Şirvan şəhər R.Həbibov adına 14 saylı tam orta məktəb

Bu gün Azərbaycanın Milli Qəhrəmanı Rəfael Şərafət oğlu Həbibovun şəhadətə yüksəldiyi gündən 32 il ötür.Şəhidin ailə üzvləri ,silahdaşları,məktəbin rəhbər və müəllim heyətinin iştirakı ilə məktəbdə qoyulmuş büstü,şəhərdə ucaldılmış abidəsi və məzarı ziyarət olundu ,ruhuna dualar oxundu .
Allah rəhmət eləsin!
Qəhrəmanlar unudulmur!

Məktəbin rus dili və ədəbiyyatı müəllimi Əliyeva Səadət Cahangir qızı dövlət ümumi təhsil müəssisələrində çalışan təhsilverənlərin sertifikatlaşdırma imtahanın test i mərhələsində 55 bal toplamışdır.
Səadət müəllimi təbrik edir, uğurlar arzulayırıq.

Dövlət ümumi təhsil müəssisələrində işləyən təhsilverənlərin sertifikatlaşdırma imtahanında yüksək bal toplayan müəllimlərimiz

Əliyeva Hümay Hafiz qızı-53 bal (riyaziyyat)

Hacıməmmədova İnarə Tofik qızı -49 bal (riyaziyyat)

Abbasova Mehriban Əligüllah qızı -54 bal (ingilis dili)

Hər birinizi məktəbin rəhbər ,müəllim və şagird kollektivi adından təbrik edirik,əziz müəllimlər!🌹🌹🌹

14.06.2024 tarixdə Şirvan şəhər R.Həbibov adına 14 nömrəli tam orta məktəbdə " Son zəng" tədbiri keçirildi.
“Son zəng” tədbirində Şirvan şəhər İcra Hakimiyyətinin müavini Məharət Mustafayev ,Şirvan şəhəri üzrə Təhsil Sektorunun aparıcı məsləhətçisi Orxan Həsənov ,Milli Qəhrəman Rəfael Həbibovun ailə üzvləri ,valideyn icmasının nümayəndələri ,məllimlər iştirak etdilər.
Tədbirdə Dövlət Himni səsləndirildi, torpaqlarımızın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edildi.Çıxış edənlər məzunları təbrik edərək,onlara xoş arzularını çatdırdılar.Şagirdlərin hazırladığı mahnı və rəqs nümunələri ilə tədbir davam etdirildi.

Son zəngin sədaları ilə tədbir başa çatdı.

Məktəbin lVa sinif şagirdi İnci Kərimli və Vla sinif şagirdi Dəniz Kərimli Bakı şəhərində keçirilən "Gimnastika hamı üçün" adlı ikinci beynəlxalq Challenge turnirində uğurla çıxış edərək medallarla təltif olunmuşlar.
Şagirdlərimizi təbrik edir , uğurlar arzulayırıq.

Müstəqillik Günü Azərbaycan xalqının tarixində ən şanlı və parlaq səhifələrdən biridir. 🇦🇿🇦🇿🇦🇿

Məktəbin VIv sinif şagirdi Məmmədova Nuray Qara Qarayev adına IV Respublika Elmi-ifaçılıq və Fortepiano (solo) nominasiyasında beynəlxalq müsabiqədə uğurla çıxış edərək xüsusi mükafata layiq görülmüşdür.Şagirdimizi təbrik edir və gələcək müsabiqələrdə uğurlar arzulayırıq.

https://ordu.az/az/news/315270/milli-qehreman-rafael-hebibovun-xatiresine-hesr-olunan-tedbir-kecirilib-fotolar

Milli Qəhrəman Rafael Həbibovun xatirəsinə həsr olunan tədbir keçirilib - FOTOLAR Milli Qəhrəman Rafael Həbibovun xatirəsinə həsr olunan tədbir keçirilib - FOTOLAR

10.05.2024-cü il tarixdə Ümumilli Lider Heydər Əliyevin anadan olmasının 101-ci ildönümünə həsr olunmuş tədbir keçirilmişdir .
Tədbirdə Dövlət Himni səsləndirilmiş ,Ulu Öndərin əziz xatirəsi yad edilmişdir.
Çıxış edən məktəb direktoru Arzu İbrahimova Ulu Öndərin dövlətçilik tariximizdəki yerindən,mövqeyindən və şərəfli ömür yolundan söhbət açmış, onun Vətəni və xalqı qarşısında misilsiz xidmətlərindən bəhs etmişdir.
Şagirdlərin ifasında şeirlər və mahnıların səsləndirilməsilə tədbir davam etdirilmişdir.