27/09/2025
Եվրոպական համալսարանի Տեղեկատվական տեխնոլոգիաների ֆակուլտետի ուսանողները մասնակցեցին «Ծածկագրման Օր 2025» միջոցառմանը
Սույն թվականի սեպտեմբերի 26-ին «Փարիզ Հյուրանոցում» (Paris Hotel) Եվրոպական համալսարանի () Տեղեկատվական տեխնոլոգիաների ֆակուլտետի ուսանողները մասնակցեցին «Ինտերնետ հասարակության Հայաստան հատված» ՀԿ-ի կողմից կազմակերպված «Ծածկագրման Օր / Encryption Day 2025» կարողությունների զարգացման միջոցառմանը, որն իրականացվել է «Ինտերնետ հասարակություն հիմնադրամի» աջակցությամբ։
Միջոցառման նպատակն էր բարձրագույն և մասնագիտական կրթական հաստատությունների ուսանողներին, ինչպես նաև երիտասարդ մասնագետներին ներկայացնել գաղտնագրման դերը թվային անվտանգության ապահովման գործում և քննարկել ոլորտի արդի մարտահրավերները:
Օրակարգի շրջանակներում քննարկվեցին մի շարք մասնագիտական և իրավական թեմաներ: Մասնավորապես, մանրամասն ներկայացվեցին գաղտնագրման գործողության սկզբունքները, ծայրից ծայր գաղտնագրումը, ինչպես նաև հանրային/մասնավոր բանալիները և դրանց կիրառությունները (օրինակ՝ VPN-ները): Քննարկվեցին նաև գաղտնագրումը մասնավոր հատվածում առկա հիմնական մարտահրավերները և նորարարությունները:
Մեր ուսանողների մասնակցությունը նման բարձր մակարդակի մասնագիտական միջոցառմանը կարևոր քայլ է նրանց գործնական գիտելիքների և կիբերանվտանգության ոլորտում ակադեմիական ներգրավվածության բարձրացման համար:
06/09/2025
🎓🎉 Շնորհավորում և ջերմորեն ողջունում ենք Հայաստանի Եվրոպական համալսարանի ՏՏ ֆակուլտետի առաջին կուրսեցիներին։
✨📚Առաջին ուսումնական շաբաթն արդեն ավարտվեց՝ սկիզբ դնելով ձեր ուսանողական կյանքին։ Հուսով ենք, որ այս լուսանկարը կմնա ձեր ուսանողական կյանքի հիշարժան սկզբնակետը, որը լի կլինի նոր գիտելիքներով, հմտություններով և անմոռանալի պահերով։
💻 Մեր ֆակուլտետը համալրվել է նոր ուսանողներով, ովքեր ընտրել են «Տեղեկատվական համակարգեր», «Տեղեկատվական տեխնոլոգիաներ» և «Տեղեկատվական անվտանգություն» մասնագիտությունները։
✨Բարի գալուստ ՏՏ ֆակուլտետ, մաղթում ենք արդյունավետ և հաջող ուսումնական տարի։ ✨
07/07/2025
🎓Հուլիսի 2-ին կազմակերպությանը կից #իրականդպրոց-ի () 2025 թվականի շրջանավարտները ստացան իրենց վկայականները։ Միջոցառումը մեկնարկեց ուսանողների աշխատանքների ցուցահանդեսով Հ. Պարոնյանի անվան երաժշտական կոմեդիայի պետական թատրոնի նախասրահում, որից հետո հյուրերը վայելեցին միջոցառման մշակութային հատվածը։
🎭 Մշակութային բաժնից հետո բեմ բարձրացան շրջանավարտները՝ ստանալու իրենց ավարտական վկայականները։ Միջոցառումն ավարտվեց ավանդական շուրջպարով։
🎤 Շնորհակալություն դպրոցի գործընկերներին ու հյուրերին՝ այս յուրահատուկ առիթը գեղեցիկ և հիշարժան կերպով կազմակերպելու համար։
#ՀԵՀ
03/06/2025
🎓 Եվրոպական համալսարանի Տեղեկատվական տեխնոլոգիաների ֆակուլտետում ավարտվել է բակալավրիատի և մագիստրատուրայի ավարտական աշխատանքների պաշտպանության գործընթացը 🎓
💻Այս փուլում իրենց ավարտական նախագծերը հաջողությամբ պաշտպանեցին ՏՏ ֆակուլտետի բակալավրի և մագիստրոսական ծրագրերի ուսանողները՝ ամփոփիչ պետական ատեստավորման շրջանակում։
📖 Խորին երախտագիտություն ենք հայտնում ատեստավորման հանձնաժողովի նախագահ Տ.Գ.Դ., պրոֆեսոր Մ․ Այվազյանին, ինչպես նաև հանձնաժողովի բոլոր անդամներին՝ ցուցաբերված մասնագիտական ղեկավարության և անփոխարինելի աջակցության համար։
🎓Շնորհավորում ենք մեր շրջանավարտներին՝ այս կարևոր ակադեմիական փուլի հաջող ավարտի կապակցությամբ՝ մաղթելով շարունակական հաջողություններ մասնագիտական զարգացման ճանապարհին։
#հեհ
21/05/2025
Ս.թ. ապրիլի 10-ին #ՀԵՀ-ում կայացավ ճանաչողական հանդիպում ՀԵՀ ՏՏ ֆակուլտետի ՏՏ և ՏՀ
մասնագիտություններով սովորող ուսանողների համար, ովքեր հանդիսանում են Միկրոէլեկտրոնային
սխեմաների և համակարգերի ամբիոնի պոտենցիալ դիմորդներ: «Սինոփսիս Արմենիա» ընկերության
ուսումնական դեպարտամենտի տնօրեն, ՀԵՀ Միկրոէլեկտրոնային սխեմաների և համակարգերի ամբիոնի
վարիչ, պրոֆեսոր Վազգեն Մելիքյանն ուսանողներին ծանոթացրեց ընկերության ստեղծման պատմությանը,
գրանցած հաջողություններին, ներկայացրեց բուհ-արտադրություն համագործակցության յուրօրինակ
կրթական մոդելը, ինչի իրագործման արդյունքում ամբիոնի բոլոր շրջանավարտներն աշխատում են ոլորտի
առաջատար կազմակերպություններում: Հանդիպման ընթացքում պրոֆեսոր Մելիքյանն ուսանողներին
հրավիրեց «Սինոփսիս Արմենիա» ընկերություն: Մայիսի 13-ին ուսանողները ՏՏ ֆակուլտետի դեկան
Հեղինե Ղումաշյանի ուղեկցությամբ շրջեցին «Սինոփսիս Արմենիա» ընկերության ուսումնական
դեպարտամենտում, ծանոթացան ուսումնական գործընթացի պայմաններին, ընդունելության մուտքային
պահանջներին, ինչպես նաև ստացան իրենց հետաքրքրող բոլոր հարցերի պատասխանները:
03/06/2025
21/05/2025