Biləsuvar rayon Nəsimi kənd Rafiq Rzayev adına tam orta məktəb

📖🌿 Mütaliə Saatı 🌿📖
📚✨ Biləsuvar rayon Rafiq Rzayev adına Nəsimi kənd tam orta ümumtəhsil məktəbində
💫📖 Hər səhifə yeni bir dünya! 📖💫
📚✨ Şagirdlərin mütaliəyə marağını artırmaq, onların söz ehtiyatını zənginləşdirmək, nitq və düşünmə bacarıqlarını inkişaf etdirmək məqsədilə keçirilən bu tədbir çərçivəsində müxtəlif mövzularda kitablar oxundu, maraqlı müzakirələr aparıldı və şagirdlər öz fikirlərini sərbəst şəkildə ifadə etdilər. ✨📚
📖💡 Mütaliə saatı zamanı 3a sinif şagirdləri Rasət Yoldaşov müəllimin köməyi ilə kitabların insan həyatındakı rolu, bilik və dünyagörüşün formalaşmasında əhəmiyyəti barədə məlumatlandılar, oxu vərdişlərinin inkişafının vacibliyini bir daha dərk etdilər. 💡📖

📢 Məktəb–valideyn əməkdaşlığı: Uğurlu gələcəyin təməli!
Biləsuvar rayon Rafiq Rzayev adına Nəsimi kənd tam orta ümumtəhsil məktəbində valideyn iclası keçirilmişdir. İclas zamanı şagirdlərin nizam-intizam qaydalarına əməl etməsi, məktəb daxili davranış normaları və valideyn–məktəb əməkdaşlığının əhəmiyyəti müzakirə olunmuşdur.
Valideynlərlə aparılan səmimi fikir mübadiləsi nəticəsində şagirdlərin daha məsuliyyətli, intizamlı və uğurlu yetişməsi üçün birgə fəaliyyətin vacibliyi vurğulanmışdır.
🤝 Unutmayaq ki, uşaqlarımızın gələcəyi bizim birliyimizdən başlayır!
👍

📚✨ Dahi rəssamın izində...🖌️🎨
İtalyan renessansının ən böyük simalarından biri olan Leonardo da Vinci təkcə rəssam deyil, həm də alim, mühəndis və ixtiraçı kimi tarixə öz adını qızıl hərflərlə yazdırmışdır. Onun yaradıcılığı bu gün də insanları heyrətləndirir və ilhamlandırır.
" " layihəsi çərçivəsində Biləsuvar rayon Nəsimi kənd Rafiq Rzayev adına tam orta məktəb in təsviri incəsənət müəllimi Rufullayev Asif tərəfindən dünya şöhrətli rəssam və alim Leonardo da Vinçinin həyat və yaradıcılığına həsr olunmuş öyrədici və əyləncəli görüş keçirildi.
Görüşdə şagirdlərə dahi sənətkarın həyatı, yaradıcılığı və dünya incəsənətinə bəxş etdiyi məşhur əsərləri haqqında geniş məlumat verilib, elmi kəşfləri və dünya mədəniyyətinə verdiyi töhfələrdən danışıldı .
Görüş zamanı mövzu ilə bağlı videoçarx nümayiş etdirilib, şagirdlər dahi sənətkarın həyatı və yaradıcılığına dair maraqlı faktlarla tanış oldular.
Daha sonra şagirdlərin rəssam haqqında hazırladıqları təqdimatlar nümayiş olundu.Sonda isə bilik çarxı vasitəsilə əyləncəli yarış təşkil olundu. Şagirdlər haqqında sualları cavablandırdılar.
Tədbirin keçirilməsində əsas məqsəd şagirdlərdə dünya miqyasında maraq yaratmaq, onların yaradıcılığını tanıtmaq və şagirdlərin yaradıcı düşüncə qabiliyyətlərini inkişaf etdirməkdən ibarətdir.
🎨 Gələcəyin dahiləri bu gün yetişir!

⚠️ Təhlükəsizlik hər şeydən önəmlidir!

Hər birimizin gündəlik həyatda diqqət etməli olduğu təhlükəsizlik qaydaları var. Bu qaydalara əməl etmək həm özümüzü, həm də ətrafımızdakı insanları qorumaq deməkdir.
Bu gün şagirdlər üçün məktəbimizin coğrafiya müəllimi Anar Qasımov seminar təşkil etdi. Seminar zamanı şagirdlərlə aşağıdakı mövzularda söhbət aparıldı:
​🔥 Yanğın və digər fövqəladə hallar zamanı düzgün davranış qaydaları;
​🆘 Təhlükəsizlik tədbirləri və fərdi mühafizə vasitələrindən istifadə;
​📞 "112" qaynar xətti ilə hansı hallarda əlaqə saxlamalı olduqları.
​Məqsədimiz şagirdlərin ekstremal vəziyyətlərdə çevik və düzgün qərar vermə bacarıqlarını artırmaq, onları daha məsuliyyətli gələcəyə hazırlamaqdır. Gənc nəslin təhlükəsizliyi bizim ən böyük prioritetimizdir!Unutmayaq ki, kiçik ehtiyat tədbirləri böyük təhlükələrin qarşısını ala bilər. Öz təhlükəsizliyiniz üçün məsuliyyətli olun!

​

Səməd Vurğun yaradıcılığına həsr olunmuş esse müsabiqəsi... ✍️ 📖
Bu gün şagirdlərimiz qələmlərini danışdırıb 🖊️, sözün gücünü yazdıqları esse ilə göstərdilər!📜
Azərbaycan şeirinin parlaq ulduzu 💫

Məktəbin coğrafiya müəllimi Məmmədov Cəfər tərəfindən “Şəhərsalma və memarlıq ili”nə həsr olunmuş "Müasir Azərbaycan memarlığı" mövzusunda dərs keçirilmişdir .
Dərsin məqsədi şagirdlərə şəhərsalma və memarlıq haqqında məlumat vermək, onların bu sahəyə marağını artırmaq idi. Dərs zamanı müəllim tərəfindən şagirdlərə şəhərlərin planlaşdırılması və memarlıq nümunələri haqqında məlumat vermişdir.
Şagirdlər mövzu ətrafında fəal iştirak edərək öz fikirlərini bölüşüblər, müxtəlif şəhər layihələri haqqında müzakirələr aparılıb və yaradıcı yanaşmalar nümayiş etdirdilər. Dərs maraqlı sual - cavab formatında aparılmışdır.

Məktəbin fəaliyyət planına uyğun olaraq milli-mənəvi dəyərlərin təbliği, vətənpərvərlik ruhunun gücləndirilməsi çərçivəsində görkəmli Azərbaycan şairi Sabir Rüstəmxanlının "Durnalar şeiri ” mövzusunda 9-cu sinif şagirdləri ilə müzakirə təşkil olunmuşdur .
Tədbirin əsas məqsədi Azərbaycan poeziyasında durnalar obrazı vasitəsilə ifadə olunan vətən həsrəti, ayrılıq, yurd sevgisi və milli duyğuları şagirdlərə aşılamaq, onların bədii təfəkkür və analitik düşünmə bacarıqlarını inkişaf etdirməkdir.
Şeirdə durnaların simvolik mənası, vətənə bağlılıq və həsrət motivləri təhlil olunmuşdur.

Müzakirə üçün məktəbin Azərbaycan dili və ədəbiyyat müəllimi Orucova Zülfiyyə xanıma təşəkkür edirik. 🌹

🎞️🎥🎬📽️🎭 "Yeddi oğul istərəm" 🇦🇿

Məktəbimizdə “Yeddi oğul istərəm” filminin nümayişi və təhlili təşkil olundu.

🎥 Film nümayişi zamanı şagirdlər film vasitəsilə milli-mənəvi dəyərlər, vətənpərvərlik ruhu və obrazların xarakter xüsusiyyətləri ilə yaxından tanış olaraq , mövzu ətrafında müzakirələr apardılar.🌟

📖 “Vətən” şeiri 🇦🇿

Biləsuvar rayon Nəsimi kənd Rafiq Rzayev adına tam orta məktəb ində Azərbaycan dili və ədəbiyyat müəllimləri Elşad Əhmədli və Məmmədova Səmra tərəfindən 8a sinfində milli mənəvi dəyərlərimizin təbliği ilə bağlı görkəmli şairimiz Bəxtiyar Vahabzadənin “Vətən” şeiri haqqında müzakirə təşkil olundu. Müzakirə şagirdlər tərəfindən böyük maraq və həvəslə qarşılandı . Müzakirə zamanı müəllimlər əvvəlcə şairin həyat və yaradıcılığı haqqında şagirdlərə ətraflı məlumat verib, onun Azərbaycan ədəbiyyatında tutduğu mövqedən bəhs edib.

Daha sonra “Vətən” şeirinin ideya-məzmun xüsusiyyətləri, vətənpərvərlik ruhu, torpağa, yurda bağlılıq hissi geniş şəkildə təhlil olunub. Müzakirələr zamanı vətən sevgisinin insanın mənəvi dəyərlərinin formalaşmasında mühüm rol oynadığı xüsusi vurğulandı .
Bu cür tədbirlər şagirdlərdə milli ruhun, vətənə məhəbbət və sədaqət hisslərinin daha da güclənməsinə xidmət edir. Sonda müəllim tərəfindən belə tədbirlərin şagirdlərin nitq mədəniyyətinin inkişafına, mütaliə vərdişlərinin formalaşmasına və milli-mənəvi dəyərlərə bağlılığın möhkəmlənməsinə mühüm töhfə verdiyi qeyd olundu .

Biləsuvar rayon Nəsimi kənd Rafiq Rzayev adına tam orta məktəb ində məktəb rəhbərliyinin iştirakı ilə sinif rəhbərləri ilə növbəti iclas təşkil edildi .
İclasın əsas məqsədi tədris prosesinin təşkili, məktəbli forması,şagirdlərin davamiyyəti, nizam-intizam məsələləri, valideynlərlə işin gücləndirilməsi və qarşıda duran vəzifələrin müzakirəsi olmuşdur.
İclas zamanı sinif jurnallarının aparılması vəziyyəti, məktəbdaxili nizam-intizam qaydalarına əməl olunması və tədbirlər planının icrası məsələləri ətraflı təhlil edilmişdir.
Məktəbin direktoru Azər Hünbətov və direktor müavini Mikayılov Elçin müəllim tərəfindən sinif rəhbərlərinə öz fəaliyyətlərində daha məsuliyyətli və operativ olmaları, şagirdlərin təlim-tərbiyə prosesinə nəzarətin gücləndirilməsi və valideynlərlə mütəmadi əlaqənin saxlanılması tövsiyə edilmişdir.
Həmçinin iclas çərçivəsində sinif rəhbərlərinin fəaliyyəti təhlil olunmuş, qarşıya çıxan problemlər və onların həlli yolları müzakirə edilmiş, valideynlərlə əlaqələrin daha da möhkəmləndirilməsi və sağlam psixoloji mühitin qorunması istiqamətində söhbət aparılmışdır.
Sonda qarşıda duran vəzifələr müəyyənləşdirilmiş, müvafiq tapşırıqlar verilmişdir, iclas qarşılıqlı fikir mübadiləsi şəraitində yekunlaşmışdır.

"Oxu dəqiqələri" davam edir. 📖
Məktəbimizin kitabxanaçı müdiri Abiyeva Kiçikxanım və ibtidai sinif müəllimi Məmmədova İlahə müəllimənin təşkilatçılığı ilə 4c sinfinin şagirdləri üçün “Oxu dəqiqələri” təşkil olunmuşdur.
Əsas məqsəd şagirdlərin oxu bacarıqlarının səviyyəsini müəyyənləşdirmək, düzgün,axıcı oxu vərdişlərini formalaşdırmaq, həmçinin onlarda kitaba və mütaliəyə marağı artırmaq olmuşdur.
Mütaliə saatı zamanı şagirdlərlə fərdi şəkildə iş aparılmış, onların oxu prosesi izlənilmiş və lazımi tövsiyələr verilmişdir. Belə tədbirlər şagirdlərin inkişafına, özünəinamının artmasına və mütaliəyə daha böyük həvəslə yanaşmasına müsbət təsir göstərir.📖✨

Milli mənəvi dəyərlər,azərbaycançılıq və vətənpərvərlik ruhunda tədbirlərin təşkili üzrə təlimata uyğun olaraq şagirdlər arasında məktəbin təsviri-incəsənət müəllimi Rufullayev Asif müəllimin təşəbbüsü ilə “Qarabağ Azərbaycandır!” mövzusuna həsr olunmuş rəsm müsabiqəsi keçirildi.
Tədbir milli mənəvi dəyərlərin aşılanmasına xidmət edir.