Applied Statistics and Data Science, YSU Master Program

Ողջույններ։ Ուրախ ենք տեղեկացնել, որ ԵՊՀ Մաթեմատիկայի և մեխանիկայի ֆակուլտետի Կիրառական վիճակագրություն և տվյալների գիտություն մագիստրոսական ծրագրի շրջանավարտները մայիսի 18-ին և 19-ին կներկայացնեն իրենց մագիստրոսական թեզերը։ Կից կարող եք գտնել թեզերի թեմաներն ու ներկայացման գրաֆիկը։

Ինչպես միշտ՝ հպարտանում ենք մեր ուսանողներով, նրանց ղեկավարներով ու ծրագրի դասախոսներով։ Շնորհակալություն բոլորին։

Թեզերի ներկայացումները բաց են հանրության համար։ Համեցեք մայիսի 18-ին և 19-ին ԵՊՀ Մաթեմատիկայի և մեխանիկայի ֆակուլտետ, 243 սենյակ մեր ուսանողների ստացած արդյունքներին ծանոթանալու համար։

Ողջույն։ ԵՊՀ "Կիրառական վիճակագրություն և տվյալների գիտություն" մագիստրոսական ծրագիրն այս տարի ևս նախատեսում է կազմակերպել նախապատրաստական դասընթացներ ընդունելության քննության ծրագրի կրկնության համար։

Այս տարի կանցկացվեն երեք անկախ դասընթացներ՝

- Մաթեմատիկական անալիզի տարրերի կրկնություն (դասախոսություն և գործնական՝ Կ․ Նավասարդյան, ԵՊՀ և ՀԱՀ)
- Գծային հանրահաշվի տարրերի կրկնություն (դասախոսություն՝ Մ․ Մարտիրոսյան, ԵՊՀ և ՀԱՀ, գործնական՝ Լ․ Ստեփանյան, ԵՊՀ և ՀԱՀ)
- Հավանականությունների տեսության տարրերի կրկնություն (դասախոսություն՝ Մ․ Պողոսյան, ԵՊՀ և ՀԱՀ, գործնական՝ Ջ․ Բոյաջյան, ԵՊՀ և ՀԱՀ)

Յուրաքանչյուր դասընթացը բաղկացած կլինի ոչ պակաս, քանի 9 աստղաբաշխական ժամ դասախոսությունից ու 9 աստղաբաշխական ժամ խնդիրների լուծման գործնական պարապմունքից։ Դասընթացի ընթացքում կհանձնարարվեն ինքնուրույն կատարման աշխատանքներ, իսկ յուրաքանչյուր դասընթացի ավարտին կկազմակերպվի գիտելիքների ստուգման քննություն-թեստ։ Դասընթացները կանցկացվեն հայերենով, ապրիլի վերջից մինչ հունիսի վերջը, շաբաթական 4-6 դաս՝ 1․5 ժամով, երեկոյան ժամերին (ժամը 18։30-ից հետո), ԵՊՀ-ում։

Դասընթացներն օգտակար կարող են լինել նաև նշված թեմաները վաղուց ուսումնասիրած և գիտելիքները թարմացնել ցանկացող կամայական անհատի։ Դասընթացների ծրագրերը կարող եք գտնել https://math.ysu.am/asds/?page_id=11 կայքի ստորին մասում։

Դասընթացներից յուրաքանչյուրը կանցկացվի համապատասխան քանակով ունկնդիր գրավելու դեպքում։ Կարող եք մասնակցել թե՛ միայն մեկ դասընթացի, թե՛ բոլոր դասընթացներին միաժամանակ։ Դասընթացներից յուրաքանչյուրի մասնակցավճարը 100հզ․ ՀՀ դրամ է՝ վճարվող նախապես։ Եթե հետաքրքրված եք մասնակցելու որևէ դասընթացի՝ խնդրում ենք լրացնել հետևյալ ձևաթուղթը մինչ ապրիլի 20-ը․ https://forms.gle/9N6d1bVXBTtgtQVP7 :

Հարցերի դեպքում կարող եք գրել [email protected] հասցեով։

Ուրախ ենք տեղեկացնել, որ «Կիրառական վիճակագրություն և տվյալների գիտություն» մագիստրոսական ծրագրի արդեն մի քանի տարվա գործընկեր Առնակ Դալալյանն արժանացել է Եվրոպայի ամենապատվավոր դրահաշնորհներից մեկին՝ European Research Council (ERC) Advanced Grant-ին, ներկայացված "Statistical Analysis of Generative Models" ծրագրի համար։ Մանրամասներին կարող եք ծանոթանալ հետևյալ հղումով․ https://crest.science/arnak-dalalyan-erc-advanced-grant-sagmos/

Ջերմորեն շնորհավորում ենք Առնակ Դալալյանին ու մաղթում նորանոր հաջողություններ։

Arnak Dalalyan awarded an ERC Advanced Grant for his work on generative AI models - CREST Arnak Dalalyan, director of CREST and professor at ENSAE Paris, has been awarded an ERC Advanced Grant for his SAGMOS project on generative AI models, strengthening CREST’s position with eight ongoing ERC projects.

Ողջույններ։ Սիրով տեղեկացնում ենք, որ Արհեստական Բանականության և Վիճակագրության ոլորտներում արդեն 6 տարի կրթություն առաջարկող ԵՊՀ Կիրառական վիճակագրություն և տվյալների գիտություն մագիստրոսական ծրագիրը հայտարարել է 2025 թվականի ընդունելությունը։ Մագիստրոսական ծրագրի վեբկայքը, ներառյալ ընդունելության ժամանակացույցն ու այլ մանրամասներ, կարող եք գտնել այստեղ․ https://math.ysu.am/asds/ ։ Հարցերի դեպքում կարող եք դիմել [email protected] հասցեով։ Շուտով նախատեսում ենք առերես հանդիպում կազմակերպել բոլոր հետաքրքրվողների համար՝ ծրագիրը ներկայացնելու ու հարցերին պատասխանելու համար։

Սիրով կսպասենք։

Ողջույն։ ԵՊՀ "Կիրառական վիճակագրություն և տվյալների գիտություն" մագիստրոսական ծրագիրը նախատեսում է կազմակերպել ընդունելության քննության նախապատրաստական դասընթաց։

Դասընթացի նպատակը կլինի կրկնել Մաթեմատիկական անալիզի, Գծային հանրահաշվի ու երկրաչափության, Հավանականությունների տեսության հիմնական (ու անհրաժեշտ) գաղափարները։ Դասընթացը կպարունակի թե՛ տեսական անհրաժեշտ նյութը, ու թե՛ խնդիրների լուծման մեթոդաբանությունը։ Պարբերաբար կհանձնարարվեն ստուգվող ինքնուրույն աշխատանքներ։ Դասընթացը կվարեն ԵՊՀ Մաթեմատիկայի և մեխանիկայի ֆակուլտետի դասախոսները։ Այն կտևի առավել քան 15 ժամ, շաբաթական 3 անգամ, մասնակիցներին հարմար ժամերի։

Դասընթացն օգտակար կարող է լինել նաև նշված թեմաները վաղուց ուսումնասիրած, և գիտելիքները թարմացնել ցանկացող կամայական անհատի։

Եթե հետաքրքրված եք դասընթացով՝ խնդրում ենք լրացնել հետևյալ ձևաթուղթը․

ԵՊՀ "Կիրառական Վիճակագրություն և Տվյալների Գիտություն" մագիստրոսական ծրագրի ընդունելության նախապատրաստական դասընթաց Ողջույն։ Սույն հարցումը կազմակերպվում է՝ ճշտելու, թե արդյո՞ք բավականաչափ հետաքրքրվողներ կլինեն ԵՊՀ ԿՎՏԳ մագիստրոսական ծրագրի ընդունելության նախապատրաստական դաս...

Ողջույն։ Ուրախությամբ տեղեկացնում ենք, որ սույն թվականի հունիսի 29-ից հուլիսի 6-ը Ծաղկաձորում կանցկացվի "Մաթեմատիկա և կիրառություններ" 7-րդ ամառային դպրոցը՝ "Cryptography, Statistics and Machine Learning" վերնագրով։ Ամառային դպրոցին դասախոսելու են տարբեր երկրներից հրավիրված ոլորտների փորձառու դասախոսներ։ Մանրամասների և գրանցվելու համար կարող եք այցելել ամառային դպրոցի վեբկայքը՝ http://mathschool.ysu.am/mss2025/ հասցեով։

Սիրով սպասում ենք։

Սիրով ներկայացնում ենք Ազատության անդրադարձը մեր Applied Statistics and Data Science, YSU Master Program ծրագրին: Ծրագրի դասախոս Levon Khachatryan-ն ու լավագույն ուսանողներից երկուսը՝ Norayr Baghdasaryan-ն և Arman Fahradyan-ը ծրագրի մասին իրենց կարծիքներն են կիսում Ազատություն հեռուստաալիքի լրագրող Anahit Hakobian-ի հետ հարցազրույցում։

Շնորհակալություն Անահիտ Հակոբյանին մեր ծրագրի առանձնահատկությունները բացահայտելու/հանրայնացնելու համար, և շնորհակալություն մեր դասախոսներին ու ուսանողներին ծրագրի կայացման մեջ մասնակցության ու ներդրման համար։

«Բալանսի մասին է»․ արհեստական բանականությունն ու մաթեմատիկական իրականությունը՝ ԵՊՀ-ում Կանխորոշել ապագան մաթեմատիկայով, համադրել ու հավաքել տվյալները, դրանք վերածել վիճակագրության․ ԵՊՀ-ում են սա սովորում, արդեն 6 տարի։ Կարեն Քեռյանի ղեկավարած «...

AI Conf-ին Applied Statistics and Data Science, YSU Master Program ծրագիրը ներկայացվեց նրա համաղեկավար Կարեն Քեռյանի կողմից, ի թիվս այլ բուհերում գործող ԱԲ ուղղությամբ կրթական ծրագրերի։

Մեր ծրագրում այս տարի ունենք բավականին հետաքրքիր փոփոխություններ, մասնավորապես արդեն դասավանդվում են Generative AI, Graph Neural Networks, ML Product Management դասընթացները։

Արդեն իսկ ունենք մոտ 100 շրջանավարտ, իսկ ներկա պահին սովորողների քանակը 60 է, ովքեր ջանք ու եռանդ չեն խնայում մեր ծրագրում հաջողության հասնելու համար։

Մեր Applied Statistics and Data Science, YSU Master Program ծրագրի շրջանավարտները հերթական անգամ հետաքրքիր ու կիրառական նշանակության թեզերը հաջողությամբ գրեցին ու պաշտպանեցին։ Նրանցից երկուսի պատմության (հայերենով ձայնից տեքտի ստացման և բժշկության մեջ կիրառությունների) մանրամասների հետ կարող եք ծանոթանալ մեկնաբանության մեջ դրված հղմամբ։

Եթե դուք էլ հետաքրքրված եք արհեստական բանականությամբ ու ցանկանում եք սովորել ինչպես ստանալ նմանատիպ զարմացնող ու օգտակար արդյունքներ, ճիշտ ժամանակն է դիմել մեր մագիստրոսական ծրագրին, դիմումների ընդունման վերջնաժամկետը՝ հունիսի 28-ն է։

Ողջույն: ԵՊՀ մաթեմատիկայի ու մեխանիկայի ֆակուլտետի "Կիրառական վիճակագրություն և տվյալների գիտություն" մագիստրոսական ծրագիրը հայտարարում է 2024 ուս․ տարվա ընդունելությունը։ Սիրով հրավիրում ենք բոլորին, ովքեր ունեն բակալավրի դիպլոմ, ու հետաքրքրված են Վիճակագրությամբ, Մեքենայական ՈՒսուցմամբ (Machine Learning), Խորն Ուսուցմամբ (Deep Learning), Արհեստական Բանականությամբ (Artificial Intelligence), ուզում են ստանալ/խորացնել գիտելիքներն այդ բնագավառներում, դիմելու և ուսանելու մեզ մոտ։

Մանրամասներ ծրագրի մասին կարող եք գտնել այստեղ․ https://math.ysu.am/asds/ :

Applied Statistics and Data Science – YSU – ISTC Joint Master Program Home Applied Statistics and Data Science Master’s Program   The program was launched in September 2018 for the first time. In 2021, we will have our fourth call. This is a joint program with the Innovative Solutions and Technologies Center Foundation, and some part of the classes will take place ...