Tatev Community Center / Տաթևի համայնքային կենտրոն

🎶«Կանչէ» երաժշտական ծրագիրը կրկին Տաթևի համայնքային կենտրոնում

«Կանչէ»-ն կրկին Սյունիքում 🎶 Մեծ ուրախությամբ վերադառնում ենք Սյունիք՝ նոր երաժշտական հանդիպումներով, որտեղ ռիթմը, ստեղծագործությունն ու համագործակցությունը կրկին կհամախմբեն երեխաներին։ 📍 Օգոստոսի 6 — Գորիս 🕔 17:00 AKAS երիտասարդական կենտրոն / «Վիննեթ» զարգացման հիմնադրամ 📍 Օգոստոսի 7 — Հալիձոր, Տաթև համայնքային կենտրոն 🕔 17:00 📍 Օգոստոսի 8 — Կոռնիձոր, KorniTun Community Home 🕛 12:00 Մասնակիցները միասին կբացահայտեն ռիթմի աշխարհը, կստեղծեն երաժշտություն թմբուկների միջոցով, կփորձարկեն տարբեր հնչողություններ և կդառնան մեկ ընդհանուր ստեղծագործական ընթացքի մասնակիցներ։ Հատուկ հյուրն է Մարոկկոյից ժամանած երաժիշտ Մուրադ Հաջաջին, ով կներկայացնի իր երաժշտական մշակույթը, կկիսվի իր ստեղծագործական փորձով և երեխաների հետ միասին կմասնակցի համատեղ երաժշտական ստեղծագործությանը։ Սիրով սպասում ենք բոլորիդ՝ միասին ստեղծելու, լսելու, բացահայտելու և կիսելու երաժշտության ուժը։ Տարածե՛ք ընկերների և համադասարանցիների շրջանում։🤎

💫Տաթևի համայնքային կենտրոնում երեկոները միշտ առանձնահատուկ ջերմություն ունեն։

🎬Այս անգամ համայնքի երիտասարդներին մեկ հարկի տակ համախմբեց Քրիս Սանդերսի «Նախնիների կանչը» ֆիլմը։

📌Ֆիլմը դարձավ ոչ միայն հետաքրքիր ժամանց, այլև առիթ՝ խոսելու հավատարմության, քաջության, ինքնաճանաչման, ներքին ուժի և սեփական ճանապարհը գտնելու կարևորության մասին։

💡Տաթևի համայնքային կենտրոնը շարունակում է ստեղծել այնպիսի միջավայր, որտեղ յուրաքանչյուր հանդիպում վերածվում է սովորելու, մտածելու և միասին աճելու հնարավորության։

📣Եթե դու նույնպես ցանկանում ես դառնալ այս ջերմ ու հետաքրքիր
հանդիպումների մասնակիցը, սիրով հրավիրում ենք միանալ մեզ․ մեր դռները միշտ բաց են նոր գաղափարների, նոր ընկերությունների և նոր բացահայտումների համար։

📣Համայնքի զարգացումը սկսվում է գաղափարներից և նախաձեռնող երիտասարդներից։

💫Տաթևի համայնքային կենտրոնի կամավոր Արևիկ Վարդազարյանի նախաձեռնությամբ կայացավ երիտասարդների մասնակցային հանդիպում, որի ընթացքում քննարկվեցին համայնքի զարգացման հնարավորությունները, առկա խնդիրներն ու երիտասարդների դերը փոփոխություններ ստեղծելու գործում։

📍Գործնական աշխատանքի ընթացքում մասնակիցները թիմերով ներկայացրին Հալիձորի զարգացման իրենց գաղափարներն ու առաջարկները, իսկ հանդիպման ավարտին յուրաքանչյուրն իր առջև դրեց մեկ փոքր, բայց իրական քայլ՝ համայնքի բարելավմանն իր ներդրումն ունենալու համար։

💡Փոփոխությունը սկսվում է այն պահից, երբ գաղափարները վերածվում են գործողությունների։

🎨Տաթևի համայնքային կենտրոնի «Գեղանկարչություն» դասընթացն ամփոփեց իր ուսումնական տարին գեղեցիկ համայնքային միջոցառմամբ։

💡Միջոցառման ընթացքում ներկայացվեցին մեկ տարվա ընթացքում դասընթացի շրջանակում մեր 44 մասնակիցների ստեղծած աշխատանքները, որոնք իրականացվել էին դասընթացավար Հեղինե Սարգսյանի առաջնորդությամբ։

📌Երեխաների ստեղծագործությունները և գեղեցիկ մշակութային կատարումները դարձան նրանց երևակայության, ստեղծագործական մտածողության և ձեռք բերած հմտությունների լավագույն արտացոլումը։

📣Սիրով սպասում ենք բոլորին նոր ուսումնական տարում՝ հետաքրքիր գաղափարներով, գույներով և ստեղծագործական եռանդով։

🤝Դասընթացն իրականացվում է Հենրիկ Իգիթյանի անվան Գեղագիտության ազգային կենտրոնի հետ համագործակցությամբ։
Dilijan Community Center Դիլիջանի համայնքային կենտրոն
Henrik Igityan National Centre for Aesthetics

💡Տաթև գյուղում կայացավ «ՏաթևԱրի» փառատոնը, որի նպատակն էր վերարժևորել հայկական գյուղի մշակութային ժառանգությունը, պահպանել ազգային ավանդույթները և բացահայտել Տաթևի համայնքի պատմամշակութային ու զբոսաշրջային ներուժը։

📌Փառատոնին ակտիվ մասնակցություն ունեցան նաև Տաթևի համայնքային կենտրոնի «Գեղանկարչություն» դասընթացի սաները։

📣Այցելուներին ներկայացվեցին նրանց ստեղծագործական աշխատանքները, իսկ սաները հանդես եկան ազգային պարերով և անցկացրին վարպետության դասեր՝ ստեղծելով ջերմ, գունեղ և ստեղծագործական մթնոլորտ։
Dilijan Community Center Դիլիջանի համայնքային կենտրոն

🥁«ԿԱՆՉԷ՜» երաժշտական ծրագիրը Տաթևի համայնքային կենտրոնում

Our final stop in Syunik brought us to Halidzor, where we gathered at the Tatev Community Center for a joyful day of music with the children. Together with our guest artist, Nizar Khannous, we explored rhythm, creativity, and collaboration through shared musical experiences. The children’s energy, curiosity, and enthusiasm made this gathering truly special. A heartfelt thank you to everyone who joined us in Halidzor and helped make this final stop in Syunik so memorable. 💛