Psixoloq Aytac Ayaz

03.04.2026-cı il tarixində 165 nömrəli tam orta ümumtəhsil məktəbinin psixoloqu Rəhimova Aytac tərəfindən həssas qrupa daxil olan şagirdlərlə 7 həftəlik treninq proqramının 4-cü məşğələsi keçirilmişdir.

Lələtəpədən Şuşaya uzanan şərəf yolu 🇦🇿
Bu gün məktəbimizdə keçirilən tədbir tariximizi hiss etdiyimiz dəyərli anlarla yadda qaldı. Aprel döyüşlərinin ildönümünə həsr olunan görüşdə qəhrəmanlıq salnaməmiz bir daha xatırlandı.
Şəhid pilot mayor Təbriz Musazadənin anası Tovuz xanımın səmimi çıxışı hər kəsə dərin təsir etdi, şagirdlərimiz üçün unudulmaz dərs oldu.
Şagirdlərin hazırladıqları təqdimatlar və çıxışlar Lələtəpədən Şuşaya uzanan zəfər yolunu bir daha canlandırdı.
Bu gün biz tarixini unutmayan, qəhrəmanlarını tanıyan bir nəsil formalaşdırırıq 🇦🇿

Bəzi uşaqlar gözlərinə baxmır…
Amma bu o demək deyil ki, səni görmürlər.
Bəzi uşaqlar danışmır…
Amma bu o demək deyil ki, hiss etmirlər.
Autizmli uşaqlar da sevgi ilə böyüyür. 💙
📌Autizm fərqlilikdir, xəstəlik deyil.
Hər uşaq öz dünyasını fərqli şəkildə qurur.
Bəziləri sözlərlə, bəziləri baxışlarla, bəziləri isə səssizliklə danışır...
Autizmli uşaqları anlamaq üçün onları dəyişməyə yox,
onların dünyasına daxil olmağa çalışaq. 💙

27 Mart – Azərbaycanda Elm Günüdür! 📚 🔬

Bu münasibətlə ölkəmizin bütün elm ictimaiyyətini təbrik edir, elm sahəsində əmək və töhfələrinə görə təşəkkür edirik!

💫

165 nömrəli tam orta ümumtəhsil məktəbinin psixoloqu Rəhimova Aytac tərəfindən 7-ci sinif şagirdləri ilə psixodiaqnostik iş aparıldı.
Tədbir çərçivəsində:
📌“Mən kiməm?” testi – şagirdlərin özünü dərk etmə səviyyəsini və şəxsiyyət xüsusiyyətlərini müəyyən etmək üçün,
📌Natamam Cümlələr anketi – daxili duyğu və düşüncələrini ifadə etmək bacarıqlarını ölçmək üçün tətbiq edildi.
Tədbirin məqsədi şagirdlərin özünü tanıma bacarıqlarını inkişaf etdirmək, fərdi xüsusiyyətlərini müəyyənləşdirmək və onların psixoloji dəstək planlarını formalaşdırmaq idi.

06.03.2026 tarixində 165 nömrəli tam orta ümumtəhsil məktəbinin psixoloqu Rəhimova Aytac tərəfindən 7-ci sinif şagirdləri ilə “Sosial şəbəkələrdən düzgün istifadə qaydaları” mövzusunda maarifləndirici görüş keçirildi. Şagirdlər virtual mühitdə təhlükəsizlik, şəxsi məlumatların qorunması və etik davranış qaydaları haqqında məlumatlandırıldılar.
Tədbir nəticəsində şagirdlər sosial şəbəkələrdə daha məsuliyyətli davranma vərdişləri qazandılar,

03.02.2026 - 13.02.2026 tarixində 165 nömrəli tam orta ümumtəhsil məktəbinin psixoloqu Aytac Rəhimova tərəfindən 3-cü sinif şagirdləri ilə psixodiaqnostik iş aparılmışdır.📝📚

Şagirdlərin məntiqi təfəkkürünü, diqqətini və müqayisə etmə bacarıqlarını qiymətləndirmək məqsədilə “Üç söz” metodikası, fərqli olan sözü tapmaq və ümumi olanı müəyyən etmək tapşırıqları tətbiq edildi.

Bu fəaliyyət zamanı şagirdlər sözlər arasında əlaqəni müəyyən etməyə, oxşar və fərqli xüsusiyyətləri ayırd etməyə çalışdılar. Tapşırıqlar onların düşünmə prosesini, analiz və ümumiləşdirmə bacarıqlarını inkişaf etdirməyə kömək etdi.

Psixodiaqnostik fəaliyyət nəticəsində şagirdlərin məntiqi düşünmə səviyyəsi, diqqət xüsusiyyətləri və anlayışlar arasında əlaqə qurma bacarıqları haqqında ilkin məlumatlar əldə edildi.

Bu kimi fəaliyyətlər şagirdlərin intellektual inkişafını izləmək və onların psixoloji xüsusiyyətlərini daha yaxşı anlamaq üçün mühüm əhəmiyyət daşıyır.

✨Uşaqların verdiyi sadə cavablar bəzən onların düşüncə dünyası haqqında çox şey danışır. ✨🧠

4-cü siniflərlə psixodiaqnostik iş aparılmışdır📚📝

06.03.2026-cı il tarixində 165 nömrəli tam orta ümumtəhsil məktəbinin psixoloqu Rəhimova Aytac tərəfindən həssas qrupa daxil olan şagirdlərlə 7 həftəlik treninq proqramının 3-cü məşğələsi keçirilmişdir.