ԵՊՀ Աստվածաբանության ՈւԽ

📢 ԵՊՀ աստվածաբանության ֆակուլտետի Ուսանողական խորհրդի արտաքին կապերի և գիտակրթական հանձնաժողովների նախաձեռնությամբ ապրիլի 30-ին կազմակերպվել էր այց Գեղարքունիքի մարզ։

Այցելեցինք՝
• Սևանավանք,
• Վազգենյան դպրանոց,
• Սուրբ Հակոբ մատուռ,
• Սևանի Սուրբ,
• Հրեշտակապետաց եկեղեցի։

📎 Այցի շրջանակում տեղի ունեցավ հանդիպում Վազգենյան դպրանոցի սաների հետ, որի ընթացքում ծանոթացանք նրանց առօրյային, ուսումնառությանը և հոգևոր ծառայության պատրաստման առանձնահատկությունների։

📎 Հանդիպումն անցավ ջերմ ու հետաքրքիր մթնոլորտում՝ վերածվելով անկեղծ զրույցի և փորձի փոխանակման, ինչից հետո կազմակերպվեց քննարկում «Սուրբ Գրքի կարևորությունը քրիստոնյաների կյանքի մեջ» թեմայով։

📎 Քննարկման ընթացքում անդրադարձ կատարվեց հավատքի, արժեքների և հոգևոր կյանքի ձևավորման մեջ Սուրբ Գրքի դերին, և այն անցավ ակտիվ ու բովանդակալից մթնոլորտում՝ ուղեկցվելով կարծիքների փոխանակմամբ և տարբեր մոտեցումների ներկայացմամբ։

#ԱստվածաբանությանՈւխ

📢 ԵՊՀ աստվածաբանության ֆակուլտետի Ուսանողական խորհրդի հասարակայնության հետ կապերի և լրատվության հարցերով հանձնաժողովը շարունակում է «Հայոց Եկեղեցու տոները» շարքը։

📎 Այս անգամ ներկայացնում ենք Կանաչ կիրակին (Աշխարհամատրան կիրակի), որը նշվում է Սբ. Զատկին հաջորդող երկրորդ կիրակի օրը․ այս տարի՝ ապրիլի 19-ին։

📎 Տոնի նպատակն է վերհիշել քրիստոնեական եկեղեցու սկզբնավորությունը, ընդգծել Հիսուս Քրիստոսի հաստատած մեկ միասնական և ընդհանրական Եկեղեցու գաղափարը, ինչպես նաև խորհրդանշել Եկեղեցու շարունակական աճը, կենսունակությունն ու հավիտենականությունը։

#ԱստվածաբանությանՈւխ

📢 ԵՊՀ աստվածաբանության ֆակուլտետի Ուսանողական խորհրդի արտաքին կապերի հանձնաժողովի նախաձեռնությամբ ապրիլի 17-ին իրականացվեց այց Սուրբ Հովհաննես Մկրտիչ եկեղեցի։ Այցի ընթացքում մասնակիցները հնարավորություն ունեցան ոչ միայն ծանոթանալու եկեղեցու պատմությանը և ճարտարապետական առանձնահատկություններին, այլև զգալու հոգևոր միջավայրի յուրահատուկ ազդեցությունը։

📜 Այցի շրջանակում տեղի ունեցավ նաև հետաքրքիր քննարկում ուսանողների միջև՝ նվիրված աստվածաշնչյան թեմաների մեկնաբանությանը և արդի կյանքի հետ դրանց առնչություններին։ Մասնակիցները կիսվեցին իրենց դիտարկումներով, բարձրացրին տարբեր հարցադրումներ և միասին փորձեցին խորանալ հավատքի ու արժեքների իմաստավորման մեջ։

#ԱստվածաբանությանՈւխ

📢 ԵՊՀ աստվածաբանության ֆակուլտետի Ուսանողական խորհրդի մշակույթի հանձնաժողովը ապրիլի 15-ին կազմակերպել էր «Գիտամարտ» ինտելեկտուալ խաղ-մրցույթը՝ նվիրված Ուսանողական խորհրդի 32-ամյակին։

📎 Մրցույթը անցավ բարձր մրցակցային և միաժամանակ ջերմ մթնոլորտում՝ միավորելով գիտելիքի, արագ մտածելու և թիմային աշխատանքի սիրահար ուսանողներին։ Խաղի ընթացքում մասնակիցները փորձեցին իրենց ուժերը տարբեր ոլորտներից հարցերում՝ աստվածաբանությունից ու պատմությունից մինչև մշակույթ և ընդհանուր գիտելիքներ, ինչը ստեղծեց բազմակողմանի և հետաքրքիր պայքար։

📎 Միջոցառմանը մասնակցում էին նաև դասախոսներ, որոնք ոչ միայն հետևում էին խաղի ընթացքին, այլև ակտիվորեն ներգրավվում էին քննարկումներում՝ իրենց մասնագիտական դիտարկումներով ու հետաքրքիր մեկնաբանություններով ավելի հարստացնելով մրցույթը։

📎 Մասնակից թիմերը աչքի ընկան իրենց գիտելիքներով, ճկուն մտածողությամբ և համագործակցության բարձր մակարդակով։ Միջոցառման ավարտին հաղթող թիմը պարգևատրվեց պատվոգրով, իսկ բոլոր մասնակիցների համար օրը դարձավ հիշարժան և ուսանելի փորձառություն։

#ԱստվածաբանությանՈւխ

📢 ԵՊՀ աստվածաբանության ֆակուլտետի Ուսանողական խորհրդի նախագահությունը կազմակերպել էր այց Գեղարքունիքի մարզ։

Այցելեցինք՝
📍Մաքենյանց վանք,
📍 Վանեվանք,
📍 Նորատուսի խաչքարերի դաշտ :

📎 Այցի ընթացքում մասնակիցները հնարավորություն ունեցան ավելի խորությամբ ճանաչելու տարածաշրջանի հարուստ մշակութային և հոգևոր ժառանգությունը՝ հատկապես ծանոթանալով հայկական խաչքարերի արվեստին, դրանց խորհուրդին ու պատմությանը։

📜 Ուսանողները բացահայտեցին խաչքարերի խորհրդանշական նշանակությունը՝ որպես հավատքի, հիշողության և ինքնության կարևոր դրսևորում։

#ԱստվածաբանությանՈւխ

🙌🏻 Սիրելի՜ ուսանողներ,

📎 ԵՊՀ աստվածաբանության ֆակուլտետի Ուսանողական խորհրդի գիտակրթական հանձնաժողովի նախաձեռնությամբ ապրիլի 9-ին տեղի ունեցավ այցելություն Մատենադարան՝ տեսնելու Շուրիշկանի հրաշագործ Ավետարանը։

✨ Այցի ընթացքում մասնակիցները հնարավորություն ունեցան մոտիկից ծանոթանալու միջնադարյան հայկական ձեռագրական արվեստի բացառիկ նմուշներից մեկին՝ բացահայտելով ոչ միայն նրա գեղարվեստական արժեքը, այլև հոգևոր ու մշակութային նշանակությունը։

📎 Ներկայացվեց Ավետարանի ստեղծման պատմությունը, նրա անցած ուղին դարերի ընթացքում, ինչպես նաև այն ավանդազրույցները, որոնք ձևավորվել են նրա շուրջ։

#ԱստվածաբանությանՈւխ