Ağsu rayon Sanqalan kənd ümumi orta məktəb

27/04/2026

Məktəbimizdə şagirdlərin sağlam həyat tərzi barədə məlumatlılığını artırmaq məqsədilə Şalbuzov Əmrah müəllimin təşkilatçılığı ilə "Zərərli vərdişlərə yox deyək!" mövzusunda maarifləndirici tədbir keçirildi.

Tədbir zamanı zərərli vərdişlərin insan orqanizminə, psixologiyasına və sosial mühitinə vurduğu ağır fəsadlar barədə geniş müzakirələr aparıldı. Şagirdlərimizə sağlam vərdişlərə yiyələnməyin və asudə vaxtı səmərəli keçirməyin yolları izah olundu.

Məqsədimiz hər bir şagirdin parlaq və sağlam gələcəyini təmin etmək, onları mənfi təsirlərdən qorumaqdır. Unutmayın ki, sağlam bədəndə sağlam ruh olar!

23/04/2026

Məktəbimizdə Rəhimova Sevinc müəllimin təşkilatçılığı ilə şagirdlərin mənəvi inkişafını dəstəkləmək və milli-mənəvi dəyərlərimizi təbliğ etmək məqsədilə növbəti maarifləndirici tədbir keçirildi.

Kiçik kollektivimizlə böyük dəyərləri — Dürüstlük, Mərhəmət, Hörmət, Sevgi və Mehribanlığı müzakirə etdik. Şagirdlərimiz bu dəyərləri öz yaradıcılıqları ilə ifadə edərək, mənəviyyatın hər bir uğurun təməli olduğunu nümayiş etdirdilər.

Gələcəyimizi bu dəyərlər üzərində qururuq!

23/04/2026

Məktəbimizin "tanınmış şəxsiyyətlər" tədbirlər planına uyğun olaraq, növbəti maarifləndirici görüşümüz baş tutdu. Qədirli Şəms müəllimin təşkilatçılığı ilə keçirilən tədbir dünya elmi və incəsənətinin zirvəsi hesab olunan Leonardo da Vinçinin zəngin irsinə həsr olundu.

Tədbir zamanı şagirdlər dahi sənətkarın rəngkarlıq işləri ilə yanaşı, onun mühəndislik layihələri və elmə verdiyi töhfələr barədə ətraflı məlumat əldə etdilər. Şagirdlərin hazırladıqları təqdimatlar və maraqlı faktlar tədbiri daha da rəngarəng etdi.

Bu cür tədbirlərin keçirilməsində məqsəd şagirdlərin dünyagörüşünü artırmaq və onlarda dünya mədəniyyətinə maraq oyatmaqdır. Təşkilatçılığa görə Qədirli Şəms müəllimə və fəal iştirak edən şagirdlərimizə təşəkkür edirik!

22/04/2026

İnsan alverinə yox deyək!

Bu gün məktəbimizdə şagirdlərin maarifləndirilməsi məqsədilə Şalbuzov Əmrah müəllimin təşkilatçılığı ilə “İnsan alverinə qarşı mübarizə” mövzusunda tədbir keçirildi. Tədbir zamanı şagirdlərə insan alverinin mahiyyəti, onun formaları və bu təhlükədən qorunma yolları barədə ətraflı məlumat verildi.

Gələcəyimiz olan gənclərin hüquqi biliklərinin artırılması və onların hər növ istismardan qorunması bizim əsas hədəfimizdir. Unutmayaq ki, məlumatlı olmaq özünü qorumağın ilk addımıdır!

20/04/2026

Bu gün məktəbimizdə növbəti valideyn iclası keçirildi.

Görüşün əsas məqsədi şagirdlərimizin təlim-tərbiyə prosesini müzakirə etmək, əldə olunan uğurları bölüşmək və qarşıda duran hədəfləri müəyyənləşdirmək idi.

İclasda valideynlərlə sıx ünsiyyət quruldu, onları maraqlandıran suallar cavablandırıldı və məktəb-valideyn birliyinin şagird inkişafındakı rolu bir daha vurğulandı.

İştirak edən və övladının təhsilinə biganə qalmayan bütün valideynlərimizə təşəkkür edirik!

17/04/2026

"Oxu dəqiqələri" layihəsi çərçivəsində növbəti mütaliəmiz oldu. 📚

Məktəbimizin VI sinif şagirdləri Azərbaycan dili və ədəbiyyat müəllimi Rəhimova Sevincin təşkilatçılığı ilə Eleonor Potterin məşhur "Polyanna" əsərini mütaliə ediblər.

Dərsdə şagirdlər Polyannanın "xoşbəxtlik oyunu"nu müzakirə etdilər. Hər vəziyyətdə yaxşı bir tərəf görməyin vacibliyini öyrənən şagirdlərimiz əsərin onlarda yaratdığı müsbət duyğuları bölüşdülər. Müzakirə zamanı əsərin ideyası, personajların xarakter təhlili və bədii xüsusiyyətləri barədə də geniş fikir mübadiləsi aparılıb.

Bu cür tədbirlərin keçirilməsində əsas məqsəd şagirdlərin oxu bacarıqlarını təkmilləşdirmək və onlarda mənəvi dəyərləri formalaşdırmaqdır.

16/04/2026

Kitab mütaliəsi ilə dünyagörüşümüzü zənginləşdiririk! 📚

Məktəbimizdə mütəmadi olaraq keçirilən "Oxu dəqiqələri" çərçivəsində növbəti maraqlı müzakirə IX sinif şagirdləri ilə baş tutub. Azərbaycan dili və ədəbiyyat müəllimi Rəhimova Sevincin təşkilatçılığı ilə şagirdlərimiz dünya ədəbiyyatının incilərindən olan Mayn Ridin "Başsız atlı" romanını mütaliə ediblər.

Dərs zamanı əsərdəki macəra dolu hadisələr, sədaqət və ədalət mövzuları geniş müzakirə olunub, şagirdlərin əsər haqqında təəssüratları dinlənilib.

Bu cür fəaliyyətlərin məqsədi şagirdlərdə mütaliə vərdişlərini inkişaf etdirmək və klassik əsərlərə olan marağı artırmaqdır.

14/04/2026

Bu gün Ağsu rayon Sanqalan kənd ümumi orta ümumtəhsil məktəbində Coğrafiya müəllimi Şalbuzov Əmrah Arif oğlu tərəfindən 2026-cı ilin Azərbaycan Respublikası Prezidenti cənab İlham Əliyevin “Memarlıq və Şəhərsalma İli” elan edilməsi ilə əlaqədar tədbir keçirildi.

Tədbirdə şagirdlərə şəhərsalma anlayışı, müasir urbanizasiya prosesləri, davamlı inkişaf prinsipləri və yaşıl şəhərlərin formalaşdırılmasının əhəmiyyəti barədə məlumat verildi.

Tədbir zamanı Ümumdünya Şəhərsalma Forumunun 13-cü sessiyasının 17–22 may tarixlərində Bakı şəhərində keçiriləcəyi şagirdlərin diqqətinə çatdırıldı.

10/04/2026

Bu gün məktəbimizdə IX sinif şagirdlərinin buraxılış imtahanlarına hazırlıq vəziyyətini müzakirə etmək məqsədilə məktəb rəhbərliyi tərəfindən görüş keçirilib.

Şagirdlərə imtahana buraxılış vərəqələri təqdim edilib. Məktəb direktoru Bayram müəllim şagirdlərə imtahan qaydaları, vaxtın düzgün bölünməsi və imtahan həyəcanının idarə olunması barədə tövsiyələr verib. Rəhbərlik şagirdləri maraqlandıran sualları cavablandırıb, onlara öz bilik və bacarıqlarını nümayiş etdirmək üçün uğurlar arzulayıb.

İnanırıq ki, şagirdlərimiz bu mühüm mərhələni uğurla keçərək bizləri sevindirəcəklər! 🎓

06/04/2026