Azərbaycan Milli Elmlər Akademiyasi Gəncə Bölməsi

AMEA-nın Gəncə Bölməsində şəhərin tarixinə dair arxeoloji tədqiqatlara həsr olunan seminar keçirilib
Bölmənin Rəyasət Heyəti üzvləri və əməkdaşlarının iştirak etdiyi tədbiri giriş sözü ilə açarkən, bu elm ocağının sədri, akademik Fuad Əliyev Azərbaycanın milli ruhunun ən güclü təzahürü baxımından əlamətdar şəhərlərdən olan Gəncənin tarixinin elmi cəhətdən köklü şəkildə işlənilməsi, bu xüsusda onun yerləşdiyi coğrafiyada davamlı arxeoloji tədqiqatların aparılmasının vacib olduğunu bildirib.
O, xatırladıb ki, dahi Nizami Gəncəvinin 870 illiyinin böyük təntənə ilə qeyd edildiyi tədbirlərdən bir qədər sonra, 2013-cü ildə şəhərdə bir çox arxeoloji və etnoqrafik tədqiqatların yenidən aparılmasına böyük etiyac duyulduğu nəzərə alınaraq, Nizami Gəncəvi Beynəlxalq Mərkəzinin təşkilatçılığı və yerli icra hakimiyyətinin dəstəyi ilə nüfuzlu beynəlxalq arxeoloji ekspedisiya qrupu Gəncə şəhərində və ətraf ərazilərdə arxeoloji qazıntılar aparmış, onun tarixinə dair qiymətli faktlar üzə çıxarmış və yeni yanaşmalar şəhərimizin yaşənın 4 min il olduğunu ortaya qoymuşdur.
Akademik Fuad Əliyev bugünkü seminarın Gəncə şəhərinin tarixi-etnoqrafik mənzərəsinin öyrənilməsi yönündə xüsusən gənc tədqiqatçılara dəyırli məlumat və tezislər verə biləcəyinə inandığını bildirib.
Bu baxımdan, seminarda “Gəncədə aparılmış arxeoloji qazıntıların nəticələri və onların tarixi əhəmiyyəti” mövzusu üzrə Bölmənin Diyarşünaslıq İnstitutunun Tarix şöbəsinin müdiri, tarix üzrə fəlsəfə doktoru Nərgiz Rəsulova çıxış edib.
O, Şərq aləminin əhəmiyyətli yaşayış və nüfuz mərkəzlərindən biri olmuş Gəncə şəhərinin arxeoloji tədqiqatlarının xronologiyasına nəzər salıb. Bu baxımdan, çıxışçı xüsuilə XIX əsrdən etibarən şəhərin qədim və həmin dövrlərdəki tarixini və əhalinin məişətini öyrənmək üçün Avropa və Rusiya tədqiqatçılarının, eləcə də XX əsrdə görkəmli sovet və Azərbaycan alimlərinin, müstəqillik qazandığımızdan sonrakı müasir dövrümüzdə isə aparıcı arxeoloqlarımızın da iştirak etdiyi beynəlxalq ekspedisiyaların nəticələri barədə ətraflı məlumatlar verib.
İştirakçılar maraqlandıqları məsələlər barədə sual və mülahizələrini bölüşüblər.
Yekunda akademik Fuad Əliyev çıxışçı və iştirakçılara maraqlı müzakirələrə görə təşəkkür edib. O, tədbirin xüsusən gənc tədqiqatçıların Gəncənin arxeologiyası mövzusunda məlumatlarının artırılması üçün faydalı olduğunu vurğulayıb.

“Son zamanlar sürətlə inkişaf edən süni intellekt texnologiyaları proqram mühəndisliyi, rəqəmsal dövlət, kompüter mühəndisliyi, data analitikası, data mühəndisliyi, kibertəhlükəsizlik, informasiya hüququ, rəqəmsal kriminalistika və s. kimi ixtisaslar üzrə peşəkar kadrlara tələbatı daha da artırıb.”

Bu fikirləri açıqlamasında AMEA-nın vitse-prezidenti akademik Rasim Əliquliyev deyib.

Ətraflı: https://science.gov.az/az/news/open/36371

15 İyun - Milli Qurtuluş Gününə həsr olunan dəyirmi masa
Azərbaycan Milli Elmlər Akademiyasinın Gəncə Bölməsi və YAP Gəncə şəhər 2 sayli ərazi partiya təşkilatı tərəfindən “15 İYUN - GƏNCƏDƏN BAŞLAYAN QURTULUŞ SALNAMƏSİ” mövzusunda dəyirmi masa keçirilib
Tədbir Azərbaycan Respublikasının Dövlət Himninin səsləndirilməsi və Ulu öndər Heydər Əliyevin və şəhidlərin xatirəsinin anılması ilə başlayıb.
AMEA-nın Gəncə Bölməsinin sədri akademik Fuad Əliyev giriş sözündə xalqımızın tarixinə şərəflə yazılan Milli Qurtuluş Gününün ictimai, siyasi və tarixi əhəmiyyətini vurğulayaraq, bildirib ki, 1991-ci ildə SSRİ dağılandan sonra Azərbaycan müstəqilliyini bərpa etsə də, erməni təcavüzü, iqtisadi böhran və o zaman iqtidarda olan qeyri-peşəkar insanların yarıtmaz idarəçiliyi ucbatından müstəqilliyimizin itirilməsi təhlükəsi şəraitində Azərbaycan xalqı bu təhlükəni hiss edərək öz xilaskarına - Heydər Əliyevə üz tutdu. Xalqın istəyi ilə Heydər Əliyev ikinci dəfə hakimiyyətə qayıdaraq Azərbaycanı böyük bəlalardan xilas etdi və dövlətçiliyimizin əsasını qoydu.
Sonra dəyirmi masanın məruzələri dinlənilib.YAP Gəncə şəhər 2 saylı ərazi partiya təşkilatının sədri Vüsal Eminbəyli “Ulu Öndər Heydər Əliyev və Gəncə: Qurtuluşdan Milli İnkişafa”,AMEA-nın Gəncə Bölməsinin elmi işlər üzrə sədr müavini, dosent Əlimuxtar Muxtarov “Milli qurtuluş günü AMEA-nın Gəncə Bölməsinin nəşrlərində”, AMEA-nın Gəncə Bölməsi Nizami Gəncəvi Mərkəzinin Nizaminin ensiklopediyası şöbəsinin böyük elmi işçisi Sevinc Mirzəyeva “Qurtuluşun başlanğıcı: Naxçıvandan ucalan Liderlik”, AMEA-nın Gəncə Bölməsi Nizami Gəncəvi Mərkəzinin Dünya nizamisünaslığının tətqiqi şöbəsinin kiçik elmi işçisi Sevinc Hacıyeva “Qurtuluşla başlayan 44 günlük zəfər salnaməsi”, AMEA-nın Gəncə Bölməsi Diyarşünaslıq İnstitutu Tarix şöbəsinin laborantı Nuranə Qənbərova “Seperatçı qüvvələrin Azərbaycanı parçalamaq planlarına qarşı Heydər Əliyevin xilaskarlıq faktoru” və AMEA-nın Gəncə Bölməsi Diyarşünaslıq İnstitutu Etnoqrafiya şöbəsinin laborantı Nigar Həsənova “Azərbaycanın qurtuluş hərəkatında Gəncənin tarixi əhəmiyyəti” mövzularında çıxış ediblər.
Bölmənin sədrinin müavini Rasim Tağıyev də öz çxışında həmin ziddiyyətli dövrün, o cümlədən Gəncədə gedən proseslərin canlı şahidi kimi öz xatirələrini bölüşərəK, Ulu Öndər Heydər Əliyevin müdrik və qətiyyətli addımlarının ölkənin xilası və gələcəyinin müəyyənləşdirilməsində müstəsna rol oynadığını bildirib.
Çıxışlar ətrafında müzakirələr aparılıb.
Akademik Fuad Əliyev bugünkü tədbirdə maraqlı çıxış və mülahizələrə görə iştirakçlara təşəkkür edib və xüsusilə gənc məruzəçilərin fəallığını yüksək qiymətləndirib.

AMEA-nın Gəncə Bölməsinin Rəyasət Heyətinin növbəti iclası olub
Genişləndirilmiş formatda keçirilən toplantıya aidiyyatı institut və şöbələrin əməkdaşlar da qatılıblar.
İclasın gündəliyi Bölmənin elmi-fəaliyyətinə dair cari işləri əhatə edib.
AMEA-nın Rəyasət Heyətinin üzvü, Gəncə Bölməsinin sədri, akademik Fuad Əliyev toplantıdakı giriş sözündə əməkdaşları öz çıxışları zamanı müzakirə olunacaq məsələlərin əsas mahiyyətini, eləcə də konkret şəkildə görülməsi vacib olan tədbirləri əhatə etməyə çağırıb.
Akademik Fuad Əliyev gündəlikdəki ilk məsələ kimi, Gəncə Bölməsinin elmi müəssisələrinin 2026-cı ilin birinci yarısı üzrə elmi və elmi-təşkilati fəaliyyətinə dair yarımillik hesabatlar, onların forma, məzmun, texniki və digər tərtibat qaydalarının, təqdim olunma prosedurlarının doğru və düzgün yerinə yetirilməsi məsələləri haqda danışıb və bu istiqamətlərdə müvafiq tövsiyələr verilib.
Gündəlikdəki növbəti məsələ, dahi Azərbaycan şairi Nizami Gəncəvinin 885 illiyinə həsr olunmuş “Azərbaycan və dünya nizamişünaslığının aktual problemləri” mövzusunda II beynəlxalq elmi konfransının hazırlıq vəziyyəti haqda dosent Əlimuxtar Muxtarovn və m fil.ü.f.d. Təranə Verdiyeva məlumat veriblər.
AMEA-nın Gəncə Bölməsinin doktoranturasına sənəd qəbulu elanlarına dair k.ü.f.d. Aynurə Həsənova, Bölmədə fəaliyyət göstərən Əlişir Nəvai adına Özbək dili və mədəniyyəti Mərkəzinin fəaliyyəti haqda qurumun rəhbəri, fil.ü.f.d. Xəyalə Hüseynova, “Gəncə İncəsənəti” kitabının hazırlıq vəziyyəti haqda dosent Samirə Qasımova, “Gəncə Bölməsinin elmi əsərləri. Humanitar və ictimai elmlər üzrə” kitabının hazırlıq vəziyyəti haqda elmi katib Günay Cəfərova, Elmi kitabxananın müdiri Vüsalə Hüseynova və Rəqəmsallaşma və Sİ şöbəsinin mütəxəssisi Nailə Mirzəyeva danışıblar.
Toplantıda həmçinin əməkdaşların elmi ezamiyyətlərinin yekunları müzakirə edilib, bir sıra cari məsələlər haqda da danışılıb.
İclasın sonunda ənənəvi olaraq, əməkdaşların elmi jurnallara və forumlara təqdim etdikləri məqalələrinin siyahısı səsləndirilib.

AMEA-nın Gəncə Bölməsində “Səməd Vurğun və Azərbaycan ədəbiyyatı” mövzusunda dəyirmi masa keçirilib
Tədbir tanınmış ictimai xadim, Xalq şairi, dramaturq, SSRİ Dövlət mükafatları laureatı, Azərbaycan Respublikası Elmlər Akademiyasının həqiqi üzvü Səməd Yusif oğlu Vəkilovun 120 illik yubileyinə həsr olunub.
AMEA nın Gəncə Bölməsinin sədri, akademik Fuad Əliyev dəyirmi masa müzakirələrini giriş sözü ilə açarkən, 20-ci əsr Azərbaycan ictimai həyatının və ədəbiyyatının görkəmli nümayəndəsi olan Səməd Vurğunun yaradıcılığının zənginliyini və onunn əsərlərinin keçmiş SSRİ məkanında, eləcə də dünyanın bir sıra ölkələrində tanındığını və müxtəlif dillərə tərcümə olunduğunu bildirib.
Akademik Fuad Əliyev vurğulayıb ki, cənab Prezident İlham Əliyevin “Xalq şairi Səməd Vurğunun anadan olmasının 120 illik yubileyinin qeyd edilməsi haqqında” 23 fevral 2026- cı il tarixli Sərəncamı milli dəyərlərimizin, eləcə də tanınmış şəxslərimizin irsinin qorunması və tanıdılması kimi ali məqsədlərə xidmət edir və günkü tədbir də həmin dövlət sənədinin işığında və Bölmənin tədbirlər planına müvafiq olaraq keçirilir.
Sonra tədbirin məruzələri dinlənilib.
AMEA-nın Gəncə Bölməsinin Nizami Gəncəvi Mərkəzinin Dünya nizamişünaslığının tədqiqi şöbəsinin elmi işçisi Aynur Mirişli “Səməd Vurğunun həyatı və idealları”, AMEA-nın Gəncə Bölməsinin elmi işlər üzrə sədr müavini, dosent Əlimuxtar Muxtarov “Azərbaycan nizamişünaslığının tarixində Səməd Vurğunun yeri”, AMEA-nın Gəncə Bölməsinin Nizami Gəncəvi Mərkəzinin Nizami irsində sənətsünaslıq şöbəsinin müdiri, fil.ü.f.d. Təranə Verdiyeva “Səməd Vurğun və Gəncə”, AMEA-nın Gəncə Bölməsinin Nizami Gəncəvi Mərkəzinin Nizaminin elmi fəlsəfi görüşləri şöbəsinin müdiri, fil.ü.f.d. Xəyalə Hüseynova “Səməd Vurğunun epik yaradıcılığı”, AMEA-nın Gəncə Bölməsinin Humanitar Tədqiqatlar İnstitutunun Ədəbiyyat şöbəsinin elmi işçisi Sənubər Abdinova “Səməd Vurğun və “Vaqif” dramı”, AMEA-nın Gəncə Bölməsinin Humanitar Tədqiqatlar İnstitutunun Ədəbiyyat şöbəsinin böyük laborantı Güləndam İsmayılova “Səməd Vurğun və “Azərbaycan” şeiri” mövzularında çıxış ediblər.
Çıxışlar ətrafında müzakirələr aparılıb.

AMEA-nın Gəncə Bölməsində “Səməd Vurğun və Azərbaycan ədəbiyyatı” mövzusunda dəyirmi masa keçirilib Tədbir tanınmış ictimai xadim, Xalq şairi, dramaturq, SSRİ Dövlət m...

AMEA-nın Gəncə Bölməsində “Səməd Vurğun və Azərbaycan ədəbiyyatı” mövzusunda dəyirmi masa keçirilib
Tədbir tanınmış ictimai xadim, Xalq şairi, dramaturq, SSRİ Dövlət mükafatları laureatı, Azərbaycan Respublikası Elmlər Akademiyasının həqiqi üzvü Səməd Yusif oğlu Vəkilovun 120 illik yubileyinə həsr olunub.
AMEA nın Gəncə Bölməsinin sədri, akademik Fuad Əliyev dəyirmi masa müzakirələrini giriş sözü ilə açarkən, 20-ci əsr Azərbaycan ictimai həyatının və ədəbiyyatının görkəmli nümayəndəsi olan Səməd Vurğunun yaradıcılığının zənginliyini və onunn əsərlərinin keçmiş SSRİ məkanında, eləcə də dünyanın bir sıra ölkələrində tanındığını və müxtəlif dillərə tərcümə olunduğunu bildirib.
Akademik Fuad Əliyev vurğulayıb ki, cənab Prezident İlham Əliyevin “Xalq şairi Səməd Vurğunun anadan olmasının 120 illik yubileyinin qeyd edilməsi haqqında” 23 fevral 2026- cı il tarixli Sərəncamı milli dəyərlərimizin, eləcə də tanınmış şəxslərimizin irsinin qorunması və tanıdılması kimi ali məqsədlərə xidmət edir və günkü tədbir də həmin dövlət sənədinin işığında və Bölmənin tədbirlər planına müvafiq olaraq keçirilir.
Sonra tədbirin məruzələri dinlənilib.
AMEA-nın Gəncə Bölməsinin Nizami Gəncəvi Mərkəzinin Dünya nizamişünaslığının tədqiqi şöbəsinin elmi işçisi Aynur Mirişli “Səməd Vurğunun həyatı və idealları”, AMEA-nın Gəncə Bölməsinin elmi işlər üzrə sədr müavini, dosent Əlimuxtar Muxtarov “Azərbaycan nizamişünaslığının tarixində Səməd Vurğunun yeri”, AMEA-nın Gəncə Bölməsinin Nizami Gəncəvi Mərkəzinin Nizami irsində sənətsünaslıq şöbəsinin müdiri, fil.ü.f.d. Təranə Verdiyeva “Səməd Vurğun və Gəncə”, AMEA-nın Gəncə Bölməsinin Nizami Gəncəvi Mərkəzinin Nizaminin elmi fəlsəfi görüşləri şöbəsinin müdiri, fil.ü.f.d. Xəyalə Hüseynova “Səməd Vurğunun epik yaradıcılığı”, AMEA-nın Gəncə Bölməsinin Humanitar Tədqiqatlar İnstitutunun Ədəbiyyat şöbəsinin elmi işçisi Sənubər Abdinova “Səməd Vurğun və “Vaqif” dramı”, AMEA-nın Gəncə Bölməsinin Humanitar Tədqiqatlar İnstitutunun Ədəbiyyat şöbəsinin böyük laborantı Güləndam İsmayılova “Səməd Vurğun və “Azərbaycan” şeiri” mövzularında çıxış ediblər.
Çıxışlar ətrafında müzakirələr aparılıb.