EUA Marketing

Արտալսարանային դաս՝ «Նորաձեւության մարքեթինգ» դասընթացի շրջանակներում։👗✨

Արտալսարանային դասի ընթացքում ուսանողները բացառիկ հնարավորություն ունեցան՝ ծանոթանալու հայկական նորաձևության առաջատար ներկայացուցիչներից մեկի՝ Վահան Խաչատրյան ստեղծագործական աշխարհին։ Նա հայկական նորաձեւության առաջատար կուտյուրիեր է, Նորաձեւության և դիզայնի պալատի նախագահ, ինչպես նաև, առաջին հայ դիզայները, ում անունը նշվել է Vogue նշանավոր ամսագրում։📔

Դասը վարող մասնագետը ներկայացրեց իր մասնագիտական ճանապարհը, ստեղծագործական սկզբունքներն ու նորաձևության հանդեպ իր յուրահատուկ մոտեցումը՝ առանձնահատուկ ուշադրություն դարձնելով հիշողությունների և մշակութային ժառանգության ազդեցությանը՝ դիզայնի վրա։ 🎨🧵

Հանդիպման ընթացքում մասնագետը պատմեց, որ նոր հավաքածուն ստեղծվել է։ Սովետական միության տարիների մանկության հիշողություններից ներշնչված։ Այդ հիշողություններում առանձնահատուկ տեղ են զբաղեցնում մանկության գույները, ընտանեկան ավանդույթները, հին բակերի մթնոլորտը և ժամանակաշրջանին բնորոշ գեղագիտությունը, որոնք վերածվել են ժամանակակից, բայց միաժամանակ, նոստալգիկ շեշտադրումներ ունեցող կերպարների։ 🌈📸

Դասի ընթացքում ուսանողները հնարավորություն ունեցան ոչ միայն ծանոթանալու հավաքածուի ստեղծման պատմությանը, այլև քննարկելու նորաձևության մեջ ինքնության, հիշողության և մշակութային կոդերի դերը։ 🧠

Մասնագետը նաև անդրադարձավ իր առաջին մեծ նախագծին, որը ստեղծել էր ընդամենը 15 տարեկանում՝ «Маленькие армяне» ստեղծագործական խմբի համար 👦🎭՝ ընդգծելով, որ յուրաքանչյուր ստեղծագործական փորձ կարևոր քայլ է՝ մասնագիտական կայացման ճանապարհին։ 🚀💡

Բլոկչեյնի դերը՝ նորաձեւության մեջ

«Նորաձեւության մարքեթինգ» դասընթացի շրջանակներում երրորդ կուրսի ուսանողների համար վարպետաց դաս անցկացրեց Arm.wool նախաձեռնության ղեկավար, Petoor բրենդի և «5 Concept Store»-ի հիմնադիր Անի Մկրտչյանը՝ Շուկայագիտության ամբիոնի դասախոս, Պեռնո Ռիկար ընկերության բրենդ մենեջեր Ալվինա Հովակիմյանի հրավերով։

Քննարկման առանցքում էր հարցը՝ ինչպես է վստահությունը վերադառնում նորաձեւություն և տեքստիլ։ Ներկայացվեց բլոկչեյնի դերը՝ որպես գործիք, որը ապահովում է արտադրանքի ամբողջական թափանցիկություն՝ հումքից մինչև վերջնական արտադրանք։

Ուսանողները ծանոթացան բրդի ճանապարհին և շրջանաձև տնտեսության սկզբունքներին, ինչպես նաև գործնականում ուսումնասիրեցին պատրաստի թելերը։ Հանդիպումը վերածվեց ակտիվ քննարկման, որտեղ կիսվեցին նաև անձնական փորձով։

Within the “Fashion Marketing” course, a masterclass was delivered for third-year students by Ani Mkrtchyan, Head of Arm.wool, founder of Petoor and “5 Concept Store,” invited by Alvina Hovakimyan.

The discussion focused on how trust is being restored in fashion and textiles. Blockchain was presented as a tool ensuring full product transparency—from raw materials to final output.

Students explored the lifecycle of wool and circular economy principles, and examined finished yarns in practice. The session became an interactive discussion where participants also shared personal experiences.

Արտալսարանային դաս՝ «Teampay» ընկերությունում🎓
Հայաստանի եվրոպական համալսարանի
«Շուկայագիտություն» մասնագիտության 2-րդ կուրսի ուսանողները Teampay ընկերության Մարքեթինգի ղեկավար, դասախոս Ջեմմա Թորգոմյանի նախաձեռնությամբ եւ ուղեկցությամբ այցելեցին Team Telecom Armenia ընկերություն։ Բրենդի զարգացման մասնագետ Էլինա Գրբաշյանը խոսեց բրենդինգից և դրա հիմունքներից, ինչպես նաև մանրամասն ներկայացրեց Team Telecom Armenia-ի ռեբրենդինգի պատմությունը։📚

Դասախոսության ընթացքում ներկայացվեցին նաև այն հիմնական մոտեցումներն ու մանրուքները, որոնց պետք է ուշադրություն դարձնել կազմակերպության բրենդը ստեղծելիս՝ սկսած ռազմավարական մտածողությունից մինչև վիզուալ ինքնություն, ինչպես նաև այն սխալները, որոնցից կարևոր է խուսափել։💡⚠️

TeamPay ընկերության կոնտենտի և գործատուի փորձառության մասնագետ Անաստասիա Գրիգորյանը ներկայացրեց մարքեթինգի «Storytelling» ուղղությունը՝ խոսելով դրա կարևորության և այն մասին, թե ինչպես այն կարող է օգնել կազմակերպություններին գրավել լսարանի և հաճախորդների ուշադրությունը։📖
Դասախոսության ընթացքում նաև ներկայացվեց, թե ինչպես ճիշտ կառուցել storytelling-ը, ինչին ուշադրություն դարձնել և ինչ սխալներից խուսափել։❌

TeamPay ընկերության գրաֆիկ դիզայներ և կրեատիվի պատասխանատու Գագիկ Ղազարյանը ներկայացրեց դասախոսություն գույների մասին, թե ինչպես են գույներն ազդում մարդկանց բնազդների ու որոշումների վրա, նախքան նրանք կհասցնեն ինչ-որ բան կարդալ։ Դասախոսությունը միտված էր սովորեցնել վերլուծել գունային ընտրությունը մարքեթինգային, բրենդինգում և հասկանալ, թե ինչպես կարելի է կառավարել թիրախային լսարանի ուշադրությունը գունային հիերարխիայի միջոցով, ինչպես ստեղծել ավելի թիրախային և հիմնավորված մարքեթինգային արշավներ, որտեղ յուրաքանչյուր վիզուալ լուծում ունի իր գիտական բացատրությունը։
European University of Armenia / Հայաստանի Եվրոպական համալսարան Team Telecom Armenia

📚Արտալսարանային դաս՝ «Voskanian Parfums» լաբորատորիա-ցուցասրահում

📍Հայաստանի եվրոպական համալսարանի «Շուկայագիտություն» մասնագիտության ուսանողների համար «Նորաձեւության մարքեթինգ» դասընթացի շրջանակներում Շուկայագիտության ամբիոնի դասախոս, Պեռնո Ռիկար ընկերության բրենդ մենեջեր Ալվինա Հովակիմյանը կազմակերպել էր հետաքրքիր և ուսուցողական արտալսարանային հանդիպում՝ հայկական նիշային օծանելիքի բրենդ «Voskanian Parfums»-ի լաբորատորիա-ցուցասրահում։ Այցի շրջանակում ուսանողները հնարավորություն ունեցան ծանոթանալու բրենդի ստեղծման պատմությանը, օծանելիքի ստեղծման արվեստին և բույրի փիլիսոփայությանը։

📌Հանդիպման ընթացքում ուսանողները ոչ միայն լսեցին բույրերի ստեղծման պատմությունները, այլև հնարավորություն ունեցան ծանոթանալու օծանելիքի ստեղծման գործընթացին, ուսումնասիրելու տարբեր բույրերի նոտաներ և բացահայտելու նիշային օծանելիքի յուրահատուկ աշխարհը։

Հատկանշական է, որ Voskanian Parfums բրենդը ներկայացված է աշխարհի մի շարք երկրներում և պարբերաբար մասնակցում է Ֆլորենցիայում անցկացվող հեղինակավոր Pitti Fragranze միջազգային ցուցահանդեսին՝ ամեն տարի ներկայանալով նոր և ինքնատիպ բույրերով։

📌Այս արտալսարանային դասը ուսանողների համար դարձավ արժեքավոր փորձառություն՝ հնարավորություն տալով անմիջականորեն հաղորդակցվելու ստեղծագործական ձեռնարկատիրության, բրենդի ստեղծման և նիշային օծանելիքի արվեստի հետ։

📊 Դասը վարում է թվային մարքեթինգի մասնագետ Մարիամ Աբրահամյանը

Շուկայագիտության ամբիոնի դասախոս Ջեմմա Թորգոմյանի հրավերով Հայաստանի Եվրոպական համալսարանում «Մարքեթինգային չափումներ և արդյունավետության գնահատման առանցքային ցուցիչներ» դասընթացի շրջանակներում վարպետաց դաս անցկացրեց Team Pay ընկերության թվային մարքեթինգի պատասխանատու, BDG ընկերության դասընթացավար Մարիամ Աբրահամյանը։

Վարպետաց դասի ընթացքում քննարկեցինք՝
🔹 Թվային մարքեթինգի ուղղությունները – ռազմավարական մտածողությունից մինչև գործիքների ճիշտ ընտրություն
🔹 Թվային գովազդային ալիքները – ինչպես ընտրել հարթակը՝ ըստ նպատակների
🔹 Թվային հարթակների մետրիկաները – ինչ չափել և ինչու
🔹 KPI-ներ և դրանց նշանակությունը – արդյունքահեն մոտեցում
🔹 Metric vs KPI տարբերությունը – ինչն է պարզապես տվյալ և ինչը՝ բիզնեսի հաջողության ցուցիչ
🔹 SMART Goal-երի սահմանումը և դրանց կապը KPI-ների հետ
🔹 Performance Marketing և արդյունավետության իրական չափում

Դասընթացի վերջում ուսանողներին հանձնարարվեց իրականացնել քեյս սթադի՝ TeamPay ընկերության օրինակով, որի միջոցով մասնակիցները գործնականորեն վերլուծեցին KPI-ները, սահմանեցին նպատակներ և իրականացրին արդյունքների գնահատում։

Գնահատում ենք ոլորտի մասնագետների՝ փորձի փոխանակման պատրաստակամությունը եւ ուսանողների հմտությունները զարգացնելուն ուղղված ջանքերը։