2 nömrəli Texniki- Humanitar lisey,

LİSEYDƏ PEDAQOJİ ŞURANIN YEKUN İCLASI KEÇİRİLDİ.

2025–2026-cı tədris ilinin yekunlarına həsr olunmuş Pedaqoji Şuranın növbəti iclası keçirildi. İclasda lisey rəhbərliyi, pedaqoji kollektiv və digər məsul əməkdaşlar iştirak etdilər.

İclasda tədris ili ərzində əldə olunan uğurlar,şagirdlərin yekun təlim nəticələri,sinifdən sinfə keçid nəticələri,növbəti tədris ili üçün 7-ci və 10-cu siniflərdə təşkil olunacaq təmayülləşmə,işçilərin əmək məzuniyyəti,buraxılış imtahanlarının təhlili və fərqlənmə attestatına namizədlərin dəqiqləşdirilməsi,maddi texniki bazanın qorunub saxlanılması və s. məsələlər müzakirə olundu.

Təlim-tərbiyə işləri üzrə direktor müavinləri, məktəbdənkənar və sinifdənxaric tərbiyə işləri üzrə təşkilatçı və digər məsul şəxslər fəaliyyət istiqamətləri üzrə görülmüş işlər, əldə edilmiş nailiyyətlər və mövcud vəziyyət barədə geniş hesabatlarla çıxış etdilər.

Hesabatlarda şagirdlərin yekun təlim nəticələri, fənn olimpiadaları və müxtəlif müsabiqələrdə iştirak göstəriciləri, buraxılış və qəbul imtahanlarının nəticələri, məktəbdaxili layihə və tədbirlər, davamiyyət və nizam-intizam məsələləri, valideynlərlə əməkdaşlıq, eləcə də təlim-tərbiyə prosesinin təşkili istiqamətində həyata keçirilən fəaliyyətlər ətraflı təhlil olundu. Qazanılmış uğurlar qeyd edilməklə yanaşı, mövcud problemlər və onların həlli yolları barədə fikir mübadiləsi aparıldı.

İclas çərçivəsində müəllimləri maraqlandıran məsələlər geniş müzakirə edildi, növbəti tədris ilində təhsilin keyfiyyətinin daha da yüksəldilməsi məqsədilə müxtəlif təklif və tövsiyələr səsləndirildi. Tədris ilinin yekunları ümumilikdə qənaətbəxş hesab edildi və 2026–2027-ci tədris ili üçün prioritet istiqamətlər müəyyənləşdirildi.

Sonda lisey rəhbərliyi tərəfindən tədris ilində səmərəli pedaqoji fəaliyyət göstərən, məktəbin ictimai həyatında fəal iştirak edən, təhsil sahəsində əldə olunan uğurlara töhfə verən müəllimlər və yekun təlim nəticələri yüksək olan şagirdlər fəxri fərman və təşəkkürnamələrlə təltif olundular.

Həbib bəy Mahmudbəyov adına 2 nömrəli texniki-humanitar liseyin iki şagirdi 2025/2026-cı tədris ilində,Respublika Fənn Müsabiqələrində mühüm nailiyyət əldə ediblər.

🔹 RFM nəticələri:
📌 1.Qurbanzadə İlkin Azər oğlu (7c sinfi fizika fənni,gümüş medal) 🥈
📌2.Ağayeva Şəfəq Qorxmaz qızı (6c sinfi təbiət fənni,gümüş medal) 🥈
Lisey rəhbərliyi tərəfindən şagirdlər,onların valideynləri və müəllimləri ilə görüş keçirildi.Sonda şagirdlərə lisey rəhbərliyi tərəfindən Fəxri fərmanlar təqdim olundu.
Uğurlar əziz şagirdlər !

Liseyin şagirdləri növbəti uğurları ilə fərqləniblər!

"HIPPO" İngilis Dili Olimpiadası – Qızıl medal 🥇
"International Spirit of Math" Riyaziyyat Olimpiadası – Gümüş medal 🥈
🔬 "Enşteyn-Science" Elm Olimpiadası – Gümüş medal 🥈
📐 "Enşteyn-Math" Riyaziyyat Olimpiadası – Bürünc medal 🥉
Liseyin şagirdlərini bu yüksək nailiyyətlər münasibətilə təbrik edir, onlara gələcək yarışlarda daha böyük uğurlar arzulayırıq!

🏆 Böyük uğur və zəhmətin nəticəsi!

Həbib bəy Mahmudbəyov adına 2 nömrəli texniki-humanitar liseyin iki şagirdi Respublika Fənn Müsabiqələrində mühüm nailiyyət əldə ediblər.

🔹 RFM nəticələri:
📌 1.Qurbanzadə İlkin Azər oğlu (7c sinfi fizika fənni,gümüş medal) 🥈
📌2.Ağayeva Şəfəq Qorxmaz qızı (6c sinfi təbiət fənni,gümüş medal) 🥈

🏆 Ümumi nəticə: 2 nəfər medalçı şagird!

👏 Əziz şagirdlər, hər birinizi ürəkdən təbrik edirəm!
Siz yalnız nəticə deyil, həm də gələcəyin uğurlu təməlini qurursunuz.
🤝 Bu uğurun arxasında duran dəyərli müəllimlərimizə və dəstək olan valideynlərimizə təşəkkür edirəm.

Liseydə müddətli müqavilə ilə çalışan və 65 yaşı tamam olan müəllimlərlə görüş keçirilib

Tədris ilinin başa çatması ilə əlaqədar müddətli müqavilə əsasında fəaliyyət göstərən müəllimlərlə görüş keçirilib. Görüşdə müəllimlərin il ərzində göstərdikləri fəaliyyət yüksək qiymətləndirilib, tədris prosesinə verdikləri töhfələrə görə onlara təşəkkür edilib.
Hər bir müəllimimizə uğurlar arzu edirik !

🔔🎓 Liseyimizdə “Son zəng” tədbiri keçirildi.

13 iyun 2026-cı il tarixində liseyimizdə "Son zəng" tədbiri təşkil olundu.2025/2026-cı tədris ilində 77 şagirdimiz liseydən məzun oldu. Tədbir Dövlət Himninin səsləndirilməsi və şəhidlərimizin əziz xatirəsinin yad edilməsi ilə başladı. Lisey rəhbərliyi, gələn qonaqlar və Vətən müaribəsi qazisi çıxış etdi.

Əziz məzunlar, yolunuz açıq, gələcəyiniz parlaq olsun!

“Həbib bəy Mahmudbəyov adına 2 nömrəli texniki-humanitar” liseyi 2026/2027-ci tədris ili üçün 7-ci sinfə şagird qəbulu elan edir

📢 "Həbib bəy Mahmudbəyov adına 2 nömrəli texniki-humanitar” liseyi 2026/2027-ci tədris ili üçün 7-ci sinfə şagird qəbulu elan edir.
✅Müsabiqədə ümumtəhsil məktəblərinin, lisey və gimnaziyaların Azərbaycan və rus bölmələri üzrə 6-cı sinfini bitirən şagirdlər iştirak edə bilərlər.

📝Qeydiyyat prosesi 2026-cı il 9-19 iyun tarixlərində davam edəcəkdir. Qəbul imtahanında iştirak etmək üçün qeydiyyat elektron portal vasitəsilə həyata keçiriləcək.

🔹 Qəbul imtahanı ARTİ tərəfindən aparılacaq. Liseyimizin qəbul planı Azərbaycan bölməsi üzrə 78, rus bölməsi üzrə isə 24 yer olmaqla nəzərdə tutulmuşdur.

İştirak edəcək şagirdlərə uğurlar arzulayırıq.

Liseydə II yarımil üçün BSQ-in keçirilməsi davam edir.

İyunun 8-də 6-cı siniflərdə rəqəmsal formatda “Mc teams” platforması üzərindən qiymətləndirmə aparılıb.

Şagird Nailiyyəti

Şagirdimiz Altunər Əsəd beynəlxalq Global Hippo İngilis Dili Olimpiadasında bürünc medal qazanaraq liseyimizi layiqincə təmsil etmişdir.
Bu möhtəşəm nailiyyət münasibətilə şagirdimizi ürəkdən təbrik edir, ona gələcək təhsil və həyat yolunda yeni-yeni uğurlar arzulayırıq. Əzmi, zəhməti və biliyi ilə əldə etdiyi bu nəticə hər birimiz üçün sevinc mənbəyidir.
Uğurların davamlı olsun!

Liseydaxili şagirdlər arasinda badminton yarişi keçirilmiçdir.Yarişin keçirilməsində məqsəd şagirdlərin saglam həyat tərzinə maraginin artirilmasi,onlarin fiziki inkişafinin dəstəklənməsi vaxtlarinin səmərəli təşkil olmuşdur.Şagirdlər yarişda boyuk həvəslə iştirak etmiş ,idman ruhu və saglam rəqabət numayiş etdirmişlər