Ayb PRO

28/07/2026

🎶 Երաժշտությունն ու մաթեմատիկան միավորվեցին «Mathemagics» համերգային նախագծում

«Այբ» դպրոցի Battle of Evermore երաժշտախումբը ներկայացրեց «Mathemagics» համերգային նախագիծը, որը հանդիսատեսին տարավ ռիթմերի, չափերի և տեմպերի հետաքրքիր աշխարհ։

Նախագիծը նվիրված էր ժամանակի չափելիությանը երաժշտության միջոցով՝ բացահայտելով, թե ինչպես են երաժիշտները տարբեր կառուցվածքների, փոխակերպումների և երաժշտական լուծումների միջոցով անցնում իրենց ստեղծագործական ճանապարհը։

Բեմում էին «Այբ» դպրոցի նախագծային ուսումնառության «Ռոքեստր» ակումբի Battle of Evermore երաժշտախմբի անդամները: Համերգային ծրագրում հնչեցին The Beatles, Yes, Genesis, Kate Bush և դասական ու պրոգրեսիվ ռոքի այլ հեղինակների ստեղծագործություններ։

Շնորհակալ ենք բոլոր ներկաներին՝ այս երաժշտական արկածը մեզ հետ կիսելու համար🧡

22/07/2026

Հուլիսի 2-ին տեղի ունեցավ «Ռոքեստր» ակումբի «Mathemagics» խորագրով համերգային նախագիծը։

«Mathemagics» համերգային նախագիծը նվիրված է ժամանակի չափելիությանը երաժշտությամբ:

22/07/2026

🎼 Մեկ դար տևող երաժշտական պատմություն՝ մեկ ֆիլմում

Կայացավ «Այբ» դպրոցի նախագծային ուսումնառության «Վավերակումբ» ակումբի աշակերտների
ստեղծած «ՖիլմՀարմոնիկ» վավերագրական ֆիլմի առաջին ցուցադրությունը։

Ֆիլմը նվիրված է Հայաստանի ազգային ֆիլհարմոնիկ նվագախմբի 100-ամյակին։ Այն ներկայացնում է նվագախումբը ոչ միայն որպես երաժշտական կոլեկտիվ, այլև որպես կենդանի օրգանիզմ՝ իր մարդկանցով, պատմություններով, փորձերով, բեմական հույզերով և անտեսանելի աշխատանքով։ Այն կամրջում է անցյալն ու ներկան՝ պատմելով մեկ դար շարունակվող երաժշտական առաքելության մասին։

«ՖիլմՀարմոնիկ»-ը պատմություն է նվիրվածության, համագործակցության և մշակութային ժառանգության պահպանման մասին և արդյունքն է աշակերտների հետազոտական աշխատանքի, հետաքրքրասիրության և ստեղծարարության։

22/07/2026

📣 «Համար 7» ակումբը նախաձեռնություն է, որի շրջանակում աշակերտները ուսումնասիրում են տարածքի, տեղի և փորձառության բրենդավորման սկզբունքները՝ բացահայտելով ճարտարապետության, սոցիալական ինժեներիայի և հանրային տարածքների ընկալման փոխկապակցվածությունը։

Նախագիծը նվիրված էր Օրգովի ռադիոօպտիկական աստղադիտակի բրենդավորմանը։ 1970-ականներին ստեղծված այս կառույցը երկար տարիներ եղել է աշխարհի ամենամեծ ռադիոդիտակներից մեկը, իսկ 2002 թվականին ճանաչվել պատմամշակութային արժեք։

Ներկայում այն գտնվում է մասնակի քայքայման վիճակում, և նախագծի նպատակն էր բարձրացնել հանրային ուշադրությունը դրա պահպանման անհրաժեշտության շուրջ։

Նախագծի արդյունքում ստեղծվեց բրենդային ամբողջական համակարգ, որը որպես մտավոր սեփականություն հանձնվեց պետական կառույցին։

17/07/2026

Հուլիսի 1- ին տեղի ունեցավ «Համար 7» ակումբի նախագծի շնորհանդեսը։

Նախագիծը նվիրված էր Օրգովի ռադիոօպտիկական աստղադիտակի բրենդավորմանը։

15/07/2026

Հունիսի 26-ին տեղի ունեցավ «Վավերակումբ» ակումբի «ՖիլմՀարմոնիկ» վավերագրական ֆիլմի պրեմիերան։

Ֆիլմը նվիրված է Հայաստանի ազգային ֆիլհարմոնիկ նվագախմբի 100-ամյակին։

14/07/2026

13/07/2026

Հունիսի 24-ին Արմավիրի Արտամեդ գյուղի ինտենսիվ աճեցման այգիներում տեղի ունեցավ «Ինժեներական» ակումբի «Վարազ» նախագծի շնորհանդեսը։

«Վարազ»-ը արհեստական բանականությամբ աշխատող համակարգ է, որը ստեղծվել է գյուղատնտեսության մեջ ավելի ճշգրիտ, արդյունավետ և բնությունը քիչ վնասող լուծումներ առաջարկելու համար։

Նախագիծը իրականացվել է Ռանչ ՍՊԸ-ի և Սպայկա ՍՊԸ-ի հետ համագործակցությամբ:

10/07/2026

Հունիսի 23-ին տեղի ունեցավ «Վեբմաստեր» ակումբի շնորհանդեսը։

Աշակերտները ներկայացրեցին իրենց կողմից ստեղծված FLENS / Film in Armenia-ը հարթակը։

Նախագիծը իրականացվել և մշակվել է Հայաստանի կինոյի հիմնադրամի հետ համագործակցությամբ։