ԵՊՀ Սարգիս և Մարի Իզմիրլյանների անվ. գրադարան (YSU Library)

🌠 Izmirlian Foundation-ի աջակցությամբ ԵՊՀ գրադարանը համալրվեց ևս մեկ արժեքավոր գրքով՝ Jonathan Haidt-ի «Տագնապած սերունդը» բեսթսելլերով, որ վերջերս է թարգմանվել հայերեն:

👨‍💻 Սոցիալական հոգեբան Ջոնաթան Հայթն անդրադառնում է ժամանակակից երիտասարդության հոգեբանական վիճակին՝ հատկապես 2010-ականներից հետո ձևավորված միտումներին։

🕹️ Նա վերլուծում է սոցիալական մեդիայի ազդեցությունը, դաստիարակության փոփոխությունները և դրանց հետևանքները երեխաների սոցիալական ու նյարդաբանական զարգացման վրա՝ ցույց տալով, թե ինչպես են դրանք հանգեցնում քնի պակասի, սոցիալական մեկուսացման, ուշադրության մասնատման և կախվածությունների ձևավորման։

🖲️ Վերջերս հեղինակը ողջույնի խոսքով դիմել է հայ ընթերցողներին՝ ներկայացնելով գրքի հիմնական գաղափարը, ըստ որի՝ մանկությունն ունի առանցքային նշանակություն, և անհրաժեշտ է նպաստել դրա լիարժեք վերականգնմանը երեխաների կյանքում։

📚 Գիրքը հասանելի է մեր գրադարանի 403 (հասարակական գիտությունների) ընթերցասրահում և գրապահոցում:

🤝 Շնորհակալություն Izmirlian Foundation-ին՝ ԵՊՀ գրադարանին ցուցաբերած շարունակական աջակցության և արժեքավոր նվերի համար։

🌟 Օրերս ԵՊՀ Շառլ Ազնավուրի անվան մշակույթի կենտրոն/YSU Culture Center-ը նշեց իր 20-ամյակը։

💫 Երկու տասնամյակ կենտրոնը կարևոր դեր է կատարել համալսարանի մշակութային կյանքում՝ միավորելով տարբեր սերունդների համալսարանականների և կյանքի կոչելով բազմաթիվ նախաձեռնություններ։

🤝 Մշակույթի կենտրոնը մշտապես եղել է նաև ԵՊՀ գրադարանի վստահելի գործընկերը՝ աջակցելով մեր միջոցառումներին և մշակութային նախաձեռնություններին։

🌠 Շնորհավորում ենք կենտրոնի անձնակազմին 20-ամյա հոբելյանի առթիվ՝ մաղթելով նոր ձեռքբերումներ, անսպառ ստեղծագործական եռանդ և հաջողություններ։

🔴 Հարգելի՛ համալսարանականներ,

📣 Տեղեկացնում ենք, որ ԵՊՀ գրադարանը չի գործելու հուլիսի 20-ից մինչև օգոստոսի 23-ը ներառյալ:

❌ Նշված ժամանակահատվածում ընթերցողների սպասարկում չի իրականացվելու ոչ ընթերցասրահներում, ոչ էլ այլ բաժիններում:

⏳ Գրադարանին առնչվող բոլոր հարցերը, այդ թվում՝ շրջանցիկ թերթիկների սպասարկումը, գրքերի վերադարձը կամ նոր գրքերի պատվերները, խնդրում ենք ավարտել մինչև հուլիսի 17-ը:

💫 Վերջերս ԵՊՀ գրադարանում կայացավ հանդիպում բանաստեղծ Մարինե Ֆարամազյանի` Mar Fa-ի հետ, ով ստեղծագործում է նեոսիմվոլիզմի ուղղության շրջանակում: Հեղինակն անդրադարձավ իր ստեղծագործական ուղուն և ներկայացրեց անգլերեն լեզվով հրատարակված 2 գիրք:

🌠 Մարինա Ֆարամազյանն առանձնանում է յուրօրինակ բանաստեղծական մտածողությամբ՝ ձևավորելով իմաստների և հուզական խորությունների բազմաշերտ տարածք:

🌟 Նրա ստեղծագործությունները վերջին տարիներին արժանացել են նկատելի ճանաչման. մասնավորապես՝ Ռուսաստանի գրողների միության կողմից պարգևատրվել է «Տարվա բանաստեղծ» մրցանակով, իսկ ռուս մշակույթի զարգացման գործում ունեցած ներդրման համար նրա գործունեությունը գնահատվել է «Ժառանգություն» աստղով և «Ալեքսանդր Բլոկ, 145 տարի», «Միխայիլ Բուլգակով, 135 տարի» հուշամեդալներով:

🌠 Մովսես Խորենացու գլխավոր երկը՝ «Պատմություն Հայոց» կամ «Հայոց Պատմություն»-ը, հայ միջնադարյան պատմագրության կարևոր նվաճումներից և գիտական մտքի գլուխգործոցներից է: Այն Հայաստանի և հարևան երկրների պատմության և աշխարհագրության վերաբերյալ արժեքավոր նյութեր է պարունակում:

📜 Աշխատությունն առանձնահատուկ դեր է ունեցել հայ հասարակական-քաղաքական մտքի զարգացման և ազգային ինքնագիտակցության ձևավորման գործընթացում: Այժմ էլ աշխատությունը պահպանում է իր արդիականությունն ու գիտական նշանակությունը:

📓 Շնորհիվ այն հանգամանքի, որ իր երկով համակարգված ներկայացրել է հայ ժողովրդի պատմությունը՝ նախնադարից մինչև իր ժամանակաշրջանը՝ հեղինակն արժանացել է «հայոց պատմահայր» և «քերթողահայր» պատվանուններին:

🗄️ Վերջերս Էդիթ Պրինտ հրատարակչություն/Edit Print Publishing House-ի հրատարակչությամբ լույս տեսած աշխատությունը հասանելի է գրադարանի 403 (հասարակական գիտությունների) ընթերցասրահում և գրապահոցում:

🏵️ Օրերս ԵՊՀ գրադարանի մի խումբ աշխատակիցներ այցելեցին Շիրակի մարզային գրադարան՝ մասնագիտական փորձի փոխանակման, գրադարանային աշխատանքի ժամանակակից մոտեցումների և համագործակցության նոր հնարավորություններ քննարկելու համար։

🎁 Այցի ընթացքում գրադարանին նվիրաբերվեց ավելի քան 300 գիրք։

🌠 Շիրակի մարզային գրադարանը Հայաստանի ինքնատիպ գրադարաններից է, որը, պահպանելով իր ուրույն ոճը, վաղուց վերածվել է ոչ միայն գրքերի պահպանման վայրի, այլև մշակութային ու կրթական կենսունակ կենտրոնի։ Այն հետաքրքիր նախաձեռնությունների, հանդիպումների և համայնքային ակտիվ կյանքի հարթակ է, որ ապահովում է յուրահատուկ ու ջերմ մթնոլորտ։

📕 Ֆրանսիացի լեզվաբան Էմիլ Բենվենիստի «Ընդհանուր լեզվաբանության խնդիրներ» աշխատությունը միավորում է հեղինակի մի շարք հոդվածներ, որոնք համարվում են ժամանակակից լեզվաբանության հիմնարար տեքստեր:

✍️ Ընդգծելով լեզվի ուսումնասիրության բազմակողմանի գործընթացը, որտեղ յուրաքանչյուր դիտարկում նպաստում է ընդհանուր ըմբռնմանը՝ հեղինակը գիտակցաբար ընտրել է «խնդիրներ» ձևակերպումը: Նա ներկայացնում է լեզվաբանության զարգացման միտումները՝ ցույց տալով, որ այն դուրս է զուտ նկարագրական գիտության սահմաններից և հարաբերությունների ու կառուցվածքային վերլուծության վրա հիմնված գիտակարգ է:

🌠 Աշխատությունը բարձր է գնահատվել իր պարզության և մեթոդաբանական խստության համար՝ զգալի ազդեցություն ունենալով տեղեկատվական և հաղորդակցական գիտությունների զարգացման վրա:

📩 Printinfo - Փրինթինֆո - Publishing House հրատարակչությամբ լույս տեսած գրքի 2 հատորները հասանելի են ԵՊՀ գրադարանի 501 (բանասիրական գիտությունների) ընթերցասրահում և գրապահոցում:

🎼 Հայ մեծ երգահան Կոմիտասի ժառանգության կարևոր մաս են կազմում նրա նամակները, որոնք բացահայտում են ոչ միայն նրա ստեղծագործական ուղին, այլև՝ ներաշխարհն ու մտածողությունը։

💫 Կոմիտասը մշտապես կապի մեջ է եղել հայ մտավորականության և հոգևորականության ներկայացուցիչների հետ՝ կիսելով իր մտորումները, զգացմունքներն ու դիտարկումները: Երբեմն նա հանդես էր գալիս որպես խիստ ու անաչառ քննադատ, երբեմն՝ որպես հավատով ու լավատեսությամբ լի մտածող։

📖 Printinfo - Փրինթինֆո - Publishing House հրատարակչությամբ լույս տեսած «Նամականի» ժաղովածուն ներառում է 1894–1914 թթ. գրված 184 և ստացված 37 նամակները: Դրանցում արտացոլվում են Կոմիտաս-մարդու և ստեղծագործողի գեղագիտական, մշակութային և նույնիսկ քաղաքական հայացքները։

📥 Գիրքը հասանելի է մեր գրադարանի 501 (բանասիրական գիտությունների) ընթերցասրահում և գրապահոցում:

🌠 Վերջերս ԵՊՀ գրադարանի տնօրեն Avetiq Mejlumyan-ն այցելել էր Նիդերլանդների մի շարք բուհական ու հանրային գրադարաններ՝ ծանոթանալու ժամանակակից գրադարանային միջավայրի կազմակերպման սկզբունքներին, նորարարական լուծումներին և միջազգային առաջատար փորձին։

🎤 Աշխատանքային հանդիպման ընթացքում գրադարանի աշխատակիցներին ներկայացվեցին գործուղման արդյունքները։ Քննարկվեցին ԵՊՀ գրադարանի ծառայությունների արդիականացման և ընթերցողների համայնքի համար արդյունավետ, ներառական ու հարմարավետ միջավայրի ձևավորման հնարավորությունները։

🌏 Միջազգային լավագույն փորձի տարբեր մոտեցումներ արդեն իսկ կյանքի են կոչվում ԵՊՀ գրադարանում: Դրանց օգուտներն ավելի տեսանելի կլինեն առաջիկա ամիսներին:

🎆 Հունիսի 1-ը ոչ միայն երեխաների իրավունքների պաշտպանության օրն է, այլև առիթ՝ ևս մեկ անգամ կարևորելու մանկության, երևակայության և ընթերցանության դերը նրանց ձևավորման ճանապարհին։

📕 Մանկական գիրքը երեխայի առաջին ուղեկիցներից է, որը սովորեցնում է երազել, մտածել ու բացահայտել աշխարհը։

📚 Թեև ԵՊՀ գրադարանի առաջնային թիրախ խումբն ուսանողներն են, սակայն գրադարանում առկա են նաև մանկական գրականության նոր հրատարակություններ. ճանաչողական ու արկածային գրքեր, համաշխարհային մանկագրության դասական և ժամանակակից ստեղծագործություններ։

🌟 Շնորհավորում ենք երեխաներին այս գեղեցիկ օրվա առթիվ՝ մաղթելով անհոգ մանկություն և հետաքրքիր բացահայտումներ՝ սիրելի գրքերի ուղեկցությամբ։