Students' Voice

🔔 ՈԱԱԿ-ում ուսանողների հետ քննարկվել են հավատարմագրման գործընթացում հարցադրման և արդյունահենք վերլուծության սկզբունքները

🎯 Հանդիպման առանցքում էր այն հարցը, թե ինչպես կարող է ուսանող-փորձագետը հավատարմագրման գործընթացում հարցադրումների միջոցով բացահայտել բուհի կրթական գործունեության իրական արդյունքը․
🔹արդյոք կրթական ծրագիրը ձևավորում է այն կարողությունները, որոնք նախատեսված են ծրագրի վերջնարդյունքներով,
🔹արդյոք բուհն ունի այդ արդյունքները գնահատելու, վերլուծելու և բարելավելու մեխանիզմներ։

📊 Քննարկման ընթացքում ընդգծվեց, որ բուհի պատասխանատվությունը սկսվում է դիմորդին տրվող պարզ, բայց առանցքային հարցի պատասխանից՝
✔ի՞նչ կարողություններ կունենա ուսանողը կրթական ծրագիրն ավարտելիս։

🎓🔎 Ուսանող-փորձագետը հարց ձևակերպելուց առաջ պետք է հստակ հասկանա՝ ինչ է ցանկանում բացահայտել, ինչ տեղեկատվություն է անհրաժեշտ ստանալ և ինչպես է այդ տեղեկատվությունն օգտագործվելու վերլուծության մեջ։

📚 Փորձագիտական այցերի ընթացքում կարևոր է ընտրել կոնկրետ թեմատիկ ուղղություն և նույն տրամաբանությամբ շարունակել հարցադրումները տարբեր շահակից խմբերի հետ հանդիպումների ժամանակ։

📌 Անդրադարձ կատարվեց նաև որակի ապահովմանը՝ որպես բազմազանության կառավարման գործիքակազմ։
🔹Որակը դրսևորվում է այն ժամանակ, երբ բուհը կարողանում է արձագանքել ուսանողների, կրթական ծրագրերի, աշխատաշուկայի և միջավայրի տարբեր պահանջներին, հավաքագրել ու վերլուծել տվյալներ և դրանց հիման վրա շարունակաբար բարելավել իր գործընթացները։

✅ Աշխատաժողովի արդյունքում ուսանողները խորացրին պատկերացումները հավատարմագրման գործընթացում հարցադրումների, փաստերի ձևակերպման և արդյունահենք վերլուծության վերաբերյալ։

Մանրամասները՝ ՈԱԱԿ-ի կայքում https://tinyurl.com/yzavczyd

Սիրելի՛ ուսանողներ,

Սպասեք մեր նամակին 📩
Հաջորդ շաբաթ կհանդիպենք բուհերի ուսանողների հաջորդ խմբի հետ:

Մաղթում ենք ձեզ հաճելի ու հանգիստ շաբաթավերջ 🌿

ℹ️Նկարը գեներացված է արհեստական բանականության միջոցով:

🔔 Փետրվարի 19-ին ՈԱԱԿ-ում մեկնարկեց «Ուսանողության ձայն» նախագծի շրջանակներում ուսանող-փորձագետների պատրաստման հերթական դասընթացը։

💻 Առաջին հանդիպումը տեղի ունեցավ առցանց ձևաչափով՝ ապահովելով մարզային ուսանողների ներգրավվածությունը՝ Գորիսի պետական համալսարանից, Շիրակի պետական համալսարանից, Գավառի պետական համալսարանից և Վանաձորի պետական համալսարանից։

👩‍🎓👨‍🎓 «Ուսանողության ձայն» նախագծի համակարգող Մերի Բարսեղյանն ուսանողներին ներկայացրեց հավատարմագրման գործընթացի կարևորությունը և նպատակները: Ընդգծվեց, որ
🔸ՈԱԱԿ-ը Բարձրագույն կրթության որակի ապահովման եվրոպական ասոցիացիայի (ENQA) անդամ է, և նրա շնորհած հավատարմագրումները ճանաչելի են եվրոպական կրթական տարածքում,
🔸Հայաստանում հավատարմագրման պետական չափանիշները համահունչ են միջազգային չափանիշներին և հիմնված են միջազգային ուղենիշների վրա։

✔Դասընթացի ընթացքում ուսանողները հնարավորություն կունենան ծանոթանալու ուսանող-փորձագետի գործունեությանը, ինստիտուցիոնալ և ծրագրային հավատարմագրման չափանիշներին ու օրենսդրությանը:
✔Դասընթացը հաջողությամբ ավարտած մասնակիցները կստանան վկայական, կգրանցվեն ուսանող-փորձագետների բազայում և կմասնակցեն հավատարմագրման գործընթացների փորձագիտական խմբերում:

Մանրամասները՝ ՈԱԱԿ-ի կայքում https://tinyurl.com/2zybbfwk

🔔 ՈԱԱԿ ուսանող-փորձագետների բազան համալրվեց. տեղի ունեցավ վկայականների հանձնման արարողություն

🎯 Հանդիպման ընթացքում ուսանողները կարևորեցին ուսուցման մեջ գործնական առաջադրանքների, ինչպես նաև պրակտիկայի արդյունավետ կազմակերպման և գործատուների հետ համագործակցության նշանակությունը։ 📌Նրանք ընդգծեցին, որ այս գործոնները նպաստում են իրական աշխատանքային միջավայրում մասնագիտական հմտությունների ձևավորմանը և ուսումնական արդյունքների բարելավմանը։

Հանդիպման ընթացքում անդրադարձ կատարվեց նաև հետևյալ թեմաներին.

🔸 ինչպես են ուսումնական գործընթացում համադրվում տեսական բովանդակությունն ու գործնական աշխատանքը,

🔸 ինչ դժվարությունների են հանդիպում պրակտիկայի ընթացքում և որոնք են մատնանշված խնդիրների լուծման ուղիները,

🔸 ինչ դեր կարող է ունենալ ուսանող-փորձագետը կրթական ծրագրերի որակի ապահովման մեջ,

🔸 հավատարմագրման ազդեցությունը կրթության որակի վրա:

Մանրամասները՝ հղման ներքո
https://bit.ly/3M5XCZr

Շնորհավոր, սիրելի ուսանողներ💙
Ուսանողության ձայն

ՈԱԱԿ տնօրեն Ռուբեն Թոփչյանի ուղերձն Ուսանողների միջազգային օրվա առթիվ․

🎓 Ուսանողների միջազգային օրը՝ վստահությամբ դեպի աշխարհը

🌐 Նոյեմբերի 17-ը՝ Ուսանողների միջազգային օրը, հիշեցնում է, որ կրթությունը չի ճանաչում սահմաններ։ Մեր ուսանողները ոչ միայն ձեռք են բերում գիտելիք, այլև դառնում են միջազգային համայնքի վստահելի անդամներ՝ կրելով արժեքներ, պատասխանատվություն և փոխադարձ հարգանք ⚖️։

📚💡 Այսօր ցանկանում ենք նշել մեր բոլոր ուսանողների հաջողությունները՝ նրանց, ովքեր սովորում են հասկանալ ու համագործակցել տարբեր մշակույթների ներկայացուցիչների հետ, ովքեր գիտեն, որ գիտելիքը ուժ է միայն այն դեպքում, երբ ծառայում է ընդհանուր բարիքին, ովքեր պատրաստ են վստահել աշխարհին և վաստակել նրա վստահությունը։

🌍 Միջազգային լինելը սկսվում է ոչ թե ճանապարհորդություններից, այլ՝ մտածողության բացությունից, վստահելի քայլերից և արժեքների համամարդկային ընկալումից։

🌟 Շնորհավորում ենք Ուսանողների միջազգային օրվա կապակցությամբ բոլոր նրանց, ովքեր սովորում են՝ դառնալու այս մեծ աշխարհի վստահելի մասնիկը։

🔔 ՈԱԱԿ «Ուսանողության ձայն» նախագիծը մեկնարկում է հայտերի ընդունելություն ուսանող-փորձագետների պատրաստման դասընթացի համար։

ℹ Դասընթացը նախատեսված է բուհերի ուսանողների համար, ովքեր հետաքրքրված են կրթության որակի հարցերով և պատրաստ են ներգրավվել բարձրագույն և միջին մասնագիտական կրթության բարելավման գործընթացներում։

⁉ Ի՞նչ կտա քեզ այս դասընթացը․
Դասընթացն անվճար է և բաղկացած է 8 հանդիպումից։ Այն ներառում է տեսական պարապմունքներ, գործնական աշխատանքներ և ինքնուրույն առաջադրանքներ։

📖 Դու կծանոթանաս՝

✅ որակի ներքին և արտաքին ապահովման մեխանիզմներին,
✅ կրթության ոլորտի հայաստանյան առանձնահատկություններին,
✅ ուսանողների դերակատարությանը որակի ապահովման գործընթացներում,
✅ ուսանող-փորձագետի գործունեության սկզբունքներին։

ℹ Դասընթացի ընթացքում նախատեսվում են նաև հանդիպումներ կրթության ոլորտի փորձագետների, ուսանող-փորձագետների և ոլորտի այլ մասնագետների հետ։

⁉ Ի՞նչ կլինի դասընթացից հետո․

Դասընթացը հաջողությամբ ավարտած ուսանողները կընդգրկվեն

✅ «Ուսանողության ձայն» նախագծում,

✅ ՈԱԱԿ ուսանող-փորձագետների բազայում՝
հետագայում հավատարմագրման գործընթացներում որպես ուսանող-փորձագետ ընդգրկվելու նպատակով։

🎯Դասընթացի նպատակն է՝

🔸 բարձրացնել ուսանողների իրազեկվածությունը կրթության ոլորտի վերաբերյալ,
🔸 խթանել ուսանողների մասնակցությունը բարեփոխումների և որոշումների կայացման գործընթացներին,
🔸 զարգացնել փորձագիտական հմտություններ կրթության ոլորտում։

📅 Դիմումների ընդունման վերջնաժամկետ՝ նոյեմբերի 14:

🔗 Գրանցվել կարող եք՝ անցնելով հղմամբ https://bit.ly/43ff2IH

Դասընթացի մեկնարկ՝ նոյեմբերի վերջում:

🎖 Միացիր և դարձիր կրթական փոփոխությունների ակտիվ մասնակից։