Bakı şəhəri Cavid Nurməmmədov adına 108 nömrəli tam orta ümumtəhsil məktəbi

“Son zəng” tədbiri keçirildi

İyunun 13-də məktəbimizdə XI sinif məzunlarının doğma məktəblə vidalaşmasına həsr olunmuş “Son zəng” tədbiri keçirildi. Tədbirdə məktəbin müəllim və şagird kollektivi ilə yanaşı, valideynlər, məzunlar və ictimaiyyət nümayəndələri iştirak edirdilər.
İlk olaraq Azərbaycan Respublikasının Dövlət Himni səsləndirildi, şəhidlərimizin əziz xatirəsi bir dəqiqəlik sükutla yad edildi. Çıxış edənlər məktəbin direktoru Nəriman Məmmədzadə, Bakı şəhəri üzrə Təhsil İdarəsinin əməkdaşı Gülnar Əsədova , Maştağa Qəsəbəsi Bələdiyyə sədri Anar Adıgözəlov, Sabunçu rayon 28 saylı 3-cu seçki dairəsinin sədri Hacıbala Babayev məzunları bu əlamətdar gün münasibətilə təbrik edərək onlara gələcək həyatlarında uğurlar arzuladılar.
Şagirdlərin təqdim etdikləri bədii kompozisiyalar, musiqi nömrələri və rəqslər tədbirə xüsusi rəng qatdı. Sonda məzunlar üçün rəmzi “Son zəng” səsləndirildi və xatirə şəkilləri çəkdirildi.
Məzunlarımıza gələcək təhsil və həyat yollarında uğurlar arzulayırıq!