Արմաթ I Գանձակի N1 դպրոցի ճարտարագիտական աշխատանոց

❓ Ինչպե՞ս է երեխան սովորում տրամաբանորեն մտածել
❓ Ինչպե՞ս է ձևավորվում ճիշտ, հերթական մտածողություն
❓ Ինչպե՞ս է սկսվում ծրագրավորման իրական ընկալումը

👉 Այս ամենի հիմքում է Aghues ծրագիրը։

🧩 Aghues-ը օգնում է երեխային․
✔️ մտածել քայլ առ քայլ
✔️ հասկանալ պատճառ–հետևանք կապերը
✔️ սովորել խնդիր լուծել, ոչ թե գուշակել
✔️ զարգացնել ուշադրություն և համբերություն

📚 Խմբակում Aghues-ը օգտագործվում է որպես
ալգորիթմիկ մտածողության ամուր հիմք,
որից հետո երեխան ավելի հեշտ է սովորում՝
Scratch, ծրագրավորում, ռոբոտաշինություն և ինժեներական առարկաներ։

Ստեղծում ենք Pac-Man խաղը Aguhes-ով։💻

Հայրենասիրությունը, քաջությունը և պատասխանատվությունը
հերոսների ամենակարևոր արժեհամակարգերն են։
Կրիաները՝ Լեոն, Միկին, Թոնին և Ռաֆը, խաղաղ զբոսնում էին,
երբ հանկարծ չարագործ ռոբոտները ներխուժեցին Հայաստան ու
գողացան երկրի խորհրդանիշը՝ եռագույնը։ Մեծ աղետ սկսվեց.
հողի վրա ճաքեր առաջացան, օդը լցվեց խավարով,և խուճապը
տարածվեց մարդկանց շրջանում։ Կրիաները, տեսնելով այս ամենը,
հասկացան, որ այլևս ժամանակ չկա.
նրանք պետք է շտապեն հետ բերել Հայաստանի դրոշը։ Միայն
նրանց համարձակությունն ու թիմային ոգին կարող են
վերականգնել արդարությունը։ Կկարողանա՞ն նրանք դիմակայել
վտանգներին ու վերադարձնել Հայաստանի դրոշը։
Մարտահրավերը սկսվում է՝ փորձության ենթարկելով
կրիաների ողջ ուժն ու նվիրվածությունը։

https://scratch.mit.edu/projects/1146840072

Մեր Ninja Armats խաղը անցել էր մարզային փուլ, որը այսօր տեղի ունեցավ Մարտունի քաղաքում։ Անկախ արդյունքներից՝ այս ընթացքում յուրաքանչյուր սան ունեցավ իր ձեռքբերումները։ Շնորհավորում եմ թիմին՝ Ատոմին, Արսենին, Սաշային, Միշային և Գագիկին։ Ամեն մեկը իր կարողությամբ նպաստեց աշխատանքի իրականացմանը։ Խաղը չհաղթահարեց այս փուլը՝ ամբողջական չլինելու պատճառով, բայց հուսով եմ, որ թիմը կզարգացնի իր կարողություններն ու գիտելիքները՝ հաջորդ մարտահրավերին պատրաստ լինելու համար։

Տեղադրվեց ևս մեկ դպրոցական զանգի ավտոմատացման համակարգ Ստեփանավանի դպրոցներից մեկում, որը ստեղծել է մեր սան՝ Ատոմ Հակոբյանը։ Շարունակում ենք կիրառել մեր գիտելիքները իրական խնդիրների լուծման վրա։