Elitar Gimnaziya

15/05/2026

İlyas Əfəndiyev adına Elitar gimnaziyada Ümummilli Lider Heydər Əliyevin anadan olmasının 103 illik yubileyi münasibətilə “Ağıllı gediş” adlı şahmat turniri keçirildi.

Turnirdə Bakı Şəhəri üzrə Təhsil İdarəsinin sektor müdiri Günay Qurbanova və beynəlxalq qrosmeyster Türkan Məmmədyarova iştirak etdilər.

Yarışa gimnaziyanın 5–6-cı sinif şagirdləri cəlb olunmuşdu. Oyunlar böyük maraq və rəqabət şəraitində keçdi.

Turnirin yekununda qaliblər mükafatlandırıldılar:

🥇 I yer — Hacızadə Uğur (6a3)
🥈 II yer — Səfərov İlyas (5r3)
🥉 III yer — Hüseynova Aysu (5r1)
🏅 IV yer — Hüseynzadə Saleh (6r1)

Qalib şagirdlərimizi təbrik edir, onlara gələcək yarışlarda yeni uğurlar arzulayırıq! ♟️✨

06/05/2026

Elitar gimnaziyada “Heydər Əliyev və Azərbaycan dili” mövzusunda tədbir keçirilib

6 mayda İlyas Əfəndiyev adına Elitar gimnaziyada Ulu Öndər Heydər Əliyevin anadan olmasının 103 –cü ildönümü münasibətilə “Heydər Əliyev və Azərbaycan dili” mövzusunda tədbir keçirilib.

Öncə Ümummilli Lider Heydər Əliyevin əziz xatirəsi bir dəqiqəlik sükutla yad olunub.

Tədbirdə Heydər Əliyevin həyat və fəaliyyətini əks etdirən video-çarx nümayiş etdirilib.

Tədbiri giriş sözü Elitar gimnaziyanın direktoru Səadət Cahandarova Ulu Öndər Heydər Əliyevin Azərbaycan dilinin inkişafı yönündə göstərdiyi tarixi xidmətlərdən danışıb. Səadət Cahandarova bildirib ki, Ulu Öndərin imzaladığı sərəncam və fərmanlar ölkəmizdə dil siyasətinin mükəmməl konsepsiyasını müəyyən etməklə onun gələcək inkişaf strategiyasını təmin etmişdir.

Tədbirdə AMEA Nəsimi adına Dilçilik İnstitutnun aparıcı elmi işçisi dosent Təranə Şükürlü fəxri qonaq qismində iştirak edib. Təranə Şükürlü bildirib ki, Ulu Öndərin rəhbərliyi altında hazırlanan müstəqil Azərbaycanın ilk Konstitusiyasında da ana dili ilə bağlı maddəyə xüsusi diqqət yetirilib, Azərbaycan dili dövlət dili kimi təsbit olunub, o cümlədən “Azərbaycan Respublikasında dövlət dili haqqında” Qanun qəbul edilib. Bu gün Ümummilli Liderin əsasını qoyduğu dövlət dil siyasətinin Prezident İlham Əliyev tərəfindən uğurla inkişaf etdirildiyini deyən dilçi alim ana dilimizin saflığının qorunması istiqamətində silsilə addımların atıldığını, bir sıra sənədlərin imzalandığını diqqətə çatdırıb.

Təranə Şükürlü vurğulayıb ki, Azərbaycanda siyasi natiqliyin formalaşmasında ümummilli lider Heydər Əliyevin əvəzsiz xidmətləri olub. Ulu öndərin nitqi öz səmimiliyi, zənginliyi, orijinallığı ilə dünyanın siyasi xadimlərinin nitqləri ilə müqayisə oluna bilər.

Tədbirdə pedaqoji təcrübə keçən Bakı Qızlar Universitetinin Filologiya –tarix fakültəsinin 4-cü kurs tələbələri Qəmzə Abbasova, Nurcan Mehtiyeva, Məleykə Babayeva, Aytən Cəfərli, Sənubər Məmmədova “Azərbaycan təhsilinin inkişafında Heydər Əliyevin rolu”, “Heydər Əliyev və Azərbaycan ədəbiyyatı” mövzularında məruzələrlə çıxış ediblər.

Sonda 7A 1 sinif şagirdləri Zeynəb Ağalarova, Miryusif Ağalarov, Ziya Gülmuradov, Yaqub Məmmədov, Nigar Niftiyeva və İbrahim Niyazovun ifasında şeirlər dinlənilib.

Tədbir Bakı Qızlar Universiteti ilə Elitar gimnaziyanın 7 a 1 sinfinin birgə təşkilatçılığı ilə keçirilib.

16/04/2026

https://muallim.edu.az/mekteb-ictimai-muzakirede-layihesi-cercivesinde-novbeti-gorus-kecirilib-11617

Bakı Şəhəri üzrə Təhsil İdarəsi (BŞTİ) və Azərbaycan Mətbuat Şurasının təşəbbüsü ilə həyata keçirilən “Məktəb ictimai müzakirədə” layihəsi çərçivəsində növbəti görüş təşkil olunub.

09/04/2026

06/04/2026

6 aprel – İnkişaf və Sülh naminə Beynəlxalq İdman Günü münasibətilə Bakı şəhərində yerləşən bir sıra ümumi təhsil müəssisələrində xüsusi idman dərsləri təşkil olunub. Tədbir çərçivəsində tanınmış idmançılar məktəblilərlə bir araya gələrək fiziki tərbiyə dərslərində iştirak ediblər.

İlyas Əfəndiyev adına Elitar gimnaziyanın qonağı Azərbaycan milli futbol komandasının fəxri futbolçusu Qara Qarayev olub.

Bu təşəbbüsün əsas məqsədi gənc nəslin fiziki və mənəvi inkişafına töhfə verməklə yanaşı, idmanın kütləviliyinin artırılmasıdır.

Görüş şagirdlər üçün xoş təəssüratlarla yadda qalıb və qonaq sonda gimnaziyanın “Şərəf Kitabı”na ürək sözlərini yazıb.

01/04/2026

01.04.2026-cı il tarixində İlyas Əfəndiyev adına Elitar gimnaziyada Metodik xidmətin təşkili çərçivəsində “Azərbaycan dili fənni üzrə ümumiləşdirici tapşırıqlar zamanı fəaliyyətlərin düzgün seçilməsi” mövzusunda metodik görüş baş tutmuşdur.

Görüşdə “Ümumiləşdirici tapşırıqlar” mövzusunda dərsin tədrisi zamanı seçilmiş standart və təlim nəticələrinə uyğun fəaliyyətlərin düzgün planlaşdırılması, şagirdlərin bacarıqlarının inkişafına xidmət edən tapşırıqların düzgün qurulması haqqında məlumatlar məktəbin metodisti Aynur Quliyeva və müəllimlər tərəfindən nəzərdən keçirildi və praktik işlər təşkil olundu.

Xüsusilə vurğulandı ki, dərs prosesində seçilmiş standarta və təlim nəticəsinə müvafiq fəaliyyətlərin icra olunması əsas şərt kimi qəbul olunmalıdır.

Görüşdə aparıcı metodist Könül Seyidova qonaq qismində iştirak etmişdir.

31/03/2026

Azərbaycanlılara qarşı törədilmiş soyqırımından 108 il ötür. 🥀

Ümummilli lider Heydər Əliyevin 26 mart 1998-ci il tarixli Fərmanına əsasən, 31 Mart – Azərbaycanlıların Soyqırımı Günü kimi qeyd olunur.

Soyqırımı qurbanlarının xatirəsini dərin ehtiramla yad edirik.

27/03/2026

17/03/2026

https://www.facebook.com/share/p/18CKda3qRF/?mibextid=wwXIfr

06/03/2026

İlyas Əfəndiyev adına Elitar Gimnaziyada 2–7 mart tarixlərini əhatə edən Ümumi Təhsil Müəssisələrində İdman Həftəsi çərçivəsində müxtəlif idman yarışları, əyləncəli estafetlər və sağlam həyat tərzinin təbliğinə həsr olunmuş tədbirlər keçirildi.🏃‍♂️🏆

05/03/2026

İlyas Əfəndiyev adına Elitar gimnaziyanın 10a2 sinif şagirdləri İsmayıl Məryəm və Həsənov Teyyub "Sabahın alimləri" XV Respublika Layihə Müsabiqəsinin Milli Final mərhələsində ‘Fizika və Astronomiya’ kateqoriyasında “ORB” layihəsi üzrə iştirak edirlər.
Elmi rəhbər gimnaziyanın informatika müəllimi Brilyant Allahverdiyeva
Şagirdlərimizə uğurlar arzulayırıq! 👏