S.Yolçuyev adına 207 nömrəli tam orta məktəb

Bu gün məktəbimizdə məzunlarımız üçün yaddaqalan və qürurverici “Son zəng” tədbiri keçirildi. Məktəb illərinin ən duyğulu anlarından biri olan bu gün sevinc, qürur və kövrək hisslərlə yadda qaldı. Məzunlarımız müəllimlərinin zəhməti, valideynlərinin dəstəyi ilə yeni həyat mərhələsinə qədəm qoydular.🎊

Tədbir Azərbaycan xalqının milli-mənəvi dəyərlərinə, vətənpərvərlik ənənələrinə və Azərbaycançılıq ideologiyasına uyğun şəkildə təşkil olunmuşdur. Çıxışlar və təqdimatlar zamanı Vətənə sevgi, dövlətə sədaqət, milli irsimizə hörmət və gənclərin cəmiyyət qarşısındakı məsuliyyəti xüsusi vurğulanmışdır.✨

Tədbirdə Nərimanv Rayon İcra Hakimiyyətinin nümayəndəsi, şəhid və qazi ailələrinin üzvləri, valideynlər, müəllimlər və məktəb ictimaiyyəti iştirak etmişlər. Qonaqlar məzunlara gələcək həyat yollarında uğurlar arzulamış, onlara Vətənə layiqli vətəndaş olmağı, qazandıqları bilik və bacarıqları ölkəmizin inkişafı naminə istifadə etməyi tövsiyə etmişlər.💫

Tədbir boyunca şagirdlərin təqdim etdikləri musiqi nömrələri, rəqs kompozisiyaları və bədii çıxışlar iştirakçılar tərəfindən böyük maraqla qarşılanmış, tədbirə xüsusi rəng qatmışdır. Milli ruhu, estetik zövqü və yaradıcılığı əks etdirən çıxışlar məzunların məktəb həyatına duyğusal və yaddaqalan vida etməsinə imkan yaratmışdır.🎉

Əziz məzunlar, bu gün çalınan son zəng sizin məktəb həyatınızın sonu deyil, yeni hədəflərə, böyük arzulara və uğurlu gələcəyə açılan qapıdır. Yolunuz daim işıqlı, addımlarınız uğurlu olsun!💕

Fövqəladə Hallar Nazirliyinin aidiyyəti qurumları tərəfindən fövqəladə hallarla bağlı davranış qaydaları barədə əhalinin maarifləndirilməsi məqsədilə məktəbimizdə tədbir keçirilib.

Məktəb üzrə 25 may 2026 tarixindən 4-11-ci siniflər üzrə BSQ2 təsdiqlənmiş cədvəl üzrə keçirilməyə başlanılmışdır.

11-ci siniflər üzrə DİM buraxılış imtahanlarından iki şagirdimiz- Kazımov Ənvər-11a, Cahangirov Məhəmməd-11b yüksək nəticələrlə fərslənmə attestatına namizəddirlər. Onları təbrik edirik, uğurlar arzu edirik.

1a sinif şagirdi Nazlı Lətif Çempion kuboku-2026 Şahmat yarışında, Melisa Aliyeva Beynəlxalq gimnastika yarışında birinci yerə layiq görülmüşlər. Şagirdlərimizi təbrik edirik.

9c sinif şagirdi Pərvin Ömərli beynəlxalq riyaziyyat olimpiadasında qızıl medala layiq görülmüşdür,ona gələcək fəaliyyətində uğurlar arzu edirik.

9ç sinif şagirdi Namazova Aylin DİM-in ingilis dili fənni üzrə buraxılış imtahanından 100 bal qazanmışdır. Onu təbrik edir, uğurlar arzu edirik.

BilBacar müsabiqəsinin onlayn mərhələsinin nəticələri açıqlanmışdır.
2025-ci ilin noyabr ayında start verilən müsabiqədə respublikanın 1300-dən çox ümumi təhsil müəssisəsinin III və IV siniflərindən 160 minə yaxın şagird iştirak etmişdir. Müsabiqənin onlayn mərhələsi olan I hissədə şagirdlər məktəb koordinatorlarının nəzarəti ilə yarışlara cəlb olunmuş, hər ay təqdim edilən hazırlıq suallarını cavablandıraraq yarışlara hazırlaşmışlar.
Dörd ay davam edən müsabiqənin bütün mərhələləri üzrə iştirakçıların topladıqları balların orta göstəricisi hesablanaraq yekun nəticələr müəyyən edilmişdir. Məktəbimizi layiqincə təmsil edən şagirdlərimiz yüksək nəticələri ilə fərqlənmişlər.
Yekun nəticələrə əsasən, III siniflər üzrə 3A sinif şagirdi Nəbiyev Ayxan Seyran oğlu, IV siniflər üzrə isə 4Ç sinif şagirdi Zeynalova Gül Seymur qızı ən yüksək orta bal toplayaraq məktəb üzrə birinci yerə layiq görülmüş və Fəxri Fərmanla təltif olunmuşlar.
Məktəb rəhbərliyi adından şagirdlərimizi əldə etdikləri nailiyyət münasibətilə təbrik edir, onların müəllimlərinə, məktəb koordinatoru Nigar Orucovaya, müsabiqədə iştirak edən bütün şagirdlərə təşəkkürümüzü bildiririk. Şagirdlərimizə gələcək təhsil həyatlarında uğurlar, yeni nailiyyətlər və yüksək nəticələr arzulayırıq.

1ç sinif şagirdlərinin 1 iyun tədbiri.