Alternativ Məktəb Mühiti

2022-ci ildə Şiddətsiz Ünsiyyət metodu haqqında edəcəyim son təlimin elanını sizlərlə paylaşıram🎉🎊📢

📌 Bu təlimə peşəsindən asılı olmayaraq hər kəs qoşula bilər.

📌 Təlimin ilk görüşü hər kəsə açıq və ödənişsiz olacaq.

📌 Qeydiyyat müddəti ərzində təlim haqqında ətraflı məlumatları sizlərlə paylaşmaq üçün vatsap qrupu açdım.
Əgər sonrakı müddətdə təlimə qoşulmamaq qərarına gəlsəniz qrupdan ayrıla bilərsiniz. Təlimə qoşulmağa qərar versəniz 5 noyabrda əsas vatsap qrupuna əlavə ediləcəksiniz.
Vatsap qrupunun linki formun içindədir.

Formun linki:

https://forms.gle/PtVR8VeYsyok2XYp9

İnsanlarla ünsiyyət zamanı deyilən söz qədər onun deyilmə tərzi də önəmlidir.

Azərbaycan Respublikası Təhsil Nazirliyi Təhsildə İnkişaf və İnnovasiyalar üzrə V qrant müsabiqəsinin dəstəyi ilə həyata keçirdiyimiz Alternativ Məktəb Mühiti adlı layihə artıq yekunlaşdı. 5 ay müddətində davam edən layihə çərçivəsində müəllim və valideynlərə təlimlər keçildi, məktəblərdə "Şiddətsiz ünsiyyət" guşələri yaradıldı, sinif saatlarında şagirdlər üçün münaqişələrin həllinə yönəlmiş xüsusi dərslər- praktikalar təşkil olundu. Layihənin sonuncu ayında isə məktəblərdə vorkshoplar həyata keçirilərək layihə boyunca öyrənilənlərin bir növ ümumiləşdirmə mərhələsi təşkil olundu. Layihədə mütəmadi və uğurla iştirak edən iştirakçılara sertifikatlar və xatirə hədiyyələri təqdim olundu.
Layihədə əməyi keçən Lamiyə Əsgərova, Güllü Aliyeva, Goshgar Maharramov və layihənin digər iştirakçılarına təşəkkürümüzü bildiririk.

https://www.facebook.com/grants.edu.az/posts/666723098081819

Fevralın 15-də "Təhsildə inkişaf və innovasiyalar üzrə VI qrant" müsabiqəsinə təqdim olunacaq layihə sənədlərinin (ərizə, layihə təklifi, xərclər smetası, icra planı) qəbuluna başlanılır.


Ətraflı: https://bit.ly/3rP3JEM

Alternativ Məktəb Mühiti layihəsinin sonuncu vorkshopu keçirildi. Vorkshopda Bakı şəhəri 191 nömrəli tam orta məktəbin 6B sinif şagirdləri, valideynlər və müəllimləri iştirak edərək gündəlik həyatda qarşılaşdığımız müxtəlif münaqişələrə dair praktik məşğələlərdə "Şiddətsiz ünsiyyət" metodunun tətbiqi ilə tanış oldular.

Alternativ Məktəb Mühiti layihəsinin növbəti vorkshopu təşkil olundu. Vorkshopda Bakı şəhəri, Xətai rayonu Z. Məmmədov adına 171 nömrəli tam orta məktəbin 8B sinfinin şagirdləri, valideynləri və bir neçə müəllim iştirak edirdilər. İştirakçılar "Can qulağı ilə dinləmə", "Mimikalarla duyğunu göstər", Dörd addımda münaqişəni həll et" vorkshoplarında əylənərək iştirak etdilər.

Bu həftə Alternativ Məktəb Mühiti layihəsinin növbəti vorkshopu Bakı şəhəri 95 nömrəli tam orta məktəbdə təşkil olundu. Vorkshopda valideyn-övlad, müəllim-şagird və şagirdlə şagird arasında sıx rast gəlinən anlaşılmazlıqların "Şiddətsiz ünsiyyət" metodu ilə həllinə dair interaktiv çalışmalar həyata keçirildi. Çalışmalar bu dəfə də iştirakçıların əyləncə və marağına səbəb oldu.

Müstəqilliyimiz uğrunda canlarından keçən 20 Yanvar şəhidlərini dərin hüzn və ehtiramla anırıq.