Ա․Երզնկյանի անվան N118 ավագ դպրոց

📯ԿԳՄՍ նախարար Ժաննա Անդրեասյանը 1-ին կարգի դիպլոմներ է հանձնել 2025-2026 ուստարվա դպրոցականների հանրապետական առարկայական օլիմպիադաների հաղթողներին։
ԿԳՄՍ նախարարության նախաձեռնությամբ միջոցառումն անցկացվել է Բյուրականի աստղադիտարանում․ ներկա են եղել ԿԳՄՍ նախարարի տեղակալ Արաքսիա Սվաջյանը, աստղադիտարանի տնօրեն Արեգ Միքայելյանը, առարկայական օլիմպիադաների կազմակերպիչները և դիպլոմակիրները։
Ժաննա Անդրեասյանը շնորհավորել է դպրոցականներին գրանցած հաջողությունների համար՝ ընդգծելով, որ առարկայական օլիմպիադաներում հաջողությունները վկայում են դպրոցական ծրագրից դուրս գիտելիքը խորացնելու, նոր գիտելիքներ ձեռք բերելու և ինքնազարգացման ձգտման մասին։
🔖Առաջին կարգի դիպլոմ է ստացել նաև Երևանի Ա. Երզնկյանի անվան հ. 118 ավագ դպրոցի սան Մհեր Աղաբեկյանը։
Հպարտանում ենք քեզնով, Մհե՛ր ջան և վստահ ենք, որ քո աշխատասիրությունն ու նպատակասլացությունը քեզ դեռ բազմաթիվ հաղթանակների ու նորանոր հաջողությունների են հասցնելու։

❗️Հայտնի են դպրոցականների ավարտական քննությունների օրերը

ԿԳՄՍ նախարարի հրամանով հաստատվել են 2025-2026 ուսումնական տարվա ավարտական և պետական ավարտական քննությունների կազմակերպման և անցկացման ժամկետները:

9-րդ դասարանում քննություններ կանցկացվեն հետևյալ առարկաներից՝
✅«Հայոց լեզու» (գրավոր, թեստ) - 02.06.2026 թ.
✅«Մաթեմատիկա» (գրավոր, թեստ) - 11.06.2026 թ.
✅Բնագիտություն («Ֆիզիկա», «Քիմիա», «Կենսաբանություն», «Աշխարհագրություն»՝ սովորողի ընտրությամբ՝ գրավոր, թեստ) - 15.06.2026 թ.
✅«Գրականություն» և «Հայաստանի պատմություն» (էսսե)-24.06.2026 թ.
✅Օտար լեզու («Ռուսերեն», «Անգլերեն», «Ֆրանսերեն», «Գերմաներեն», այլ լեզուներ՝ սովորողի ընտրությամբ, բանավոր) - քննաշրջանի ընթացքում
✅«Ռուս գրականություն» (բանավոր)՝ ռուսերենով ուսուցմամբ դասարանների սովորողների համար- քննաշրջանի ընթացքում
✅«Մայրենի լեզու և գրականություն» (բանավոր)՝ ազգային փոքրամասնությունների դասարանների սովորողների համար - քննաշրջանի ընթացքում
✅«Ֆիզկուլտուրա» (ստուգարք)- 2025-2026 ուստարվա ուսումնական պարապմունքների վերջին շաբաթվա ընթացքում

12-րդ դասարանում քննությունները կանցկացվեն հետևյալ առարկաներից՝
✅«Հայոց լեզու և հայ գրականություն» (գրավոր) - 03.06.2026 թ.
✅«Մաթեմատիկա» (գրավոր) - 10.06.2026 թ.
✅«Հայոց պատմություն» (գրավոր) - 17.06.2026 թ.
✅«Ռուս գրականություն» (բանավոր)՝ ռուսերենով ուսուցմամբ դասարանների սովորողների համար - քննաշրջանի ընթացքում
✅«Մայրենի լեզու և գրականություն» (բանավոր)՝ ազգային փոքրամասնությունների դասարանների սովորողների համար - քննաշրջանի ընթացքում
✅«Ֆիզկուլտուրա» (ստուգարք)- 2025-2026 ուստարվա ուսումնական պարապմունքների վերջին շաբաթվա ընթացքում

Հրամանը՝ https://escs.am/am/news/36087

🏛️Մասնակցություն Հուշարձանների միջազգային օրվան

Ապրիլի 18-ը նշվում է որպես Հուշարձանների և տեսարժան վայրերի միջազգային օր, որը կարևոր առիթ է ևս մեկ անգամ ընդգծելու պատմամշակութային ժառանգության պահպանության նշանակությունը։
Մեր դպրոցի սովորողները ևս անմասն չմնացին այս կարևոր նախաձեռնությունից։ Նրանք ակտիվորեն մասնակցեցին հանրապետությունում կազմակերպվող միջոցառումներին՝ իրենց ներդրումն ունենալով հուշարձանների պահպանության գործում։

Ապրիլի 7-ը՝ Մայրության և գեղեցկության տոնը, 118 ավագ դպրոցում նշվեց սիրով, ջերմությամբ և մեծ հուզմունքով։ Միջոցառումը լեցուն էր գեղեցիկ խոսքով, երգ ու պարով, անկեղծ ժպիտներով և երախտագիտությամբ՝ ուղղված մեր սիրելի մայրերին, ուսուցչուհիներին և բոլոր կանանց։ Սովորողներն իրենց ելույթներով փոխանցեցին ամենաթանկը՝ սերը, հարգանքը և գնահատանքը, իսկ դահլիճը լցվեց ջերմ մթնոլորտով և հուզիչ պահերով։

Կազմակերպիչ՝ Ա.Կարապետյան

Վոլեյբոլի միջդասարանային մրցումներ 2025-2026🏐🏆🏅

2026թ. փետրվարի 24-ից մարտի 18-ը աշակերտական խորհրդի սպորտային հանձնախմբի և ֆիզկուլտուրայի ուսուցիչների համագործակցությամբ հ. 118 ավագ դպրոցում անցկացվեց վոլեյբոլի միջդասարանային մրցաշար: Խաղերին մասնակցեց 22 թիմ։ Մրցումներն անցան մեծ ոգևորությամբ՝ ապահովելով լարված և հետաքրքիր խաղեր։ 3-րդ մրցանակային տեղի համար մրցեցին 10-րդ Ը խմբի և 12-րդ ֆիզմաթ-2 դասարանի թիմերը։ Հաղթեց 12-րդ ֆիզմաթ-2 դասարանի թիմը։ Եզրափակիչ փուլ անցան 12-րդ ֆիզմաթ-2 և 12-րդ տնտեսագիտական-2 դասարանների թիմերը։ Մրցանակային տեղերը բաշխվեցին հետևյալ կերպ. 1-ին տեղ- 12-րդ տնտեսագիտական 2 դասարանի թիմ 2-րդ տեղ- 12-րդ ֆիզմաթ-2 դասարանի թիմ 3-րդ տեղ- 10-րդ Ը խմբի թիմ Հաղթող թիմերի խաղացողները ստացան մեդալներ, իսկ 12-րդ տնտեսագիտական-2 դասարանի թիմը ստացավ նաև հաղթական գավաթը:

«Եկ խոսենք, միշտ խոսենք, վառենք ու վառվենք հայերեն»📖📚

Երևանի Ա. Երզնկյանի անվան №118 ավագ դպրոցի 10-րդ դասարանի սովորող Մհեր Աղաբեկյանը ընդգրկվել է Քիմիայի միջազգային օլիմպիադայի ՀՀ թիմի հավակնորդների շարքում։ 🇦🇲✨
Սիրելի՛ Մհեր, շնորհավորում ենք քեզ այս մեծ հաջողության համար։ Մաղթում ենք վստահ քայլեր և հաղթական ուղի դեպի միջազգային օլիմպիադա։ Մենք հավատում ենք քո ուժերին։ 👏

«Այն Ռանդ Կենտրոն Հայաստան» գիտակրթական հասարակական կազմակերպությունը, ԵՊՀ «Փիլիսոփայության և հոգեբանության» ֆակուլտետի հետ համատեղ, Երևանի Ա. Երզնկյանի անվան թիվ 118 ավագ դպրոցում իրականացրեց «Օբյեկտիվիզմը դպրոցականների համար» կրթական ծրագիրը: Ծրագրին մասնակցեցին 10-րդ դասարանում սովորող քսանհինգ աշակերտներ։
Ծրագրի ընթացքում սովորողներին ներկայացվեցին ԵՊՀ «Փիլիսոփայության և հոգեբանության» ֆակուլտետի գործունեությունը և «Փիլիսոփայություն» մասնագիտության վերաբերյալ մանրամասներ։
«Այն Ռանդ Կենտրոն Հայաստան» ԳՀԿ ներկայացուցիչները անդրադարձան Օբյեկտիվիզմի փիլիսոփայության հակիրճ նկարագրությանը, ինչպես նաև փիլիսոփա Այն Ռանդի կյանքի և գործունեության վերաբերյալ մանրամասներին։ Այնուհետև տեղի ունեցավ քննարկում՝ ներկայացված փիլիսոփայության արժեքների և սահմանված առաքինությունների շուրջ։. Կազմակերպված քննարկման շրջանակներում մասնակից սովորողներն անդրադարձան Այն Ռանդի «The Nature of Government» հոդվածում ներկայացված դրույթներին։
Ծրագրի վերջին հատվածում սովորողները գրեցին էսսեներ՝ անդրադառնալով մի շարք այժմեական և կարևոր թեմաների։