Balakən Dövlət Peşə Təhsili Mərkəzi

25/08/2026

📢 Peşə təhsili müəssisələrinə tələbə qəbulunun II mərhələsi 27 avqustda başlayacaq!

🎓 Qəbulun II mərhələsinə 27 avqust tarixindən etibarən start veriləcək və müraciətlər 3 sentyabr tarixinədək davam edəcək.

💻 Müraciətlər portal.edu.az üzərindən elektron qaydada həyata keçiriləcək.

📌 Peşə təhsili almaq istəyən namizədləri müraciət tarixlərini diqqətdə saxlamağa dəvət edirik.

14/08/2026

📢 Peşə təhsili müəssisələrinə tələbə qəbulunun I mərhələsinin cavabları açıqlandı!

📌23 iyul tarixindən etibarən www.portal.edu.az platforması vasitəsilə 39 735 nəfərdən 150 354 müraciət daxil olub. Ümumilikdə 24 161 nəfər müsabiqədən keçib.

❗Müsabiqədən uğurla keçən namizədlər 25 avqust 18:00 tarixinədək qeyd olunan sənədləri qəbul olunduqları peşə təhsili müəssisəsinə təqdim etməklə qeydiyyatdan keçməlidir.

📌 Əvvəlki illərin məzunları üçün attestatın əsli, cari ilin məzunları üçün isə elektron attestatların çap olunmuş nüsxəsi təqdim olunur.

ℹ️ Müsabiqədən keçən şəxsin qəbul olunduğu peşə təhsili müəssisəsində qeyd edilən tarixlərdə qeydiyyatdan keçməməsi və ya sənədlərini tam təqdim etməməsi onun həmin ixtisas üzrə təhsil almaqdan imtina etməsi kimi qiymətləndirilir.

13/08/2026

📌12 avqust 2026-cı il tarixində Balakən şəhərində yerləşən Heydər Əliyev adına Mədəniyyət və İstirahət Parkında Beynəlxalq Gənclər Günü münasibətilə “Balakən Gənclər Festivalı – 2026” keçirilib.

📌Festivalda Balakən Dövlət Peşə Təhsili Mərkəzi PHŞ-in əməkdaşları da iştirak ediblər.

📌Saat 18:00-dan 22:00-dək davam edən tədbir çərçivəsində gənc sahibkarların və əl işlərinin sərgisi, rəsm və face-art guşələri, dron şousu, bayraq uçuşu və aero modellərin nümayişi təşkil olunub. Həmçinin intellektual və idman yarışları, müxtəlif əyləncəli oyunlar, musiqi proqramları və şoular keçirilib. Tədbər yekunda diskoteka proqramı ilə davam edib.

📌Festival gənclərin asudə vaxtının səmərəli təşkili, onların yaradıcılıq və təşəbbüskarlıq potensialının dəstəklənməsi, eləcə də gənclər arasında birlik və həmrəyliyin gücləndirilməsi baxımından əlamətdar olub.

📌Tədbir Balakən Rayon İcra Hakimiyyəti, Gənclər və İdman Nazirliyinin Şəki-Zaqatala Regional Gənclər və İdman İdarəsi və Mədəniyyət Nazirliyinin təşkilatçılığı ilə keçirilib.

27/07/2026

📢 Tələbə qəbulu üçün müraciət edənlərin nəzərinə!

Qeyd edilən hallarla bağlı çətinlik yaşadıqda “157” çağrı mərkəzi ilə əlaqə saxlaya bilərsiniz.

24/07/2026

🎓 Peşə təhsili müəssisələrinə tələbə qəbuluna start verilir.

📌 Qəbul qaydaları:
🔶 İlk və texniki peşə təhsili səviyyələri üzrə qəbul ərizəçinin attestatında göstərilən müvafiq fənlər üzrə qiymətlərinin orta balı əsasında həyata keçirilir;
🔶 Yüksək texniki peşə təhsili səviyyəsi üzrə qəbul buraxılış imtahanlarının nəticəsi əsasında həyata keçirilir.

🕐 Son müraciət tarixi: 10 avqust, 18:00
🔗 Qeydiyyat linki: https://portal.edu.az/
🔗 Qəbul planı: https://shorturl.at/yWxTW
🔗 Ətraflı: https://vet.edu.gov.az/news/content/1336/inner

21/07/2026

📢 Peşə təhsili müəssisələrinə ixtisas fənn müəllimləri və istehsalat təlimi ustalarının işə qəbulu üzrə müsabiqəyə start verilir.
⏳ Qeydiyyat tarixi: 17-30 iyul 2026
🔗 Qeydiyyat linki: https://portal.edu.az/
🔗 Ətraflı: https://vet.edu.gov.az/news/content/1335/inner
🔗 Vakansiya siyahısı: https://shorturl.at/5CZoD

21/07/2026

📢 Balakən Dövlət Peşə Təhsili Mərkəzi PHŞ - də 2026–2027-ci tədris ilində tədrisi nəzərdə tutulan ixtisasları diqqətinizə çatdırırıq.
Mərkəzimizdə əmək bazarının tələblərinə uyğun müxtəlif peşə istiqamətləri üzrə ixtisaslı kadr hazırlığı həyata keçirilir. Təhsil prosesində nəzəri biliklərlə yanaşı, praktiki bacarıqların formalaşdırılmasına da xüsusi önəm verilir.
2026–2027-ci tədris ilində tədrisi nəzərdə tutulan ixtisaslarla tanış ola bilərsiniz .

Peşəni seç, gələcəyini qur!

30/06/2026

📌Balakən Dövlət Peşə Təhsili Mərkəzi PHŞ-də 2025–2026-cı tədris ilinin başa çatması münasibətilə Məzun Günü keçirilib.

📌Tədbirdə rəsmi qonaqlar, pedaqoji heyət, valideynlər və məzunlar iştirak ediblər.

📌Tədbir Azərbaycan Respublikasının Dövlət Himninin səsləndirilməsi ilə açıq elan edilmişdir. Daha sonra Azərbaycan Respublikasının ərazi bütövlüyü və müstəqilliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilmişdir.

📌 Tədbirdə çıxış edən Balakən Dövlət Peşə Təhsil Mərkəzi PHŞ-nin direktoru Azad Dibirov ölkə rəhbərliyinin peşə təhsilinin inkişafına göstərdiyi diqqət və qayğıdan bəhs etmiş, son illərdə peşə təhsilinin maddi-texniki bazasının gücləndirilməsi, yeni təhsil müəssisələrinin tikilməsi və müasir infrastrukturun yaradılması istiqamətində həyata keçirilən mühüm tədbirlər barədə ətraflı məlumat vermişdir.

📌Daha sonra qonaq qismində çıxış edənlər məzunları təbrik edərək onlara gələcək həyatlarında uğurlar arzulamış, peşə təhsilinin əmək bazarında rəqabətqabiliyyətli kadrların hazırlanmasındakı əhəmiyyətindən danışmış, əldə etdikləri bilik və bacarıqları daim inkişaf etdirərək ölkəmizin sosial-iqtisadi inkişafına töhfə verməyə çağırmışlar.

📌Tədbir çərçivəsində məzunların hazırladıqları şeir və rəqs nömrələri təqdim olunmuş, müxtəlif musiqi çıxışları nümayiş etdirilmişdir.

📌Sonda xatirə şəkilləri çəkdirilmiş, məzunlara gələcək təhsil və əmək fəaliyyətlərində uğurlar arzulanmışdır.

📌Əziz məzunlar gününüz mübarək! Yolunuz açıq, gələcəyiniz parlaq olsun!

29/06/2026

19/06/2026

📍Balakən Dövlət Peşə Təhsili Mərkəzi PHŞ-də “Korrupsiyaya yox deyək” mövzusunda maarifləndirici görüş keçirilmişdir.

Görüşün keçirilməsində məqsəd korrupsiyaya qarşı mübarizə sahəsində maarifləndirmə işinin gücləndirilməsi, gənclərdə şəffaflıq, dürüstlük və qanunlara hörmət kimi dəyərlərin təbliği olmuşdur.

📌Tədbirdə çıxış edənlər korrupsiyanın cəmiyyətin inkişafına mənfi təsirləri, onun yaratdığı sosial və iqtisadi problemlər, eləcə də korrupsiyaya qarşı mübarizənin əhəmiyyəti barədə ətraflı məlumat vermişlər. Bildirilmişdir ki, korrupsiyaya qarşı mübarizə hər bir vətəndaşın məsuliyyəti olmaqla yanaşı, sağlam və ədalətli cəmiyyətin formalaşmasının əsas şərtlərindən biridir.
📌Görüş zamanı tələbələrə mövzu ətrafında fikir mübadiləsi aparılmış, onları maraqlandıran suallar cavablandırılmışdır. Tələbələrə korrupsiya hallarının qarşısının alınmasında vətəndaş mövqeyinin önəmi, etik davranış qaydalarına əməl edilməsinin vacibliyi və hüquqi məsuliyyət məsələləri izah edilmişdir.

📍Sonda korrupsiyaya qarşı mübarizədə hər kəsin fəal mövqe nümayiş etdirməsinin vacibliyini vurğulamış, bu istiqamətdə maarifləndirici tədbirlərin davamlı keçirilməsinin əhəmiyyəti qeyd edilmişdir.