14/10/2024
"1 Nişan 1 Məlumat" rubrikamızda qadağan nişanları qrupuna daxil olan 3.20 "Ötmək qadağandır" və 3.22 "Yük avtomobillərinin ötməsi qadağandır" nişanları haqqında məlumat verəcəyik.
3.20 Nişanı asma mühərrikli velosipedlərdən və ikitəkərli arabasız motosikllərdən başqa digər nəqliyyatları ötməyi qadağan edir və intensiv hərəkət, hərəkət hissəsinin eni və vəziyyəti, görünmə məsafəsinin məhdudluğu səbəbindən eyni istiqamətə gedən və ya qarşıdan gələn nəqliyyatlarla toqquşma təhlükəsi yarana biləcək yollarda vurulur.
Bu nişanın təsir sahəsi qoyulduğu yerdən ən yaxın yolayrıcına qədər, yaşayış məntəqələrində yolayrıcı olmadıqda isə yaşayış məntəqəsinin qurtaracağına qədərdir.
3.22 Nişanı isə icazə verilən maksimum kütləsi 3,5 tondan çox olan yük avtomobillərinə, traktorlara və və özügedən maşınlara ötməyi qadağan edir. Qalan nəqliyyatlar minik avtomobilləri, avtobuslar, icazə verilən maksimum kütləsi 3,5 tondan az olan yük avtomobilləri, motosikllər və s. ötə bilərlər.
