Beyləqan rayon Mayak qəsəbə tam orta ümumtəhsil məktəbi, Beyləqan rayonu, Mayak qəsəbəsi (2026)

15/09/2026

🔔 MƏKTƏB HƏYATINA İLK QƏDƏMLƏR! 🎒

Məktəbimizin ən kiçik və həyəcanlı üzvləri — birincilər bu gün öz sinif otaqlarında ilk dərs heyəcanını yaşadııar! 👧👦

Gələcəyin savadlı, uğurlu və cəsarətli gəncləri olacaq fidanlarımıza bu bilik yolunda bol-bol müvəffəqiyyətlər, zehin açıqlığı və unutulmaz məktəb illəri arzulayırıq! 📚

Qədəmləriniz uğurlu olsun, əziz birincilər! 💐

15/09/2026

🏛️ İLK DƏRS "ŞƏHƏRSALMA VƏ MEMARLIQ İLİ"NƏ HƏSR OLUNDU 🏢📚

15 sentyabr 2026-cı il tarixində Beyləqan rayonu Mayak qəsəbə tam orta ümumtəhsil məktəbinin II–XI siniflərində yeni tədris ilinin ilk dərsi "Şəhərsalma və Memarlıq İli" mövzusuna həsr olundu.

Dərs zamanı şagirdlərə şəhərsalma və memarlığın ölkəmizin inkişafında rolu, Azərbaycanın zəngin memarlıq irsi və tarixi abidələri, eləcə də işğaldan azad olunmuş ərazilərimizdə aparılan genişquruculuq və bərpa işləri haqqında ətraflı məlumat verilmiş, mövzu ətrafında maraqlı müzakirələr aparılmışdır. Dərslərdə şagirdlərə milli memarlıq irsinin qorunmasının və gələcək nəsillərə çatdırılmasının mühüm əhəmiyyəti xüsusi vurğulanmışdır.

15/09/2026

🔔 MƏKTƏBİMİZDƏ YENİ TƏDRİS İLİNİN İLK ZƏNGİ ÇALINDI! 🎓✨

15 sentyabr 2026-cı il tarixində Beyləqan rayonu Mayak qəsəbə tam orta ümumtəhsil məktəbində "Bilik Günü" münasibətilə tədbir keçirildi.

Tədbirdə Beyləqan Rayon İcra Hakimiyyəti başçısının Yuxarı Aran qəsəbə inzibati ərazi dairəsi üzrə nümayəndəsi Toğrul Babayev, şəhid ailə üzvləri, məktəb rəhbərliyi, müəllimlər, valideynlər və şagirdlər iştirak etdilər.

🇦🇿 Tədbir Dövlət Himninin səsləndirilməsi, fəxr və qürur mənbəyimiz olan üçrəngli bayrağın gətirilməsi və Azərbaycan Respublikasının ərazi bütövlüyü, suverenliyi uğrunda canlarını qurban vermiş şəhidlərimizin əziz xatirəsinin 1 dəqiqəlik sükutla yad edilməsi ilə başladı.

Giriş sözü ilə çıxış edən məktəbin direktoru Aysel Bayramova qonaqları, müəllim və şagird heyətini, eləcə də valideynləri "Bilik Günü" və yeni tədris ilinin başlanması münasibətilə səmimi qəlbdən təbrik etdi. O, öz nitqində ötən tədris ilində əldə olunan uğurlardan bəhs edərək yeni dərs ilində də daha böyük hədəflərə doğru əzmlə çalışacaqlarını xüsusi vurğuladı. Direktor ilk dəfə məktəb həyatına qədəm qoyan birincilərə və bütün şagirdlərə təhsillərində uğurlar arzuladı.

Daha sonra çıxış edən Beyləqan Rayon İcra Hakimiyyəti başçısının Yuxarı Aran qəsəbə inzibati ərazi dairəsi üzrə nümayəndəsi Toğrul Babayev Beyləqan Rayon İcra Hakimiyyətinin başçısı cənab Əziz Əzizovun yeni tədris ilinin başlanması münasibətilə səmimi təbriklərini məktəb və şagird kollektivinə çatdırdı. O, 2026/2027-ci tədris ilində müəllim və şagirdlərə cansağlığı, tükənməz enerji, əzmkarlıq və böyük nailiyyətlər arzuladı.

Çıxış edən digər qonaqlar da müəllim və şagird kollektivini yeni tədris ilinin başlanması münasibətilə təbrik edərək onlara yeni-yeni müvəffəqiyyətlər dilədilər.

Tədbirin bədii hissəsində birincilərin böyük həvəslə səsləndirdikləri şeirlər və şagirdlərin maraqlı çıxışları tədbirə xüsusi rəng qatdı. Sonda çalınan ilk zənglə məktəbimizdə yeni dərs ilinə rəsmi olaraq start verildi! 🔔

Bilik Gününüz mübarək, əziz müəllimlər və şagirdlər! Yeni tədris ili uğurlu və nailiyyətlərlə bol olsun!

15/09/2026

📚 Bilik Gününüz mübarək!

14/09/2026

🏫 Pedaqoji Şura İclası Keçirildi.

14 sentyabr 2026-cı il tarixində Beyləqan rayonu Mayak qəsəbə tam orta ümumtəhsil məktəbində 2026–2027-ci tədris ilinin növbəti Pedaqoji Şura iclası keçirilmişdir. İclasda məktəb rəhbərliyi tərəfindən Elm və Təhsil Nazirliyinin 10 sentyabr 2026-cı il tarixli, 3-29/3-2-520F/2026 nömrəli əmrindən irəli gələn əsas vəzifələr pedaqoji kollektivin diqqətinə çatdırılmış, yeni tədris ilində təhsilin keyfiyyətinin artırılması üzrə hədəflər və prioritet istiqamətlər geniş müzakirə olunmuşdur.

İclas çərçivəsində məktəbin illik Fəaliyyət Planı və iş rejimi, ümumi iş planları, fənn müəllimlərinin dərs bölgüsü, o cümlədən evdə təhsil dərslərinin rəsmiləşdirilməsi, siniflərin komplektləşdirilməsi, sinif rəhbərlərinin və fənn metodbirləşmə rəhbərlərinin təyini, "Bilik Günü" tədbirinin yüksək səviyyədə təşkili və digər zəruri məsələlər müzakirə olunaraq yekun qərarlar qəbul edilmişdir.

04/09/2026

🎓 MƏZUNLARIMIZIN DAHA BİR UĞURU — ORTA İXTİSAS TƏHSİLİ MÜƏSSİSƏLƏRİNƏ (KOLLECLƏRƏ) QƏBUL NƏTİCƏLƏRİ!

Dövlət İmtahan Mərkəzi (DİM) tərəfindən tam (11 illik) orta təhsil bazasında orta ixtisas təhsili müəssisələrinə (kolleclərə) qəbulun nəticələri elan olunub.
Beyləqan rayonu Mayak qəsəbə tam orta ümumtəhsil məktəbinin daha 3 məzunu tələbə adını qazanmışdır:

✅ Zeynalova İnci Ceyhun qızı — Bakı Avrasiya Kolleci, Bank işi.

✅ Əliyeva Kəmalə Eldəniz qızı — Azərbaycan Texniki Universitetinin nəzdində Bakı Texniki Kolleci, Tibbi avadanlıqların quraşdırılması və istismarı.

✅ Qarayeva Lamiyə Mehti qızı — Odlar Yurdu Kolleci, Bank işi.

Bütün məzunlarımızı, onların valideynlərini və əməyi keçən müəllimlərimizi ürəkdən təbrik edirik! Tələbələrimizə yeni təhsil pilləsində uğurlar arzulayırıq!

03/09/2026

📌 2026–2027-ci tədris ilinin İLK PEDAQOJİ ŞURA İCLASI

03.09.2026-cı il tarixində Beyləqan rayonu Mayak qəsəbə tam orta ümumtəhsil məktəbində 2026–2027-ci tədris ilinin ilk Pedaqoji Şura iclası keçirildi.

İclası giriş sözü ilə açan məktəbin direktoru Aysel Bayramova pedaqoji heyəti yeni tədris ili münasibətilə təbrik etdi, onlara fəaliyyətlərində uğurlar arzuladı. Daha sonra gündəlikdə duran mühüm məsələlər geniş müzakirə olundu:

🔹 Panel iclaslarda irəli sürülmüş məsələlərin müzakirəsi: Təşkil olunmuş panel müzakirələrində vurğulanan əsas məsələlərlə bağlı hər bir istiqmət üzrə iştirak etmiş şəxslər öz sahələrində müzakirə olunan problemləri iştirakçıların diqqətinə çatdırdı, səsləndirilən təklif və tövsiyələr ətrafında geniş fikir mübadiləsi aparıldı;
🔹 IV və VI siniflər üzrə monitorinq, IX və XI siniflər üzrə buraxılış imtahanlarının nəticələrinin təhlili: Keçirilmiş monitorinqlərin və buraxılış imtahanlarının nəticələri fənlər və dinamika üzrə ətraflı təhlil edildi;

🏆 XÜSUSİ QEYD VƏ UĞURUMUZ:
Məktəbəqədər və Ümumi Təhsil üzrə Dövlət Agentliyi və Təhsil İnstitutunun keçirdiyi monitorinq nəticələrinin 3 illik dinamikasına əsasən, məktəbimiz region üzrə əhəmiyyətli irəliləyiş göstərən məktəblər arasında 1-ci sırada yer almış və "Ən güçlü irəliləyiş" nümunəsi kimi göstərilmişdir:
• IV sinif üzrə: Oxu və Riyaziyyat fənlərindən zəif nəticələr sıfırlanmış, yüksək səviyyəli şagirdlərin sayı və orta ballar kəskin artmışdır;
• VI sinif üzrə: Riyaziyyatdan zəif nəticələr tam sıfırlanmış, Oxu və Təbiət fənləri də daxil olmaqla bütün fənlər üzrə orta ballar və keyfiyyət göstəriciləri yüksəlmişdir;

🔹 Prioritet problemlərin, əsas hədəflərin və tədbirlərin müəyyənləşdirilməsi: Əldə olunan uğurlu dinamikanın qorunub saxlanılması, təhsilin keyfiyyətinin daha da artırılması istiqamətində əsas hədəflər və tədbirlər planı müəyyən edildi;
🔹 Məsul şəxslərin, icra müddətlərinin və hesabatlılıq mexanizminin razılaşdırılması: Tədbirlər üzrə məsul şəxslər, icra müddətləri və hesabatlılıq mexanizmi şura üzvləri ilə razılaşdırılaraq müvafiq qərarlar qəbul edildi.

Qəbul olunmuş qərarlar yeni tədris ilində məktəbimizin inkişaf strategiyasının davamlılığını təmin etməyə və təlim keyfiyyətini daha yüksək pilləyə qaldırmağa hədəflənib.

Əldə olunan yüksək nailiyyətlərdə əməyi olan bütün pedaqoji kollektivimizə təşəkkür edir, yeni tədris ilində müəllim və şagirdlərimizə daha böyük uğurlar arzulayırıq!

24/08/2026

👩🏻‍🎓🧑🏻‍🎓MƏZUNLARIMIZ TƏLƏBƏ ADINI QAZANDILAR👏

Böyük qürur və sevinclə bildirmək istəyirik ki, Beyləqan rayonu Mayak qəsəbə tam orta ümumtəhsil məktəbinin 2025/2026-cı tədris ili məzunları ali, orta ixtisas və peşə təhsili müəssisələrinə qəbul imtahanlarında yüksək nəticə göstərərək TƏLƏBƏ adını qazandılar!

Uğur qazanan məzunlarımız:

✅ Məmmədli Nəzrin Rövşən qızı — Milli Aviasiya Akademiyası, Mexatronika və robototexnika mühəndisliyi.

✅ Vəlizadə Mehri Elgün qızı — Bakı Dövlət Universiteti, İnformatika (rəqəmsal bacarıqlar) müəllimliyi.

✅ Abbaslı Nahid Əhəd oğlu — Azərbaycan Dövlət Neft və Sənaye Universiteti, İqtisadiyyat.

✅ Musayev Polad Həsrət oğlu — Sumqayıt Dövlət Universiteti, Logistika və nəqliyyat texnologiyaları mühəndisliyi.

✅ Hüseynov Şəmistan Raqib oğlu — Bakı Avrasiya Universiteti, İqtisadiyyat.

✅ Abbasov İqbal Loğman oğlu — Bakı Avrasiya Universiteti, İqtisadiyyat.

✅ Abbaszadə Simarə Yusif qızı — Azərbaycan Kooperasiya Universiteti, Sosial iş

✅ Nəcəfova Nərgiz Mühüddin qızı — Azərbaycan Texniki Universitetinin nəzdində Bakı Texniki Kolleci, Tibbi avadanlıqların quraşdırılması və istismarı.

✅ Kərimova Türkanə Şakir qızı — Əməliyyatçı-mühasib / mühasibat – peşə məktəbi.

✅ Bayramlı Asiman Famil qızı — Azərbaycan Dövlət Pedaqoji Universiteti, Biologiya müəllimliyi (2024/2025-ci tədris ilinin məzunu)

Məzunlarımızı, onların valideynlərini və bu uğurda əməyi keçən bütün müəllimlərimizi ürəkdən təbrik edirik! Tələbə adını qazanan hər bir gəncimizə gələcək təhsil illərində və peşə fəaliyyətlərində yeni-yeni nailiyyətlər arzulayırıq.

Yolunuz açıq, uğurlarınız bol olsun!

10/08/2026

HÖRMƏTLİ VALİDEYNLƏR VƏ ƏZİZ ŞAGİRDLƏR!

Azərbaycan Respublikası Nazirlər Kabinetinin 17 mart 2022-ci il tarixli “Dövlət ümumi təhsil müəssisəsi təhsilalanlarının geyim formalarının təsvirləri”nin təsdiq edilməsi haqqında Qərarına əsasən, dövlət ümumi təhsil müəssisələrində vahid məktəbli geyim forması tətbiq edilir.

Nəzərinizə çatdırırıq ki, Beyləqan rayonu Mayak qəsəbə tam orta ümumtəhsil məktəbində 2026–2027-ci tədris ilində də əvvəlki illərdə təsdiq olunmuş vahid məktəbli geyim forması qüvvədə qalır.

Sizdən xahiş edirik ki, övladlarınızın məktəbə gəldiyi ilk gündən etibarən müəyyən edilmiş geyim qaydalarına tam riayət etmələrini təmin edəsiniz.

Əməkdaşlığınıza görə öncədən təşəkkür edirik!

01/08/2026

Bu gün Azərbaycan Əlifbası və Azərbaycan Dili Günüdür.

Dilimiz xalqımızın tarixini, milli kimliyini və mənəvi dəyərlərini özündə yaşadan ən böyük sərvətimizdir. Ana dilimizi sevmək, zənginliyini qorumaq və inkişaf etdirmək hər birimizin vətəndaşlıq borcu və mənəvi məsuliyyətidir.

Beyləqan rayon Mayak qəsəbə tam orta ümumtəhsil məktəbi

15/09/2026

15/09/2026

15/09/2026

15/09/2026

14/09/2026

04/09/2026

03/09/2026

24/08/2026

10/08/2026

01/08/2026

Address

Website

Alerts

Contact The School

Shortcuts

Share

Listing takedown request