub.🥉🇦🇿

Xatırladaqki, bu titul Turan Bayramovun karyerasında yeni səhifə açıb, idmançımız ilk Avropa mükafatını Tbilisidə əldə edib. 💫

Cüdoçumuzu və məşqçisini təbrik edir, gələcək yarışlardada uğurlar arzulayırıq! ✊