M.Füzuli adına Yeni Qaradolaq tam orta ümumtəhsil məktəbi

25/08/2026

🎓 UĞURLARINIZ BOL OLSUN, ƏZİZ MƏZUNLAR!

Məhəmməd Füzuli adına Yeni Qaradolaq kənd tam orta ümumtəhsil məktəbinin adını ucaldan, ali məktəblərə qəbul olunaraq tələbə adını qazanan bütün məzunlarımızı ürəkdən təbrik edirik!

Sizin bu uğurunuz məktəbimizin və müəllimlərimizin qürurudur. Hər birinizə gələcək təhsil həyatınızda yeni-yeni nailiyyətlər arzulayırıq. Yolunuz daim açıq, gələcəyiniz işıqlı olsun! ✨

📚 Məzunlarımızın qəbul nəticələri:

1. Əliyev Yusif Daşqın oğlu — Azərbaycan Texniki Universiteti (Data analitikası)

2. Həsənova Rəvanə Niyazi qızı — Azərbaycan Dövlət Pedaqoji Universiteti (Ağcabədi filialı, Riyaziyyat müəllimliyi)

3. Alıyeva Eminə Emin qızı — Azərbaycan Dövlət Pedaqoji Universiteti (Fizika müəllimliyi)

4. Şərifzadə Rüstəm Ruslan oğlu — Lənkəran Dövlət Universiteti (Aqronomluq)

5. Mamedzadə Səkinə Yaşasın qızı — Sumqayıt Dövlət Universiteti (Kimya mühəndisliyi)

6. Səfərova Aylin Şahin qızı — "Azərbaycan" Universiteti (Filologiya - ingilis dili və ədəbiyyatı)

7. Alməmmədova Rəvanə Alməmməd qızı — Sumqayıt Dövlət Universiteti (Fizika müəllimliyi)

8. Bağırlı Məqsəd Muxtar oğlu — Gəncə Dövlət Universiteti (Tarix və coğrafiya müəllimliyi)

9. Alıyeva Mehriban Rüstəm qızı — Azərbaycan Dövlət Pedaqoji Universiteti (Ağcabədi filialı, Fizika müəllimliyi)

10. Kərimova Fidan Natiq qızı — Mingəçevir Dövlət Universiteti (Texnologiya müəllimliyi)

11. Kərimova Nuray İsmayıl qızı — Azərbaycan Dövlət Pedaqoji Universiteti (Ağcabədi filialı, Sosial iş)

Təbrik edirik! 🎉👏

24/07/2026

https://www.facebook.com/share/p/19H3kBVHcd/

22 İyul - Milli Mətbuat Günüdür

1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür. “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub.
“Ziya”, “Ziyayi-Qafqaziyyə”, “Kəşkül”, “Şərqi-Rus”, “Həyat”, “Füyuzat”, “Dəbistan”, “İrşad”, “Tazə həyat”, “Molla Nəsrəddin”, “Tərəqqi”, “Həqiqət”, “Məktəb”, “Açıq söz” kimi onlarla qəzet və jurnal ötən əsrin əvvəllərində anadilli mətbuatımızın sonrakı tarixini yaratdılar.
Jurnalistlərin dostu adını qazanmış Ulu öndər ölkəmiz müharibə şəraitində yaşasa da böyük cəsarətlə əvvəlcə hərbi senzuranı, 1998-ci ilin avqustunda isə bütövlükdə KİV üzərində dövlət senzurasını ləğv etdi.
Göstərilən ali siyasi iradə nəticəsində ölkəmizdə mətbuat azadlığı prinsipləri bərqərar olmuş, habelə qəzet və jurnal bolluğu yaranmışdır. Prezident İlham Əliyevin bilavasitə rəhbərliyi ilə “Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası” hazırlanmış və qəbul olunmuşdur.
Azərbaycan mətbuatı qlobal informasiya şəbəkəsinin bir parçasıdır. Təsadüfi deyil ki, hazırda respublikada çoxlu sayda müxtəlif qəzet və jurnallar nəşr olunur, internet qəzetçilik inkişaf edir. Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirib.
Hazırda İnternet qəzetçilik inkişaf edir və yeni mərhələyə keçir. Müasir dövrdə informasiya texnologiyalarının inkişafı Azərbaycan mətbuatını qlobal informasiya şəbəkəsinin bir hissəsinə çevirib. Bütün dünyada gedən qloballaşma prosesi mətbuatdan da yan ötməyib. Bu gün yüzlərlə jurnalist beynəlxalq təşkilatların dəstəyi ilə təşkil olunan peşə artımı kurslarında treninq və təkmilləşmə kursları keçirlər.
Azərbaycan Prezidentlərinə təqdim olunan “Jurnalistlərin dostu” mükafatları Azərbaycan iqtidarının mətbuata açıq olmasının, eləcə də sahənin inkişafına ayrılan yüksək diqqətin təcəssümü deməkdir. Həm Ulu Öndər Heydər Əliyev və həm də Prezident İlham Əliyev bütün dövrlərdə mətbuatın inkişafına prinsipial diqqət ayırmışlar və mətbuat işçiləri ilə mütəmadi təşkil olunan görüşlər mətbuatın davamlı inkişafına səbəb olmuşdur. Milli mətbuatın inkişafına göstərilən dəstəyə görə Ulu Öndər Heydər Əliyev 2002-ci ildə, Prezident İlham Əliyev 2010, 2013, 2017 və 2018-ci illərdə “Ruh” Azərbaycan Jurnalistləri Müdafiə Komitəsi tərəfindən təsis olunmuş “Jurnalistlərin dostu” mükafatına layiq görülmüşlər.
Bu günə qədər fasiləsiz davam edən informasiya müharibəsində mətbuat işçiləri öz peşəkarlığı və vətənpərvərliyi ilə daim fərqləniblər. Jurnalistlər 44 günlük Vətən müharibəsində cəbhə xəttində həm xəbər istehsalçısı, həm də səfərbərlik proqramı çərçivəsində əməliyyatlara cəlb olunublar. Qarabağ uğrunda döyüşlərdə fərqlənən və müxtəlif medallarla təltif edilənlər arasında jurnalistlərin də olması ölkəmizdə bu sahədə çalışanlara göstərilən böyük etimadın və diqqətin təzahürüdür.
"Aran Yolu"

24/07/2026

https://www.facebook.com/share/p/1HRb4ZZEsg/

Prezident İlham Əliyev iyulun 21-də Almaniya Federativ Respublikasına rəsmi səfəri zamanı mətbuata bəyanatla çıxış edib:

Əminəm ki, bu gün imzalanmış sənədlər bizim əlaqələrimizi yeni səviyyəyə qaldıracaq. Biz artıq strateji dialoqun başlanmasını arzulayırdıq və buna nail olmuşuq. Eyni zamanda, iqtisadi əlaqələrin genişləndirilməsi üçün bu gün imzalanmış Birgə Bəyannamə əminəm ki, çox fəal işləyib yaxşı nəticələr hasil edəcəkdir.
İkitərəfli gündəliyimiz kifayət qədər genişdir. Almaniya Avropa İttifaqının aparıcı ölkəsi kimi Cənubi Qafqazda öz təsirini artırmaqdadır. Azərbaycan-Almaniya əlaqələri təkcə ikitərəfli münasibətlərə yox, bütövlükdə bölgəmizdə əməkdaşlığa, sülhə, əmin-amanlığa öz töhfəsini verəcəkdir.
Bir çox Almaniya şirkətləri Azərbaycanda uğurla fəaliyyət göstərir. Fəal iş görən şirkətlərin sayı 200-dən çoxdur. Əminəm ki, bugünkü səfərdən sonra onların sayı daha da artacaq. Qarşılıqlı sərmayə qoyuluşu məsələləri müzakirə edilir. Alman şirkətlərinin daha geniş çərçivədə Azərbaycanda fəaliyyəti üçün konkret təkliflər irəli sürülmüşdür.
Bu ildən başlayaraq Azərbaycan öz təbii qazını Almaniyaya ixrac etməyə başlamışdır. Beləliklə, bizim qazımız bu gün Avropa İttifaqına üzv 10 ölkəyə çatdırılır və şübhəsiz, bu, enerji təhlükəsizliyi üçün çox böyük töhfədir.
Prezident Trampın iştirakı və imzası ilə Birgə Bəyannamənin imzalanması faktiki olaraq 30 il davam edən münaqişəyə son qoydu.
Eyni zamanda, Almaniyanın Cənubi Qafqazdakı sülh prosesinə verdiyi töhfəyə görə Sizə təşəkkürümü bildirmək istəyirəm. Uzun illərdən sonra Ermənistan-Azərbaycan münasibətlərinin normallaşması və sülh sazişinin paraflanması, Vaşinqtonda, Ağ Evdə Prezident Trampın iştirakı və imzası ilə Birgə Bəyannamənin imzalanması faktiki olaraq 30 il davam edən münaqişəyə son qoydu. Azərbaycan bu razılaşmadan dərhal sonra praktiki addımlara keçdi. Bu gün Azərbaycan tərəfindən təchiz edilmiş benzin və dizel yanacağı Ermənistanın enerji təhlükəsizliyinə çox böyük töhfədir.
Torpaqları uzun illər işğal altında olan Azərbaycan işğala öz gücü ilə son qoydu, ərazi bütövlüyünü bərpa etdi, suverenliyini bərpa etdi. BMT Təhlükəsizlik Şurasının dörd qətnaməsini özü icra etdi, Ermənistana sülh təklif etdi və müsbət cavab aldı. Ona görə yenə də deyirəm, Almaniya hökumətinin də bu sahədə rolunu biz yüksək qiymətləndiririk. Danışıqlar prosesində, o cümlədən Almaniyada xarici işlər nazirləri səviyyəsində görüşlər də keçirilmişdir.
Son olaraq, Avropa İttifaqı-Azərbaycan əlaqələrinə toxunmaq istəyirəm. Bu il biz həm Avropa İttifaqı Şurasının Prezidenti cənab Koştanın, həm Avropa Komissiyasının Prezidenti xanım Fon der Lyayenin Azərbaycana səfərlərinin şahidi olmuşuq. Bu səfərlərin çox böyük siyasi mənası var. Bu, Avropa İttifaqı ilə Azərbaycan arasındakı əlaqələri daha da gücləndirəcək. Almaniya Avropa İttifaqına üzv olan ölkələr arasında lider olduğu üçün burada təbii ki, həm Almaniyanın rolu çox böyükdür, eyni zamanda, gələcək əməkdaşlıq üçün də əminəm ki, Almaniya öz səylərini göstərəcək – deyə Prezident İlham Əliyev qeyd edib.

07/07/2026

2026–2027-ci tədris ili üzrə Ağcabədi şəhəri Şirin Hüseynov adına 2 nömrəli humanitar və riyaziyyat-iqtisadiyyat təmayüllü liseyin 7-ci sinfinə qəbul imtahanı keçiriləcək

Ağcabədi şəhəri Şirin Hüseynov adına 2 nömrəli humanitar və riyaziyyat-iqtisadiyyat təmayüllü liseyin VII sinfinə qəbul imtahanı 10 iyul 2026-cı il tarixində, saat 10:00-da liseyin inzibati binasında keçiriləcək.

İmtahanda yalnız əvvəlcədən qeydiyyatdan keçmiş şagirdlər iştirak edəcəklər. Qeydiyyatdan keçən şagirdlərə imtahanın keçirilməsi ilə bağlı məlumat verilib.

İmtahan zamanı iştirakçıların tədris dili üzrə bilikləri və riyazi təfəkkür bacarıqları müxtəlif tipli tapşırıqlar vasitəsilə qiymətləndiriləcək.

İştirakçılardan imtahana gələrkən şəxsiyyət vəsiqələrini özləri ilə gətirmələri xahiş olunur.

Bütün şagirdlərə uğurlar arzulayırıq!

05/07/2026

https://www.facebook.com/share/p/14fBTnTKJkC/

Prezident İlham Əliyev Avropa Komissiyasının Prezidenti Ursula Fon der Lyayenin iyulun 1-də Azərbaycana səfəri zamanı mətbuata bəyanatla çıxış edib:

Avropa Komissiyası ilə Azərbaycan arasında münasibətlərin çox mühüm mərhələsindəyik. Bu ilin martında biz Avropa İttifaqı Şurasının Prezidenti cənab Koştanı, sonra may ayında isə Avropa diplomatiyasının rəhbəri xanım Kallası qəbul etdik. Bu gün isə Avropa Komissiyasının Prezidenti bizimlədir.
Əməkdaşlığımız müsbət mənada sürətlə inkişaf edir. Əməkdaşlığımızı genişləndirmək və tərəfdaşlığımızı gücləndirmək məqsədilə hər iki tərəfin qarşılıqlı iradəsini əks etdirən münasibətlərimizdə görünməmiş dinamika müşahidə olunur.
Biz Avropa Komissiyası ilə münasibətləri yüksək dəyərləndiririk. Bu gün xanım Prezident və nümayəndə heyətləri ilə birgə çox böyük təəssürat bağışlayan gündəliyi geniş şəkildə müzakirə etdik.
Avropa İttifaqı Azərbaycanın əsas ticarət tərəfdaşıdır. Ticarətimizin 40 faizdən çoxu üzv dövlətlərlə aparılır və Azərbaycan Avropa İttifaqı üçün Cənubi Qafqazda əsas ticarət tərəfdaşıdır. Cənubi Qafqazda ticarətin təxminən 70 faizi Azərbaycanla aparılır. Əlbəttə ki, biz enerji sahəsində əməkdaşlığımızı geniş müzakirə etdik və həmçinin xanım Prezidentin Azərbaycana dörd il əvvəlki səfəri də olduqca əhəmiyyətli idi.
Bu baxımdan biz enerji sahəsində Strateji Tərəfdaşlıq Haqqında Anlaşma Memorandumunu imzaladıq və həmin vaxtdan etibarən Avropa İttifaqının üzv dövlətlərinə Azərbaycanın təbii qaz ixracı təxminən 65 faiz artmışdır. Bu gün qaz ixracımızın yarısı Avropa İttifaqının üzv dövlətlərinə gedir və bütövlükdə, Avropa İttifaqının 10 üzvü Azərbaycan qazını alır, bu coğrafiyanı genişləndirmək potensialı da mövcuddur.
Ötən ilin avqustunda Vaşinqtonda, Ağ Evdə Prezident Trampın iştirakı ilə Ermənistan və Azərbaycan Birgə Bəyannaməni imzaladılar. Prezident Tramp, həmçinin şahid kimi imzaladı və əlavə olaraq Ermənistan ilə Azərbaycan sülh sazişinin mətnini parafladılar. Beləliklə, de-fakto sülh qurulub və biz faydasını görürük.
Azərbaycan öz ərazisi ilə Ermənistana daşınan yüklərin tranzitinə bütün məhdudiyyətləri aradan qaldırıb. Həmin məhdudiyyətlər beynəlxalq səviyyədə tanınmış ərazilərimizin Ermənistan tərəfindən işğalı səbəbindən tətbiq edilmişdi. Biz, həmçinin çox mühüm yanacağı, xüsusən də benzin və dizeli Ermənistana təchiz etməyə başlamışıq.
Torpaqlarımız 30 il ərzində işğal altında qalmışdı. Biz suverenliyimizi, ərazi bütövlüyümüzü güc və siyasi vasitələrlə bərpa etdik. Biz Ermənistana sülh təklif etmişik. Bir sözlə, sülh artıq reallıqdır. Lakin biz onu gücləndirmək, uzunmüddətli və əbədi etmək üçün ürəkdən çalışmalıyıq. Əlbəttə, biz Avropa Komissiyasının dəstəyini çox yüksək dəyərləndiririk.
Xanım Prezident, həmçinin mənə məlumat verdi ki, Avropa Komissiyası çox kömək edə bilər və bunu arzulayır. Bu baxımdan biz hər hansı köməyi, hər hansı yardımı yüksək dəyərləndirərdik. Düşünürəm ki, bütün bunlar regiondakı dinamikanı gücləndirərək Cənubi Qafqazı hər hansı ərazi iddialarından, hər hansı münaqişədən azad, tərəfdaşlıq, əməkdaşlıq və sülh regionuna çevirəcək.

03/07/2026

Tam orta təhsil səviyyəsində yeni təmayül tədris modeli üzrə X və XI siniflərə şagird qəbulu davam edir!

Şagirdlərin maraq və bacarıqlarına uyğun fərdiləşdirilmiş təhsil, gücləndirilmiş tədris, peşəkar müəllim heyəti və mütəmadi qiymətləndirmə əsasında həyata keçirilən yeni təmayül tədris modeli ali təhsilə məqsədyönlü hazırlıq üçün geniş imkanlar yaradır.

Qarabağ Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu aparılır:
📍 Ağcabədi şəhəri M. Aranlı adına 11 nömrəli tam orta ümumtəhsil məktəbi
https://forms.gle/wvrm4dXrMXrmyN1S8
📍 Bərdə şəhəri Elgiz Kərimov adına 4 nömrəli tam orta ümumtəhsil məktəbi
https://forms.gle/eooAcWJPuGwroZfQA
📍 Horadiz şəhəri Mahir Səfərov adına 1 nömrəli tam orta ümumtəhsil məktəbi
https://forms.gle/yT9uGzXBN3xLwRJS8
📍 Tərtər şəhəri Rafiq Nuriyev adına 6 nömrəli tam orta ümumtəhsil məktəbi
https://forms.gle/ykyU7hxrWDmYNHX98

30/06/2026

26/06/2026

https://www.facebook.com/share/p/1DfV1swwJD/

24/06/2026

Ağcabədi rayon M. Füzuli adına Yeni Qaradolaq kənd tam orta ümumtəhsil məktəbinin tarix müəllimi Röyalə Şirinovanı sertifikasiya imtahanında yüksək nəticə göstərərək 52 bal toplaması münasibətilə ,və Texnologiya müəllimi Alıyeva Rəsmiyyəni ürəkdən təbrik edir, ona pedaqoji fəaliyyətində yeni uğurlar, möhkəm cansağlığı və daha böyük nailiyyətlər arzulayırıq. Bu uğur həm müəllimlərimizin əzmkarlığının, həm də məktəbimizin təhsil sahəsində qazandığı nailiyyətlərin bariz nümunəsidir. 🏆

Təbrik edirik! 👏