Mehriban Vəliyeva

18/08/2026

18 Avqust – Sərhəd Qoşunları Günüdür!
Azərbaycanın dövlət sərhədlərinin etibarlı qorunması, ölkəmizin təhlükəsizliyinin və ərazi bütövlüyünün təmin olunması keşiyində dayanan sərhədçilərimiz böyük fədakarlıq və peşəkarlıq nümayiş etdirirlər.
Bu əlamətdar gündə Vətən sərhədlərinin keşiyində şərəf və ləyaqətlə xidmət edən bütün sərhədçilərimizi səmimi-qəlbdən təbrik edir, hər birinə möhkəm cansağlığı, təhlükəsiz xidmət və uğurlar arzulayıram.
Şəhid olmuş sərhədçilərimizin əziz xatirəsini dərin ehtiramla yad edirəm.

17/08/2026

15/08/2026

Bu gün Elm və Təhsil İşçiləri Həmkarlar İttifaqının
dəvəti ilə Xaçmazda yerləşən “Təhsil” istirahət mərkəzində istirahət edən ölkəmizin müxtəlif bölgələrindən olan müəllim və təhsil işçiləri ilə görüşməkdən böyük məmnunluq duydum.
Təhsil adamları ilə görüşmək, onları dinləmək, fikir mübadiləsi aparmaq, gündəlik fəaliyyətləri və onları düşündürən məsələlər ətrafında səmimi müzakirələr aparmaq mənim üçün hər zaman xüsusi əhəmiyyət daşıyır. Belə görüşlər bir daha göstərir ki, Azərbaycanın müəllimləri öz peşələrinə, şagirdlərinə və ölkəmizin gələcəyinə böyük sevgi və məsuliyyətlə yanaşırlar.
Hər bir cəmiyyətin gələcəyini formalaşdıran ən böyük qüvvələrdən biri müəllimdir. Müəllim yalnız bilik vermir, həm də şəxsiyyət yetişdirir, milli-mənəvi dəyərləri gələcək nəsillərə ötürür, ölkəmizin intellektual və mənəvi inkişafına mühüm töhfə verir.
Ulu Öndər Heydər Əliyevin müdrik kəlamı ilə desək: “Dünyada müəllim adından böyük ad yoxdur!”
Bu görüşdən bir daha əmin oldum: dünyanın ən gözəl müəllimləri bizim müəllimlərimizdir!
Bütün müəllimlərimizə və təhsil işçilərimizə fədakar əməyinə görə təşəkkür edir, möhkəm cansağlığı, fəaliyyətlərində uğurlar və xoş, mənalı istirahət arzulayıram. Müəllim və təhsil işçilərinin istirahəti üçün yüksək səviyyəli şərait yaratdığına görə Azərbaycan Həmkarlar İttifaqları Konfederasiyasına da minnətdarlığımı bildirirəm.

13/08/2026

Bu artımı yalnız demoqrafik göstərici kimi qiymətləndirmək düzgün olmazdı. Əslində, əhalinin artması Sumqayıtın ölkənin mühüm sənaye, iqtisadi və yaşayış mərkəzlərindən birinə çevrilməsinin göstəricisidir. Bu prosesin arxasında kompleks amillər dayanır. İlk növbədə, Sumqayıtın Bakı ilə yaxınlığı şəhərin yaşayış üçün cəlbediciliyini artıran mühüm faktordur. Bakı ilə sıx nəqliyyat əlaqələrinin mövcudluğu insanlara həm paytaxtın iqtisadi imkanlarından yararlanmağa, həm də Sumqayıtda daha münasib yaşayış imkanları əldə etməyə şərait yaradır. Paytaxtda mənzil və yaşayış xərclərinin yüksək olması da müəyyən sosial qruplar üçün Sumqayıtı əlçatan alternativə çevirir. Lakin hesab edirəm ki, Sumqayıta marağın artmasının əsas səbəblərindən biri şəhərdə yaradılan yeni iqtisadi imkanlardır. Son illərdə dövlət siyasəti nəticəsində Sumqayıtın sənaye potensialı əsaslı şəkildə yenilənib və genişləndirilib.

Son 10 ildə Sumqayıtın əhalisi 28,4 faiz və ya 95 min nəfər artıb. Deputat və iqtisadçı şəhərə köçü sürətləndirən əsas səbəbləri açıqlayıblar.

13/08/2026

Əvvəlki dövrlərdə gənclərin ailə qurması yalnız onların şəxsi seçimi kimi deyil, ailələrin də yaxından iştirak etdiyi bir proses kimi qəbul olunurdu. Həyat yoldaşı seçimində valideynlərin mövqeyi, razılığı və məsləhəti mühüm rol oynayırdı. Valideynlər övladlarının seçiminə münasibət bildirir, öz həyat təcrübələrinə əsaslanaraq onlara yol göstərməyə çalışırdılar. Laki illər keçdikcə, ailə qurmağa münasibət də dəyişib. Bu gün gənclər həyat yoldaşı seçərkən daha çox öz qərarlarına əsaslanır, valideynlərin fikri isə əvvəlki qədər həlledici olmur. Təbii olaraq, bu dəyişiklik valideynlə övladın ailə qurmaq məsələsində münasibətlərinə də təsirsiz ötüşmür. Bu baxımdan, əvvəlki dövrlə indiki vəziyyəti müqayisə etdikdə ailə qurmaq qərarında valideyn və övladın rolunun necə dəyişdiyi diqqət çəkir.

Valideynlərin ailə qurmaq prosesində rolunun dəyişməsi gənc ailələrə necə təsir edir? Deputat və ekspert müasir ailə modelini və səbəbləri şərh edib.

13/08/2026

Azərbaycan Prezidenti İlham Əliyevin 11 avqust 2026-cı ildə Naxçıvan Muxtar Respublikasına səfəri və səfər çərçivəsində Azərbaycan Televiziyasına verdiyi müsahibə Naxçıvanın gələcək inkişaf strategiyasının əsas istiqamətlərini müəyyən edən mühüm siyasi mesajlarla yadda qaldı. Dövlət başçısının müsahibəsində səsləndirdiyi fikirlər təkcə muxtar respublikada həyata keçirilən layihələrin təqdimatı deyil, həm də Naxçıvanın Azərbaycanın ümumi inkişaf strategiyasında, Cənubi Qafqazın yeni geosiyasi və geoiqtisadi reallıqlarında yerini göstərən konseptual baxışın ifadəsi kimi qiymətləndirilə bilər.

Xəbərlər Naxçıvan Avrasiya nəqliyyat və enerji xəritəsində yeni mövqeyə yüksəlir 13 Avqust 2026 10:22 Mehriban Vəliyeva Milli Məclisin deputatı Azərbaycan Prezidenti İlham Əliyevin 11 avqust 2026-cı ildə Naxçıvan Muxtar Respublikasına səfəri və səfər çərçivəsi...

12/08/2026

Azərbaycan Prezidenti cənab İlham Əliyevin Naxçıvana səfəri yalnız bölgədə həyata keçirilən layihələrlə yerində tanışlıq baxımından deyil, həm də Naxçıvanın ölkənin ümumi inkişaf strategiyasında tutduğu xüsusi mövqenin bir daha nümayiş etdirilməsi baxımından mühüm siyasi və strateji əhəmiyyət daşıyır. Dövlət başçısının regionlara mütəmadi səfərləri artıq Azərbaycanın idarəçilik modelinin mühüm xüsusiyyətlərindən birinə çevrilib. Bu səfərlər zamanı görülmüş işlərə yerində baxış keçirilir, qarşıda duran vəzifələr müəyyənləşdirilir, vətəndaşların gündəlik həyatına birbaşa təsir edən məsələlər diqqətdə saxlanılır.

Azərbaycan və dünyada baş verən hadisələr haqqında operativ xəbərləri fasiləsiz çatdırır. Xəbərlə bitmir, foto, video, peşəkar reportyor araşdırması, müəllif layihələri və əyləncə...

11/08/2026