24/01/2026
Սիրելի՛ ուսանողներ, դասախոսներ, կրթության կազմակերպիչներ ու գործընկերներ,
Հունվարի 24-ը՝ Կրթության միջազգային օրը, այս տարի ընդգծում է երիտասարդության դերը կրթության ապագայի կերտման գործում։ Սա կարևոր հիշեցում է, որ կրթության կենտրոնում սովորողն է՝ իր ներուժով, ձգտումներով և ակտիվ մասնակցությամբ։
Այսօր կրթական համակարգերն ամբողջ աշխարհում վերափոխվում են։ Նորարարությունները, այդ թվում՝ արհեստական բանականության գործիքները, բացում են նոր հնարավորություններ, բայց նաև պահանջում են պատասխանատու և գիտակցված կիրառում։ Մեր խնդիրն է ապահովել, որ տեխնոլոգիաները ծառայեն գիտելիքի խորացմանը, քննադատական մտածողության զարգացմանը և ակադեմիական ազնվության պահպանմանը։
Համալսարանը պետք է լինի այն միջավայրը, որտեղ երիտասարդները ոչ միայն ստանում են գիտելիք, այլև սովորում են ստեղծել, հարցնել, կասկածել ու առաջ մղել փոփոխություններ։ Կրթությունը ուժ է, որը ձևավորում է անհատի հաջողությունը և հասարակության բարեկեցությունը։
Մեկ անգամ ևս շնորհավորում եմ բոլորիս այս կարևոր օրվա առթիվ՝ մաղթելով անսպառ հետաքրքրասիրություն, համարձակ միտք և շարունակական զարգացում։
23/01/2026
Մեր շրջանավարտները՝ իրական մեդիաաշխարհում...
👏👏Առաջին ալիքի «Լուրերը»՝ նաև Անահիտ Ղազարյանի մեկնաբանմամբ, ABNews-ում բիզնես իրադարձությունները՝ Էմիլյայի:
10/01/2026
Մեր ծրագրի դասընթացներից մեկը նոր ուղղություն էր ստացել այս տարի՝ թվային առաջնորդություն, մի ուղղություն, որն ամենևին էլ տեխնոլոգիաների մասին չէ։ Այն նախևառաջ անհատի մասին է: Թվային առաջնորդությունը մեր ընտրությունն է այլևս՝ սովորելու, վերափոխվելու, ազդելու և գլխավորելո՛ւ փոփոխությունը։ Այս դասընթացով մենք շարունակում ենք իրագործել մեր ծրագրի հիմնական նպատակը՝ կառուցել իրական կրթություն, ինչպես նաև իրականացնել ակադեմիական կրթության ամենակարևոր առաքելությունը՝ փոխանցել սովորելու փորձ, որը սովորողի հետ կմնա ամբողջ կյանքի ընթացքում։
❤️Շնորհակալ ենք մեր շատ սիրելի Անահիտ Պարզյանին այս ճանապարհը մեզ հետ կառուցելու համար: Իր առաջնորդությամբ դասընթացը սահմանեց արժեքահեն և մարդակենտրոն մոտեցումների նոր չափանիշներ ու փորձ:
Անահիտ Պարզյանը պարզապես դասախոս կամ նախաձեռնության հեղինակ չէ․ նա այն մարդկանցից է, ովքեր կարողանում են ճիշտ պահին փոխել հարցը՝ «ի'նչ ենք սովորեցնում»-ից գալով «ի'նչ անհատ է ձևավորվում սովորելու ընթացքում»: Իսկ այդ անհատը սովորում է առաջնորդել նախ իրեն, հետո՝ խոսքը, գործընթացը և թիմը... Այդպիսով առաջնորդությունը շարունակվում է որոշումներում, խոսքում, մասնագիտական վարքագծում՝ ներկայանալով որպես ներքին կարգապահություն և պատասխանատվություն:
🎓հ.գ. Ի դեպ, մենք երեկ տվեցինք քննաշրջանի մեկնարկը:
Send a message to learn more
28/12/2025
Իրական կրթություն!
https://www.facebook.com/share/v/1GLqKddSMH/
Send a message to learn more
