Azərbaycan Respublikasının Təhsil İnstitutu

Mayın 25-də elm və təhsil naziri Emin Əmrullayev İsmayıllı Dövlət Peşə Təhsil Mərkəzinin Qobustan korpusunda olub.

Mayın 23-də elm və təhsil naziri Emin Əmrullayev Tacikistan Respublikasının təhsil və elm naziri Rahim Saidzoda ilə görüşüb.

Elm və təhsil naziri Emin Əmrullayevin rəhbərlik etdiyi nümayəndə heyəti Böyük Britaniyanın Vorvik Universitetində olub.

Mayın 9-da və 10-da Asiya-Pasifik İnformatika Olimpiadası keçirilib. Onlayn formatda təşkil olunan olimpiadaya şagirdlərimiz Azərbaycan Dövlət Neft və Sənaye Universitetinin kompüter laboratoriyasından qoşulublar.

46 ölkədən 181 məktəblinin qatıldığı müsabiqədə şagirdlərimiz uğurla çıxış ediblər. Bakı Türk Anadolu liseyinin 11-ci sinif şagirdi Əhməd Qənbərli olimpiadanın bürünc mükafatına layiq görülüb.

Qeyd edək ki, informatika fənni üzrə beynəlxalq olimpiadalara hazırlıq prosesi “Azercell Telekom” MMC-nin dəstəyi ilə həyata keçirilir.

Elm və təhsil naziri Emin Əmrullayev Londona səfəri çərçivəsində Quacquarelli Symonds (QS) reytinq agentliyinin təsisçisi və prezidenti Nunzio Kvakvarelli ilə görüş keçirib.

Azərbaycan nümayəndə heyəti QS rəhbərliyi ilə görüşüb

Elm və təhsil naziri Emin Əmrullayev Londona səfəri çərçivəsində Quacquarelli Symonds (QS) reytinq agentliyinin təsisçisi və prezidenti Nunzio Kvakvarelli ilə görüş keçirib.

Görüş zamanı QS reytinqlərində Azərbaycan universitetlərinin mövcud göstəriciləri və gələcək inkişaf perspektivləri müzakirə olunub. Bununla yanaşı, ali təhsil sahəsində qlobal rəqabətliliyin gücləndirilməsi məqsədilə növbəti dövrdə müxtəlif istiqamətlər üzrə həyata keçirilməsi planlaşdırılan layihələr ətrafında fikir mübadiləsi aparılıb.

Tərəflər arasında həmçinin gələn ay Budapeşt şəhərində keçiriləcək Avropa Ali Təhsil Sammiti çərçivəsində Azərbaycan nümayəndə heyətinin iştirakı və universitetlərimizin ölkə pavilyonunda təmsil olunması məsələləri də müzakirə edilib.

Respublika Fənn Müsabiqələrinin və Lütfi Zadə adına Riyaziyyat-Məntiq Olimpiadasının final mərhələsi mayın 31-də keçiriləcək. Şagirdlər portal.edu.az platformasında şəxsi kabinetlərinə daxil olaraq buraxılış vərəqələrini əldə edə bilərlər.

İmtahan saat 11:00-da başlayacaq və bütün fənlər üzrə 150 dəqiqə davam edəcək. İmtahan binasına kənar əşyaların və köməkçi vasitələrin gətirilməsi qadağandır. Binada mobil telefon və digər şəxsi əşyaların saxlanılması üçün yer ayrılmayacaq. Fizika, kimya və təbiət fənləri üzrə yarışan şagirdlər kalkulyator gətirə bilərlər.

Lütfi Zadə adına Riyaziyyat-Məntiq Olimpiadasında iştirakçılara 25 qapalı tipli sual, Fənn Müsabiqələrində isə açıq və yarımqapalı tipli suallar təqdim olunacaq.

Bütün finalçılara uğurlar arzulayırıq!

Elm və təhsil naziri Emin Əmrullayevin rəhbərlik etdiyi nümayəndə heyəti Şimali İrlandiyanın Belfast Kraliça Universitetini (Queen’s University Belfast) ziyarət edib.

“Zəkaların mübarizəsi” olimpiadasının qalibləri mükafatlandırılıb

Mayın 21-də Heydər Əliyev Fondu və Elm və Təhsil Nazirliyinin təşkilatçılığı ilə IX-XI sinif şagirdləri arasında “Zəkaların mübarizəsi” olimpiadasının final mərhələsi keçirilib.

Şahmat üzrə finalda 18 komandanı təmsil edən 72 şagird iştirak edib. Nəticələrə əsasən, “Sumqayıt” komandası I yerə, “Gəncə” komandası II yerə, “Xətai” komandası III yerə layiq görülüb. Qeyd edək ki, olimpiadanın elm kateqoriyasında “Abşeron” komandası I yeri, “Salyan” komandası II yeri, “Səbail” komandası isə III yeri tutub. Bu kateqoriyada da 108 nəfərin təmsil etdiyi 18 komanda yarışıb.

Hər iki kateqoriyada qızıl, gümüş və bürünc medalçılar müəyyənləşdirilib. Qaliblərə medallar və qiymətli hədiyyələr təqdim olunub.

Məktəbəqədər və Ümumi Təhsil üzrə Dövlət Agentliyi və Təhsil İnstitutu tərəfindən 5 iyun tarixində IV siniflər, 6 iyun tarixində isə VI siniflər olmaqla ölkə üzrə bütün dövlət ümumi təhsil müəssisələrində monitorinq təşkil olunacaq.