Երևանի Շենգավիթ վարչական շրջանի Ա. Տիգրանյանի անվան երաժշտական դպրոց ՀՈԱԿ

Խորին շնորհակալություն Ձեզ պարոն Գաբրիելյան, Ձեր ներկայության, պարգևների և մեզ ոգևորելու համար։ Մեծ շնորհակալություն աշխատակազմի կրթության, մշակույթի և սպորտի բաժնին՝ տիկին Գասպարյանի գլխավորությամբ։

📣🤝🎼ՀՀ կրթության, գիտության, մշակույթի և սպորտի նախարարության աջակցությամբ մայիսի 22-ին մեկնարկում են երաժշտական և արվեստի դպրոցների փոխգործակցության «Քույր դպրոցներ» ծրագրի 2024 թվականի միջոցառումները:

☝️Ծրագրի կարևոր նպատակն է ապահովել երաժշտական և արվեստի դպրոցների միջև փորձի փոխանակումը, ստեղծագործական համագործակցության հարթակների ձևավորումը, գեղարվեստական կրթության բնագավառի շահառուների միասնական նպատակների սահմանումն ու իրագործումը՝ մշակութային կրթության ոլորտի, ինչպես նաև տարածքային համաչափ զարգացման գործընթացներում:

🏵✍️Ծրագրի միջոցառումների շրջանակում իրականացվում են փոխայցելություններ, երաժշտական և արվեստի դպրոցների աշակերտներն ու մանկավարժական աշխատողները հանդես են գալիս համատեղ ծրագրերով, ելույթներով: Կազմակերպվում են վարպետության դասընթացներ, իրականացվում են ճանաչողական այցեր Երևանի և ՀՀ մարզերի տեսարժան վայրեր, պատմամշակութային հուշարձաններ, մշակութային օջախներ:

📅Մայիսի 22-ին՝ ժամը 14:00-ին, մեկնարկում է ծրագրի գարնանային շրջափուլը. առաջին միջոցառումը կիրականացվի Երևանի Ա. Տիգրանյանի անվան երաժշտական դպրոցում, որտեղ կհյուրընկալվի ՀՀ Վայոց ձորի մարզի պատվիրակությունը: Եղեգնաձորի երաժշտական դպրոցի աշակերտներն ու դասատուները ելույթ կունենան Ա. Տիգրանյանի անվան երաժշտական դպրոցում, կմասնակցեն վարպետաց դասերին, այնուհետև կայցելեն Հայաստանի պատմության թանգարան:

Մանրամասն՝ https://escs.am/am/news/22346