Երևանի թատրոնի և կինոյի պետական ինստիտուտ

☀️ Մագիստրատուրայում սովորելը կարող է դառնալ քո մասնագիտական նոր հնարավորությունների սկիզբը։

👨🏻‍🎓 Նոր ուսումնական տարվանից «Դերասանական արվեստ» և «Ռեժիսուրա» կրթական ծրագրերում ունենալու ենք նաև դրամաթերապիայի դերասան և դրամաթերապիայի ռեժիսոր մասնագիտացումները՝ համապատասխան մասնագիտական տեսական և գործնական առարկաների ուսումնասիրությամբ։

🧑🏻‍🎓 Սա մեծ հնարավորություն է ստեղծում հետագայում աշխատել տարբեր տարիքային խմբերի հետ։

🙌 Սկսիր քո ճանապարհը հենց մեր բուհում։
Ստացիր մրցունակ մասնագիտություն։

Հիշեցնենք, որ փաստաթղթերն ընդունվում են օգոստոսի 25-ը ներառյալ։

☎️ Հարցերի դեպքում զանգահարել 060 276 382 հեռախոսահամարով։

☀️ Երիտասարդների միջազգային օրն է։
Երիտասարդությունն այսօրվա ուժն է՝ գաղափարներով, ձգտումներով և, ամենակարևորը, փոփոխություն բերելու կամքով։

🥳 Շնորհավորում ենք բոլոր երիտասարդներին՝ մաղթելով նոր գաղափարներ, համարձակ քայլեր և հաջողություններ։

🙌 Գործե՛նք ու ստեղծե՛նք։

🔹 ԵԹԿՊԻ-ի Թատրոնի ֆակուլտետի ուսանողները, Թատերարվեստի ամբիոնի դասախոս Իննա Հախնազարյանի ուղեկցությամբ, օրերս Ֆրանսիայի Ավինյոն քաղաքում մասնակցել են Avignon Off միջազգային թատերական փառատոնի WYPPAM ծրագրին։ Ծրագրի շրջանակում առաջին անգամ հայ ուսանողները Գրանդ Ավինյոնի կոնսերվատորիայում ներկայացրել են «Բևեռացում հասարակության մեջ» ներկայացումը (բեմադրությունը՝ Իննա Հախնազարյանի)։

🙌 Նրանք նաև մասնակցել են «Ժաք Լըքոք» միջազգային թատերական դպրոցի «Դերասան. խաղը շարժման մեջ» խորագրով աշխատարանին՝ ծանոթանալով ֆիզիկական թատրոնի և բեմական շարժման ժամանակակից մեթոդներին։

🔹 Մասնակցությունը փառատոնին ուսանողների համար դարձել է միջազգային թատերական միջավայրում հանդես գալու, նոր մասնագիտական փորձ ձեռք բերելու և ժամանակակից ֆրանսիական թատրոնի առանձնահատկություններին ծանոթանալու կարևոր հնարավորություն։ Ծրագրի շրջանակում նրանք խորացրել են իրենց գիտելիքները դերասանական ժամանակակից տեխնիկաների ուղղությամբ, զարգացրել մասնագիտական հմտություններն ու ընդլայնել ստեղծագործական պատկերացումները։

Մասնակից ուսանողները պատմել են ծրագրին մասնակցության, ստացած փորձի և տպավորությունների մասին։
🔗 Մանրամասները՝ https://www.ystfi.am/news/etkpi-i-ovsanoghneri-nerkayatsovmy-avignon-off-mijazgayin-taterakan

🎓 ԸՆԴՈՒՆԵԼՈՒԹՅՈՒՆ ՄԱԳԻՍՏՐԱՏՈՒՐԱՅՈՒՄ

ԵԹԿՊԻ-ն հայտարարում է մագիստրատուրայի 2026-2027 ուսումնական տարվա ընդունելություն 11 մասնագիտական կրթական ծրագրերով:

🔹Դերասանական արվեստ
🔹 Ռեժիսուրա
🔹 Կինոարվեստ
🔹 Օպերատորություն
🔹 Թատրոնի, կինոյի և հեռուստաոլորտի նկարչություն
🔹 Պարարվեստի ռեժիսուրա
🔹 Արվեստի կառավարում
🔹 Թատերագիտություն
🔹 Կինոգիտություն
🔹 Սցենարադրամատուրգիական արվեստ

🔺 Մագիստրատուրայի ընդունելությունն իրականացվում է նաև Գյումրու և Վանաձորի մասնաճյուղերում։

Գյումրու մասնաճյուղ
🔹 Դերասանական արվեստ
🔹 Ռեժիսուրա
🔹 Կինոարվեստ
🔹 Պարարվեստ
🔹 Արվեստի կառավարում

Վանաձորի մասնաճյուղ
🔹 Դերասանական արվեստ
🔹 Ռեժիսուրա
🔹 Պարարվեստ

📌Երկրորդ փուլով մագիստրատուրայի ընդունելության փաստաթղթերի ընդունումը կատարվում է ընթացիկ տարվա օգոստոսի 17-ից 25-ը ներառյալ:

✍️ Ուսման տևողությունը 2 տարի է:

🔗 Ընդունելության կանոնակարգին, հատկացված տեղերին և ուսման վարձերի չափերին ծանոթացեք այստեղ՝ https://www.ystfi.am/admissions/masters

☎️ Հարցերի դեպքում զանգահարել 060 276 382 հեռախոսահամարով կամ մոտենալ ԵԹԿՊԻ (Պապ թագավորի 26), 2-րդ հարկ, Մագիստրատուրայի բաժին։

🔶 Հուլիսի 12-18-ը Ռուբեն Բաբայանի արվեստանոցի ուսանողուհի Սվետա Հակոբյանը մասնակցել է «Chekhov World Theatre Summer Academy» միջազգային ամառային ակադեմիային, որն անցկացվել է Գերմանիայի Համբուրգ քաղաքում՝ «Schule für Schauspiel Hamburg» դերասանական դպրոցում։ Սա Սվետայի համար դարձավ նշանակալի միջազգային մասնագիտական փորձ՝ հնարավորություն ընձեռելով խորացնելու դերասանական հմտությունները, զարգացնելու ստեղծագործական մտածողությունը և ձևավորելու նոր համագործակցային կապեր միջազգային թատերական միջավայրում։

🔗 Մանրամասները՝ https://www.ystfi.am/news/masnaktsovtyovn-mijazgayin-taterakan-akademiayi-ashkhatanqnerin

🔶 Ռուբեն Բաբայանի արվեստանոցի ուսանողուհիներ Անժելա Ստեփանյանը, Անի Նոբելյանը և Անահիտ Անդրեասյանը մասնակցել են Ս. Վ. Օբրազցովի անվան տիկնիկավարների 2-րդ միջազգային դպրոցին։

🔶 Դպրոցի հագեցած ծրագրի շրջանակում անցկացվել է ավելի քան չորս տասնյակ կրթական միջոցառում՝ թատերական արվեստի առաջատար մասնագետների մասնակցությամբ։

🔗 Մանրամասները՝ https://www.ystfi.am/news/mijazgayin-pordz-ev-nor-hmtovtyovnner-etkpi-i-ovsanoghnery-obraztsovi

🎞 Օրերս ամփոփվեց Երևանի 23-րդ «Ոսկե ծիրան» միջազգային կինոփառատոնը։ Այս տարի ևս փառատոնային օրերը հագեցած էին երևանյան և միջազգային պրեմիերաներով, կինոարտադրության առաջատար մասնագետների հետ հանդիպումներով ու վարպետության դասերով։

🔹 Ուրախությամբ տեղեկացնում ենք, որ լավագույն հայկական վավերագրական նախագծի համար նախատեսված GAIFF Pro-ի մրցանակին արժանացել է «LIFE ON MARS» ֆիլմը, որի պրոդյուսերը ԵԹԿՊԻ-ի Կինոյի, մուլտիմեդիայի և անիմացիայի ամբիոնի վարիչի պ/կ Կարինե Սիմոնյանն է։

🔹 Փառատոնի շրջանակում Երևանի թատրոնի և կինոյի պետական ինստիտուտում անցկացվեց քասթինգի երկօրյա աշխատարան, որը վարեցին Եվրոպայի ամենապահանջված քասթինգ տնօրենները։ Դասընթացին որպես կամավորներ մասնակցեցին նաև մեր ուսանող-դերասանները՝ ձեռք բերելով մասնագիտական կարևոր հմտություններ։

🔗Մանրամասները՝ https://www.ystfi.am/news/ampopvets-oske-tsiran-23-rd-mijazgayin-kinoparatony