17/01/2024
Azərbaycan XKS-nin sədri N.Nərimanovun imzaladığı 1921-ci il 26 avqust tarixli dekret əsasında 6 nəfər tələbə ilə milli dildə fəaliyyətə başlayan Ali Pedaqoji İnstitutun üç şöbəsindən biri təbiyyat coğrafiya idi. 1923-1924-cü tədris ilində institutun ilk buraxılışı 28 nəfərdən ibarət olmuşdur ki, onlardan da 14 nəfəri təbiyyat-kimya müəllimi idi. İnstitut 1926-27-ci tədris ilində Azərbaycan Dövlət Universitetinin tərkibinə verildiyindən təbiyyat-coğrafiya şöbəsi öz fəaliyyətini müvəqqəti dayandırdı. Pedaqoji fakültənin tərkibində həmin ixtisasda müəllim kadrlarının hazırlanması davam etdi.
Müstəqil ali təhsil müəssisəsi kimi Pedaqoji İnstitut 1930-cu ildə yenidən təşkil olunanda onun əsas fakültələrindən biri təbiyyat-kimya idi. Bu fakültə 1968-ci ilin sonunda iki müstəqil fakültəyə -biologiya və kimya fakültələrinə çevrildi. Biologiya fakültəsinə prof. R.Z.Qafarova rəhbərlik etdi. Kimya fakültəsinə prof.R.Y.Əliyev 1971-73-ci illərdə prof.R.Ə.Əbdürrəhimova, 1973-81-ci illərdə dos.T.Ə.Ağdamski rəhbərlik etmişdir. 1981-1982-ci tədris ilində yenidən kimya-biologiya fakültəsi adı altında birləşdirilərək fəaliyyətini davam etdirdi. 1981-ci ildən 1997-ci ilədək Əməkdar elm xadimi, prof. R.Z. Qafarova rəhbərlik etmişdir. 1997-ci ildən 2002-ci ilə kimi fakültəyə dos.Ə.N.Qurbanov rəhbərlik etmısdir.
2002-ci ildən isə onun bazasında yenidən iki müstəqil fakültə, Kimya fakültəsi və Biologiya fakültəsi şəklində fəaliyyətini davam etdirdi. Kimya fakültəsinə prof. Ə.N.Qurbanov(2002-2005), Biologiya fakültəsində dosent V.S. Həsənov dekan vəzifəsini icra etmiş, sonra dos.Ə.M.Məhərrəmov (2002-2011) rəhbərlik etmişdir. 2011-2016 illərdə isə Biologiya fakültəsinə professor Y.K.Əhmədov , Kimya fakültəsinə 2002-2005-ci illərdə prof. Ə.N.Qurbanov, 2006-2016-cı illərdə isə dos.V.S.Həsənov rəhbərlik etmişdir. 2016-cı ilin mart ayında Kimya fakültəsi və Biologiya fakültəsi birləşdirələrək Kimya və biologiya fakültəsi yaradıldı və 2017-ci ilin fevralınadək prof.B.İ. Ağayev dekan vəzifəsini icra etmiş, 2017-2022-ci illərdə fakültəyə dos. E.C. Mehbalıyeva rəhbərlik etmişdir. 2023-cü ildən isə dosent R.M.Ağayeva Kimya və biologiya fakültəsində dekan vəzifəsini icra etməkdədir.
14/01/2024