Աշտարակի տեխնոլոգիական դպրոց

📚 Ընթերցանության խմբակի փոքրերի խմբի մեր սաները բացահայտեցին աշխարհի ամենաուրախ, ամենաուժեղ և ամենաանսովոր աղջնակներից մեկի՝ Երկարագուլպա Պիպիի զարմանահրաշ արկածները։

📖 Ստեղծագործությունը կարդալուց հետո երեխաներն իրենց անկեղծ ու գունավոր նամակները գրեցին Պիպիին՝ կիսվելով իրենց տպավորություններով և տալով ամենահետաքրքիր հարցերը։

💡 Այնուհետև միասին քննարկեցինք և վերլուծեցինք գիրքը․ խոսեցինք աջակցության, բարության, ազատության և սեփական անհատականությունը սիրելու կարևորության մասին։

✨ Փոքրիկ ընթերցասերների համար սա ոչ միայն հետաքրքիր ընթերցանություն էր, այլև գեղեցիկ հնարավորություն՝ երևակայելու, հարցեր տալու, արտահայտելու սեփական մտքերն ու զգացմունքները և բացահայտելու գրական հերոսների աշխարհը։

Այսօր Աշտարակի տեխնոլոգիական դպրոցում անցկացվեց շախմատի առաջնություն դպրոցի սաների միջև։

Մրցաշարն անցավ թեժ և հետաքրքիր պայքարում, որտեղ մասնակիցները ցուցադրեցին ռազմավարական մտածողություն, կենտրոնացվածություն և հաղթելու մեծ կամք։

🏆 Մրցանակային տեղերը բաշխվեցին հետևյալ կերպ․

🥇 I տեղ — Ռուբեն Պետրոսյան (Ռոբոտաշինության դասընթաց)

🥈 II տեղ — Խաչիկ Գրիգորյան (Վեբ ծրագրավորման դասընթաց)

🥉 III տեղ — Հակոբ Հակոբյան (Վեբ ծրագրավորման դասընթաց)

Մասնակիցները ստացան խրախուսական նվերներ, իսկ հաղթողները պարգևատրվեցին վկայականներով և նվեր քարտերով։

Շնորհավորում ենք հաղթողներին և շնորհակալություն հայտնում բոլոր մասնակիցներին՝ ակտիվ մասնակցության, ազնիվ մրցակցության և գեղեցիկ խաղի համար։

Հատուկ շնորհակալություն ենք հայտնում Վեբ և Փայթն ծրագրավորման դասընթացների ուսուցիչ Բագրատ Սարիբեկյանին և կամավորներին առաջնության կազմակերպչական աշխատանքների իրականացման և մրցաշարի հաջող ընթացքն ապահովելու համար։

✨ Լավագույն դիզայնը սկսվում է ոչ թե գույներից, այլ... ՄԱՐԴՈՒՑ։ ❤️

​Շատերը կարծում են, թե UX/UI դիզայնը ուղղակի գեղեցիկ կոճակներ ու նկարներ նկարելն է։ Բայց իրականում մեր գլխավոր նպատակն է ստեղծել թվային արտադրանք, որը իսկապես լուծում է մարդկանց խնդիրները 💡

​📍 UX/UI Design դասընթացի ընթացքում մենք․
​🔍 Հետազոտում ենք օգտատիրոջը (User Research) — հարցումների և հարցազրույցների միջոցով բացահայտում ենք իրական մարդկանց վարքագիծը։
👤 Ստեղծում ենք User Persona & Empathy Map — որպեսզի խորապես հասկանանք օգտատիրոջ կարիքներն ու «ցավոտ կետերը» (Pain Points)։
⚖️ Տարբերակում ենք UX-ն ու UI-ը — UX-ը արտադրանքի «միտքն ու տրամաբանությունն» է (ինչպես է աշխատում), իսկ UI-ը՝ «դեմքը» (ինչ տեսք ունի)։
👀 Վերլուծում ենք իրական օրինակներ — սովորում ենք թե՛ հաջողված, թե՛ անհաջող դիզայնի քեյսերից։
​🎨 Գույները, շրիֆտերն ու էսթետիկան կարևոր են, բայց դրանք աշխատում են միայն այն ժամանակ, երբ հիմքում ընկած է մարդը։

​👇 Իսկ դուք հավելվածներից օգտվելիս ավելի շատ ուշադրություն դարձնո՞ւմ եք հարմարավետությանը (UX), թե՞ գեղեցիկ տեսքին (UI)։ Գրեք մեկնաբանություններում 💬

✨ «Հուզական ինտելեկտ». ինչպես հասկանալ և կառավարել մեր էմոցիաները
Տեղի ունեցավ հետաքրքիր ու ուսուցողական սեմինար, որը վարեց բիզնես խորհրդատու, լայֆ քոուչ և IOPT հոգետրավմաթերապևտ Լիլիթ Աբրահամյանը։

✨ Սեմինարի ընթացքում մասնակիցները հնարավորություն ունեցան՝
🔍 Ծանոթանալ հույզերի հիմնական տեսակներին,
🧠 Հասկանալ դրանց ազդեցությունը մարդկային վարքագծի և որոշումների կայացման վրա,
📊 Ուսումնասիրել հույզերի տոնայնության սանդղակը,
🛠 Ստանալու գործնական մեթոդներ ու իրական օրինակներ, որոնք կօգնեն ավելի լավ ճանաչել սեփական ապրումները և կառավարել հարաբերությունները շրջապատի հետ։

✨Ստեղծում ենք, ծրագրավորում, փորձարկում։

⚙️Մեր ռոբոտաշինության խմբակի առօրյայից։