Azərbaycan Dillər Universitetinin rəsmi səhifəsi

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

Azərbaycan Dillər Universiteti hər birinizi müqəddəs Qurban bayramı münasibətilə ürəkdən təbrik edir!

Mənəvi birliyin, xeyirxahlığın və fədakarlığın rəmzi olan bu mübarək günün ölkəmizə və hər bir ailəyə əmin-amanlıq gətirməsini diləyirik. Bu əziz gündə kəsilən qurbanların və edilən duaların qəbul olunmasını arzulayır, hər birinizə cansağlığı və könül xoşluğu arzu edirik! Bayramınız mübarək olsun!

📌 Çeçenistan Dövlət Pedaqoji Universitetinin rektoru İsmayıl Bayxanov ADU-nun qonağı olub

https://adu.edu.az/az/xeberler/xeberler/14463.html

📌 ADU-da "Bir günlük xəlifə" layihəsində iştirak edən tələbələr vəzifələrinin icrasına başlayıblar

🗓️ Mayın 25-də Azərbaycan Dillər Universitetində (ADU) “Bir günlük xəlifə” layihəsində iştirak edən tələbələr vəzifələrinin icrasına başlayıblar. İlk olaraq xəlifə rektor Nihat Cəfərov və tələbələr Ulu Öndər Heydər Əliyevin büstünü ziyarət edib, önünə gül dəstələri qoyublar.

ℹ️ “Bir günlük xəlifə” layihəsi ADU-nun rektoru, akademik Kamal Abdullanın tələbələrin idarəetmə istiqamətində təcrübə qazanmalarına hesablanan vacib təşəbbüsüdür. “Bir günlük xəlifə” layihəsi universitetdə 2017-ci ildən təşkil olunur. Layihə çərçivəsində tələbələr tərəfindən səsvermə yolu ilə seçilən xəlifələr bir gün ərzində universitetin rəhbər strukturlarını idarə edirlər.

✔️ Bir gün ərzində rektor, prorektorlar, dekanlar, mərkəz və şöbə müdirləri tələbə, magistrant və doktorantlar olurlar. Onlar bir gün ərzində universitetdə tədris prosesi, inzibati və s. işlərlə bağlı qərarlar qəbul edir, bir sıra yeniliklər həyata keçirirlər.

❗️Bu gün rəhbər vəzifələri icra edən tələbələrin qərarları tam hüquqi qüvvəyə malikdir. Vəzifələri tutan şəxslər icra etdikləri vəzifənin bir günlük əmək haqqını alacaqlar.

⚠️ “Bir günlük xəlifə” layihəsinin əsas məqsədlərindən biri tələbələrə ictimai həyatda fəal iştirak etmək, təhsil və bilik əldə etmək, yaradıcı və sağlam tələbə həyatı yaşamaq və imkanlarını genişləndirmək üçün şərait yaratmaqdır. Bu layihə tələbələrin özünüidarəetmə, işgüzarlıq kimi xüsusiyyətlərin inkişafında, onların peşə məsuliyyətini dərk etməsində önəmli rol oynayacaq.

📌 Türkiyədə “Prof.Dr. Kamal Abdulla kitabı” adlı yeni nəşr işıq üzü görüb

https://adu.edu.az/az/xeberler/xeberler/14441.html

📌 Azərbaycan Dillər Universiteti Azərbaycan Respublikası Nazirlər Kabinetinin 2026-cı il 14 may tarixli 320s nömrəli sərəncamına uyğun olaraq fəlsəfə doktoru proqramı üzrə doktoranturaya qəbul elan edir

https://adu.edu.az/az/xeberler/elanlar/14406.html

Azərbaycan Dillər Universiteti Azərbaycan Respublikası Nazirlər Kabinetinin 2026-cı il 14 may tarixli 320s nömrəli sərəncamına uyğun olaraq fəlsəfə doktoru proqramı üzrə doktoranturaya qəbul elan edir

Fəlsəfə doktoru proqramı üzrə doktoranturaya qəbul - ELAN Elanlar - ADU

📌 ADU-da Mir Cəlal Paşayevin yaradıcılığına həsr olunmuş tədbir keçirilib

Mayın 15-də Azərbaycan Dillər Universitetində (ADU) görkəmli ədib və ictimai xadim, professor Mir Cəlal Paşayevin yaradıcılığına həsr olunmuş “Zamanı aşan söz” adlı elmi-bədii tədbir keçirilib. Görüş Mir Cəlal Paşayevin həyat və yaradıcılığını əks etdirən videoçarxın nümayişi ilə başlayıb.

Tədbirdə çıxış edən ADU-nun rektoru, akademik Kamal Abdulla bugünkü görüşün böyük mənəvi əhəmiyyət daşıdığını bildirib. Mir Cəlal Paşayevin tələbəsi olduğunu xüsusi vurğulayan rektor böyük ədəbiyyatşünas alimlə bağlı xatirələrini bölüşüb. Bildirilib ki, Mir Cəlal Paşayevin istər pedaqoji fəaliyyəti, istərsə də bədii yaradıcılığı və elmi-publisistik dünyagörüşü əsl örnəkdir. Onun ədəbi-elmi irsi bu gün də istər tələbələrin, müəllimlərin, eləcə də bütün ictimaiyyətin bəhrələndiyi diqqətəlayiq mənbədir. Mir Cəlal Paşayev pedaqoji fəaliyyətində olduğu kimi, bədii əsərlərində də şəxsiyyətin formalaşması məsələlərinə, obraz yaradıcılığına xüsusi diqqət verirdi. Ədibin qələmə aldığı bədii nümunələr oxucunun gözü qarşısında real həyat hadisələrini əks etdirməklə yanaşı, onu humanist düşüncələrə, hisslərə kökləyir. Mir Cəlal Paşayevin istər mənalı ömür yolu, istərsə də bədii əsərlərində qoyduğu ideyalar xalqın həyat amalı, devizidir.

Daha sonra Mir Cəlal Paşayevin qızı - Bakı Dövlət Universitetinin Rus ədəbiyyatı tarixi kafedrasının müdiri, professor Ədibə Paşayeva çıxış edərək atasının xatirəsinə göstərilən ehtirama görə universitet rəhbərliyinə və tədbir iştirakçılarına təşəkkürünü bildirib. Mir Cəlal Paşayevin zəngin həyat və yaradıcılıq yolundan danışan natiq bildirib ki, ədib həyatda qazandığı bütün uğurlara yalnız öz zəhməti, iradəsi və istedadı hesabına nail olub. Mir Cəlal Paşayevin həyat fəlsəfəsi, insanlara humanist münasibəti, Vətənə, xalqa bağlılığı övladları üçün örnək olub. Onun övladları, nəvələri bu gün də həmin yolu – Vətənə xidmət yolunu ləyaqətlə davam etdirirlər.

Tədbirdə çıxış edən ADA Universitetinin Kommunikasiya və rəqəmsal media ixtisasının müəllimi Şəfəq Mehrəliyeva Mir Cəlal Paşayevin çoxşaxəli elmi və bədii fəaliyyətindən bəhs edərək, onun nəsr yaradıcılığını Azərbaycan ədəbiyyatının inkişafında mühüm mərhələ kimi səciyyələndirib. Bildirilib ki, Azərbaycan dilinin incəliklərinə dərindən bələd olan ədibin zəngin elmi-bədii yaradıcılığı daim elmi ictimaiyyətin, oxucuların diqqət mərkəzində olub. Tanınmış pedaqoq və elm xadimi olan Mir Cəlal Paşayev klassik və müasir ədəbiyyata dair elmi əsərləri, bədii kitabları, pedoqoji fəaliyyəti ilə yeni ədəbi nəslin yetişməsində, yüksək ixtisaslı kadrların formalaşmasında mühüm rol oynayıb.

Tədbirdə Azərbaycan Atatürk Mərkəzinin direktoru, akademik Nizami Cəfərov, Azərbaycan Respublikasının Prezidenti yanında Dövlət İdarəçilik Akademiyasının professoru, "Simurq" Azərbaycan Mədəniyyət Assosiasiyasının prezidenti Fuad Məmmədov, ADU-nun Azərbaycan ədəbiyyatı kafedrasının müdiri, akademik Muxtar İmanov və ADU-nun magistr tələbələri çıxış edərək Mir Cəlal Paşayevin zəngin elmi-bədii irsinin əhəmiyyətindən danışıblar. Bildirilib ki, ədəbin zəngin yaradıcılıq fəaliyyəti öz bədii-publisistik və elmi mahiyyəti ilə XX əsr Azərbaycan ədəbiyyatının ən görkəmli nümunələrindəndir. Öz aktuallığını müasir dövrdə də qoruyan yazıçının bir-birindən maraqlı hekayələri, roman və povestləri bədii ədəbiyyatımızda özünəməxsus yer tutur.

Tədbir boyunca tələbələrin ifasında mahnılar ifa olunub, Mir Cəlal Paşayevə həsr olunmuş şeir səsləndirilib, ədəbin “Bir gəncin manifesti” romanından səhnələşdirilən bir parça nümayiş olunub. Təqdim olunan bu rəngarəng kompozisiya Mir Cəlal Paşayevin yaradıcılığının estetik və ideya-məzmun xüsusiyyətlərini canlı şəkildə əks etdirərək tədbirə xüsusi mənəvi ovqat, bədii rəng qatıb.

ADU-da Braziliya ədəbiyyatına həsr olunmuş tədbir və kitab təqdimatı keçirilib

Azərbaycan Dillər Universitetində (ADU) Braziliyanın Azərbaycandakı fövqəladə və səlahiyyətli səfiri Manuel Montenegro, səfirin həyat yoldaşı Cristina Rasia Montenegro və Braziliya səfirliyinin əməkdaşlarının iştirakı ilə Braziliya ədəbiyyatına həsr olunmuş tədbir keçirilib.Tədbirdən əvvəl Braziliya səfiri ADU-nun rektoru Kamal Abdulla ilə görüşüb. Görüş zamanı Azərbaycan ilə Braziliya arasında təhsil, elm və mədəniyyət sahələrində əməkdaşlıq perspektivləri, eləcə də ədəbi-mədəni əlaqələrin inkişafı məsələləri ətrafında fikir mübadiləsi aparılıb. Tərəflər humanitar sahədə beynəlxalq əməkdaşlığın əhəmiyyətini vurğulayıblar.

Daha sonra universitetdə Braziliya yazıçısı Maşadu de Assisin Azərbaycan dilinə tərcümə olunmuş “Don Kasmurro” və “Bras Kubasın ölümündən sonrakı xatirələri” kitablarının təqdimatı keçirilib. Tədbiri universitetin Beynəlxalq əlaqələr üzrə prorektoru, filologiya üzrə fəlsəfə doktoru, dosent Jalə Qəribova açaraq, dünya ədəbiyyatı nümunələrinin Azərbaycan dilinə tərcüməsinin önəmindən danışıb.

Tədbirdə kitabların tərcüməçisi Anar Rəhimov çıxış edərək təqdim olunan nəşrlər, tərcümə prosesi və Braziliya ədəbiyyatının xüsusiyyətləri haqqında məlumat verib. Universitetin kafedra müdiri Ülfət İbrahim isə çıxışında Maşadu de Assisin dünya ədəbiyyatındakı yerindən bəhs edib.

Qeyd olunub ki, təqdim olunan əsərlər Braziliya Milli Kitabxana Fondunun, Braziliya Mədəniyyət Nazirliyinin və Braziliya Xarici İşlər Nazirliyinin Guimaraes Rosa İnstitutunun dəstəyi ilə nəşr olunub.

Tədbirdə çıxış edənlər təqdim olunan nəşrlərin Azərbaycan-Braziliya ədəbi əlaqələrinin inkişafına töhfə verdiyini bildiriblər. Çıxışlarda Braziliya ədəbiyyatının dünya ədəbiyyatındakı yeri, Maşadu de Assisin yaradıcılığı və əsərlərin Azərbaycan dilinə tərcüməsinin əhəmiyyəti xüsusi vurğulanıb.

ADU-da “Zamanı aşan söz” adlı elmi-bədii tədbir keçiriləcək

Azərbaycan Dillər Universitetində (ADU) görkəmli yazıçı, ədəbiyyatşünas-alim, professor, Əməkdar elm xadimi Mir Cəlal Paşayevin yaradıcılığına həsr olunmuş “Zamanı aşan söz” adlı elmi-bədii tədbir keçiriləcək.

Tədbir 15 may tarixində saat 12:00-da universitetin akt zalında baş tutacaq.
Tədbirdə iştirak etmək istəyən hər kəs dəvətlidir.