Home
>
Armenia >
Vanadzor >
Հայաստանի ազգային պոլիտեխնիկական համալսարանի Վանաձորի մասնաճյուղ
Հայաստանի ազգային պոլիտեխնիկական համալսարանի Վանաձորի մասնաճյուղ
Share
Հայաստանի ազգային պոլիտեխնիկական համալսարանի Վանաձորի մասնաճյուղ/National Polytechnic University of Armenia, Vanadzor branch
ՀԱՊՀ ՎԱՆԱՁՈՐԻ ՄԱՍՆԱՃՅՈՒՂ
Հայաստանի ազգային պոլիտեխնիկական համալսարանի Վանաձորի մասնաճյուղը հիմնադրվել է 1959թ. և մինչ այժմ տվել է 10000-ից ավելի շրջանավարտ: Նրանց շարքում են ՀՀ ԱԺ պատգամավորներ, մարզային և քաղաքային համայնքների ղեկավարներ, գործարանների տնօրեններ, արտադրության կազմակերպիչներ, մեքենաշինության, շինարարության, տեղեկատվական տեխնոլոգիաների և բանկային համակարգերի, տրանսպորտի, էներգետիկայ
ի և այլ ոլորտների գլխավոր ճարտարագետներ, առաջատար մասնագետներ:
Մասնաճյուղը 65 տարի շարունակ հազարավոր մասնագետներ է պատրաստել քաղաքաշինության, մեքենաշինության, թեթև արդյունաբերության, քիմիական տեխնոլոգիաների, ավտոմատիկայի, ինչպես նաև` ծրագրային ճարտարագիտության, տնտեսագիտության և այլ բնագավառներում: 65 տարուց ի վեր այս քաղաքը կառուցել են ու շարունակում են շենացնել մեր շինարարն ու ինժեները, ճարտարագետն ու ճարտարապետը: Բուհի պատրաստած բարձրակարգ մասնագետներն իրենց մեծ ավանդն ունեն ոչ միայն մեր մարզի, այլև երկրի արդյունաբերության, ինչպես նաև՝ գիտության տարբեր ճյուղերի զարգացման գործում:
ՀԱՊՀ Վանաձորի մասնաճյուղում գործում են հետյալ մասնագիտությունները
Ճարտարագիտության բակալավրի ծրագրով՝
Տնտեսագիտություն *
Ծրագրային ճարտարագիտություն*
Համակարգչային ճարտարագիտություն
Մեքենաշինություն և նյութերի մշակում
Շինարարական ճարտարագիտություն*
*Գործում է նաև հեռակա ուսուցում
Մագիստրոսական ծրագրով՝
Տնտեսագիտություն
Շինարարական ճարտարագիտություն
Պոլիտեխնիկը շարունակում է մնալ Հայաստանի Հանրապետության առաջատար բուհերից մեկը, որը ստացել է եվրոպական ինստիտուցիոնալ հավատարմագրում: Այժմ Պոլիտեխնիկը Հայաստանի ամենահզոր ճյուղային կառուցվածք ունեցող տեխնոլոգիական բուհն է: Միջազգային ճանաչելիություն ունեցող մեր բուհն ամեն տարի կյանք է ճանապարհում իր շրջանավարտներին և գրկաբաց ընդունում նոր սաներին։
Մասնաճյուղը Լոռու տարածաշրջանի տեղեկատվական տեխնոլոգիաների, ճարտարագիտական կրթության և գիտության կենտրոնն է: Այսօր ուսանողները սովորում են մի գեղեցիկ կրթական միջավայրում, որտեղ մեկտեղված են ՀԱՊՀ Վանաձորի մասնաճյուղը, նրա ավագ դպրոցը և մի շարք գործընկեր կազմակերպություններ: Սա կրթության, գիտության, տեխնոլոգիայի և նորաստեղծության մի յուրօրինակ միջավայր է, որը հնարավորություն է տալիս աշակերտներին, ուսանողներին կերտել իրենց ճարտարագիտական կարիերան՝ սկսած աշակերտական նստարանից մինչև բարձրակարգ մասնագետներ՝ ապահովված բարձր վարձատրվող աշխատատեղերով:
STEM գիտելիքների խթանման նպատակով ՀԱՊՀ Վանաձորի մասնաճյուղում USAID Armenia-ի աջակցությամբ և ՀԱՊՀ-ի անմիջական միջնորդությամբ ստեղծվել են ժամանակակից սարքավորումներով հագեցած Ռոբոտատեխնիկայի և Ինժեներական լաբորատորիաներ, որտեղ և՛ արցախահայ աշակերտները, և ՀԱՊՀ Վանաձորի մասնաճյուղի ավագ դպրոցի աշակերտները մասնակցում են անվճար հիմունքներով կազմակերպվող մի շարք ոլորտային դասընթացներին։
Մասնաճյուղում գործում են համակարգչային, ֆիզիկայի և էլեկտրատեխնիկայի, շինանյութերի, քիմիայի, տրանսպորտային միջոցների կառուցվածքի, ճանապարհային երթևեկության կանոնների, մեքենաշինության տեխնոլոգիայի, արգելակային սարքավորումների և հարմարանքների ուսումնագիտական արհեստանոց-լաբորատորիա, շփագիտության գիտահետազոտական լաբորատորիա, սմարթ լաբորատորիա, գրաֆիկայի, երկրաբանության կաբինետներ, անգլիախոսների ակումբ, տեխնոլոգիական կարողություններով լսարաններ, էլեկտրոնային ընթերցասրահ, ռոբոտատեխնիկական խմբակ, Անօդաչու թռչող սարքերի կրթական աշխատանոց, ֆիզիկայի լաբորատորիա, ինժեներական և ռոբոտատեխնիկայի նորագույն լաբորատորիաներ, փակ և բացօթյա մարզահրապարակներ: Բոլոր մասնաշենքերում առկա է Wi-Fi ինտերնետային կապ: Հարութ Պրոնոզյանի անվան լսարանն ունի տեխնիկական հնարավորություններ՝ օնլայն տարբերակով լսելու մայր կրթօջախում անցկացվող դասախոսություններ, կատարել վիրտուալ փորձեր։ Գործում է Հայաստանի ազգային պոլիտեխնիկական համալսարանի գերժամանակակից Հայաստանի ազգային ճարտարագիտական լաբորատորիաների (ՀԱՃԼ) մասնաճյուղը՝ մեքենագիտության, ֆիզիկայի և էլեկտրատեխնիկայի գծով, որը ստեղծվել է «Արդիական, միասնական Պոլիտեխնիկ» դրամաշնորհի շրջանակներում:
Վանաձորի մասնաճյուղի ավագ դպրոցը գործում է 1996 թվականից: Շրջանավարտների գերակշիռ մասը համալրել և համալրում է Հայաստանի ազգային պոլիտեխնիկական համալսարանի ուսանողական համակազմը: Շրջանավարտներից 5-ը գիտությունների թեկնածու են դարձել: Ավագ դպրոցում ակտիվ գործում է ռոբոտաշինության խմբակ, որն ունեցել է բազմաթիվ նվաճումներ և հաղթանակներ:
Մասնաճյուղն ակտիվ մասնակցություն և հարուստ փորձ ունի նաև միջազգային ծրագրերում (DIUSAS, PICQA, ARARAT, INARM)։ Մասնաճյուղի դասախոսական կազմը և ուսանողնությունը ակտիվ մասնակցություն ունեն ERASMUS+ միջազգային փոխանակման ծրագրերին։
Մասնաճյուղում ավանդույթ են դարձել ուսանողական ամենամյա գիտաժողովների կազմակերպումը և լավագույն աշխատանքների խրախուսումը:
Մասնաճյուղի ուսանողների գերակշիռ մասն աշխատում է գործընկեր կազմակերպություններում։
NPUA VANADZOR BRANCH
The Vanadzor Branch of the National Polytechnic University of Armenia (NPUA) was founded in 1959. Since then, it has produced more than 10,000 graduates, among whom are Members of Parliament, heads of regional and urban communities, factory directors, production managers, chief engineers, and leading specialists in mechanical engineering, construction, information technology, banking, transportation, energy, and other sectors. The NPUA Vanadzor Branch is a higher educational institution with a polytechnic focus that implements academic and research programs designed to meet the educational and technological needs of the region’s economy and society. It prepares students for professional life, informed career choices, lifelong learning, and continuous development in an ever-changing socio-economic environment. The branch features a comprehensive engineering complex that includes the NPUA Vanadzor Branch itself, the Vanadzor Branch High School, and the Vanadzor Technological Center. This integrated structure provides students with excellent opportunities to transform their innovative ideas into successful startups, develop their skills in information technologies, and build sustainable engineering careers from their first days as students to becoming highly qualified and well-paid specialists. At the Vanadzor Branch of the National Polytechnic University of Armenia, the following Bachelor’s degree programs are offered:
• Economics
• Software Engineering
• Computer Engineering
• Civil Engineering
• Mechanical Engineering and Materials Processing
The Master’s degree program is offered in Economics and Civil Engineering. To promote STEM education, modern Robotics and Engineering Laboratories have been established at the NPUA Vanadzor Branch with the support of NPUA and funding from USAID Armenia. These state-of-the-art labs give students valuable hands-on experience and exposure to the latest technologies in STEM fields. It maintains strong partnerships with over 50 local and international stakeholders through associations, joint projects, and cooperation agreements. The branch places great importance on collaboration with partner organizations, creating a favorable environment for innovation and for applying acquired knowledge in new fields. The university is equipped with a wide range of laboratories and facilities, including computer, physics, materials, chemistry, vehicle structure, traffic rules, textile materials, light industry, and mechanical engineering technology laboratories, as well as educational workshops, graphics and geology labs, a drone lab, an English Speaking Club, technology classrooms, an electronic reading room, and robotics groups. The campus also features indoor and outdoor sports grounds, and all buildings are equipped with Wi-Fi. The Harout Bronozian Classroom is technically equipped to provide online connections between the NPUA main campus in Yerevan and its regional branches. The branch also hosts a division of the Armenian National Engineering Laboratories (ANEL) in the fields of Mechanical Engineering and Electrical Engineering, established through the “Modern, Integrated Polytechnic” grant program. The Vanadzor Branch High School, operating since 1996, serves as an important feeder institution for the Polytechnic University. Many of its graduates continue their studies at NPUA, and five alumni have earned the title of Candidate of Science. The high school’s Robotics Group is particularly active and has achieved numerous successes in competitions. The Division of Quality Assurance and External Relations, which also includes the Student Career Service, plays a key role in strengthening the university’s reputation, ensuring academic and administrative excellence, building strong partnerships with local and international stakeholders, and supporting students in their career development. The Vanadzor Branch has long-standing and successful experience participating in international projects, particularly in the TEMPUS programs (DIUSAS, PICQA, ARARAT, INARM). It has also established a tradition of organizing Annual Student Academic Conferences and promoting the Best Student Research Awards.
15/06/2026
Հունիսի 10-ից մեկնարկում է ՀԱՊՀ Վանաձորի մասնաճյուղի առկա ուսուցմամբ մագիստրոսի կրթական ծրագրով 2026/2027 ուսումնական տարվա ընդունելությունը։
📌 Փաստաթղթերն ընդունվում են՝
🔹 Առաջին փուլ՝ հունիսի 10-ից 26-ը ներառյալ
🔹 Երկրորդ փուլ՝ օգոստոսի 17-ից 27-ը ներառյալ
Դիմորդը դիմում-հայտում ներկայացնում է՝
• բակալավրի, դիպլոմավորված մասնագետի կամ մագիստրոսի դիպլոմները և դրանց ներդիրները
• երաշխավորագիր (տնօրինությունից/դեկանատից)
• լուսանկար (3×4 սմ)
• անձնագիր
• փաստաթուղթ զինվորական ծառայության առնչության մասին
• սահմանված կարգով հաստատված տպագրված գիտական աշխատությունների ցուցակ (առկայության դեպքում)
• փաստաթղթերն ընդունելու, մշակելու և ձևակերպելու համար 2000 ՀՀ դրամ վճարելու վերաբերյալ անդորրագիրը (Ստացող բաժնում նշելով ՀԱՊՀ Հիմնադրամ Վանաձորի մասնաճյուղ, իսկ նպատակ բաժնում ՝ Մագիստրատուրայի ընդունելության վճար և դիմորդի ԱՆՈւՆ ԱԶԳԱՆՈւՆ) «ԿոնվերսԲանկ» ՓԲԸ Հ/Հ 1930009059530100
11/06/2026
Հայաստանի ազգային պոլիտեխնիկական համալսարանը հայտարարում է մրցույթ՝ Սլովենիայի Մարիբորի համալսարանի լոգիստիկայի ֆակուլտետի 13-րդ միջազգային ամառային դպրոցին մասնակցելու համար
Հայաստանի ազգային պոլիտեխնիկական և Սլովենիայի Մարիբորի համալսարանների միջև «Էրազմուս+» KA1 ծրագրի շրջանակում կնքված պայմանագրով նախատեսվում է ՀԱՊՀ ուսանողների շարժունություն՝ մրցութային կարգով։
Մրցութային փուլերը հաղթահարելու դեպքում ուսանողները հնարավորություն կունենան մասնակցելու «Սիմուլացնել մատակարարման շղթաների ապագան. թվային երկվորյակներից մինչև իրական որոշումներ» (Simulate the Future of Supply Chains: From Digital Twins to Real Decisions) խորագրով 13-րդ միջազգային ամառային դպրոցին, որը կանցկացվի սույն թվականի հուլիսի 14-21-ը Սլովենիայի Ցելյե քաղաքում։
Ծրագրի շրջանակներում մասնակիցները հնարավորություն կունենան՝
• մշակել սիմուլյացիոն մոդելներ,
• ուսումնասիրել մատակարարման շղթաներում խափանումների սցենարներ,
• ծանոթանալ թվային երկվորյակների կիրառմանը,
• վերլուծել համակարգերի արդյունավետությունը,
• տվյալահեն մոտեցումներով աջակցել որոշումների կայացմանը,
• մասնակցել գործնական աշխատարաններին։
Ծրագրի վերաբերյալ մանրամասն տեղեկատվությանը կարելի է ծանոթանալ հետևյալ հղմամբ։
Մրցույթին կարող են դիմել ՀԱՊՀ բոլոր ուսանողները, ովքեր ունեն բարձր առաջադիմություն և անգլերենի առնվազն B1 մակարդակի իմացություն։
Շարժունության ծախսերը հոգում է «Էրազմուս+» ծրագիրը: Սահմանափակ կարողություններով կամ սոցիալապես անապահով կարգավիճակ ունեցող ուսանողները կարող են դիմել հավելյալ ֆինանսական աջակցության համար:
Ծրագրով հետաքրքրված անձինք մինչև 2026թ. հունիսի 15-ը, ժամը՝ 23:59, պետք է լրացնեն հետևյալ հայտը:
Պահանջվող փաստաթղթերի ցանկ՝
• անձնագրի լուսապատճեն,
• ինքնակենսագրական՝ CV Europass ձևաչափով (europass.europa.eu),
• անգլերեն լեզվի իմացության TOEFL կամ IELTS հավաստագիր, դիպլոմ (առնվազն B1 մակարդակ, բացակայության դեպքում Միջազգայնացման և արտաքին կապերի բաժինը կկազմակերպի անգլերենի քննությունը),
• անգլերեն մոտիվացիոն նամակ 250-300 բառի սահմաններում, որտեղ նշվում է դիմորդի՝ շարժունությանը մասնակցելու շարժառիթը և հետաքրքրությունների շրջանակը,
• հայտերը ընդունվում են միայն պոլիտեխնիկական համալսարանի կողմից տրամադրված Էլ. հասցեներով դիմելու պարագայում (օրինակ՝ # # .am):
Ոչ պատշաճ կերպով լրացված, ինչպես նաև վերջնաժամկետի ավարտից հետո ուղարկված հայտերը չեն դիտարկվի:
Հարցերի դեպքում կարող եք գրել Միջազգայնացման և արտաքին կապերի բաժնի [email protected] էլեկտրոնային փոստի հասցեին:
09/06/2026
Հայաստանի ազգային պոլիտեխնիկական համալսարանը հայտարարում է ուսանողների շարժունության մրցույթ՝ Ռումինիայի Սիբիուի Լուչիան Բլագա համալսարանում սովորելու համար
Հայաստանի ազգային պոլիտեխնիկական և Ռումինիայի Սիբիուի Լուչիան Բլագա համալսարանների միջև «Էրազմուս+» KA1 ծրագրի շրջանակում կնքված պայմանագրով նախատեսվում է ՀԱՊՀ ուսանողների շարժունություն՝ մրցութային կարգով։
Մրցութային բոլոր փուլերը հաղթահարելու դեպքում ՀԱՊՀ ուսանողները հնարավորություն կունենան շարունակելու իրենց ուսումնառությունը վերոնշյալ համալսարանում 2026-2027 ուսումնական տարվա աշնանային կիսամյակում` հետևյալ մասնագիտություններով`
Տեղեկատվական համակարգեր և տեխնոլոգիաներ,
Մեխանիկա և մետաղագործական մասնագիտություններ,
Տրանսպորտային համակարգեր,
Ինժեներական տնտեսագիտություն,
Շրջակա միջավայր,
Մաթեմատիկա և վիճակագրություն:
Ավելին` https://polytech.am/z643
Հայաստանի ազգային պոլիտեխնիկական համալսարանը հայտարարում է ուսանողների շարժունության մրցույթ՝ Ռումինիայի Սիբիուի Լուչիան Բլագա համալսարանում սովորելու համար
Հայաստանի ազգային պոլիտեխնիկական և Ռումինիայի Սիբիուի Լուչիան Բլագա համալսարանների միջև «Էրազմուս+» KA1 ծրագրի շրջանակում կնքված պայմանագրով նախատեսվում է ՀԱՊՀ ուսանողների շարժունություն՝ մրցութային կարգով։
Մրցութային բոլոր փուլերը հաղթահարելու դեպքում ՀԱՊՀ ուսանողները հնարավորություն կունենան շարունակելու իրենց ուսումնառությունը վերոնշյալ համալսարանում 2026-2027 ուսումնական տարվա աշնանային կիսամյակում` հետևյալ մասնագիտություններով`
Տեղեկատվական համակարգեր և տեխնոլոգիաներ,
Մեխանիկա և մետաղագործական մասնագիտություններ,
Տրանսպորտային համակարգեր,
Ինժեներական տնտեսագիտություն,
Շրջակա միջավայր,
Մաթեմատիկա և վիճակագրություն:
Ինստիտուցիոնալ կարողությունների ինքնավերլուծության գործընթացի նախապատրաստական դասընթաց ՀԱՊՀ մասնաճյուղերի համար
Հայաստանի ազգային պոլիտեխնիկական համալսարանի Որակի ապահովման վարչության նախաձեռնությամբ կազմակերպվել է հանդիպում-դասընթաց՝ նվիրված ինստիտուցիոնալ կարողությունների ինքնավերլուծության գործընթացի նախապատրաստմանը։ Դասընթացին մասնակցել են ՀԱՊՀ Գյումրու, Վանաձորի և Կապանի մասնաճյուղերի 12 ներկայացուցիչներ՝ մասնաճյուղերի ղեկավար կազմի անդամներ, որակի ապահովման պատասխանատուներ, կրթական ծրագրերի համակարգողներ և ուսանողներ։
Դասընթացի նպատակն էր մասնակիցներին ներկայացնել ինստիտուցիոնալ ինքնավերլուծության մեթոդաբանությունը, բացահայտել դրա նշանակությունը որակի ապահովման համակարգում և արտաքին գնահատման գործընթացների շրջանակում, ինչպես նաև աջակցել դրա արդյունավետ կազմակերպմանն ու իրականացմանը։
Քննարկման առանցքային թեմաներն էին հավատարմագրման գործընթացի էությունը, ՀՀ մասնագիտական կրթության հավատարմագրման չափանիշների կառուցվածքն ու տրամաբանությունը, ինքնավերլուծության դերը՝ որպես որակի ապահովման և ինստիտուցիոնալ զարգացման գործիք, ինչպես նաև ռազմավարական պլանավորման, տվյալահեն կառավարման և որակի ներքին ապահովման համակարգերի հետ կապված հարցերը։
ՀԱՊՀ պատվիրակությունը Իսպանիայում ուսումնասիրել է մասնագիտական կրթության լավագույն փորձը և հիմք դրել նոր համագործակցությունների
Եվրոպական կրթական առաջատար փորձի ուսումնասիրման և միջազգային համագործակցության ընդլայնման նպատակով Հայաստանի ազգային պոլիտեխնիկական համալսարանի պատվիրակությունը մայիսի 11-15-ը ճանաչողական և վերապատրաստման աշխատանքային այցով գտնվել է Իսպանիայի Թագավորության Սարագոսա քաղաքում։
Գործուղմանը մասնակցել են ՀԱՊՀ միջազգայնացման և արտաքին կապերի բաժնի պետ Մերի Դալլաքյանը, նույն բաժնի մասնագետ Գայանե Տաշյանը և ՀԱՊՀ Վանաձորի մասնաճյուղի կարիերայի ու արտաքին կապերի համակարգող Տաթևիկ Մարգարյանը։
Ծրագրի հիմնական նպատակն էր ուսումնասիրել Իսպանիայի մասնագիտական կրթության (VET) համակարգը, Erasmus+ միջազգային շարժունության կառավարման փորձը, ինչպես նաև ժամանակակից թվային և խառը ուսուցման մեթոդները։ Վերապատրաստման օրերին ՀԱՊՀ ներկայացուցիչները հյուրընկալվեցին CPIFP Los Enlaces կենտրոնում, որտեղ մանրամասն ծանոթացան հաստատության կրթական ծրագրերին, միջազգային գործունեությանը, երկակի մասնագիտական կրթության (Dual VET) մոդելին, կարողությունների գնահատման մեխանիզմներին և ուսումնական պրակտիկաների կազմակերպման փորձին։
Մագիստրոսական թեզերի և ավարտական աշխատանքների պաշտպանությունը ՀԱՊՀ Վանաձորի մասնաճյուղում👨🎓👩🎓
ՀԱՊՀ Վանաձորի մասնաճյուղում իրականացվեց 2025–2026 ուսումնական տարվա մագիստրոսական թեզերի պաշտպանությունը՝ «Տնտեսագիտություն» և «Շինարարական ճարտարագիտություն» մասնագիտություններով և ավարտական աշխատանքների պաշտպանությունը՝ «Տնտեսագիտություն», «Ծրագրային ճարտարագիտություն», «Շինարարական ճարտարագիտություն», «Մեքենաշինություն և նյութերի մշակում» մասնագիտություններով։
Հատկանշական է, որ հանձնաժողովի կազմերում ընդգրկված էին նաև գործընկեր կազմակերպությունների ներկայացուցիչներ՝ նպատակ ունենալով ապահովել կրթության և աշխատաշուկայի պահանջների միջև արդյունավետ կապը, ինչպես նաև խթանել համալսարան-գործատու համագործակցության զարգացումը։
Հարկ է նշել, որ «Տնտեսագիտություն» և «Շինարարական ճարտարագիտություն» մասնագիտությունների որոշ ուսանողներ իրենց ավարտական աշխատանքների և մագիստրոսական թեզերի արդյունքները ներկայացրել են ՀԱՊՀ 2025թ. և Մոսկվայի պոլիտեխնիկական համալսարանի 2026թ. տարեկան գիտաժողովներում:
Ավարտական աշխատանքների իրականացման ընթացքում առանձնահատուկ կարևորություն է տրվել թիմային աշխատանքին։ Համատեղ աշխատանքի շնորհիվ ուսանողները զարգացրել են հաղորդակցման և համագործակցության հմտությունները։
Միևնույն ժամանակ, աշխատանքների ընթացքում կիրառվել են թվային տեխնոլոգիաներ և ժամանակակից ծրագրային ապահովումներ, հատկապես հաշվարկային բաժնում։ Այս ամենն ունի միայն մեկ նպատակ՝ պատրաստել ժամանակակից տեխնոլոգիական գիտելիքներին տիրապետող մասնագետներ։
Հարկ է նշել, որ ուսանողներն իրենց գիտահետազոտական աշխատանքներն իրականացրել են գործընկեր կազմակերպությունների հետ համագործակցությամբ, ինչը հնարավորություն է տվել միավորել տեսական գիտելիքներն ու գործնական փորձը։
Այս համագործակցության շնորհիվ ուսանողների ճարտարագիտական գաղափարներն ու առաջարկները դարձել են ավելի կիրառելի և ուղղված են եղել արտադրության զարգացմանը։
22/05/2026
Այսօր հանդիսավոր կերպով ազդարարվեց ուսումնական տարվա ավարտը ՀԱՊՀ Վանաձորի մասնաճյուղի ավագ դպրոցում։🎉🔔
Պոլիտեխնիկի բակում հավաքվել էին 86 շրջանավարտներ, տնօրենությունը, ուսուցչական կազմը, ծնողներն ու հյուրերը՝ միասին նշելու այս կարևոր օրը։🎉🔔
Այս տարին առանձնահատուկ նշանակություն ունի, քանի որ ՀԱՊՀ Վանաձորի մասնաճյուղի ավագ դպրոցը նշում է իր հիմնադրման 30-ամյակը՝ լի կրթական արժեքներով, ձեռքբերումներով և հաջողություններով։
Միջոցառումը մեկնարկեց ՀՀ և Պոլիտեխնիկի օրհներգներով։
Վերջին զանգի կապակցությամբ շրջանավարտներին շնորհավորեց ՀԱՊՀ Վանաձորի մասնաճյուղի տնօրեն, Հայաստանի ճարտարագիտական ակադեմիայի իսկական անդամ, տեխնիկական գիտությունների թեկնածու, դոցենտ պարոն Արմեն Խառատյանը՝ մաղթելով վստահ քայլերով շարժվել դեպի ինժեներական ապագա ու այդ գիտելիքով կառուցել իրենց հաջողության ճանապարհը։
Շրջանավարտներին իր բարեմաղթանքները հղեց նաև ավագ դպրոցի տնօրեն Լուսինե Սարգսյանը՝ կոչ անելով լինել առաջադեմ, համառ և երբեք չդադարել ձգտել նոր բարձունքների։
Շնորհավորանքի խոսքով հանդես եկավ նաև ավագ դպրոցի տնօրենի տեղակալ Հասմիկ Հովհաննիսյանը՝ շրջանավարտներին մաղթելով հավատ սեփական ուժերի նկատմամբ, համարձակություն և հաջողություններ կյանքի նոր փուլում։
Վերջին զանգը պարզապես ուսումնական տարվա ավարտ չէ այն նոր ճանապարհի սկիզբ է։ Թող յուրաքանչյուր շրջանավարտ վստահությամբ քայլի դեպի իր ապագան՝ իր հետ տանելով դպրոցական տարիների ամենաջերմ հիշողությունները։
Բարի երթ և հաջողություն բոլոր շրջանավարտներին։🎗🎗🎗
19/05/2026
❗❗❗ Ի ԳԻՏՈՒԹՅՈՒՆ ԴԻՄՈՐԴՆԵՐԻ
❗ ՀԱՍՏԱՏՎԵԼ է 2026 ԹՎԱԿԱՆԻ II ՓՈՒԼԻ ՄԻԱՍՆԱԿԱՆ ՔՆՆՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑԸ
2026 թվականի հունիսին անցկացվող (երկրորդ փուլ) միասնական քննությունների օրերը․
հունիսի 12-ին՝ «Կենսաբանություն», «Աշխարհագրություն»,
հունիսի 16-ին՝ «Օտար լեզուներ»/անգլերեն, ֆրանսերեն, գերմաներեն, իսպաներեն, իտալերեն, պարսկերեն/,
15/06/2026
11/06/2026
09/06/2026
05/06/2026
05/06/2026
22/05/2026