Enseñansa Aruba

𝐑𝐞𝐝 𝐃𝐞𝐦𝐨𝐜𝐫𝐚𝐭𝐢𝐜𝐨 𝐭𝐚 𝐞𝐱𝐩𝐫𝐞𝐬𝐚 𝐬𝐚𝐭𝐢𝐬𝐟𝐚𝐜𝐜𝐢𝐨𝐧 𝐜𝐮 𝐫𝐞𝐬𝐭𝐚𝐛𝐥𝐞𝐜𝐢𝐦𝐢𝐞𝐧𝐭𝐨 𝐝𝐢 𝐄𝐝𝐮𝐜𝐚𝐭𝐢𝐨𝐧𝐔𝐒𝐀 𝐀𝐝𝐯𝐢𝐬𝐢𝐧𝐠 𝐂𝐞𝐧𝐭𝐞𝐫 𝐧𝐚 𝐀𝐫𝐮𝐛𝐚

Aruba ta habri caminda pa mas oportunidad educativo!
Minister Gerlien Croes a firma un MoU cu e Consulado General di Merca pa restabelece un EducationUSA Advising Center na Aruba — un centro reconoci internacionalmente cu ta duna informacion exacto y acredita respecto estudio superior na Merca.

E paso aki ta sigui un trabou cu a inicia cu ex Minister Lampe den e periodo cu a introduci Educampus y fortalece e relacion educativo cu Merca. Den e tempo ey, e centro tabata estableci na John F. Kennedy Education Centre, elogia pa gobierno di Merca como un modelo den region. Joanne Croes tabata un di e persona clave, especialmente pa nos deportistan cu tin talento.

Awor Minister Gerlien Croes ta reapertura e porta y ta trese e centro bek na nos isla, pa asina amplia e posibilidadnan educativo pa nos studiante.

Red Democrático ta saluda e iniciativa aki y ta expresa cu gran gusto cu Aruba ta bolbe tin un mecanismo oficial, confiabel y profesional pa guia nos yiu na un futuro académico mas amplio.
E partido ta mira esaki como un paso positivo pa un Aruba cu ta inverti den conocemento, hubentud y progreso.

E centro lo sirbi como un hub educativo pa:
📌 Orientacion individual y den grupo
📌 Outreach den scolnan
📌 Workshop y recurso educativo
📌 Informacion actualisa tocante beca, aplicacion y visa estudiantil

Red Democrático ta compronde cu un pueblo cu ta haña educacion ta un pueblo cu ta progresa — y pa e motibo aki ta celebra e paso importante aki pa Aruba.

𝘾𝙤𝙢𝙪𝙣𝙞𝙘𝙖𝙙𝙤 𝙙𝙞 𝙋𝙧𝙚𝙣𝙨𝙖
𝗖𝗹𝗮𝗿𝗶𝗳𝗶𝗰𝗮𝗰𝗶ó𝗻 𝗿𝗶𝗯𝗮 𝗮𝗰𝘂𝗲𝗿𝗱𝗼 𝗱𝗶 𝗰𝗼𝗼𝗽𝗲𝗿𝗮𝗰𝗶ó𝗻 𝗽𝗮 𝗱𝗲𝘀𝗮𝗿𝗼𝘆𝗼 𝗱𝗶 𝗲 𝗶𝗱𝗶𝗼𝗺𝗮 𝗣𝗮𝗽𝗶𝗮𝗺𝗲𝗻𝘁𝗼

Oranjestad, Aruba – Den relacion cu e acuerdo di cooperación firma entre Aruba y Curaçao tocante e desaroyo y promoción di e idioma Papiamento, nos kier aclara cu 𝗻𝗼 𝘁𝗮 𝗲 𝗮𝗰𝘁𝘂𝗮𝗹 𝗠𝗶𝗻𝗶𝘀𝘁𝗲𝗿 𝗱𝗶 𝗘𝗻𝘀𝗲ñ𝗮𝗻𝘀𝗮, 𝗦𝗲ñ𝗼𝗿𝗮 𝗚𝗲𝗿𝗹𝗶𝗲𝗻 𝗖𝗿𝗼𝗲𝘀, 𝗽𝗲𝗿𝗼 𝗰𝘂 𝘁𝗮𝗯𝗮𝘁𝗮 𝗲 𝗲𝘅-𝗠𝗶𝗻𝗶𝘀𝘁𝗲𝗿 𝗱𝗶 𝗘𝗻𝘀𝗲ñ𝗮𝗻𝘀𝗮, 𝗦𝗲ñ𝗼𝗿 𝗗𝗿. 𝗥𝘂𝗱𝘆 𝗟𝗮𝗺𝗽𝗲, ken a representa Aruba oficialmente na e firma di e acuerdo.

E acuerdo, titula *“Samenwerkingsovereenkomst Aruba & Curaçao”*, a ser firma dia 24 di augustus 2018 pa Dr. A. R. Lampe, kende na es momento tabata Minister di Enseñansa, Ciencia y Desaroyo Sostenibel di Aruba, hunto cu su contraparte for di Curaçao, Señora Drs. M. Alcala-Walle.

E documento ta pone enfasis riba e importancia di fortalece e idioma Papiamento den un contexto regional y ta establece colaboracion riba varios area manera política linguístico, desaroyo curricular, investigacion y formacion di docente. Aruba, dor di su Dirección di Enseñanza, a demonstra compromiso firme cu esaki, y ta activa den proyecto manera *Proyecto Idioma den Enseñansa* cu ta traha riba normalisacion y promocion di Papiamento den e sistema educativo.

Nos ta desea pone enfasis cu e Dirección di Enseñansa ta na altura di e compromiso asumi den e acuerdo, y ta sigui traha den cooperacion cu entidatnan homologo di Curaçao y otro partinan relevante, pa promove e idioma Papiamento na un manera integral y sostenible.

Directiva Red Democratico