Demokratik Təşəbbüslər İnstitutu / Institute for Democratic Initiatives

Home
Azerbaijan
Baku
Demokratik Təşəbbüslər İnstitutu / Institute for Democratic Initiatives

Demokratik Təşəbbüslər İnstitutunun rəsmi səhifəsi. Official page of Institute for Democratic Initiatives (IDI)

Demokratik Təşəbbüslər İnstitutu (IDI) 5 noyabr 2013-cü ildə bir qrup hüquqşünas və ictimai xadim tərəfindən yaradılıb. Təşkilatın sədri keçmiş MSK üzvü Akif Qurbanov seçilib. Institute for Democratic Initiatives (IDI) was established on 05.11.2013 by a group of well-known lawyers and public figures. A former CEC member Akif Gurbanov was elected chairman of the organization.

31/08/2026

Keçən həftə “Toplum TV işi” üzrə həbs edilmiş siyasi məhbuslar Umbakı Penitensiar Kompleksində içməli su probleminə etiraz etdikləri üçün çərimə kamerasına (karsa) salınmışdı.

Bu gün Demokratik Təşəbbüslər İnstitutunun əməkdaşı Ramil Babayev yazdığı məktubunda cərimə kamerasında olduqları müddətdə üzləşdikləri qanunsuzluqlar barədə məlumat verib:

“Fərid İsmayılovun 3 günlük kars müddəti bitdikdən sonra o, heç bir qərar və ya əsaslandırma olmadan qanunsuz şəkildə əlavə 3 gün də karsda saxlanılmağa davam edib. Müəssisənin rəisi Rəşad Yusifov vasitəçi şəxslə ona bildirib ki, Fəridi karsdan buraxmaq üçün Penitensiar Xidmətin rəhbərliyindən göstəriş gözləyir”.

“Ruslan İzzətliyə bir həftəlik kars müddəti onun iradəsi xaricində təyin olunub. Müəssisə rəisi Ruslan İzzətliyə kars müddətinin onun “çəkisinə” uyğun təyin olunub deyərək, onu karsdan buraxmaqdan imtina edib və onu qanunsuz şəkildə cəzalandırıb”.

“Akif Qurbanova, Fərid İsmayılov və mənə təyin olunmuş kars müddətləri ilə bağlı qərarlarda güya korpusda səs-küy salıb qapıları döyəcləyib təxribat etməyə çalışdığımız üçün karsa salındığımız qeyd olunub”.

“Fərid İsmayılovun axşam saatlarında səhhəti pisləşdiyi üçün həkim çağırılması ilə bağlı tələblərimizə verilən cavab bu olub ki, hazırda müəssisədə heç bir həkim yoxdur”.

Məktubun tam formasını şərh bölməsində oxuya bilərsiniz:

Foto: Meydan TV (AI)

21/08/2026

İki gün əvvəl "Toplum TV işi" üzrə həbs olunmuş siyasi məhbuslar Ruslan İzzətli və Əli Zeynal Umbakı həbsxanasındakı içməli su probleminə etiraz etdikləri üçün cərimə kamerasına (kars) salınıblar. Ruslan İzzətlinin 7 gün, Əli Zeynalın isə 6 gün müddətində karsda qalacağı bildirilib.

Bu gün isə "Toplum TV işi" üzrə həbs olunmuş digər 3 siyasi məhbus, Akif Qurbanov, Fərid İsmayılov və Ramil Babayevin də karsa salındığı bildirilir. Onların Ruslan İzzətli və Əli Zeynalın karsa salınmasına etiraz etdikləri və bu səbəblə həbsxana rəhbərliyi tərəfindən 5 gün müddətində karsa salındıqları qeyd edilir.

09/08/2026

Demokratik Təşəbbüslər İnstitutunun əməkdaşı Ramil Babayev yazır:

"Bizi həbs edənlər BİT-də olarkən bizə vasitəçilərlə bu mesajı ötürmüşdülər: “Azadlığa tez çıxmaq istəyirsinizsə, Akif Qurbanovdan uzaq görüntü verin”. Mən belə hesab edirdim ki, bu Akif Qurbanovu yalnızlaşdırmaq cəhdinə qarşı cavabımız ona dəstəyimizi açıq ifadə etməkdən keçməlidir.

Həmçinin mənim hazırkı acılıq aksiyamın birinci bəndindəki tələbləri sürməyimin arxa planı bu idi ki, “parçala hökm et” strategiyası çərçivəsində atılmış bu repressiv addıma qarşı cavabımız birlik mesajının verilməsini tələb edir. Çünki repressiyanın belə yüksək tona qarşı alnı açıq duruş yalnız birlik görüntüsü sayəsində mümkündür.

Acılığın ikinci günündə “Mənim məsuliyyətim var. Siz aclıqda olanda mən yemək yeyə bilmərəm” deyərək tələblərin nə olduğuna əhəmiyyət vermədən dəstək üçün acılığa qoşulan Akif Qurbanova təşəkkür edirəm. Həmçinin müxtəlif vasitələrlə vaxt qazanaraq aclığa qoşulmamalarının qarşısını çətinliklə aldığım Ruslan İzzətliyə, Fərid İsmayılova və Əli Zeynala minnətdaram".

Qeyd edək ki, Ramil Babayev 5 gün əvvəl başladığı aclıq aksiyasını tələblərinin önəmli hissəsi qəbul edildiyi üçün dayandırıb.

Onun tələbləri barədə daha ətraflı şərh bölməsində tanış ola bilərsiz:

05/08/2026

Demokratik Təşəbbüslər İnstitutunun əməkdaşı Əli Zeynalın məhkəmədəki son sözündən:

"Hörmətli "priz"dentim, jurnalistəm deyəndə tutdurub salımsan içəri, nə var, nə var, sənin istədiyin kimi sənə təriflər yağdıran jurnalist olmadım deyə, bəyəndiyin, mükafatlandırdığın Azərbaycandakı əksər jurnalistlərdən də biri olmadım deyə. Özünə və peşəsinə hörmət etməyən jurnalistlərdən, insanlardan biri olmadım, o çirkli, iyrənc, amma rahat və asan olan yolu seçmədim deyə, bağışla məni sevimli “priz”dentim.

Sənin istədiyin kimi biri olmadım deyə, həyatı, tərbiyəni, peşəni təmiz, ləyəqətli, şərəfli, əxlaqlı insanlardan öyrəndim deyə, hansı ki, bir çoxu indi sənin bəyəndiyin jurnalistlər kimi sənin hədiyə vediyin evlərdə yox (hansı ki, buna rüşvət deyirik) sənin tikdirdiyin türmələrdə qalırlar. Məni də onlardan ayırmadığın üçün, kimlərdən olduğumu cümlə aləmə göstərdiyin üçün sənə minnətdaram".

Çıxışın tam formasını şərh bölməsində oxuya bilərsiniz:

03/08/2026

Demokratik Təşəbbüslər İnstitutunun əməkdaşı İlkin Əmrahovun məhkəmədəki son sözündən:

"Həbs olunandan sonra az da olsa peşmançılıq hissi duymamışam. Çünki ədalətin, həqiqətin tərəfində olmuşam, demokratiyadan yana olmuşam. Düşünürəm ki, gənc olsam da həbs dövründə adekvat davranmışam. Bu fakt özüdə həbs olunmağımla bağlı yanlış təsəvvürləri olan insanlara cavabdır".

"Xalqımız siyasi elitanı təşkil edən bir qrup şəxsin girovuna çevrilib. Lakin tarixə nəzər salsaq görərir ki, avtoritar-totalitar rejimlərin başlıca məğlubiyyəti düşüncələrə hakim ola bilməməyi və idarə etməyi bacarmaması oldu. Həll yolu həbs etmək deyil, qanunun aliliyini, hüquq və azadlıqları təmin etməkdir."

"Avtoritar sistemlə idarə olunan ölkədə demokratik təşəbbüslərlə çıxış edəndə mənə mükafat verməyəcəklərini bilirdim".

"Məhkəmə prosesində ittiham tərəfi və bu işin arxasında dayanan YAP höküməti ifşa olundu. Prokurorun dilindən bizə 13 ildən 16 ilə qədər cəza istənilməsinin səbəbi də məğlubiyyət hissindən doğan, emosional qisas hissinin təzahürü idi".

Çıxışın tam formasını şərh bölməsində oxuya bilərsiniz:

30/06/2026

Demokratik Təşəbbüslər İnstitutunun əməkdaşı İlkin Əmrahov ədliyyə naziri Fərid Əhmədova açıq məktub ünvanlayıb:

Cənab Əhmədov, Penitensiar Xidmətdə oftalmoloq axtarılır. Tapan şəxsə mükafat söz vermişəm. İstəsəniz, siz də axtarışlara qoşulun.

Bakı İstintaq Təcridxanasının rəhbərliyinə, Ədliyyə Nazirliyi Tibb Baş İdarəsinə (ƏNTBİ) dəfələrlə rəsmi qaydada müraciət etmişəm. Başqa həbs edilmiş şəxslərin müraciət etməsinə kömək etmişəm. Bakı İstintaq Təcridxanası da ƏNTBİ-yə müraciət etdiyini bildirir. ƏNTBİ-dən isə gələn məktubda mənə qayğı ilə yanaşıldığını, səhiyyə xidmətlərinin əlçatan olduğu yazılır. Amma ortada oftalmoloq yoxdur.

Dövlət büdcəsindən 1500 məhbus üçün 200 min AZN səhiyyə xidmətlərinə görə ayrılıb. Həmsöhbət olduğum məhbuslar, t\ş-lər bu barədə məlumatsızdır. Vəsaiti necə xərcləmisiz ki, yaşlı insanlar sınıq eynəklərdə gəzir, göz ölçülərini müəyyənləşdirə bilmirlər?!

Qanunvericilik tibbi təminata həbs edilmiş şəxslərin saxlanıldığı qurumun, müəssisənin cavabdeh olduğunu bildirir. Zəhmət çəkin üzərinizə düşən öhdəliyi yerinə yetirin!

Həmsöhbət olduğum digər şəxslər bu vəziyyətin Penitensiar Xidmətin digər təcridxana və cəzaçəkmə müəssisələrində də eyni olduğunu bildirir.

29/06/2026

Bu gün Demokratik Təşəbbüslər İnstitutunun əməkdaşı, dəyərli həmkarımız və dostumuz Ramil Babayevin doğum günüdür.

Bu gün Ramilin həbsdə, sevdiklərindən və ailəsindən uzaqda qarşıladığı üçüncü doğum günüdür. Üzləşdiyi ədalətsiz və hüquqdan kənar münasibətlərə, hər cür məhdudiyyətlərə rəğmən, Ramil öz prinsiplərinə sadiqliyini və ədalət uğrunda mübarizə əzmini qoruyub saxlayır. Məktublarında və məhkəmə çıxışlarında, dörd divar arasında olsa belə, ətrafındakı insanların haqq səsini ucaltmağa davam edir.

Əziz Ramil, səni doğum günün münasibətilə səmimi qəlbdən təbrik edir, sənə can sağlığı və ən əsası, tezliklə ailənə, dostlarına və haqqın olan azadlığa qovuşmağını arzu edirik.

Azadlıq Ramilin haqqıdır!

10/06/2026

“Bizim təhlükəsizlik kameralarımız ağıllı kameralardır. Görəndə ki, kimisə döyürük, çəkilişi dayandırırlar”.

Demokratik Təşəbbüslər İnstitutunun əməkdaşı, "Toplum TV işi" üzrə həbs olunmuş siyasi məhbus Ramil Babayev Bakı İstintaq Təcridxanasındakı vəziyyətlə bağlı yazır:

"Yanlış anlaşılmaması üçün bildirim ki, mənim Cavid Güləliyevə şəxsi ədavətim yoxdur. Yuxarıdakı hadisəni qeyd etməyi onun üçün zəruri saydım ki, media çıxışı olan siyasi məhbsuslara belə bu cür qəddar rəftardan çəkinməyən, gücdən zəhərləmiş Güləliyevin heç kimi olmayan təqsirləndirilən şəxslərə nələr edə bildiyi ilə bağlı heç bir şübhə yeri qalmasın.

Onun müdafiəsiz şəxslərə münasibətinin bir nümunəsi kimi əcnəbilərlə rəftarını misal çəkmək olar. 8 nəfər üçün nəzərdə tutulan kamerada 16 nəfər saxlanıldıqları üçün narazılıq etmiş və əksəriyyəti Pakistan vətəndaşlarından ibarət olan bir kameraya Güləliyev rezin dəyənəklə girərək narazı olanlara görə kameradakı o cüssəsiz insanların hamısını döyüb, bədənlərini göyərdərək çıxmışdı. Bu hadisələr baş verərkən general Mirsaleh Seyidovun idarəsi nə ilə məşğul idi? Cavid Güləliyevin yeni yüksək rütbə ilə təltif etmək ilə məşğul idi."

Məqalənin davamı rəydə...

30/05/2026

Demokratik Təşəbbüslər İnstitutunun əməkdaşı Ramil Babayev aclıq aksiyasını davam etdirir. Əldə etdiyimiz son məlumatlara görə, Ramil Babayevin sağlamlıq vəziyyəti pisləşib. Son günlərdə o bir neçə dəfə qan qusub. Bu artıq Ramil Babayevin qan qusması ilə bağlı aldığımız ikinci xəbərdir.

Bu gün ailəsi Ramillə görüşüb və ondan aclığı dayandırmasını istəyib. Lakin Ramil aclığı dayandırmayacağını, tələbləri yerinə yetirilənə qədər aclığı davam etdirəcəyini bildirib. Həmçinin həbsdəki digər dostların da onunla apardığı danışıqlar nəticə verməyib.

Ramil Babayevin vəziyyəti hazırda ailəsini, dostlarını və yaxınlarını narahat edəcək səviyyədə pisləşib. Aclıq aksiyasının davam etdirilməsi Ramilin səhhəti üçün ciddi və qarşısıalınmaz risklər yaradacağı şübhəsizdir.

Ramil Babayev ilk növbədə Cavid Güləliyev barəsində Cinayət Məcəlləsinin işgəncə, vəzifə səlahiyyətlərini aşma, qəsdən sağlamlığa yüngül zərər vurma və başqa bir neçə maddəsi üzrə araşdırma aparılmasını tələb edir.

O, həmçinin, təcridxanada döyülmə hadisəsinin baş verdiyi tarixdəki təhlükəsizlik kamerası görüntülərinin araşdırılmasını, həmin məhbusun bədənindəki izlərin aktlaşdırılmasını, hadisənin şahidi qismində izahatının alınmasını, ombudsman Səbinə Əliyevanın həmin məhbusla görüşməsini tələb edir.

25/05/2026

Demokratik Təşəbbüslər İnstitutunun əməkdaşı, "Toplum TV işi" üzrə siyasi məhbus Ramil Babayev yenidən açlıq aksiyasına başlayıb.

Ramil Babayevin sözlərinə görə:

"Mayın 23-ü saat 17.00 radələrində su almaq üçün təcridxananın köşkündə növbə gözlədiyim vaxt Cavid Güləliyevin söyüşləri bütün təcridxananı bürüdü. Boylanıb baxanda gördüm ki, Cavid Güləliyev 7 saylı korpusu "140" adlanan qovşaqla birləşdirən ərazidə bir məhbusu alçaldıcı ifadələrlə amansızcasına döyür. Həmin məhbus bu rəftara etiraz olaraq özünü öldürəcəyini dedikdə Cavid Güləliyev "öldür, öldürməyənin də..." cavabını verdi və söyüşlə qışqırmağa davam etdi. Bu hal tələblərim arasında yer alan "təcridxanada ölüm hallarının araşdırılması və bu barədə ictimaiyyətin məlumatlandırılması" bəndinin necə yerində və adekvat olduğunu bir daha təsdiqləyir. Cavid Güləliyev isə mənimlə söhbətdə bu tələbimlə bağlı demişdi ki, ölümlərin əsas səbəbi xəstəliklərdir və rəhbərliyin bu məsələdə yanlışı varsa, qoy bunun davasını ölənlərin ailələri aparsın", - o bildirib.

Ramil Babayevin sözlərinə görə, təcridxanada, əsasən, maddi vəziyyəti nisbətən yaxşı olan məhbuslar zorakılıqdan yayına bilirlər.

"Bu şəxslər xırda bir rejim qaydası pozuntusuna yol verdikdə - buraya bəzən qarşılaşdığın adama salam vermək də daxildir - onlar barəsində intizam tədbiri görmək əvəzinə onlara bildirilir ki, təcridxananın təsərrüfat bölməsində yeni çörək sexi tikilir və tikinti üçün yardım lazımdır. Bu bəhanə ilə həmin şəxslərdən bir neçə yüz manat alınır və bu proses bir neçə həftədir davam edir. Yoxsul məhbusların necə rəftar gördüyünü isə yuxarıda yazdıqlarımdan təsəvvürünüzə gətirə bilərsiniz", - o, məktubunda qeyd edib.

Ramil Babayev aclıq aksiyasını dayandırması üçün yeni tələblər irəli sürüb. O, ilk növbədə Cavid Güləliyev barəsində Cinayət Məcəlləsinin işgəncə, vəzifə səlahiyyətlərini aşma, qəsdən sağlamlığa yüngül zərər vurma və başqa bir neçə maddəsi üzrə araşdırma aparılmasını tələb edir.

O, həmçinin, təsvir etdiyi döyülmə hadisəsinin baş verdiyi tarixdəki təhlükəsizlik kamerası görüntülərinin araşdırılmasını, həmin məhbusun bədənindəki izlərin aktlaşdırılmasını, hadisənin şahidi qismində izahatının alınmasını, ombudsman Səbinə Əliyevanın həmin məhbusla görüşməsini tələb edib.

Address

Baku
1026

Telephone

+994504359542

Website

http://www.idi-aze.org/

Alerts

Be the first to know and let us send you an email when Demokratik Təşəbbüslər İnstitutu / Institute for Democratic Initiatives posts news and promotions. Your email address will not be used for any other purpose, and you can unsubscribe at any time.

Contact The School

Send a message to Demokratik Təşəbbüslər İnstitutu / Institute for Democratic Initiatives:

Want your school to be the top-listed School/college in Baku?