QKU Kitabxana / WCU Library

QKU Kitabxana / WCU Library Kitabxana iki korpusda fəaliyyət göstərir:
•İstiqlaliyyət küçəsi 27,
•Əhməd Rəcəbli 21.

Elmi kitabxanada Psixologiya kafedrasının müəllimi Günay Babazadənin təşkilatçılığı, “Təhsildə sosial-psixoloji xidmət” ...
19/05/2026

Elmi kitabxanada Psixologiya kafedrasının müəllimi Günay Babazadənin təşkilatçılığı, “Təhsildə sosial-psixoloji xidmət” ixtisası üzrə təhsil alan tələbələrin iştirakı ilə Linda Mulleli Hant'ın "Ağacdakı Balıq" kitabının müzakirəsi keçirilib.

Kitab müzakirəsi zamanı tələbələr insanın özünəinamı, fərqliliklərin qəbul olunması və psixoloji dəstəyin əhəmiyyəti barədə fikir mübadiləsi apardılar. Onlar Ellinin yaşadığı çətinliklərin yalnız təhsilə deyil, emosional vəziyyətinə də təsir etdiyini qeyd etdilər. Müzakirədə müəllim dəstəyinin insan həyatındakı rolu, empatiya və hər kəsin fərqli bacarıqlara malik olması fikri xüsusi vurğulandı.

Bugünkü sərgidən.
08/05/2026

Bugünkü sərgidən.

Qərbi Kaspi Universitetinin müəllim heyətinin və tələbələrinin nəzərinə!Elmi Kitabxana Mərkəzi sizi 8 may tarixində "Ümu...
07/05/2026

Qərbi Kaspi Universitetinin müəllim heyətinin və tələbələrinin nəzərinə!

Elmi Kitabxana Mərkəzi sizi 8 may tarixində "Ümummilli lider Heydər ƏIiyevin anadan olmasının 103-cü ildönümü"nə həsr olunmuş kitab sərgisinə dəvət edir.

Sərgidə Ümummilli lider Heydər Əliyevin həyat və siyasi fəaliyyətini, zəngin dövlətçilik irsini əks etdirən kitablar və nəşrlər nümayiş olunacaq. Oxucular sərgi vasitəsilə Heydər Əliyevin Azərbaycan tarixindəki mühüm rolunu əks etdirən müxtəlif mənbələrlə yaxından tanış olmaq imkanı əldə edəcəklər.

Qərbi Kaspi Universiteti Elmi Kitabxanasının müdir müavini Şəbnəm Zeynalova ADA Universitetində keçirilən “MyLibAl” süni...
07/05/2026

Qərbi Kaspi Universiteti Elmi Kitabxanasının müdir müavini Şəbnəm Zeynalova ADA Universitetində keçirilən “MyLibAl” süni intellekt əsaslı kitabxana-informasiya axtarış sisteminin təqdimat tədbirində iştirak edib.

Tədbirdə süni intellekt texnologiyalarının kitabxana-informasiya xidmətlərində tətbiqi, istifadəçilərin informasiya resurslarına çıxış imkanlarının genişləndirilməsi və müasir kitabxana sistemlərinin inkişaf perspektivləri ilə bağlı təqdimatlar keçirilib.

Tədbirdə əldə olunan təcrübə və müzakirə edilən yeniliklərin kitabxana xidmətlərinin daha da təkmilləşdirilməsinə töhfə verəcəyi vurğulanıb.

Elmi Kitabxana Mərkəzində “Şəhərsalma və Memarlıq İli”nə həsr olunmuş kitab sərgisi keçirildi.Sərgidə şəhərsalma, memarl...
28/04/2026

Elmi Kitabxana Mərkəzində “Şəhərsalma və Memarlıq İli”nə həsr olunmuş kitab sərgisi keçirildi.

Sərgidə şəhərsalma, memarlıq sənəti, dünya memarlıq abidələri, Azərbaycanın, xüsusilə Bakının memarlıq nümunələri, eləcə də tanınmış memarlar haqqında nəşrlər nümayiş olundu. İştirakçılar təqdim edilən kitablarla tanış olaraq mövzu ilə bağlı məlumat əldə ediblər.

Elmi Kitabxana Mərkəzi gələcəkdə də oxucular üçün maarifləndirici tədbirlərin təşkilini davam etdirməyi planlaşdırır.

Qərbi Kaspi Universitetinin müəllim heyətinin və tələbələrinin nəzərinə!Elmi Kitabxana Mərkəzi sizi 27 aprel tarixində "...
24/04/2026

Qərbi Kaspi Universitetinin müəllim heyətinin və tələbələrinin nəzərinə!

Elmi Kitabxana Mərkəzi sizi 27 aprel tarixində "Şəhərsalma və Memarlıq İli"nə həsr olunmuş kitab sərgisinə dəvət edir.

Sərgidə şəhərsalma, memarlıq sənəti, tarixi abidələr və müasir memarlıq nümunələrinə dair dəyərli nəşrlərlə tanış ola bilərsiniz. Sizi memarlıq tarixini kitab səhifələrindən öyrənəcəyiniz zəngin, maraqlı və maarifləndirici sərgidə gözləyirik!

Elmi Kitabxana Mərkəzi tələbələr üçün maarifləndirici təlimlərini davam etdirir.Pisixologiya ixtisasları üzrə təhsil ala...
15/04/2026

Elmi Kitabxana Mərkəzi tələbələr üçün maarifləndirici təlimlərini davam etdirir.

Pisixologiya ixtisasları üzrə təhsil alan 2-ci və 3-cü kurs tələbələri üçün təşkil olunan növbəti təlimdə iştirakçılara kitabxananın rəsmi saytı və təqdim etdiyi xidmətlər barədə ətraflı məlumat verilib. Təlim çərçivəsində elektron kataloqlar, ədəbiyyat sifarişi sistemləri, eləcə də onlayn resurslardan istifadə imkanları izah olunaraq bu xidmətlərdən səmərəli yararlanma yolları diqqətə çatdırılıb.

Təlim zamanı EBSCO Akademik E-kitab Kolleksiyası haqqında geniş təqdimat aparılıb, platformada axtarışın təşkili, uyğun elmi mənbələrin müəyyənləşdirilməsi və istifadəsi praktik nümunələr əsasında nümayiş etdirilib.

14/04/2026

Elmi Kitabxana Mərkəzi istifadəçilərin elmi-tədqiqat və tədris fəaliyyətini dəstəkləmək məqsədilə beynəlxalq elektron resurs bazalarına çıxışın təmin olunmasını daim diqqət mərkəzində saxlayır. Bu istiqamətdə kitabxananın əsas hədəflərindən biri müasir, etibarlı və akademik baxımdan dəyərli elektron kitab kolleksiyalarının istifadəçilərə təqdim edilməsidir.

Kitabxanaya daxil olan yeni kitablar əsasən kompüter elmləri, mühəndislik, təhsil, iqtisadiyyat və maliyyə, biologiya, tibb, ədəbiyyat, sosial elmlər, siyasət və digər müxtəlif sahələri əhatə edir. İstifadəçilər bu resurslara 24/7 rejimində giriş imkanı ilə rahat şəkildə faydalana bilərlər.

Elektron resurslardan istifadə ilə bağlı ətraflı məlumat əldə etmək üçün [email protected] elektron poçt ünvanına müraciət edə və ya birbaşa kitabxanaya yaxınlaşa bilərsiniz.

Elmi Kitabxanada Maliyyə (535 ML) və İqtisadiyyat (535 İ) ixtisası üzrə təhsil alan 1-ci kurs tələbələri üçün maariflənd...
08/04/2026

Elmi Kitabxanada Maliyyə (535 ML) və İqtisadiyyat (535 İ) ixtisası üzrə təhsil alan 1-ci kurs tələbələri üçün maarifləndirici təlim keçirilmişdir. Təlim zamanı iştirakçılara kitabxananın rəsmi saytı, elektron kataloqlar və müxtəlif elmi məlumat bazalarından istifadə qaydaları ətraflı şəkildə izah edilmişdir.

Təlim çərçivəsində EBSCO Akademik E-kitab Kolleksiyası haqqında geniş məlumat verilmiş, bu platformada axtarışın necə aparıldığı, uyğun materialların necə tapıldığı və istifadə edilməsi praktik nümunələrlə nümayiş etdirilmişdir.

Görüş çərçivəsində tələbələrə akademik yazı prosesində düzgün mənbə seçimi, informasiya axtarışının effektiv üsulları və əldə olunan məlumatların təhlili ilə bağlı tövsiyələr verilmişdir.

Qərbi Kaspi Universitetinin müəllim və tədqiqatçılarının nəzərinə!Sizi "Məqalənizin nəşri üçün jurnal seçimini birlikdə ...
03/04/2026

Qərbi Kaspi Universitetinin müəllim və tədqiqatçılarının nəzərinə!

Sizi "Məqalənizin nəşri üçün jurnal seçimini birlikdə edək: "Web of Science" və "JCR" platformaları vasitəsilə jurnalların təhlili" adlı vebinara dəvət edirik. Vebinar 08 aprel 2026-cı il tarixində saat 14:30-da keçiriləcəkdir.

Qeydiyyat üçün link: https://bit.ly/47pVVxP

Vebinar zamanı iştirakçılar, "Web of Science" və "Journal Citation Reports" platformaları vasitəsilə jurnalların dəyərləndirilmə kriteriyaları, müvafiq tədqiqat mövzusu üzrə təhlil aparmaqla uyğun jurnalın seçilməsi kimi mövzularla bağlı məlumatlanacaqlar.

Təqdimatçı: Xəyalə Hacıyeva, Clarivate, Müştəri Məmnuniyyətləri üzrə Məsləhətçi

Qeyd: Vebinar sertifikatlıdır.

Address

Azərbaycan
Azərbaycan
AZ1001

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994125653977

Website

Alerts

Be the first to know and let us send you an email when QKU Kitabxana / WCU Library posts news and promotions. Your email address will not be used for any other purpose, and you can unsubscribe at any time.

Shortcuts

Share

Category