Ներքին Գետաշենի Աղվան Եղիազարյանի անվան հ2 միջնակարգ դպրոց

📚✨ Այսօր ևս քայլեցինք Հովհաննես Թումանյանի լուսավոր ճանապարհով։
Միջոցառումը կազմակերպել էր Կարինե Անտոնյանը։ Մասնակցում էին 6ա դասարանի սովորողները՝ դասղեկ Տաթևիկ Պողոսյանի գլխավորությամբ։ 👩‍🏫📖
Միջոցառման շրջանակում դպրոցի գրադարանին նվիրաբերվեց երեք գիրք՝ այն ավելի հարստացնելու և ընթերցասիրությունը խթանելու նպատակով։ 📚🎁
Թումանյանի պատգամով՝ շարունակենք սիրել գիրքն ու գիտելիքը։ 🌿✨

ՆԱԽԱԳԾԱՅԻՆ ԱՇԽԱՏԱՆՔ
Առարկա`Հայաստանի պատմություն
Թեմա`Հայկական ինքնության կայացման փուլերը և մարտահրավերները վաղ միջնադարում։
Դասարան`11
Նախագծի ղեկավար`Բ. Թաթոյան

📌 Թմրամիջոցների կանխարգելումը և իրազեկումը կրթական միջավայրում։
Դպրոցում անցկացվեց թեմատիկ քննարկում և զրույց ավագ դասարանների սովորողների հետ՝ նվիրված թմրամիջոցների կանխարգելմանն ու իրազեկման բարձրացմանը։
Հանդիպումը վարեցին Ս. Դավթյանը, Կ. Անտոնյանը և Պ. Բեգլարյանը։ Քննարկման ընթացքում ներկայացվեցին թմրամիջոցների վնասակար հետևանքները, դրանցից խուսափելու կարևորությունը և առողջ ապրելակերպի արժեքը։
Սովորողները դիտեցին թեմային առնչվող տեսանյութ, որի շուրջ ծավալվեց ակտիվ քննարկում և հարցուպատասխան։ 🎥
Հանդիպումն անցավ արդյունավետ և բովանդակալից մթնոլորտում։ 🤝📚

👧👦 Նախակրթարանի սաները դիտեցին բուլինգի թեմային նվիրված ուսուցողական նյութ։
Տարիքին համապատասխան ներկայացված տեսանյութի միջոցով նրանք ծանոթացան բարեկամության, փոխադարձ հարգանքի և աջակցող վարքի կարևորությանը 🤝💛։

Մեր դպրոցը մեծ հպարտությամբ հայտնում է, որ զորամասից շնորհակալագիր ենք ստացել մեր դպրոցի նախկին աշակերտ Մոնթե Ալբերտի Վարդանյանի համար 🇦🇲։
Նրա օրինակելի ծառայությունը, բարձր պատասխանատվությունն ու նվիրումը արժանացել են հրամանատարության գնահատանքին 🎖️։ Սա մեծ պատիվ և հպարտություն է ողջ դպրոցական համայնքի համար։
Մաղթում ենք խաղաղ ու անվտանգ ծառայություն, նոր հաջողություններ և անսպառ ուժ հայրենիքի պաշտպանության սուրբ գործում ✨

📣ԿԳՄՍ նախարար Ժաննա Անդրեասյանի շնորհավորական ուղերձը Մայրենի լեզվի միջազգային օրվա կապակցությամբ

2000 թվականից փետրվարի 21-ն աշխարհում նշվում է որպես Մայրենի լեզվի միջազգային օր։ 1999 թվականի նոյեմբերի 17-ին ընդունված և 2002 թվականին ՅՈՒՆԵՍԿՕ-ի Գլխավոր համաժողովի 56/262 բանաձևով վավերացված՝ աշխարհով մեկ սփռված ազգային լեզուների և մշակույթների իրավունքների պաշտպանությանը նվիրված այս օրվա խորհուրդն այն է, որ ոչ միայն ամրագրի լեզվական ու մշակութային բազմազանության փաստն աշխարհում, այլ նաև այն ըմբռնվի՝ որպես կարևորագույն արժեք։

2005 թվականից Հայաստանի Հանրապետությունը նույնպես նշում է փետրվարի 21-ը՝ որպես Մայրենի լեզվի միջազգային օր։ Մայրենի լեզվի իրավունքների պաշտպանությանը և աշխարհում մշակութային բազմազանության պահպանմանն ուղղված այս շարժմանը Հայաստանի Հանրապետության մասնակցությունը պատահական չէ։ Մեր կողքին ապրում, կրթություն ստանում, մեզ հետ աշխատում և բարիք են ստեղծում Հայաստանում բնակվող բազմաթիվ այլազգիներ։ Մայրենի լեզվով կրթություն ստանալու, ազգային ավանդույթները, կրոնը, լեզուն և մշակույթը պահելու և զարգացնելու նրանց իրավունքը ամրագրված է ՀՀ Սահմանադրության 56-րդ հոդվածով։

Ամեն տարի բազմաթիվ ծրագրեր են իրականացվում, որոնք ուղղված են նպաստելու Հայաստանի Հանրապետությունում բնակվող ազգային փոքրամասնությունների մայրենի լեզվի ու ազգային մշակույթի պահպանմանն ու զարգացմանը։
Սակայն այսօրվա խորհուրդն այն է, որ մեզանից յուրաքանչյուրը լեզվական ու մշակութային բազմազանությունը որպես խաղաղ ու բարեկեցիկ կյանքի գրավական նկատի, այլ լեզվով հնչող խոսքն ու ավանդույթը հավասարապես հարգի՝ որպես համամարդկային արժեք։

Լեզվի ու մշակույթի միջոցով է մարդը ձևավորվում որպես անհատականություն, իսկ ազգային լեզուներն ու մշակույթներն իրենց մեջ նաև յուրաքանչյուր ազգի պատմական փորձն ու հիշողությունն են կրում։ Դրանցով է ձևավորվում մեզանից յուրաքանչյուրի անհատական ու հավաքական ինքնությունը, իսկ դրանց հանդեպ ունեցած հարգանքով է հնարավոր ձևավորել հանդուրժողականության այն մթնոլորտը, որն անհրաժեշտ է խաղաղ ու բարեկեցիկ կյանք ապահովելու համար։

Ուրախ եմ հայտնելու, որ պետության ֆինանսավորմամբ 2026 թվականի հունվարի մեկից Երևանի պետական համալսարանում գործում է ՀՀ ազգային փոքրամասնությունների ուսումնասիրության խումբ: Առանձնահատուկ կարևորվում են նաև ազգային փոքրամասնությունների լեզուների ուսուցմանն ու որակավորված մասնագետների պատրաստմանն ուղղված աշխատանքները, որի կապակցությամբ արդեն աշխատանքներ են տարվում Ազգային փոքրամասնությունների ուսումնասիրության խմբի շրջանակում ազգային փոքրամասնությունների լեզուների ուսուցման կենտրոն ստեղծելու ուղղությամբ։

Հայաստանի Հանրապետության սիրելի՛ քաղաքացիներ,
Մայրենի լեզվի և մշակութային բազմազանության միջազգային այս օրը եկեք նշանավորենք մեզանից յուրաքանչյուրի ուշադրությամբ դեպի մեր կողքին ապրող ազգային փոքրամասնությունների լեզուներն ու մշակույթը, բայց նաև դեպի մեր բարբառներն ու դրանցով ստեղծված ժողովրդական մշակույթը, ճանաչե՛նք դրանք որպես մեր կյանքը պայմանավորող կարևոր արժեքներ։