Արեգ ազգային պարի խումբ/Areg Armenian Folk Dance Troupe

Սուրբ Զատիկը «Նորավան» Համայնքում

Եկեք միասին անցկացնենք Սուրբ Հարության տոնը

Սիրելի Համայնք,

Որոշել ենք այսօր մի քանի անակնկալ բացահայտում անել, և մեր հաջորդ հյուրը՝ «Արեգ» ազգային պարի համույթն է։ 🇦🇲✨
Պատրաստվեք հայկական գեղեցիկ պարերի, ուժեղ էներգիայի ու տոնական տրամադրության՝ որովհետև մեզ սպասվում է իսկական ազգային շնչով օր։

Համույթը հիմնվել է 2010 թվականին։ Տարիներ շարունակ այն մշտապես նպատակ է ունեցել պահպանել, և տարածել հայկական ավանդական պարը։ 2017 թվականից անընդմեջ մասնակցում է «Գութան» ամենամյա փառատոնին, իսկ 2018 թվականից համագործակցում է Կոմիտասի անվան թանգարան-ինստիտուտի հետ՝ նպաստելով ավանդական մշակույթի հանրահռչակմանը։

Իսկ ամենակարևորն այն է, որ համույթը 2013 թվականին անվանակոչվել «Արեգ» և կրում է հիմնադիրի որդու՝ Արեգի անունը, ով 1.5 տարեկանից պարել է հայկական ազգային պար՝ դառնալով օրինակ մեր շատ փոքրիկների համար, որոնք այսօր արդեն մի մեծ բանակ են և պարում են մեր ազգային պարը։
Եվ այն փոքրիկ Արեգը, ով մի ժամանակ իր առաջին պարով հիացրել էր բոլորիս, այսօր արդեն մեծ տղա է։ Մեր տոնին նա հանդես կգա և՛ երգով, և՛ պարով, և մենք անհամբեր սպասում ենք այդ պահին։

Ուրախ ենք, որ Սուրբ Հարության այս պայծառ օրը նրանք կմիանան մեզ։ ❤️💙🧡
Մեկնաբանություններում կարող եք տեսնել փոքրիկ Արեգի պարերից հատվածներ 🤗

Շարունակեք գուշակել, մյուս հյուրերին։ 😏

Հ.Գ. Սուրբ Զատիկը նշում ենք միասին
🗓 Ապրիլի 5 | ⏰ 14:30 | 📍 Մեր բակում