Réarts

14/09/2026

ԸՆԴՈՒՆԵԼՈՒԹՅԱՆ ՆԱԽԱՊԱՏՐԱՍՏՈՒՄ

Պատրաստում ենք ընդունելության քննություններին՝
• Ճարտարապետականի Մ. Աբեղյանի անվան ավագ դպրոց
• Պոլիտեխնիկի ավագ դպրոց
• Փ. Թերլեմեզյանի անվան գեղարվեստի պետական քոլեջ

Նախապատրաստումն անցկացվում է ընդունելության պահանջներին համապատասխան՝ անհրաժեշտ մասնագիտական և հանրակրթական առարկաներով։

Դասերի ընթացքում աշխատում ենք ոչ միայն գիտելիքի, այլ նաև հենց քննության ձևաչափին համապատասխան գործնական հմտությունների վրա։

📩 Գրանցվելու և մանրամասների համար գրեք մեզ անձնական նամակով կամ զանգահարեք՝ 093 292290։

12/09/2026

Մեկ օր Réarts-ում․ ինչպես են անցնում դասերը

09/09/2026

ՀՈՄԵՐՈՍ`ՔՆՆԱԿԱՆ ԱՌԱՋԱԴՐԱՆՔ | ՃՇՀԱՀ | ՃԱՐՏԱՐԱՊԵՏՈՒԹՅՈՒՆ

Կառուցումից հետո աշխատանքի մշակումը սկսվում է ընդհանուր ստվերային տոնը դնելով։ Բոլոր ստվերները սկզբում միավորվում են մեկ հարթ տոնի մեջ՝ առանց ֆորմաները մանրամասնելու։

Հաջորդ փուլում առանձնացվում են հիմնական ֆորմաները և դրանց տոնային տարբերությունները։ Դրանից հետո աշխատանքը աստիճանաբար դետալիզացվում է։

Վերջին փուլում լույսերը բացվում են, ստվերները պնդացվում, իսկ մոտ գտնվող հատվածները՝ ավելի մանրամասն մշակվում։ Այսպես գծանկարը ստանում է ծավալ և տարածականություն։ Հաշվի առնելով նաև օդային հեռանկարը:

Մեթոդը զարգացնում է դիտողականությունը, ֆորմայի և ծավալի ընկալումը և օգնում ճիշտ փոխանցել տեսածը գծանկարի միջոցով։ Այս և նմանատիպ այլ տեխնիկաների իմացությունը հիմքն է ակադեմիական գծանկարի և կարևոր դեր ունի ընդունելության քննությանը պատրաստվելիս։

07/09/2026

ԸՆԴՈՒՆԵԼՈՒԹՅԱՆ ՆԱԽԱՊԱՏՐԱՍՏՈՒՄ՝ ՃՇՀԱՀ

Մենք պատրաստում ենք ընդունելության քննություններին՝ զրոյից մինչև քննական մակարդակ։

ՃԱՐՏԱՐԱՊԵՏՈՒԹՅՈՒՆ

Նախապատրաստում ենք՝
• Գծանկար
• ԳՍԿԹ՝ մաթեմատիկա, ճարտարապետական տրամաբանություն և գծագրություն

ԴԻԶԱՅՆ

Նախապատրաստում ենք՝
• Գծանկար
• Կոմպոզիցիա

Ծրագիրը նախատեսված է միջավայրի, գրաֆիկ և արդյունաբերական դիզայնի դիմորդների համար։
Նախապատրաստումը սկսում ենք ուսանողի ներկա մակարդակից և քայլ առ քայլ հասնում քննական մակարդակի։ Դասերի ընթացքում զարգացնում ենք այն հմտությունները, որոնք անհրաժեշտ են քննական առաջադրանքները որակով կատարելու համար՝ միաժամանակ ձևավորելով ամուր մասնագիտական հիմք, որը պետք կգա նաև հետագա մասնագիտական ճանապարհին։ Ուսանողի առաջընթացը պարբերաբար ստուգում ենք միջանկյալ քննությունների և դիտումների միջոցով։

Եթե նպատակդ ՃՇՀԱՀ ընդունվելն է և ուզում ես պատրաստվել համակարգված ձևով՝

📩 Գրիր մեզ՝ փորձնական դասի և ընդունելության մանրամասները ստանալու համար, կամ զանգահարիր՝ 093 292290։

03/09/2026

Գծագրությունը միայն տեխնիկա չէ։ Այն նաև տարածություն պատկերացնելու կարողություն է։

Երբ սովորում ես գծագրել, դու սկսում ես ավելի ուշադիր տեսնել՝ հասկանալ ծավալը և հարաբերությունները։

Ճարտարապետը պետք է կարողանա դեռևս գոյություն չունեցող տարածքը պատկերացնել, հասկանալ, թե ինչպես են ծավալները փոխազդելու, ինչպես է մարդը շարժվելու այդ տարածքում, և հետո այդ գաղափարը վերածել գծագրի, իսկ գծագիրը՝ իրական կառույցի։

Դրա համար գծագրության դասերը միայն ձեռքը զարգացնելու մասին չեն։ Դրանք զարգացնում են ուշադրությունը, տարածական մտածողությունն ու ստեղծագործական մոտեցումը։

Տեխնիկան կարելի է սովորել։ Բայց պատկերացնելու և մտածելու կարողությունն է, որ ձևավորում է ապագա ճարտարապետին։

22/08/2026

Հայկական տառատեսակների ոլորտը դեռ շատ ազատ ու չբացահայտված է։

Այսօր շատ բրենդների համար սեփական հայկական տառատեսակ ունենալը կարող է դառնալ կարևոր տարբերակիչ, հատկապես երբ հայկական շուկայում որակյալ ֆոնտերի ընտրությունը դեռ սահմանափակ է։

Դասընթացին միանալու համար գրեք էջին:

20/08/2026

Տնային աշխատանք մեր ուսանողից` Մերի Տեպանոսյան

19/08/2026

Մեր ուսանող Անահիտը սովորել է համեմատաբար կարճ ժամանակ, սակայն «Ազատ ժամերի» ծրագրի շնորհիվ նա ինտենսիվ է աշխատել և լավ արդյունք գրանցել։ Այսօր նա կիսվում է իր փորձով ու տպավորություններով։

Մեր ուսանողներին ծրագիրը հնարավորություն է տալիս դասերից դուրս ևս աշխատել ակադեմիայի միջավայրում՝ բնօրինակից նկարել և կատարել տնային առաջադրանքները հենց տեղում։ Սա հատկապես կարևոր է ընդունելության պատրաստվող դիմորդների համար։

Հաճախ դիմորդները, հատկապես ինքնուսները, սովորում են նկարել լուսանկարներից կամ հեռախոսից։ Արդյունքում կարող են լավ նկարել, բայց դժվարանալ բնականից աշխատելիս։ Բնօրինակից նկարելը հնարավորություն է տալիս ավելի լավ հասկանալ տարածությունը, ֆորման, ինչպես նաև լույսի և ստվերի փոփոխությունները օրվա ընթացքում։ Միևնույն ժամանակ սա օգնում է պատրաստվել հենց ընդունելության քննության ֆորմատին։

18/08/2026

ՄԱԹԵՄԱՏԻԿԱ

Ճարտարապետության բաժին ընդունելության նախապատրաստում

ԳՍԿԹ-ի մաթեմատիկայի համար նախատեսված մեկ ուսումնական տարվա ամբողջական ծրագիր՝ բոլոր պահանջվող թեմաներով։

Սկիզբը՝ սեպտեմբերից։

Խմբին միանալու համար անհրաժեշտ է հանձնել բազային գիտելիքների ստուգման քննություն։

ՀՀ-ում վիզուալ արվեստների առաջատար Նախապատրաստական ուսումնական կենտրոն
Պատրաստում ենք ընդունելության`
Ճարտարապետության և շինարարարության ազգային համալսարան
Գեղարվեստի պետական ակադեմիա
Պոլիտեխնիկական համալսարան
Փանոս Թերլեմեզյան ք.
Մանուկ Աբեղյան ավագ դպ.

17/08/2026

Գլանի հատումը հաճախ դժվարություն է առաջացնում ընդունելության քննության ժամանակ․ կոր հարթությունների պատկերացումը և դրանց ճիշտ հատումը պահանջում են լավ կառուցողական հմտություններ։ Յուրաքանչյուր կառուցվածքային սխալ կարող է հանգեցնել միավորի կորստի։

Տեսահոլովակում մեր դասախոս՝ ճարտարապետ Էդգար Կույումչյանը ցույց է տալիս, թե ինչպես կառուցել գլանի օվալաձև հատումը թեք հարթությամբ։