Գավառի պետական բժշկական քոլեջի կարիերայի կենտրոն

👩‍🔬 Գավառի պետական բժշկական քոլեջի «Բուժական կոսմետոլոգիա» մասնագիտության ուսանողների պրակտիկան EMS Aesthetic Medical Center-ում դարձավ մասնագիտական աճի կարևոր փուլ՝ ապահովելով տեսական գիտելիքների արդյունավետ կիրառումը, 💆‍♀️գործնական հմտությունների կատարելագործումը և իրական աշխատանքային միջավայրում փորձի կուտակումը։ 💅

#Գավառիպետականբժշկականքոլեջ
#Կոսմետոլոգիա
#Պրակտիկա

‼️ Գավառի պետական բժշկական քոլեջի «Հիմնական հանրակրթական» խմբերի ուսանողները հանձնեցին պետական ավարտական քննություն «Մաթեմաթիկա» առարկայից:

#Գավառիպետականբժշկականքոլեջ
#Պետականավարտականքննություն

‼️Գավառի պետական բժշկական քոլեջի տնօրենությունը սրտանց շնորհվորում է
առողջապահության ոլորտի բոլոր նվիրյալներին՝ բժիշկներին, բուժքույրերին, շտապօգնության աշխատակիցներին, ինչպես նաև մեր քոլեջի ուսանողներին` որպես ապագա բուժաշխատող, և ոլորտի յուրաքանչյուր մասնագետի Բուժաշխատողի օրվա առթիվ:
🧑‍⚕️👩‍⚕️Հարգելի՛ բուժաշխատողնե՛ր, Ձեր մասնագիտությունը կոչում է, նվիրում, որը պահանջում է գիտելիք, անսահման համբերություն և մարդասիրություն։
Ամեն օր դուք կանգնում եք կյանքի ու առողջության պահապանի պատասխանատու դիրքում՝ լինելով հույսի աղբյուր, ուժի օրինակ և վստահության խորհրդանիշ մարդկանց համար։
💙Ձեր ձեռքերում հաճախ ոչ միայն բուժումն է, այլև մարդկային հավատը, որ ամենադժվար պահերն էլ հաղթահարելի են։ Ձեր հոգատար խոսքը, մասնագիտական աջակցությունն ու անձնվեր աշխատանքը փրկում են կյանքեր, թեթևացնում ցավը և վերադարձնում ժպիտներ։
💫Թող ձեր կատարած բարի գործերը միշտ գնահատվեն, ձեր ճանապարհը լուսավորվի մարդկային երախտագիտությամբ, իսկ կյանքը լցվի առողջությամբ, խաղաղությամբ և նոր հաջողություններով։
🫂 Շնորհակալություն ձեր անմնացորդ նվիրումի, մասնագիտական բարձր պատասխանատվության և մարդկային ջերմության համար։

#Գավառիպետականբժշկականքոլեջ
#Բուժաշխատողիօր

💚Գավառի պետական բժշկական քոլեջի դասախոսներն ու ուսանողները ճանաչողական այց կատարեցին Լոռու մարզ՝ Հայաստանի պատմամշակութային հարուստ ժառանգության կարևորագույն կենտրոններից մեկը։
⛰️Լոռվա կանաչապատ լեռների ու կիրճերի միջով անցնող ճանապարհորդության ընթացքում մասնակիցներն այցելեցին Ախթալայի, Սանահինի և Հաղպատի վանական համալիրներ՝ դարերի խորքից եկող հոգևոր ու մշակութային արժեքների կենդանի վկաներ։ Հնագույն վանքերի քարերը կարծես պատմում էին մեր ժողովրդի անցած ուղու, ստեղծագործ մտքի և անսասան հավատքի մասին։
Այս այցը դարձավ ոչ միայն պատմական ու մշակութային բացահայտումների հնարավորություն, այլև գեղեցիկ առիթ՝ զգալու հայրենիքի շունչը, վերարժևորելու ազգային ժառանգությունը և կիսելու անմոռանալի տպավորություններ։
✨ Յուրաքանչյուր նման ճանապարհորդություն նոր գիտելիք է, նոր բացահայտում և հայրենիքի ճանաչման ևս մեկ կարևոր քայլ։

#ԳՊԲՔ

‼️Հարգելի' ուսանողներ.
ՀՀ ԿԳՄՍՆ «Գավառի պետական բժշկական քոլեջ» ՊՈԱԿ-ը հայտնում է, որ ս.թ հունիսի 17-ից մինչև օգոստոսի 31-ը ներառյալ ընդունվում են ուսման վարձի փոխհատուցման/ լրիվ կամ մասնակի (զեղչ) վերաբերյալ դիմումները: Դիմումին կցվում են նաև ներքոհիշյալ սոցիալական կարգավիճակը հավաստող փաստաթղթերը (առկայության դեպքում):

📌Գավառի պետական բժշկական քոլեջի որակի ապահովման պատասխանատուի և իրավախորհրդատուի նախաձեռնությամբ տեղի ունեցավ իրազեկման հանդիպում՝ «ՈՒսանողների ներքին կարգապահական կանոնները» և «ՈՒսանողների դիմումների, բողոքների և առաջարկությունների ընդունման և քննարկման» կարգի պահանջները ուսանողներին ներկայացնելու նպատակով:
👥Հանդիպումը նպատակ ուներ ապահովել ուսանողների տեղեկացվածությունը ուսումնական հաստատության գործունեությունը կանոնակարգող փաստաթղթերի, ուսանողների իրավունքների ու պարտականությունների, ինչպես նաև ուսումնական գործընթացի կազմակերպման ընթացքում կիրառվող ընթացակարգերի վերաբերյալ:
Հանդիպումների ընթացքում մանրամասն անդրադարձ կատարվեց քոլեջի ներքին կարգապահական կանոնների պահպանման կարևորությանը, ակադեմիական և բարեվարք վարքագծի պահանջներին, ինչպես նաև կարգապահական պատասխանատվության կիրառման հիմքերին:
💙💙ՈՒսանողներն իրազեկվեցին նաև բողոքների ու առաջարկությունների ներկայացման կարգի վերաբերյալ, որի նպատակն էր տեղեկացնել նրանց, թե ինչ եղանակով և ինչպես կարող են դիմել տնօրինությանը՝ իրենց իրավունքերին վերաբերվող հարցերի, խնդիրների, առաջարկությունների կամ դժգոհությունների դեպքում: Իրազեկման ընթացքում ընդգծվեց, որ յուրաքանչյուր ուսանող ունի իր կարծիքն ազատ արտահայտելու և ուսումնական գործընթացի բարելավմանն ուղղված առաջարկներ ներկայացնելու իրավունք:
✅Հանդիպումն անցկացվեց հարցուպատասխանի ձևաչափով, որի ընթացքում ուսանողները հնարավորություն ունեցան ստանալ իրենց հետաքրքրող հարցերի պատասխանները:

#գավառիպետականբժշկականքոլեջ

♻️Գավառի պետական բժշկական քոլեջի «Դեղագործություն» մասնագիտության խմբի ուսանողները պրակտիկայի շրջանակներում կատարեցին բույսերի հավաք, տեսակավորում, չորացում և փաթեթավորում։🌿

‼️ Գավառի պետական բժշկական քոլեջի «Հիմնական հանրակրթական» խմբերի ուսանողներն այսօր հանձնեցին պետական ավարտական քննություն «Հայոց պատմություն» առարկայից:

🇦🇲🇷🇺Գավառի պետական բժշկական քոլեջում կազմակերպվեց մշակութային միջոցառում՝ նվիրված «Ռուսական և հայկական մշակույթներ»-ին։ Միջոցառումն անցկացվեց ռուսերեն լեզվով՝ նպաստելով ուսանողների լեզվական կարողությունների զարգացմանը և մշակութային արժեքների ճանաչմանը։
🎼Ուսանողները ներկայացրեցին երկու ժողովուրդների պատմությունը, ավանդույթները, ազգային տոները, երաժշտությունն ու գրականությունը՝ ընդգծելով հայ և ռուս ժողովուրդների միջև ձևավորված բարեկամական և մշակութային կապերը։ Միջոցառումն անցավ ջերմ և ստեղծագործական մթնոլորտում՝ հարստացնելով մասնակիցների գիտելիքներն ու մշակութային աշխարհայացքը։