Ներքին Գետաշենի Աղվան Եղիազարյանի անվան հ2 միջնակարգ դպրոց

Սիրելի՛ ուսուցիչներ,
մեկնարկել է կամավոր ատեստավորման հայտագրումը։
Ինչպե՞ս հայտագրվել
1. Մուտք գործեք my.emis.am կայք
2. Անձնական հաշիվ
3. Ընտրեք «Ուսուցիչների կամավոր ատեստավորման համակարգ»։
4. սեղմեք «Իմ հաշիվը», ապա՝ «+ Նոր հայտ»։
5. ընտրեք «Հանրակրթություն» և ձեր դասավանդվող առարկան։
6. ստուգեք տվյալները և սեղմեք «Ուղարկել»։

✅ Հայտը հաջողությամբ ուղարկելուց հետո այն կանցնի համապատասխան ընթացակարգով։

⏱️Հայտագրման վերջնաժամկետը 2026 թվականի հոկտեմբերի 31-ն է։

👇 Կարող եք ծանոթանալ նաև ԿՏԱԿ-ի պաշտոնական ուղեցույցին՝

🌐 https://support.emis.am/article/956

support.emis.am

Շնորհավո՛ր Վարդավառ. Ջրօրհնության և անարատության տոն։
​Այս գեղեցիկ տոնը, որը խորհրդանշում է մաքրություն, սեր և հոգևոր նորոգում, թող յուրաքանչյուրիս օջախ բերի խաղաղություն, բարություն ու անսպառ ուրախություն։ Ինչպես Վարդավառի օրհնված ջուրն է մաքրում ու կենդանացնում բնությունը, այնպես էլ թող մեր կյանքը լցվի վառ գույներով, ջերմությամբ և հաջողություններով։
​Մաղթում ենք, որ օրվա խորհուրդն ու բարձր տրամադրությունը ձեզ ուղեկցեն ողջ տարվա ընթացքում:
​Թող ձեր ամառային հանգիստը լինի անմոռանալի, լի տոնական խնդությամբ և հարազատների ջերմությամբ։
​Բարի ու հիշարժան Վարդավառ բոլորիս:

Մարզպետ Կարեն Սարգսյանն այսօր հանդիպել և անձամբ պարգևատրել է հանրապետական առարկայական օլիմպիադայում հաջողություններ գրանցած Գեղարքունիքի մարզի աշակերտներին և նրանց դպրոցների տնօրեններին:
​Մեծ հպարտությամբ հայտնում ենք, որ մեր դպրոցի սովորող Լիլիա Ստեփանյանը «Նախնական զինվորական պատրաստություն» (ՆԶՊ) առարկայից հանրապետական փուլում տարած փայլուն հաղթանակի համար արժանացել է ՀՀ ԿԳՄՍ նախարարի կողմից տրամադրված պատվոգրին, որը հանդիսավորությամբ հանձնեց մարզպետը։
​Սրտանց շնորհավորում ենք Լիլիային՝ կամքի, նպատակասլացության և հայրենասիրության այս գեղեցիկ բարձունքը նվաճելու համար:
​Մեր խորին երախտագիտությունն ենք հայտնում նաև ՆԶՊ առարկայի ուսուցիչ Բ․ Գրիգորյանին՝ աշակերտուհուն լավագույնս նախապատրաստելու, ռազմահայրենասիրական ոգով կրթելու և ցուցաբերած անձնվեր աշխատանքի համար։
​Ինչպես նշեց մարզպետը՝ յուրաքանչյուր հաջողության հիմքում գիտելիքի նկատմամբ սերն է և հետևողական աշխատանքը։ Նորանոր բարձունքներ մեր աշակերտներին և մանկավարժներին։ 🏔️🛡️🌟
#ԿԳՄՍՆ
#Գեղարքունիքիմարզպետարան
#ԿարենՍարգսյան

ՀՀ կրթության, գիտության, մշակույթի և սպորտի նախարարի հրամանով հաստատվել է մասնագիտական ուսումնական հաստատություն ընդունելության նոր կարգը: Կատարված հիմնական փոփոխությամբ՝ կատարելագործվել է կրթության տարբեր մակարդակների տեղեկատվական բազաների փոխկապակցման համակարգը։

Քոլեջների ընդունելության գործընթացը թվայնացվել է՝ դիմորդների տվյալները և անհրաժեշտ փաստաթղթերը ներբեռնվելու են ինքնաշխատ եղանակով, միասնական թվային հարթակում ներկայացվելու են առաջարկվող կրթական ծառայությունները, միջին մասնագիտական և արհեստագործական կրթական ծրագրերը, որակավորումները, ուսուցման ժամկետները, ուսուցման կազմակերպման մեթոդաբանությունը, աշխատանքի վրա հիմնված ուսումնառության ձևերի կիրառումը, ընդունելության պայմանները, ինչպես նաև դիմորդի հետ կնքվելիք պայմանագրի պայմանները և այլն։

🔸Ինչպես դիմել քոլեջ

Մասնագիտական ուսումնական հաստատության՝ քոլեջի դիմորդը hayt-college.emis.am համակարգում էլեկտրոնային եղանակով լրացնում է դիմում-հայտը, որը ներառում է անձնական տվյալները, ինչպես նաև լուսանկար, կրթության վկայական։ Դիմորդը կարող է դիմել մեկ հաստատություն՝ մեկ մասնագիտության համար՝ անվճար և վճարովի ուսուցման հիմունքով: Քոլեջ դիմելու ուղեցույցը՝ ըստ քայլերի հաջորդականության, կհրապարակվի առաջիկայում։

🔸Միասնական մոտեցում

Մասնագիտական կրթության ոլորտում սահմանվել է նաև ընդունելության միասնական կարգավորում՝ անկախ հիմնադրից և կազմակերպաիրավական ձևից՝ բոլոր դիմորդների հայտերը կներկայացվեն նույն համակարգում, ինչը հնարավորություն կտա դիմորդներին մասնագիտական կրթության կառավարման տեղեկատվական համակարգում (ՄԿԿՏՀ) հայտադիմում ներկայացնելիս տեսնել տարբեր ՄՈՒՀ-երի ծառայություններն ու առաջարկվող որակավորումները և ունենալ այլընտրանք։

🔸Ընդունելության ժամկետներ

Մրցույթին մասնակցելու համար դիմորդի դիմում-հայտը և փաստաթղթերն էլեկտրոնային եղանակով ընդունվում են համակարգ հուլիսի 10-ից սկսած.
✅ոչ ոլորտային մասնագիտություններով` մինչև օգոստոսի 10-ը՝ ժամը 18:00
✅ոլորտային մասնագիտություններով` մինչև հուլիսի 24-ը՝ ժամը 18:00

🔸Ընդունելության պայմաններ

Ընդունելությունն իրականացվում է առանց քննությունների՝ բացառությամբ արհեստագործական կամ միջին մասնագիտական կրթության մակարդակում մշակույթի, սպորտի, բժշկության ոլորտների և լիազոր մարմնի սահմանած այլ ոլորտային մասնագիտությունների։

🔸Ընդունելության արդյունքների ամփոփում

Ընդունելության մրցույթի արդյունքները հրապարակում է ՄՈՒՀ-ը՝ տվյալ մասնագիտության մրցույթի արդյունքների ամփոփումից անմիջապես հետո։

Ավելին՝ https://escs.gov.am/articles/news/35