78 nömrəli tam orta məktəb

Hər evə xoş ovqat və ruzi-bərəkət arzulayırıq.

Od çərşənbəniz mübarək! 🔥

İdman həftəsinə start verildi! 🏃‍♂️🏃‍♀️

"İdman həftəsi" çərçivəsində tədbirlər planının 1-ci gününə əsasən 02.03.2026-cı il tarixdə məktəbdə idman həftəsinin açılışı böyük maraqla baş tutdu.

Şagirdlər məktəbin həyətində bir araya gələrək müxtəlif idman hərəkətləri etdilər, enerjilərini göstərdilər və sağlam həyat tərzinin əhəmiyyətini bir daha xatırlatdılar.

Bu gözəl tədbirin təşkilində və şagirdləri ruhlandırmaqda əməyi olan İdman müəllimlərimiz Əliyev Elşan, Mikayılova Şəhla və Mahmudbəyli Gülaya xüsusi təşəkkürümüzü bildiririk!

Gülüş, pozitiv enerji və birlik ruhu bu günün hər anına hakim oldu. Hər bir şagirdin iştirakı bu tədbiri daha da maraqlı və rəngarəng etdi.

Belə tədbirlər yalnız fiziki bacarıqları artırmır, həm də dostluq münasibətlərini möhkəmləndirir və məktəb həyatına xüsusi rəng qatır.

26 fevral 2026 - cı il tarixində məktəbimizdə Xocalı faciəsinin 34-cü ildönümünə həsr olunmuş anım tədbiri keçirildi.

Tədbirin əsas məqsədi şagirdlərə xalqımızın yaddaşına həkk olunmuş bu faciəvi tarixi hadisə haqqında ətraflı məlumat vermək, şəhidlərimizin əziz xatirəsini yad etmək və vətənpərvərlik ruhunu aşılamaq idi.

Tədbir Dövlət Himninin səsləndirilməsi və şəhidlərimizin xatirəsinin bir dəqiqəlik sükutla yad edilməsi ilə başladı. Çıxış edən məktəb direktoru Əfqan Həsənov Xocalı həqiqətlərinin gələcək nəsillərə çatdırılmasının vacibliyindən danışdı, bu faciənin xalqımızın tarixində silinməz iz qoyduğunu vurğuladı.

Hərbi rəhbər Coşqun Quliyev çıxışında vətən uğrunda canından keçən qəhrəmanların şücaətindən bəhs etdi, gənclərə Vətənə sevgi və sədaqət ruhunda böyüməyi tövsiyə etdi.

Kitabxana müdiri Mətanət Süleymanova Xocalı ilə bağlı ədəbiyyatlar, sənədlər və faktlar haqqında məlumat verdi, şagirdləri tarixi mənbələri oxumağa çağırdı.

Tədbirin təşkilatçısı məktəbdənkənar və sinifdənxaric işlər üzrə təşkilatçı Taleh Cəlilov bu cür anım günlərinin əhəmiyyətini qeyd edərək, tədbirin ərsəyə gəlməsində əməyi olanlara təşəkkürünü bildirdi.

Şagirdlər tərəfindən Xocalıya həsr olunmuş şeirlər səsləndirildi, ədəbi-bədii kompozisiyalar təqdim olundu. Sonda bir daha vurğulandı ki, Xocalı qurbanlarının xatirəsi hər zaman qəlbimizdə yaşayacaq və bu həqiqətlər daim dünya ictimaiyyətinə çatdırılacaq.

Allah bütün şəhidlərimizə rəhmət eləsin.

Xocalı soyqırımından 34 il ötür.

Bu faciəni unutmadıq, unutmayacağıq. 🥀

Məktəbin kitabxana müdiri Mətanət Süleymanovanın təşkilatçılığı 9"B" sinif şagirdlərinin iştirakı ilə "Azərbaycan - mənim qürur yerimdir" mövzusunda maarifləndirici və maraqlı dəyirmi masa təşkil olundu.
Tədbirin əsas məqsədi şagirdlərdə mütaliə vərdişlərini gücləndirmək, ədəbiyyata marağı artırmaq və vətənpərvərlik ruhunda əsərlərin təbliğini həyata keçirmək idi.
Dəyirmi masa zamanı şagirdlər oxuduqları əsərlər haqqında fikirlərini bölüşdü, müəlliflərin yaradıcılığı barədə məlumat verdilər və seçilmiş nümunələr əsasında müzakirələr apardılar.
Çıxışlarda milli-mənəvi dəyərlərimizin, vətən sevgisinin və ədəbiyyatın gənc nəslin formalaşmasındakı rolunun əhəmiyyəti xüsusi vurğulandı.
Şagirdlər müzakirələrdə fəal iştirak edərək maraqlı fikirlər səsləndirdilər, suallar ünvanladılar və öz baxışlarını əsaslandırdılar.
Tədbir interaktiv formada keçərək qarşılıqlı fikir mübadiləsi ilə yadda qaldı.
Belə görüşlərin keçirilməsi şagirdlərin dünyagörüşünün genişlənməsinə, nitq bacarıqlarının inkişafına və kitab oxumağa marağın artmasına mühüm töhfə verir.
Tədbirin təşkilində əməyi olan kitabxana müdirinə və fəal iştirak edən bütün şagirdlərə təşəkkür edirik

24.02.2026- cı il tarixdə məktəbin məktəbdənkənar və sinifdənxaric işlər üzrə təşkilatçısı Taleh Cəlilovun, Uşaq Birliyi Təşkilatı Rəhbəri Nuranə İlyasovanın və Azərbaycan dili və ədəbiyyat müəllimi Arzu Ağayevanın təşkilatçılıqları ilə 9-cu sinif şagirdləri Azərbaycan kinosunun incilərindən biri olan "Yeddi Oğul İstərəm" filmini izlədilər. Film Azərbaycan ədəbiyyatının görkəmli nümayəndəsi Səməd Vurğunun “Komsomol” poemasının motivləri əsasında ekranlaşdırılmışdır və milli kinomuzun qızıl fonduna daxildir.
Filmdə hadisələr ötən əsrin 20-ci illərində baş verir. Əsər gənclərin vətənə, xalqa sədaqəti, çətinliklər qarşısında birlik və mübarizə əzmini əks etdirir. Yeddi igid gəncin çətin və keşməkeşli yolda göstərdiyi cəsarət, dostluq və ideallarına sadiqlik şagirdlər tərəfindən böyük maraqla qarşılandı.
Nümayişdən sonra şagirdlərlə film haqqında müzakirə aparıldı. Onlar əsərdəki obrazların xarakteri, dövrün ictimai-siyasi mühiti, həmçinin vətənpərvərlik, birlik və fədakarlıq kimi dəyərlər barədə fikirlərini bölüşdülər.
Bu cür fəaliyyətlər şagirdlərdə milli-mənəvi dəyərlərə bağlılığın möhkəmlənməsinə, klassik kino nümunələrinə marağın artmasına və tənqidi düşüncə bacarıqlarının inkişafına xidmət edir.
Məktəb olaraq şagirdlərimizin milli irsimizi daha yaxından tanıması və dəyərlərimizi dərindən mənimsəməsi istiqamətində bu kimi maarifləndirici tədbirlərin davam etdirilməsi planlaşdırılır.

23. 02.2026-cı il tarixdə Şagirdlərin fiziki aktivliyinin artırılması, sağlam həyat tərzinin təşviqi və idman bacarıqlarının inkişaf etdirilməsi məqsədilə məktəbdə mərhələli şəkildə voleybol və futbol idman yarışları təşkil olundu.
Yarışlar əvvəlcə məktəbdaxili mərhələdə keçiriləcək, nəticəyə uyğun olaraq məktəb komandaları formalaşdırılacaq və növbəti mərhələdə məktəblərarası turnirlər təşkil ediləcəkdir.

21 Fevral – Beynəlxalq Ana Dili Günü münasibətilə “Bacarıqlı əllər” dərnəyinin üzvləri ana dilimizə olan sevgi və hörmətlərini rəsmlərində böyük həssaslıq və yaradıcılıqla ifadə etdilər. 🎨

Dərnək üzvlərinin hazırladıqları rəsmlərdə ana dilimizin gözəlliyi, zənginliyi, milli kimliyimizin ayrılmaz hissəsi olduğu xüsusi vurğulandı. Hər bir rəsm uşaqların ana dilimizə olan sevgisinin, bağlılığının və milli dəyərlərimizə hörmətinin bariz nümunəsidir.

Ana dili xalqın mənəvi sərvəti, milli kimliyinin əsas sütunudur. Bu dəyəri qorumaq, yaşatmaq və gələcək nəsillərə ötürmək hər birimizin borcudur.

Ana dilimiz – qürurumuzdur! 🇦🇿
Ana dilimiz – kimliyimizdir!
Ana dilimiz – gələcəyimizdir!

21 Fevral – Beynəlxalq Ana Dili Günümüz mübarək!

20.02.2026 - cı il tarixdə məktəbin məktəbdənkənar və sinifdənxaric tərbiyə işi üzrə təşkilatçı Taleh Cəlilovun və Azərbaycan dili və ədəbiyyat müəllimi həmçinin 7c sinif rəhbəri Sevinc Balakişiyevanın təşkilatçılıqları ilə 7c sinif şagirdləri üçün maarifləndirici və maraqlı film nümayişi təşkil olunmuşdur. Şagirdlər Azərbaycan kino incilərindən olan "Sehrli xalat" filmini izlədilər.

Filmin nümayişinin əsas məqsədi şagirdlərdə milli-mədəni irsimizə marağın artırılması və onların mənəvi dəyərlər baxımından inkişafına dəstək olmaqdır.
Nümayişdən sonra şagirdlər film haqqında öz fikirlərini bölüşdülər, qəhrəmanların davranışlarını müzakirə etdilər və filmdən çıxardıqları nəticələri ifadə etdilər.
Bu cür fəaliyyətlər şagirdlərin dünyagörüşünün formalaşmasında, milli irsimizə marağın artmasına və onların sosial-emosional inkişafına müsbət təsir göstərir.
Şagirdlərimizə xoş və faydalı təcrübə arzulayır, onların hər zaman öyrənməyə və inkişaf etməyə həvəsli olacaqlarına inanırıq

Bu gün Beynəlxalq Kitab Bağışlama Günüdür. 📚

Məktəbin VIII “a” sinif şagirdi İsmayılzadə Hüseyn Nizami oğlu Respublika Fənn Olimpiadalarının rayon (şəhər) turunda Riyaziyyat fənni üzrə uğurlu nəticə göstərdiyinə görə təltif edilmişdir.

Şagirdimizi bu nailiyyəti münasibətilə təbrik edir, növbəti mərhələdə uğurlar arzu edirik.

Prezident İlham Əliyev: “Azərbaycan gəncləri fəaldır, vətənpərvərdir, biliklidir, savadlıdırlar”.

Gününüz mübarək, əziz gənclər!